Ka Wai Ola - Office of Hawaiian Affairs, Volume 37, Number 2, 1 February 2020 — Ka Helu Kanaka 2020: No Ke Aha e Ko'iko'i ai Ka Hana 'Ana [ARTICLE+ILLUSTRATION]

Ka Helu Kanaka 2020: No Ke Aha e Ko'iko'i ai Ka Hana 'Ana

Na John Aeto / Unihi 'ia e kō OHA Paia Kāne ka heluna kānaka o ka "Po'e M ^ Hawai'i a me nā lāhui 'ē a'e I ■ o ka Pākīpika" ka pū'ulu M wikiwiki loa o ka ulu 'ana, a ua helu 'ia he 1.2 miliona kānaka ma 'Amelika Hui Pū 'Ia ma ka Helu Kanaka 2010. 'O ia kekahi o nā lauana e nānā 'ia ana ma hope o ka Helu Kanaka 2020 e ho'omaka ana i kēia makahiki. 'O ka Po'e Hawai'i ka heluna kānaka nui loa o nā lāhui Pākīpika e noho ana ma 'Amelika Hui Pū 'Ia. 'Oiai e ha'alele nui ana nā Hawai'i i ka pae'āina no nā hana a me nā hale emi, e hō'ike 'ia paha kekahi hō'ailona nui e ka Helu Kanaka 2020. Ke kuhi 'ia nei e hō'ike ana ka Helu Kanaka 2020 i ka noho 'ana o ka hapa nui o nā kānaka Hawai'i ma ka 'āina haole. 'Oiai he mea hou ia i ka Hawai'i, 'a'ole 'o lākou ka po'e Polenesia mua i ne'e aku mai ko lākou kulāiwi. Ua kokoke nō e pā hā ka heluna kānaka Kāmoa e noho nei ma 'Amelika Hui Pū 'Ia ma mua o ka heluna e noho nei ma Kāmoa 'Amelika. Ua ho'omaka ka pukane'e 'ana maiā Hawai'i, ka Pae'āina Mariana, a me Kāmoa 'Amelika ma ka ho'omaka 'ana o ke kenekulia iwakālua, a ua ho'onui 'ia ma hope o ke Kaua Honua II. 'O ka pipi'i o ka nohona a me ka pi'i 'ana o ke kai a me ka wela kekahi mau kumu o ka ne'e 'ana. E hō'ike ana nō ka Helu Kanaka 2020 i ka 'ikepili ko'iko'i o ka māhuahua'ana o ka "Po'e Hawai'i a me nā lāhui ka Pākīpika" ma 'Amelika Hui Pū 'Ia a i hiki ke ho'ohana 'ia i ua 'ikepili e pono ai ka heluna kānaka holo'oko'a ma kekahi mau 'ano nui like 'ole. "He mana kō ka po'e Pākīpika e ho'okino mai i ko kākou pahuhopu no kēia mua aku a e kōkua i ke aukahi," wahi a ka 'ālihikūlele NFL 'o Marcus Mariota. "Ma ke 'ano he po'e o ka Pākīpika, 'o ia kō kākou pono, 'o ka helu 'ia ma ka Helu Kanaka 2020." E palapala ana ka Helu Kanaka 2020 i ka ne'e 'ana o ka po'e Pākīpika a e ho'oholo ana ho'i i ka ho'olilo kālā ākea he mau biliona ma nā makahiki he 'umi e hiki mai ana. He kōkua ka hualoa'a Heluna Kanaka i nā

kaiāulu āu e noho nei. Ho'ohana 'ia ke kālā ākea e kāko'o i nā kula a me ke a'o 'ana, a me nā hale ma'i iki a me nā hale ma'i nui. Ho'ohana pū 'ia no ka ho'opāhono i nū alanui a me nā ala loa, a no ka 'oihana kīnai ahi a me ka po 'e kōkua i ka pilikia kūhewa. He kōkua pū kēia kālā i nā 'ahahui i kāko'o 'ia e ke aupuni a me nā polokamu e kāko'o pono nei i nā kaiāulu o ka "Po'e Hawai'i a me nā lāhui Pākīpika 'ē a'e". E hā'awi 'ia paha ke kālā i nā hui 'auhau 'ole e kāko'o ai i nā nele o ka "Po'e Hawai'i

a me nā Lāhui Pākīpika 'ē a'e" a e kōkua pū i ke ola kino, ka mauli ola, ka mālama keiki, a me ka papahana 'imi noi'i.

'A'ole ana e loa'a kēia mau pōmaika'i i ke kaiaulu inā 'a'ole helu 'ia ka heluna kānaka a hō'ike 'ia ka pono o ia kālā. 'O ia ke kumu i ko'iko'i ai ka hana 'ana o ka po'e a pau i ka Helu Kanaka. E ma'akala i kāu leka e noi nei iā 'oe e komo pū ma ka Helu Kanaka 2020 aia ana ma ka pahu leka ma mua o ka lā 1 o 'Apelila. 2020census.gov ■ l

Shape our future START HERE >

NFL Quaiterback Marcus Mariota is among the celebrities with Pacific lsland roots encouraging Native Hawaiians and Pacific lslanders to be counted in the 2020 Census. - Photo: Courtesy īhe Kālaimoku Group