Ka Nupepa Kuokoa, Volume LXV, Number 33, 19 August 1926 — MAKEMAKE E HUIKALAIA MAI E KE KIAAINA [ARTICLE]

MAKEMAKE E HUIKALAIA MAI E KE KIAAINA

Ma ka Poaono aku la i hala, i waihoia ae ai imua o ke kiaaina he palapala noi, no ka huikala ana mai ia David C. Buick, he paahao • noho hana mai nei i kona hoopa'i mai ka Iwakalua a i ke kanakolu maloko o ka halepaahao, no ka hewa pepehikanaka. I kulike ai me ke kumu hoopii, e ku-e ana ia David C. Buick, oia ka mea nana i powa a i ki i ka pu, i kekahi Kepani kiakaa otomobile, o W. S. Ita ka inoa, ma ka po o ka la 2 » Dekemaba, 1917. He eono mahina mahope mai, o ka hanaia ana o ko karaima, ua make aku la kela Kepani, ma ka la 30 o Mei, 1918. No kela hihia nae, i paio ai ka lawehala i kqna pono imua o na aha hōokolokolo no na makahiki elua me kona hoole loa ana no kona pili i ka hewa i hoopiiia ae ai oia. Aole no he hoike, i ike pono i ke kiia ana o ke Kepani i ka pu, a loaa ka eha iaia, ke kumu o kona make ana mahope mai, aka he mau kohokoho wale no, a ma kela mau ike kohokoho, i ahewaia ai o Buick, a kauia mai ka hoopa'i maluna ona, elike ae la me ia maluna, no ka noho ana maloko o ka halepaahao. Iwaena o ka poe i kakauinoa i ka palapala noi, no ka huikala ana mai o ke kiaaina i ka paahao, o na kiure kekahi eiwa, mailoko mai o na kiure he na lakou i ahewa iaia, he mau makahiki lehulehu ae nei i hala.