Ka Oiaio, Volume I, Number 79, 21 April 1896 — Page 2

KA OIAIO PUKA LA.

 

HOOLAHA AINA AUPUNI.

-----

          MA KEIA, ke hoolaha ia aku nei, o na aina a pau i hoakaka ia ma ka Papa Kuhikuhi malalo iho, e wehe ia aku ana no ka poe makemake e noho ma na aina malalo o na hoakaka ana o Mahele VI o ke Kanawai Aina, 1895, no na Hoolimalima Home Liilii, mai a mahope aku o Mei 3, 1896.

PAPA KUHIKUHI.

          He 10 apana ma ka Ili o Pouhala, Waikele, Apana o Ewa, Oahu, nona ka ilihonua mai ka 1 3/4 a 3 1/2 e ka pakahi, a e hui puia ana me kela a me keia apana aina kula kekahi apana aina-wai (aina loi kalo), o aneane 1/4 eka.

          Aia hoi keia mau apana aina e pili la me ka alanui kaamahu o ka Hui Kaamahu ame Aina o Oahu, a he kokoke wale no i ke alaloa Aupuni.

          O na palapala nonoi a pau no keia mau apana aina e noi ponoi ia mai no ia e ka mea makemake, ma ke Keena Oihana o ka Hope-Agena, ma ka Hale Hookolokolo, Honolulu, kahi hoi o na palapala kii aina e ikea ai a me kahi e loaa ai na olelo hoakaka hou aku.

          E hamama ana ke Keena no ka lawe ana aku i na palapala nonoi ma ka hora 9 kakahiaka o ka Poakahi Mei 3.

J. F. BROWN, Agena Aina Aupuni. tf

 

JOHN E. BUSH, Luna Hooponopono a me Puuku

 

HONOLULU. : : APERILA 21, 1896.

 

HE KANAWAI HOOMALU LAPULE.

-----

          O na knawai a pau i hana ia, a e hana ia ana, i pili i ka la a ke kanaka e hoomana ai, ke kanawai kue ia i ke Kumukanawai, a he kanawai no hoi e haawi ana he mana i kekahi poe e hookaumaha aku ai i kekahi poe haipule i like ole na la e hoomana ai.

 

-----

KANAWAI HOOPAA HELU KANAKA.

-----

          Ua kakau inoa ia keia kanawai a na mana i keia la. O kona ano mau oia hoi, e kauoha ana i na kane a pau e hoike aku ia lakou imua o na luna helu o na auhau, a nana e hoopaa ka manawa, ko lakou inoa, na makahiki, kahi noho kona lahui, aina hanau, kona ano kino, kana hana, a pela kau. He kanawai maikai keia, a ka poe hana pono e hopohopo ole ai.

 

-----

KA BILA AIE.

-----

          Ke holo keia bila e komo hou aku ana ka lahui iloko o ka aie. I keia wa nui o ka waiwai o ka poe waiwai o ka aina, he mea haohao no, ke ala ana mai o ka manao hoaie hou aku i keia wa. Hookahi wale no kumu i ike ia ke kupono o ka hoaie ana, he nele, he lawa ole, he pilikia. O na pilikia, a oia kekahi o na kumu i olelo ia, he mau kumu e hoaie ai he hoemi ana mai i ka ukupanee, he hoolawa ana mai i ka waihona aupuni e hiki ai ke loaa na dala no na hana a ke aupuni. O keia mau kumu, he maikai no, i na e hooliloia ana ke dala no na mea i manaoia, aka, he kanalua loa makou. Oiai ua nui no na wahi e lawa ai na dala o ke aupuni no kona mau lilo mau, i na e hookoia ka ohi ia ana o ka auhau mai na hui kalepa a me na mahiko, a mai ka poe i waiwai a e ohi nei i ka lakou dala a lawe i ka aina e aku. Aka, he okoa ka pono maoli a he okoa ka mea e ike'a nei e hoohanaia ana iwaena o na lahui kanaka e ka poe i loaa ia lakou ka mana i keia manawa.

 

-----

KELA A ME KEIA.

-----

          Ua make o Peter Joaguin o Lahaina.

          Ma ka Miowera o Kahunapule V. H. Kiteat, o ka hoomana Enelani, e holo ai.

          Ua hoopii ia o J. D. Hayne he $100 no ke pai ana i na olelo kupono ole ma kana buke.

          Mai poina e na hoa'loha i ke kipa ana ae ma ka halekuai o N. S. Sach.

          Mai poina i na kuai hoemi ma kahi o B. F. Ehlers (Bainaba).

          He 25 ia o ke dala no na lole-pio kalakoa ma kahi o L. B. Kerr.

          Ua hoemiia na lole merino a me halua ma kahi o B. F. Ehlers (Bainaba).

          He mau mea hou kai wehe ia ae ma ka Halekuia o W. W. Dimond.

          I ka la apopo ka wa e ku mai ai o ka mokumahu Lebanona, mai Porland mai.

          Ke hiu hou ia nei ka moku Waimanalo i poho ai i ka po o nehinei.

          Ke pii nei ka loaa o ka poe waiwai, ke emi nei nae ka auhau aupuni.

          Ke kuee nei ka laina mokumahu holopiliaina o Kona i kahi moku uuku e holo la ma Kohala no Kona.

          O kahi emi o na laau a me na wai-ala i keia wa oia no kahi o ka Hui Hobron kihi alanu Moi a me Papu.

          Na Hanale Waterhouse i haawi aku ka hale a me ka luakini Methodist no na hoahanau oia Ekalesia e ku la ma Alanui Miller a me Beritania.

          Ua lawe ia na bona o na haole kuleana o ka Hui Kalepa a me mahiko o ke Kula-o-ka-Maomao. Na Col. G. Makapolena i kuai aku i ka Poai hoopukapuka dala ma Ladana. Ua lilo pu aku me ko ka mahiko Waimanalo. He makepono na dala hoaie i loaa mai.

 

INA OUKOU E MAKEMAKE

E KUAI I KEKAHI ONA LOLE

KEOKEO NO NA LA

EASTER

B. F. EHLERS.

Oiai ua hoomau ia ke kumukuai o keia HALEKUAI.

 

Na Lole : :

: : Kohukohu!

Oia hoi ka mea a na lede a pau e ake ana e loaa a he meahiki wale no ke hookoia.

E HELE MAI OUKOU ILOKO O KOU HALEKUAI A E HANA AKU AU I KA MEA KUPONO I KO OUKOU MAKEMAKE.

Ua loaa mai nei a'u kekahi ano piha o na

LOLE AAHU HOU LOA.

Crepon, (he like me kanikau)

Na Lole Farani,

Na Lole Ulana Waihooluu Like Ole

Na Lole Awiliwili Lopi Silika me Huluhulu.

 

Na Lole Alabatosa,

Na Lole Casamia a me Huluhulu

Na Lole Hulu Kao Lama

Na Makalena

 

Na Lole Diminite

Na Lole Pongi,

Na Lole Satina

 

Na Peersucker

Na Rliss,

Na Lole Anuunuu Crepe

 

          Na Keokeo Manoanoa o na ano a pau, etc., etc.,

          Aia no hoi ma ko'u Halekuai ka LOLE FIBFRELABRICA.

          He mea i oi a kupih ka ma kako OLE NAAUHULU,

          Aole no oe i kahikoa ke ole iika hoi loaa ia oe kekahi o kuu PALEKOKI KOHU MAMALU.

          A e halo iho hoi i ke Kaliki (Deilby) ano hou, kupono i kau e iini nui nei.

          Aia hoi ko'u halekuai na Lole Moepoli i ka hikonoeau ia, a kupono o ka hana a na iho m Adamu.

          Na Pale ili o na kane i kupono hoi i ko Eva makemake, i huki ai ka Ulua i Malamanui. Uwese oe.

          Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima, na hainaka, a pela aku.

          E hauoli loa au e hoomaikaikai aku i keia mau mea nani i na Lede o Honolulu.

J. J. Egan.

Alanui Papu Mei 21, 1895. meilt12