Ka Oiaio, Volume I, Number 28, 10 February 1896 — Page 4

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

No Keaha i Hanaia ai?

MALOKO O KEKAHI MAU HALEKUAI, aole hoi he haawiia i na kanaka maoli na hookipa ana e like me na hoa kuai haole.  He mea hewa loa keia.  Ua hooikaika hoi makou e hookipa i na hoa kuai Hawaii ma na ano a pau e like me ia i hoohana ia i na haole.  Oia ka mea pono.  Ua like no ka maikai o kau dala.  Ua kuluma keia manao iwaena o na kanaka maoli, aole hoi he loaa ia lakou na mea kuai e like me ia i na haole.  Malia paha he oiaio io no keia.  Ua hapakue no ka noonoo o kekahi poe kalepa hana ai pela.  Aole o makou manao, a aole loa no hoi mamua, he mea pomaikai ka hahai ana i na hana oia ano.

 

UA KAENA IHO MAKOU I KE ANO O KA MAKOU MAU MEA  KUAI.

O keia hoi kekahi o na mea koikoi loa e pili ana i ka oihana kalepa laau lapaau.  E hoopaakiki ana nae makou e loaa na mea maikai wale no i na manawa a pau, a he hope mai na mea e ae.

 

O KA UKU ANA I KE KUMUKUAI

            I kakau ia ma ka omole a opo paha he mea ma u ia no na makahiki i hala a hiki wale i ko makou komoana mai i ke kahua kalepa.  O ko makou makemake e lilo i oihana kalepa nui ka makou.  Ua hiki wale noia makou ke hooko i keia, aole me ke ahi alanui e ae mawaho o ke kuai emi ana mamua o na hale kuai e ae.  O keia ka makou e hana nei.  Oia ka makou mau kumukuai e kuai nei e kamoe ana mai ka 10 pa haneri a ka 30 pa haneri ka emi iho malalo o na halekuai e ae.  E haawi ana makou i na hoakuai dala kuike o 10 pa haneri o ka lakou mau kuai ana i hiki i ke 50 keneta a pii aku.  He hoomakaulii nui keia.  Aole makou i manao ua ike ka nui kanaka Hawaii i keia hooemi a makou, oiai aole makou i ike akea aku i keia mea ma mua ina ka olelo Hawaii.

 

KA HAAWINA LAAU LAPAAU,

E ma`i ana i kekahi manawa?  A e heleana hoi i ke Kauka.  E haawi mai ana ke Kauka i kekahi palapala o ke ano o na laau.  E lawe mai i ua palapala la na makou e hoopiha aku.  E pomaikai ana oe a e kuhikuhi aku ana makou ia oe i ke kumu.  Ma na kulaua kauhale e ae he hana maa mau ka haawi ana i ke kauka i kekahi uku komisina.  He mea oiaio o oe ana ka mea nana e uku keia uku kaulele.  Aole o makou ae e uku i kekahi kauka i keia uku kaulike.  E kaki ana makou i ka uku kupono e hoohana ana i na laau lapaau maikai loa, i hoomakaukau ia e ka poe akamai loa i ka haua ana i na laau lapaau.  He mea o`e ke kauka a oukou i hele aie e lawe mai i ka palapala o ka laau ia makou a na makou e hana aku.  I na e hoopaakiki mai ana e hele oe i kekahi halekuai laau e ae e hilinai iho o keia kekahi o na kauka uku pahaneri a e uku kaulele hou iho ana oe he 50 keneta a pela aku.

 

Hui Kuai Laau Lapaau o

HOBRON COMPANY.

KA HUI HANA LAAU HOOIMI KUMUKUAI.

dec 6 tfd.

 

Laau Bama Kunu A LOGAN

No na Ma`i Kunu, O na Ma`i Hano a Ma`i Punia, etc., etc., etc.,

He laau hopo ole keia no na keiki opio a me na kanaka makua.  I hoomakaukau waleia no e

BENSON, SMITH & CO.

jun. 10 tfd.

 

HUI KUAI LAKO NOHO HALE O KE KULANAKAUHALE

Tel. 846 Kena     Tel 849 Halo Noho

H.H. Williams, Luna Hooponopono.

 

KIHI O ALANUI BERITANIA A MA PAPU

            E hookomo mau mai ana mai na aina e mai a e hana maoi ana na lako hale o na ano a pau a me ka hana ana i na noho nolunolu

            E kuai ana i na Piano a me na Pela o na ano a pau

            E kipa mai ka poe a pau e makemake ana i na lako lumi hookipa ame na lako lumi moe

            Na noho maoli a me uoho paipai

                 Na noha koki

                      Na pakaukau nunui a me

                           Na pakaukau liilii

                                Na ainiani kilohi maka

                                     Na kii na laau kau puka

                                          Na uhi ipuka

                                                                 Na paku nahenahe

                                                                      Na uhipakaukau

Na lako hale ohe a me ie a me

            Na lako hale laau oka emi loa

                        Na noho laau a me le nona hale halawai a me na hale na ahahui

            Pela me ua uluna a me pela noe maoli

            He hoolimalima ia ne ka piano ma ka manawa pela no hoi na noho

 

NA LAKO HOOLEWA O NA ANO A PAU

            Na holowaa kino make nani me ke aniani

            Na pahu no na kino ialoa ia

            Ua makaukau o Uilama e ialoa i na kino a e hoomoe hau paha i ike ai na makamaka kahi mamao a ua makaukau oia e hooponopono i na mea a pau pili ana i na hoolewa ana a me ka man@a ana i ke kin okupa pau.

            Kepoloai ia aku nei ka lehulehu a me na makamaka o na Kua na e kipaa e kauoha mai ia

makou.

July 16, 1895.           jul 17

 

Ke Ala io Karisto la.

HAKUIA E MRS. E.G. WHITE.

(Hoomauia.)

            Ina i pakui ia kakou iloko o Karisto, ina ua hui pu ia kakou a pili loa i ke kumu waina, e hoike kakou ia mea ma ka hoohua nui mai i na huihui waina momona.

            Ina i hui ia kakou me ka malamalama, e lilo ana kakou i mau kukui liilii, a ma ka kakou mau olelo a me na hana e hoolele aku ai kakou ia malamalama no ke ao nei.  O ka malamalama mai ka maka mai o Iesu Karisto oia ka mea i anapu ia e kona mau haumana, i mea e nani ai ke Akua.

            Ma ka nana ana ua hoololi ia kakou; a e like me ko kakou noonoo nui ana ma ke ano kina ole mai ke Akua mai, pela e makemake ai kakou e hoomalule loa ia, a like loa me kona ano maemae.  Aia ma ka manaoio i ke Keiki a ke Akua e loaa ai keia ano hou, a lilo ke keiki o ka inaina i keiki na ke Akua.  Ua haalele aku oia i ka make a ua komo aku i ke ola; ua lilo aku oia mamuli o ka uhane, a ua ike oia i na mea o ka uhane.

            O kela olelo nane maikai a Karisto e pili ana i ka hipa hookahi i nalowale, a ke kahuhipa i haalele ai ina hipa he kanaiwakumamaiwa, e hele e imi i ka mea i nalowale, ua hoike mai i ka hana a Karisto, ua hoike mai i ke ano o ka lawehala, a o ka olioli ia o na ao a pau i ke ola o ka uhane.  Aole i helu kapulu ke kahuhipa i na hipa, a olelo “he kanaiwakumamaiwa i ke ia`u, a he nui ka luhi ke huli aku i ka mea auwana; nana no e hoi mai, a e wehe au i ka puka o ka pa hipa i komo mai oia; aole no hoi e hiki ia`u ke kii aku iaia.”  Aole pela; aia a auwana ka hipa kaumaha a pihoihoi koke ka naau o ke kahuhipa.  Helu a helu hou oia i ka pua hipa; a maopopo ka nalowale ana o kekahi hipa, aole ona hiamoe.  Haalele oia i ke kanaiwakumamaiwa ma ka pa hipa, a ina no he poeleele a he nui ka makani a me ka ua, ina no he nui ka ino o ka hele ana, ina he loihi a he luhi i ka huli ana, aole ona luhi, aole he kulanalana, a loaa ka mea i nalowale.  A loaa, kau ae la oia i ka hipa luhi a paupauaho maluna o kona poohiwi, a me ka olioli no ka pomaikai no kona imi ana, hoihoi aku la oia i ka mea auwana i ka pa hipa.  Mele ae la oia no ka nui o kona olioli, a kahea aku la i kona mau hoa e noho pu ana, a olelo aku la oia e hauoli pu mai oukou me au, no ka mea, ua loaa ia`u kuu hipa i nalowale. (Luka 15:6.)  Pela no ina no i loaa kekahi mea auwana e ke kahuhipa nui o na hipa mele mai la na aha mele o ka lani, e pana mai ana i ka mele olioli o ke kahuhipa.

            A loaa ka mea nalowale hui pu ae la ko ka lani a me ka honua ma ka hoomaikai a me ka olioli ana.  “Ua oi aku ka olioli ma ka lani no ke kanaka hewa e mihi ana, mamua o na kanaka maikai he kanaiwakumamaiwa aole pono ia lakou ke mihi.”  Luk 15:7

 

            He hookahi paa mare i malama ia ma ka Luakini o Kawaiahao ma ka po Poaono nei.