Ka Wai Ola - Office of Hawaiian Affairs, Volume 37, Number 2, 1 February 2020 — Hele He Mau Tausani i Hawai'i Rising [ARTICLE+ILLUSTRATION]

Hele He Mau Tausani i Hawai'i Rising

Ku'i at the Capitol: Haumana pound kalo at the Hawai'i Rising event. - Photo: Kanai'a Nakamura, Courtesy Kanaeokana

Na Kainoa Kaumeheiwa-Rego

Unuhi 'ia e kō OHA Paia Kāne Ma ka lā 15 o Ianuali, ua noho kō ka Moku'āina o Hawai'i 'Aha 'Ōlelo i ka 'aha mua o 2020. 'Oiai ua nui ka 'eu'eu ma ka 'Aha Lunamaka'āinana, aiaka 'eu'eu nui makahi o ke Capitol Rotunda i ka 'ākoakoa 'ana o ka po'e Hawai'i tausani a me nā Aloha 'Āina i lohe 'ia ka 'ualo o kō lākou mau leo. Ua 'ākoakoa kekahi hui o nā kānaka Hawai'i a me nā hui kaiāulu mai 'ō a 'ō o ka pae'āina e ho'olālā iā Hawai'i Rising, he hanana e hō'ike ana i ka mana'o aloha 'āina mai kō mākou mau kaiāulu i ke Kapikala. Ua alu like ka hui i mea e 'ākoakoa ai nā kānaka kaulana a hō'ihi 'ia, nāloea a me nā kumu i mea e ho'opaipai ai ka lehulehu e komo ma nā hana 'Aha'ōlelo. "I kō mākou mana'o 'o ke aloha 'āina he pilina hemo 'ole ia i ka mauli ola o kō mākou 'āina, i nā kai, a me nā lani. He onipa'a ia i ka mauli ola o ka lāhui a he ho'okūpa'a i ka mālama 'ana a me ke kāko'o 'ana i kō mākou mau 'ike a hana ku'una e hana 'ia ai i ka poli o kō mākou 'āina nei," wahi a Malia Nobrega-01ivera o Kanaeokana, ka nae Kula Hawai'i. Ma ka rotunda i 'ākoakoa koke ai ka lehulehu ma kahi o ke kahua e ho'olohe i nā ha'i'ōlelo a Kaho'okahi Kanuha a me

Kealoha Pisciotta e pili ana iā Maunakea. Ua noho lākou e ho'olohe i nā 'ōlelo a'o o Nā Wai 'Ehā a me nā kūpuna e ha'i'ōlelo ana, a e komo i ka 'Aha ma ka ho'omaka 'ana, ma waena a ma hope ho 'i o ka hanana. Ua komo he mau haneli hou i nā papa a ke Kula Nui 'o Pu'uhuluhulu, 'o ia nō 'o "Organizing to Build People Power" na Aikea, "Protecting Salt Ponds on Kaua'i" me Malia Nobrega a me Ku'ulei Santos, a me "Kū Ali'i: Patterns of Hawaiian Leadership" i hō'ike 'ia e Kēhaunani Abad. "He 'i'ini ho'okahi kō nā kānaka he mau tausani i hele mai i kēia lā e ho'ohuli i ke ao politika i ao hou i kūpa'a i ke Aloha 'Āina," i ha'i mai ai 'o Kaniela Ing no Hawai'i Community Bail Fund. "'lke mākou i nā hana e hana ai no ka ho'okō 'ia 'ana o kēia. Ho'omaka kēia me ke komo 'ana o mākou ma ka 'Aha'ōlelo nei, ka ho'opuka 'ana i nā pila, ka ha'i 'ana i ka 'ōlelo hō'ike a me ka hālāwai 'ana me nā lunamaka'āinana i kēia kau. A e koho pāloka pū ana mākou a e paipai ana i kō mākou 'ohana a me nā hoa e koho pāloka. 'O ka Lā 7 o Mei ka lā ho'omalolo o Ka 'Aha Kau Kanawai o Hawai'i. Links: https://hawaiirising.org/about http://kanaeokana.net/ ■