Ka Wai Ola - Office of Hawaiian Affairs, Volume 35, Number 2, 1 February 2018 — No Jerry Konanui, ua Hala [ARTICLE+ILLUSTRATION]

No Jerry Konanui, ua Hala

Na Kainani Kahaunaele Ke māewa aku nei nā lehua o 'Ūpēloa I ka ua kinakinai; ua pio, ua nalo aku nei Ua ho'i aku nei i ke ala ho'i 'ole mai 'O Jere, ka 'ōpū ali'i o 'Opihikao Ka mea nāna i waele Ka mea nāna i kanu Ka mea nāna i mahi Ka mea nāna i ho'opulapula Ka mea nāna i ho'oulu mai a nui Aloha nō kahi ulu pala'ai a kāua, e ke hoa Me ka 'awa hiwa o ka 'apu ho'okahi Ke waiho kūmākena nei mākou Me ka lu'ulu'u i 'Oki'okiaho 'O Konanui 'oe i ka lau nui me ka lau iki Mai ke kumu a ka welelau i Pāhoa 'O ka piko, 'o ka hā o Hāloa 'oe 'O ka 'ō'ō o ka 'āina aloha No Puna paia 'ala i ka hala Me Kaimū i ke one hāuliuli Me Kalapana i ka niu moe Auē ku'u hoa, ua hala