Ka Oiaio, Volume VII, Number 20, 19 July 1895 — Page 2

Ka Oiaio.

 

NUPEPA KA OIAIO.

 

J. E. BUSH. Lunahooponopono.

 

O KA PONO KA AIALII E OLA AI KA AINA.

 

POALIMA, IULAI 19, 1895.

 

 EIA no ka Moiwahine Liliuokalani, iloko o Kona papu i hoopaa ia ai, malalo o ka mana o keia aupuni e ku nei, a i ko makou maalo ana ae mawaho o kona papu i hoopaaia ai, ua kiei mai la kona poo iwaho, me na manao e au ana paha iloko opa, no ke aloha i kona mau makaainaea hoomanawanui.  He mea walania no ka naau ka ike ana aku i ka makuahine o ka lahui, e puili ana kona mau lima.  Ae, walania ko makou naau i ke aloha nona, aole hoi o makou wale, aka, o ka lehulehu no a pau.  Aloha no.

 

 Ua kakau inoa ia ka palapala kuikahi hoaie ma Pekina e haawi ana na Rusia e hoaie mai ia Kina, i 300.300.000 uku no na koi a Iapana.

 

 HE mea maopopo loa eia na mana aupuni ikaika o Europa ke hoolala nei i ka lakou konane ana i kapono o ka honua a me ka noho ana o na lahui ma na mahele aina o Europa, Asia, a me Aferika.

 

 KE hoolala nei ka aoao Demokarata o Amerika Huipuia e hooholo hou ia o Peresidena Clevelana no ke kau ekolu ma ke kulana poo o ke aupuni Amerika.  Ke lokahi na Katolika, mamuli o ke kauoha a ke kanaka o ka Hewa, e noho la ma Roma, e ko ana no keia manao, oiai ua ku ke kiu ma o Satoli, a ua kuene pono iho la ka mano o ka Pope ma Amerika.

 

 EIA no ka Ahaolelo o ke aupuni Repubalika ke noke mai nei i ka paeli i na kanawai no ka pono o ko lakou aupuni e ku nei.  Ua kakauinoa ia kekahi mau bila kanawai e ka Peresidena o ka Repubalika, a ua panee aku la no hoi kekahi a mahope.

 

 UA hoopauia kekahi poe o Dublin, Irelana, no ke puhiia ana o kekahi wahine, e lakou malalo o ka manao kuhihewa hupo, he wahine kino makani oia.  O ke kane ponoi ka mea nana i puhi i ua wahine la, me ka nana a kokua aku o ka makuahonowai wahine, a me ka ohana o ke kane.  He haa wina keia iloko o kekahi o na kanaka hupo i hoomalamalama ole ia iloko o, kela a me keia lahui, aole wale e like me ka oleloia aia wale no me na lahui pegana.

 

 UA lohe mai la makou, ua hiki mai nei kekahi koi poho a kekahi o na kupa Enelani ma ka aoao o ke aupuni o Beritania Nui ia Hawaii nei.  He pilikia nui keia no ke aupuni repubalika, oiai, ina ua hiki io mai la ke koi poho, ua hiki mai la i ka wa nele o ka waihona, e like me ka olelo a ke Kuhina Waiwai, he $37.000 ka oi o na hoolilo o ke aupuni e noho nei mamua o kona mau loaa, o kela a me keia mahina mai mua mai, a eia ke pii mau nei ka aie lahui.  Moe lealea olo ke poo o ka mea i papahiia i ka lei alii.

 

 UA hooholo ka Papa Hooponopono o ke Kula Nui o Oahu, aole i hewa he kumu Nui Hosmer.

 

 E LILO ana ka home o Keelikolani i hale Kula Kiekie ma keia hope aku, malalo o Kumukula Scott, o ke kula alanui Papu.

 

 UA holo loa ka bila kanawai Aina o ke kakau inoa wale no koe o ka Peresidena Dole.  Ua hoomoeia kekahi mau bila a na ke kau mua o ka Ahaololo e noonoo.

 

 O NA moku hookalakupua o Kahoolawe a me Lanai na eneu nana e hoalaala mau nei i na hihio o ka po, o ka poe manao puiwaiwa wale.  He kuhihewa paha la he pinao nui, i ka maalo lihi ana ae mamua o ke alo.  Kupanaha no hoi!

 

 E LIKE me ka olelo a ka Baibala, ma Daniela 11:40 45, e pili ana i ka 'lii o ka akau, Tureke mai Europa aku, a e maheleia kona aina mawaena o Bulsgaria a me Helene.  O ka hope e hoi aku no oia ma Ierusalema, ke kulanakauhale ona e ku la, kahi i ku ai o ka mauna nani hoano, mawaena o na kai, a aole he mea nana oia e kokua aku ana.  Kehele aku la e ko keia wanana.

 

 HE hookahi mahina i koe hoomaka hou ka hana ana o ke alanui hao a ka hui alahao o Oahu.  Ua manaoia e hiki loa ana ke alanui i Waialua a i ka la mua o Iauuri e halulu aku ai ke kaa mua me na ohua.  Ua hiki keia hana mamuli o ka hooikaika a Mr. Dillingham a me na kokua ana o ka ohana o Kakela.  Mr. Hatch, a i keia wa, mamuli o ka kokua dala ana a Kale Kuke.  He mau hana imi hoo waiwai keia, aka, he hana maikai a na keiki misionari e hoolilo nei i ke dala i loaa mai ka lepo ae o Hawaii, e loaa ai he wahi pono i na kamaaina kupa 3@ ka aina.

 

 MA ka nupepa Chronicle (moolelo o ke aupuni) i ike iho ai makou i na pepehi kanaka, he lehulehu wale na Amerika Huipuia, a i waena o na poe i pepehiia, he poe wahine ka hapanui o ka poe i pepehiia, e na kane mare, a me na kane noho kapae.

 He mea maopopo e lilo ia aku ana no o Amerika i mano ka hewa ma keia hope aku e like me ke kuhikuni a ka Buke Nui, oiai hoi ke ikeia aku nei na hana oia ano i keia mau la hope e ke ao nei a oiai, aia ilaila ke kahua paa o ke keiki o ka hewa i hookahuaia ai i keia mau la hope.

 

 Ua lele kawa mai nei na Keiki Hawaii o ka Bana Lahui, iloko o kekahi muliwai, ma ke komohana hema o Kapalakiko, nona ke kiekie o ke kawa, ke@ 150 kapuai, oia hoi o Palikapu, a me John Inea, e--a, o Hawaii no ka oi.

 

 E hala loa aku ana no@ Europa ka Bana Lahui Hawaii, oiai, ua loaa mai ke kauoha i ka luna nui oia o Mr. Woodford, mai Enelani mai, a me Farani, e--a, puakauahi i na keiki Hawaii, malalo o ke alakai ana a Libonio.

 

 E MALAMA I KE ALOHA NO KA AINA HANAU.

 

 E na hoa makaainana aloha na hoa uhai alolo o na la o ka inea e ike ia nei e kakou a pau, e paa a paa i ke aloha no ko kakou aina makuahine, ka lahui a me ke kulana aupuni alii oiaio, ou e Hawaii ponoi mai lele ka moko aku oukou, a o kakou no hoi a pau iloko o ka lokowai eleele ma kela aoao o ka poepoe honua, oiai he ino aku ia, a e hookuu aku no i ka poe oia auna@ e lele mai komo aku, mai launa mai hoopa, a mai ae ike e lawelawe pu ma na ano a pau.

 Oiai hoi o ka hana pono a kakou e hana ai oia keia, e noho me ka maluhia, e malama pono i na kanawai o ka aina, a e pelu iho i na kuli i ka honua, a hoomaikai i ke Akua, a ma ona la e e lei ai kakou a pau i ka lei o ka lanakila a nana no e kukulu i ke aupuni kumu ou e Hawaii; e like hoi meia mamua o ka la 16 o Ianuari.

 A e kapae aku hoi i na olelo e paia l@wa ia nei ma na pipa ala nui e papuhea ana, mai ka Akau a ka Hema, mai ka Hikina a ke Komohana, oiai he mau olelo ano ole ia a ku ole hoi i ka naauao, a me ka oiaio, he mau olelo hoi e hapai ana i na manao hoouluku me ka waiwai ole.

 Nolaila, e na kini makamaka o ke one oiwi, na hoa makaainana no a pau, e noho me ka hamau, me ka naau hoomanawanui i piha ilo@ hoi i ke aloha, a i kukonukonu hoi iloko o ko kakou mau puuwai pakahi a pau, a oia wale no ka kakou hana pono e hana ai aole hoi o ka puni wale aku i na olelo pahele, a ka moo delagona nui ulaula, oiai hoi he make aku ia.

 Nolaila, ke hoike aku nei makou ia oukou a pau loa, malaio o keia kalaimanao ana, e lawe a malama i ola ai kakou a pau, ola no hoi ka aina, oiai hoi he waha olelo hoi makou no oukou a pau loa mai ke kiekie a ka haahaa, mai ka mea waiwai a ka mea ilihune.

 Ua ku hoi makou mahope o ka lahui ka noho alii a hiki i keia la, me ka hiki ole hoi ke kuai ia ko makou mau pono, no na waiwai pau wale o keia ao.  A ua pahola mau aku la hoi makou i ka makou ao ana i ke akea, mai ko makou ku ana a hiki i keia la, aole hoi makou i hopohopo i ke ao ana aku i ka mea e noho ana ma ka noho alii, (oiai hoi ka wa e ku ana ke aupuni alii) na luna hooko, a me na lima lawelawe e ae o ke aupuni, iloko oia auna hookahi a kue ia mai la ka makou ao ana aku, e ka poai e alakai hewa ana i ka Mana Hooko.

 Aka, aole loa makou i kaohi iho i ko makou manao aloha no ko kakou aina makuahine, ka lahui a me ke aupuni alii o Hawaii ua hoomau no makou a hiki i keia la, me na leo ao i ku i ke kaulike a me ka pono.

 Oiai hoi, aole loa makou i makemake iki e kokua aku i ka hewa, a ahewa aku hoi i ka pono, aka, aia makou mawaena o na aoao elua e paio ai, a e pale ai hoi.

 Nolaila, e ka lahui, a no ka wa e hoolohe ai oukou i ko makou leo, e pahola aku nei i ke akea aole nae ma ke ano hooulu ae i ka haunaele, ke kipi ana a me na hana like ole oia ano, aka, iloko o ke aheahe malie, a me ka maluhia, a pela e loaa ai ia kakou ke ola.

 Oia pu no me kakou a hiki, i ka hopena, e ola o Hawaii i ke Akua, a ili a kau a mau loa aku no.

 

 KANIKELA FARANI HOU.

 

 Ma keia Australia i hiki mai ai o Mon A. Vizzavon, i pani ma kahi o ke Kanikela Farani i make iho nei.  Ua kamaaina keia Kanikela i na ea hu'ihu'i o Honolulu nei, oiai hoi oia e noho lawelawe ana ma ia oihana i na makahiki i kala, a hiki i kona kauoha ia ana mai e kona aupuni e hoi aku, no ka lawe ana i kekahi oihana ma kekahi wahi okoa aku, ana hoi i makemake ole ai.  Ua noho hana ole oia mai kona hoi ana aku mai anei aku, a hiki i kona hoouna ia ana mai nei e lawe hou i kana oihana maanei, a loaa aku la ia ia ka lono, ua make o Verleye.  Ua manaoia e hoouna ia o Verleye i Siam e noho Kanikela ai malaila.

 

RUSIA ME IAPANA.

 

Me ke kahua hookahe koko.

 

Na pualikoa a me na aumoku kana ma Vladivostock

 

 Tacoma, June 30. - Ma ka mokuahi Nolewai mai nona ka inao Oscar i hoea mai ai oia ia anei i keia kakahiaka nui, iloko o 18 la holo mai Veadivostock, Siberia mai, i lawe mai ai oia kekahi nuhou aiwaiwa o ka ike hou ia ana o kekahi hooili kana hahana lion@ ana, a na manaoia o keia ana paha ke kana puni ana o ke ao nei.

 Ua hoike ae la o Kapena Anderson o na mokuahi la, ua hoouna ae la o Rusia i kona ikaika kana ma Veadivostock o 80,000 kanaka, a na manaoia ia ia e komo aku ai iloko o Siberia me kona makaukau nui, e nee koke aku ana oia i mua o Iapana.

 Ua olelo hou ae la o Kapena Anderson o ke Kuhina Nui o Rusia, na kauoha aku la oia i na pualikoa, e hele me ka mana i loaa ia lakou, a e kue aku hoi i na hana pono ole a Iapana, a e lawe ae hoi i na wahi a pau a Iapana i lawe ai mai Kina mai, oia hoi na aina a me na kauhale.

 A o keia moku iloko me ka ikaika kaua, no ka nee aua aku imua a hiki i Veadivostock, a e hoike ae la hoi oukou i ko oukou puui kana a me ke koa.

 O ke awa o Veadivostock, ua hoopihaia me na tobito, a aole no hoi e ae ia kekahi moku e kaalo ae ma ia wahi, a i ole haalele iho paha i ua awa ala, ke ole e loaa ka apono ana, mai ke keena kana aku o ka pa kaua, e noho ia ana e na 'lii koa kiekie o Rusia, a i apono ia hoi e na pailaka o Rusia, no ka uku ana aku i na lilo a pau, a aole hoi he mea i ike i kekahi kii palapala aina, o kahi i waiho ai na tobito.

 Ua K@ulike keia rula, maluna o na moku e komo mai ana, a i ole e puka aku ana paha i waho o ua awa ala.  Maloko o keia awa, oia kekahi keehina i loaa ia Rusia ma ka moana Pakipika o ku iho ai kona mau wawae, me ka ikaika o kona aumoku kaua, a me na pualikoa a ua makaukau pu no hoi na pualikoa e kau aku maluna o na mokuahi lawe koa, a holo aku la no ka hikina i na wa a pau e makemakeia ai.

 Ma ka aina he 80,000 ka ikaika kaua i ike ia, a oia ikaika ka Rusia i manao ai, ua hiki ia ia ke hoopau ae i ka hewa o Iapana i hana ai, a e hoopau loa ia mau ino a pau, a aole no hoi he poino e loaa aku ana ia ia.

 O ka lawe ana ae o keia moku i kela puu nui a lu ae la i Vaedivostock, oia kekahi hana hookala kupua a Rusia i hana ai, he hana hoi i hana ole ia mamua aku nei, a akahi wale no a ike ia i keia au.  A heaha la ka Rusia e hana aku ai, oiai aole loa e hiki ke paniia ka ipuka nona, a o kana mau hana a pau a hana ai, e holomua ana noia, oiai hoi eia oia ke hoomoe nei me ka puahi nui i ke alahao, e hoomoe ana mai ka hema aku o Veadivostock a hiki i ke Kai Melemele, a e ku ana hoi oia ilaila me ka makaukau piha, a e wehe ana hoi i awa hoolulu moku nona malaila me ka aa ana e komo iloko o na poino he nui.

 E paa ana hoi oia ina moku aina me kona mana piha, no ke ku ana iho malaila, a ua manao oia aole loa e hiki i kekahi mana e ae e aa e kaili hou aku i ua wahi ala, ke ole e hoohana ia ka mana o na mea kaua o na aupuni hui.

 Mamua ae o ka haalele ana aku o ke Kapena Anderson i ke aupuni, kahi ana i hele mai ai na manao oia e loaa ana ia ia he naha@ ma Veadivostock, aka aole nae pela, a oia ke kumu o kaon kipa loa ana mai ia anei, i keia ahiahi a hoike mai ai i keia mau mea ho ano nui, a wahi ana i pane ma @ai, ua manao au, e pau ana ke kuleana o na mea a pau e noh@ kuleana ai maluna o keia honua, me he mea la e hooko ia ana na mea i wanana mua ia ai.

 O ka moku Oscar II, ua lawe aku la oia i kona piha ukana i Vladivostock, a o ka hapanui oia ukana, oia no na puna hauliuli, e hana ai i na alanui hao.

 Ua hoike hou ae la o Anderson ina e holo pono ana @ka hana ia ana o kela alanui hao, e hooneeia ala imua alaila, he mea maopopo e haawi koke aku ana ke Czar o Rusia i ke kauoha e hana koke ia na wahi a pau me ka hikiwawe, me ke kaulua ole.

 Oiai hoi o kela laina alahao e moe ala he pokole loa ka luhi me ka nui ole o ka hana, a o ke aupuni o Rusia, ua loaa ia ia he keehina paa ma ke komohana Vladivostock, e kokoke ana i Mauchuria, a me Corea, a oia ka wa e wehe koke ia i awa kumoku maikai loa, ma ke Kai Melemele Ua hoike hou ae la o Kapena Anderson o ka manawa i hana ia ai o keia alahao, he ekolu makahiki noia, a ke paa ua alahao ala, alaila ua loaa ka ipuka no Rusia e hele ai, a hehi aku hoi iluna o ka moana Pakipaka, a hala loa aku no ka hikina.

 He elua mahele ano nui o keia alahao, i hana ia me ka maikai loa, oia hoi o ka mahele e holo ala a hiki i Vladivostock, a me ke ala e moe pololei ala i kahi e hiki aku ai Iapana.

 Ma ko'u manao ponoi iho, ua manao au, ma Hakodaie iloko o Iapana, kahi nui loa o ka nanahu ua hiki hoi ke hoopihaia na aumoku kaua me ka hikiwawe loa, a ua oi aku la hoi kona mahele waiwai, ina e maheleia iwaena o kona lahui i oi aku hoi mamua o ko Kina kela aupuni Emepera, i manaoia ai hoi he ikaika oia.

 A ke manao nei no hoi na Iapana, ua hiki loa, ia lakou ke pulumi aku i ke ao holookoa i keia wa ano.

 I keia wa, e o Rusia ke ku makaukau nei, a ua oi aku la kona ikaika mamua o ka hapalua o kekahi aina, a ua hiki no hoi ia ia ke kaili koke ae ia Corea, a wehe hoi i kahua hoolulu nona malaila.

 Ina aole e hoouna ae ana ke ao holookoa i mau moku kaua i Asia, alaila, oia ka mea e loaa ole ai he mau poino ia lahui, a me ke aupuni.

 Aia hoi o Iapana ke ku nei i na wa a pau me ka makaukau piha, me ka mana o na mea kaua e hoonee ana ia ia imua ma na wahi a pau o ka moana.

 Ma Hakodate, kahi i ku ai ko Iapana Hale Dute, a me kekahi mau papa oihana e ae, a ke olelo nei au, o na moku kaua e ku kiai ana ilaila, ua hiki loa ia lakou ke kue aku i na mea a pau e hoao mai ana.

 He mea maopopo loa, ina wa a pau a Iapana e hana ai, e lilo ana ia ia ka lanakila, a oiai hoi, he ekolu no wahi ano nui o ke ao nei i keia wa, oia o Parisa, London a me Hakodate.

 Nupepa Elele o Berelina i ka hoike pili hoaloha a ke alii Bismarek, au e hoike ala, ua hoomaopopoia na kumu a pau e kaohi mai ai i ka hehi ana aku o Rusia, a me Iapana iloko o na hakoko ana ma ke kahua kaua.

 A ua waiho pu mai la ao hoi oia i ke kuikahi, ma ke alanui pololoi, mawaena o Beritania Nui a me ke aupuni Iapana a wahi ana, ke hookoia keia alaila, ua pakele o Europa, Asia, a me Aferika, a ua pau pu hoi ko Kelemania manao noia mea.

 St. Peteroboro June. 30- - Ua hoolilo iho la na elele o ke keena oihana o na Pake, malalo o na rula ku i ka naauao no ke kue ana aku i na lono e loheia nei e pili ana ia Kina, e like me ka Rusia e koi nei e hoohiki aku no kona pono.  O keia kue ana, ua loaa no ke kumu kupono e hiki ai ke aponoia, a oia hoi, aole loa e apono ia iki ia ka Rusia mau kumu e koi nei, e like me ia e ike ia nei i keia wa.

 O ka moku kaua ikaika kaua moana lawe hae Nicolas, ua kapiliia noia iloko ponoi o Rusia, a oia kekahi o na moku i like loa kona ano me ka moku kaua Vitoria, a ua oleloia hoi, oia ke kiko waena o ka moana, a he wahi loli uuku loa ka Nicolas ia Vitoria.  O keia moku aole oia e holo me ka paa aka, me ka malie wale no oia e holo ai, a o kona kia aole ia he kia paa, aka, he ami wale no, he hakahaka nae oloko e hiki ai i ke kanaka ke komo iloko.

 O kona nui he 8,440 tona, he 32 7 iniha iloko o ka wai he 67 kapuai ka hohonu he 25 5 iniha ka laula a nona hoi ka manoanoa o ke kila mai ka 6 a hiki i ka 14 iniha a o ka lahla, he 9 kapuai, a ua uhi paaia kona oneki i ke kila wale no, nona ka manoanoa o 3 iniha.

 E lawe ana hoi oia he elua pu nunui o 12 iniha ke anawaena no mua a me hope a ma na aoao 4 pu o 9 iniha ke anawaena 8 pu o 6 iniha ke ana waena a 4 pu o 3 5 iniha ke anawaena, a he lehulehu wale hoi o na pu Hotchkiss o ka ikaika o kona enegiui he 8,000 lio a o kona holo 16 mile i ka hora.

 O ka Adimarala Nakhimoff ke ka nei ma ke kulaua makaukau, me kona mana piha e noho mana ana hoi iloko o ka pa kaua, a ua helu ia hoi kona aumoku kaua ma ka papa elua, a ua oi aku la kona ikaika imua o ko Amerika pa kaua ma Nu Ioka.

 Iloko o 1885 i kapili ia ai kekahi moku hao kila paa loa, nona ka lilo he $2,860,000 a na kapili o waho o ke kila me ke keleawe.

 O kona loa 330 kapuai he 61 kapuai kona hohonu a 7,782 tona kona nui, a oka@ ikaika e kona enegini, ua like ia me 8,000 lio.  A o kona holo he 17 1/2 mile i ka hora, a ua hiki ia ia ke holo ma na wahi kai papau a pau, me kona hamo pu ia me kekahi pena eleele, a he elua ona kia, a o kona uahi he keokeoia, a o ka nui o kona mau kanaka he 600 ia.

 

  NU HOU KULOKO

 

 E nana i na hoolaha a na halekuai ma ko makou mau kolamu.

 Ua hala aku ka Hope Ilamuku Brown no Hawaii.

 Eia i ke taona nei o William Wond, mai Waialua mai.

 E kuai kudala ia ana na buke kanawai, a Lunakanawai McCully.

 E kukulu ia aku ana i nale hoomana hou ma ke kihi o alanui Alakea ae nei.

 Mai poina i ke komo wale ana ae ma ka hale kuai o Barnes, ma ala moi, e nana ai i kana mau mea nani he nui wale.

 Ua holo hewa aeia na hoki o ke kaa Hapaumi e holo nei no Punahou aole nae he ohua i poino koe wale no he wahi eha uuku i loaa i na wawae hope o na hoki.

 Ua hiki hou mai he kapena hou no ka moku kaua Bennington a i keia ia e hoi aku ai ma ka moku ahi o Pekina kona kapena nona no Kapalakiko.

 Ua loaa mai nei i ka ohana o A. P. Peterson i make he kea hoohanohano mai ke aupuni mai o lapana hiki mai nei ua make ka mea nana ia hanohano.

 Ohuohu pono na mokuahi holo oili aina ma keia huakai aku nei a lakou me na malihini mai o na aina e na haumana hoi o na kula i hoomaha iho nei.

 Ua hookohu ia aku o W. O. Crowell i kumukula ho Hilea, Kau Hawaii, a o D. K. Kanewanui i kumuku a no Olowalu Maui.  He mau@ naumana laua a elua no ke kula Kamehameha, i hookuu ia mai hoi i aela makahiki aku nei i hala.

 Ma na nupepa Kaleponui hiki mai nei, i ike ia iho ai kekahi mau olelo, no ka mare o ka Moiwahine Liliuokalani, me kekahi ahi o Iapana.  He alii makaanana nui ka keia, a ua manao ia, i na e mare ana ka Moiwahine i ua alii la o Iapana e lilo ana keia aupani repubalika i mea ole.  Nui no hoi na hakuepa a ka poe hoopunipuni, a ake hoinoino.

 

 He 85 ohua kapena a ke Kinau i hii aku nei no Hawaii.

 

 He eha poe Pukiki i hepu ia i neliinei no ko lakou hoeha ana i kekahi Pake mauka o Manoa.

 

 Ua palukulukuia kekahi Pake e kekahi mau keiki Pukiki, a maholehole kona kino.

 

 He 223 Pake a he 90 Iapana i hiki mai ma ka Pekina mai Asia mai.

 

 Ma ka Australia ka Luna Kula Nui, A. Atkinson e holo ai no Kapalakiko, e hoolana mai ai.

 

 No ka hoeha ana o Sam Kapiko ia Mele ua hoopaa ia aku oia no ka halewai.

 

 Ua huli hoi aku o Balauwina no Maui i ka la onehinei no ka la mare o kana Kaikamahine.

 

 E kukulu ia aku ana i hale hana hau hou e pili pu ana i ka hale hana uwila no ke kumu i lo 20,000.

 

 Ma keia huakai aku a ka Ausetaralia, e lawe ia aku ai ka lio heihei Lolokulani, no Kapalakiko.

 

 Ua hiki hou mai o Harry Jueu@, kekahi o na mea i kipaku ia i na aina e no ka huna i na hana kipi.

 

 Ehuli hoi aua o mr. Keanu o Wailuku mahope o ka noho ana ma Honolulu nei hookahi mahina.

 

 He kukala o na mea liihilo mr. Rooney ke malama ia ana ma ka hale kukala o Levi.

 

 Ua hana ano e aela kekahi bipi bulu ma ka uwapo o Kinau inehinei, a na puhee liilii ae la na kanaka e akoakoa ana malaila.

 

 He hoemi nui ko kani o Sach's ma na lole, na lihilihi, a me na muumuu keokeo, he 30 keneta wale no, i kahikoia me na lihilihi.

 

 Ua hoi ae ke keiki a Alekanedaro, i kumu ao oia kekahi mahele o ke ana, ma ke Kula Kiekie o Berkeley, Kaleponi.

 

 He Eono wale no manawa ikoe e paani ai ka poe kinipopo a o ka pau no ia o ka hooili kaua hope loa i loko o Augate 24.

 

 Ua hopu ia ae kekahi haole hooao e powa i ko hai ola, a@ aia i Kalakaua hela kahi i paa ai o ka hopena ia o ka lima koko aloha u o.

 

 E ku mai ana mai Petalana mai ka mokuahi Asloun ma ka la 8 o Aukake ae nei a e holo Iou aku ana hoi no Yokohama O.T.H. Davis Co. na agena o keia mokuahi hou.

 

 Ua hoomaha o Kitanea hou i keia mau la, ana pau aela kona mau kia i ka wehewehe ia a ua kohu kumu laau i pa ia e ka makani kona ku olehe lohe.

 

 E ku e mai ana o Malulani mamua o kona manawa ku mau no ke ake e kau aku na eke kopaa no ka mokuahi Ausetaralia e haalele mai ana i a nei i ka Poaono ae nei.

 

 Ke poloai aku nei o Colburn a me Long, he hui hoaie dala.  malama a hooponopono aina a me waiwai ka laua; a o ka poe e makemake e hele koke aku i o laua.

 

 He lono kai loaa mai ia makou mai na kuaaina mai o Maui o ka hana a na Makai o Wailuku o ka aolo-ke i kai o Maalaea a hiki loa i Honuaula.

 

 Nui na lono lauhea e lohe ia ne aka no ka loaa ole o ke kumu e hi ki ai ke hooiaia ia, ua kanalua makou i ka hoohauhili wale ana aku i ka manao o ka poe heluhelu.

 

 Ua makaukau o H. H. Williams, Kihi o Alanui Beritania a me Papu e hoolawa i na anoai o ka poe ma@ kemake i na lako noho, pahu, pakaukau, moe, pela, a pela aku i ka lehulehu, o na ano hou loa, no ke kumukuai emi loa.

 

 Ua kuhihewa ia o Lena, ka mea holo baeikala@, kaaheie hauua@ iaia ma Arabia, e kekahi oia lahui, he diabelo, a i mea e pau ai kona kuhihewa, ki aku ia oia i ka pu, i ke ku ana o Ben@ a make iho la, ia wa pau kona kuhihewa.

 

 Ma ke ponei, ua mare ia o Elisabeth Hugo ia J. F. Hagens, e ka Bihopa Willis o ka hoomana Enelani ma ka Luakini oia hoomana, hora 7:30,  ua malama ia ka hookipa ana ma kahi o mrs. mana ma Pauoa, a he aha hula, ua huli hoi aku ka pa a mare noka home o ke kane ma Kalihi.