Ka Nupepa Kuokoa, Volume LXV, Number 28, 15 July 1926 — E Holo Mai Ana o Chas. Arnold he Moho Meia Hoike Akea Oia i Kona Manao e Alualu i Kela Kulana ma Keia Kau Iho E WAIHO ANA OIA I KE KULANA SENATOA Manaoia o Chas. Rose pu Kekahi e Waiho ana i Kona Kulana Senatoa [ARTICLE]

E Holo Mai Ana o Chas. Arnold he Moho Meia

Hoike Akea Oia i Kona Manao e Alualu i Kela Kulana ma Keia Kau Iho

E WAIHO ANA OIA I KE KULANA SENATOA

Manaoia o Chas. Rose pu Kekahi e Waiho ana i Kona Kulana Senatoa

O na houpuupu ana o na la lehulehu ae nei i hala, no ka holo aku 0 &enatoa Charles N. Arnold he moho no ke kulana meia, no ke kulanakauhalo a Kalana o Honolulu nei, ma ka aoao Bepubalika ua hoea mai ia i ka houiaio ia ana, ma o ka hoike okoa ana ae o Senatoa Arnold ma ka Poakahi iho nei, he moho oia e alualu ana i kela kulana, a mamua nae o kona waiho ana aku i kona palapala noi holo moho, e waiho pu aku ana oia, i kana palapala haalelo oihana me ke kiaaina o ke teritore. | O ka luna oihana o ke aupuni, e waiho aku ai i ka palapala haalele oihana, aole i hoakaka maopopo mai ke kanawai kumu o Hawaii nei, aka no ka hoopiha ana nae i na wahi i hakahaka, no' na hoa o ka aba senate malaila wale no ka ke kanawai i hoakaka ai, o ia hoi e hoopihaia na haknhaka apau no na kau i koe i pau ole o kekahi senatoa, mamuli paha o kona make ana waiho maoli mai paha i ka oihana, a ma kekahi mau ano okoa ae paha, ma kekahi koho baloka laula, a kuikawa paha e kaheaia ana e ke kiaaina. j O Senatoa Cliarles H. Bose kekahi i manaoia e waiho aku ana oia 1 kona kulana senatoa, no kona makemako e holo moho no ko kulana makai nui ma kahi o ka Makai Nui Trask, e paa nei i kela kulana i keia manawa. Ina nei no ka holo moho o keia mau senatoa elua, no na kūlana oihana pakahi a laua e makeake nei, no ke aupuni kulmanakauliale, alaila e ili aku ana i hana ma ka ioao o ke kiaaina, ke kuahaua ana ae, no ke kohoia aku, i mau panihakahaka ma ko laua mau wahi. He ekolu a ko Oahu He ekolu mau senatoa a ko Oahu nei poe, e koho ai i keia kau, ina nae no ka waiho o keia mau senatoa elua i ko laua mau kulana, alaila 0 konoia mai ana na makaainana koho baloka o Honolulu nei, e hoopiha i ke kau i pau ole o kela mau senatoa, pela hoi ke koho pu ana 1 na senatoa ekolu, no elua kau.