Ka Oiaio, Volume I, Number 79, 21 April 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I.

HONOLULU , APERILA 21 1896.

HELU. 79

 

OIA IO PUKA LA

NA

Keehina io Karisto La.

 

HAK@@ E MRS. E. G. WHITE.

 

KA POMAIKAI O KA PULE.

 

(Hoomau ia).

 

            O ka mea pule ole mahope no e pau kona pule ana, a i ole ia e lilo no kaua mau pule ana ma ke ano kuawili wale no.  Ina e hookaawale kanaka ia lakou iho mai ka launa ana me kanaka, a kaawale mai na hana Karistiano a me ka hapai ana i ke kea; aia a pau ko lakou hooikaika ana no ka Haku, ka mea i hooikaika nui no lakou, alaila ua pau ke kumu a pule ai, aole he makemake e pule.  Alaila e lilo ka lakou mau noi ana i mau pule pili kino a alunu.  Aole e hiki ke pule no ka hoomahuahua ana i ke aupuni o Karisto, a me ka ikaika o ka hana.

           

            He mea e poho ai kakou ke haalele i ka halawai pule kahi hooikaika ai kekahi i kekahi ma ka hana a ke Akua.  E emi mai ka maopopo a me ka waiwai o ka ke Akua olelo i ko kakou noonoo ana.  I ko kakou halawai pu ana me he mau Karistiano la e emi mai ka waiwai o ka halawai ke aloha ole kekahi i kekahi.  O ka mea noonoo nona wale iho uo, aole i hoopiha pono oia i ka hana a ke Akua i manao ai nona.  O ka launa oluolu ana me ko kakou mau loa ka mea ia e mahuahua ai ke aloha o kekahi i kekahi, a he mea hoi e hoomohala ai i ko kakou ikaika ma ka hana a ke Akua.

 

            Ina e halawai pu na Karistiano, a kamailio pu no ke aloha o ke Akua a me na mea makamae e pili ana i ke ola, e hooluolu ia ko lakou mau naau, a e hooluolu kekahi i kekahi.  E hiki no ia kakou e hoomahuahua i ko kakou ike ana i ka Makua Lani i kela a me keia la, me ka loaa hou o kona aloha @ e makemake no kakou e kauailio no kona aloha; a i ko kakou kamailio ana e hoopumehanaia a e hooikaikaia ko kakou mau naau.  Ina i oi aku ko kakou noonoo ana a kamailio ana no Iesu, a emi mai no kakou iho, a e mahuahua auanei kona noho pu ana me kakou.

 

            Ina hoi e hoomanao mau kakou i ke Akua oiai ua ike kakou i kona malama pono ana ia kakou e noonoo mau kakou nona, a e hauoli kakou a e kamilio noua a e hoonani aku hoi ia ia.  Ke kamailio nei kakou no na mea o keia ao no ka mea he kuleana kakou ma ia mau mea.  Ke kamailio nei kakou me ko kakou mau loa’loha no ko kakou aloha ia lakou; a ua pili pu ko kakou olioii a me ko kakou kaumaha me lakou.  He oi loa nae ko kakou pono e aloha aku i ke Akua mamua o ko kakou mau makamaka, a he mea ku i ka pono e noonoo mua nona, a e kamailio no kona maikai a me kona mana.  Aole he pono ia kakou e hoopapau loa ma na mea waiwai ana i haawi mai ai ia kakou, a hoopoina i ke aloha a me ka lokomaikai hoi i ke Akua; he pono ia kakou e lilo i mau mea e hoomanao mau ai kakou nona, a nakinaki pu aku ia kakou i ka mea nana i hoopomaikai mai me na kaula o ke aloha.  Ke noho nei kakou a kokoke i na aina haahaa o keia ao.  E alawa ae ko kakou mau maka i ka ipuka o ka luakini iluna, kahi e alohilohi nei ka nani o ka malamalama o ke Akua ma ka maka o Karisto, ka mea “E hiki mau ai ia ia ke hoola i ka poe i hele mai i ke Akua ma @ la.”  Heb. 7:25

 

            He pono ia kakou e hoomahuahua i lo kakou hoonani ana i ke Akua.  “No kona lokomaikai, a no hana mau @ kupanaha i na keiki a kanaka.”  Halelu 107:8.  Aole ma ke noi ana a me ka loaa wale ana mai no e pono ai ka kakou mau halawai ana.  Mai noonoo mau ma ko kakou mau pilikia, aole hoi e hoopoina i na pomaikai i loaa mai.  Aole i oi aku ko kakou pule ana mamua o ka pono, aka aole i lawa ko kakou hoomaikai @.  He mau ko kakou loaa ana i na pomaikai mai ke Aku mai, oiai he uuku ko kakou aloha ana ia ia, a me ko kakou hoonani ana ia ia no kana mau mea i @ mai ai no kakou.

 

            I ka wa kahiko ua kauoha ka Haku i ka Iseraela, “A malaila e ai ai oukou imua o Iehova ko oukou Akua; a e olioli oukou ma na mea a pau a ko oukou lima i lawe ai, o oukou a me ko oukou poe ohapa, no ka mea, ua hoopomaikai o Iehova kou Akua ia oe.”  Ka@wailua 12:7.  He pono ke hanaia ka mea i hanaia no ka nani o ke Akua me ka olioli, me na mele e hoonani ana a e hoomaikai ana, aole me ke kaumaha a me ka pouli o ka naau.

 

            He Makua aloha a menemene ko kakou Akua.  Aole pono ke manaoia he hana hookaumaha naau, a he hana ehaeha ke hookauwa nona.  He pono ia kakou ke hauoli i ka hoomana aku ia ia a kokua ma kona hana.  Aole makemake o ke Akua i hana mau keiki, no lakou ka hoola nui i hoomakaukau ia ai, e hana me he mea la he haku hana oolea, a hookaumahi oia.  Oia ko lakou makamaka oi loa o ka maikai; a i ko lakou hoomana ana ia ia, ua manao oia e hui pu me lakou, e kokua a e hoopomaikai ia lakou, e hoopiha ana i ko lakou mau naau me ka olioli a me ke aloha.  Ke makemake nei ka Hahu e oluolu ma kana hana, a i oi aku ka hauoli mamua o ka pilikia ma kana hana.  Ke hoi nei oia e hoi aku kakou mai ka hoomana ana ia ia me na manao aloha no kona malama ana a me kona aloha, i hoohauoli kakou ma na hana a pau o keia ola’na i hiki ia kakou ke hana me ka oiaio a me ka malama pono ma na mea a pau.

 

            He pono ia kakou e akoakoa a hoopuni i ke kea.  He pono ia kakou e noonoo a e kamailio nui ma o Karisto la, ka mea i kaulia me ke kea, a me ko kakou olioli nui.  He pono ke noonoo mau kakou no kela a me keia pomaikai i loaa mai ke Akua mai; a i ko kakou hoomanao ana i kona aloha nui he pono ia kakou e waiho aku i na mea a pau iloko o ka lima i kakiaia i ke kea no kakou.  Aole @ pau.