Ahailono o ka Lahui, Volume I, Number 14, 25 January 1890 — Page 1
THE NATIONAL HERALD
Ka Ahailono a ka Lahui
Vol. I. Honolulu, January 25, 1890. No. 14.
THE NATIONAL HERALD.
Is printed and Published for the Proprietors every afternoon (Sundays, excepted), by the
Elele Publishing Co.
Office No. 63 King St., Honolulu, H.I.
SUBSCRIPTIONS TO
The National Herald: 25cts. A month.
All advertisements must be handed in by 12 M if inserted the same day.
By order of the proprietors of
THE NATIONAL HERALD.
-------------------
Kela a me Keia.
E hoomau ia aku ana ka hoomoe ana i ke alahao a hiki i Honouliuli.
Ua holo aku ka moku pea S.N. kakela no Kapalakiko i ka hora 9 nei.
Ua noho ka aha oki mare i ka hora 10 nei, i noho kahu ia e ka L.K. Nui Judd.
He kinipopo ko ke Daimana i keia auina la hora 2:30, mawaena o Aala me Aliiolani.
E haiolelo ana ma Noho a ka Lahui i keia ahiahi hora 4, ma Ulakoheo. E hele nui ae malaila a pau.
Ohohia ka halawai o ka moho o ka Apana Helu Elima i ka po Poaha nei, ma ka mahele elua o ua Apana la.
Eia ka lunakanawai nui o ka Aha Kiekie o Porland, Oregon, me kakou i keia mau la, ka Hon. M.C. Deady.
Ua kapeke iho la ke kaaahi mawaho ae o ke alahao ma Manana, aka, aole nae he mau ulia oiai e holo malie ana no ke kaa.
I ka hora 4 o keia auina la e noho ai ka papa nana koho o ka Apana Koho Elima, a hiki i ka hora 7 ma kahi mau ma Keonelua.
Ke 38 keia o na makahiki mai ka hoopaa mua loa ia ana mai o na limahana Pake ma Hawaii nei i keia la, mai Honokaona mai.
Hookahi wale no wahi kanaka i hiki ae ma ka halawai a Kikila a me Aki i ka po nei ma Kamoiliili. Heaha hoi keia he makona paha ea?
E hoomanao e na poe o ka Apana Elua i hoopaa ole i ko oukou mau inoa no ke koho balota e hele a e hoopaa, e noho ana ka papa nana mai ka hora 2 aku o keia auina la a ka hora 6 o ke ahiahi, ma kahi mau.
Ke kukala leo nui mai nei na Luna Nana koho balota o na Apana Koho i na poe i koe aole i hele aku imua o lakou no ka hoopaa ana i ko lakou mau inoa no keia kau koho balota. E wiki e na hoa i koe, mai hoopanee o loaa ole auanei ko oukou mana koho!
He halawai ko ka A, ana Koho Eha i ka po nei ma Kapamoo ae nei, a ua nui na poe i hiki ae malaila e hoolohe i ka moho Tome Luka, mamuli o ka nui o na Pukiki i hiki ae, ua koho ia o A. Makuisa i maheleolelo—nui ka hauoli o na poe koho oia apana i na olelo a ka moho liona o ka aoao Lahui.
Ulumahiehie lua no hoi ka halawai o ka Apana o Holokahana i ka po nei, uwa ka pihe a haalele wale i na huaolelo a ka Hon. W.R. Wilikoki a me W.H. Kamaki. Mea ole ka ua me ka makani i ka manao o na kanaka. He-ho! O ka balota Aoao Lahui ka oi!
He halawai ko ka Apana Koho Ekolu i keia ahiahi maloko o kela hale mahope iho o ka Hale Mele Hou. A e haawi mai ana ka Moho oia Apana A. Makuisa i kokua ia hoi e Messrs. A. Rosa, J.E. Bush, a me kekahi mau hoa e ae o ka Aoao Lahui. E naue nui ae e na makaainana!
Huro! Huro! Huro!
---UA HOEA MAI NEI KE---
KUPUEU ST. KALASA!
Aia i ka halekuai kaulana o na Lako Nani Kamahao
KA HEIAU o na PAIKINI!
HELU 104 ALANUI PAPU……………………Honolulu, H.I.
N. S. SACHS ,- -ONA
Ae! Eia ae o Sana Calasa ke noho nei me makou, he kupua kupueu o na makana,
A oia kana mau mea i hoomakaukau iho nei ;- --
Na Lako Paani a na Kamaiki! Na Hoolaulea! Na Hoolioli! Na Mea Paani!
NA KII! NA KII! NA KII!
Aole no ke kuai aku; Aka, no ka haawi wale aku a manuahi.
E haawi wale ia ana i ka poe a pau e kuai ana a elua kala a oi. He waihona
waiwai nui kamahao ko makou o na
Waiwai no na La Kulaia! Na La Hauoli Nui ! !!
e kuai pau ia’ku ana, a nolaila keia hoemi haahaa loa ia o ke kumukuai.
O ka makou mau kumukuai ka haahaa loa mamua o na ano lole nani a me na aahu kamahao i kupono no ka haawi makana i ka
La Karisimaka me Makahiki Hou!
e laa me na Pahu a me na Olowaa Hoonani, na Olowaa Hainaka, na Olowaa
Mikilima, na Olowaa A i Kala a me Pulima, na Pahu Kukaepele nani, na
Buke Kii Pai Kamahao, na Pela omau Pine nani, na Ie Aniani, na Aniani,
Paa Lima, na Lako waiho Puhipaka, a pela aku a nui wale. O keia mea
waiwai a pau loa, e kuai ia aku ana no
KAHI PUKA UUKU MALUNA O KE KUMU LILO!
O n Eke Lima, na Eke Dala Nani a me na Peahi Nani o na ano a pau.
Na Kihei Kakimia Kuea, a me na Kihei Lei A-i o na ano waihooluu like ole.
Na Mikilima, Na Lipine Pahaka, Na Papale o kela a me keia ano,
Na Hainaka kuni a kihi lihilihi, a me na Hainaka Silika nui wale, no ke
kumukuai haahaa loa!
Na hainaka silika o na kamaiki no 25 a me 30 keneta pakahi. Na hainaka
silika waihooluu like ole, no 50 a me 75 keneta no ke kakini. Na hainaka
i humu kuni ia no 25 keneta pakahi.
Na Papale! Na Papale! Na Papale!
He helena hai o na waiwai a me na Papale o kela a me keia ano no na Lede
a me na kamaiki! Ua hana ia a paa no keia kau Karikimaka. O na
papale nani i hana ia a paa me ka nani mai ka $2.50 a pii aku, akahi
no a loaa mai nei.
O ka PAPALE I-A o na LUINA.
Eleele a Keokeo! Aia no ia i ka makemake!
E HOOMANAO! E HOOMANAO! E HOOMANAO! E HOOMANAO!
Na Mea Paani a Keiki, na Kii paani, a me na Lako Hoolaulea i na Kamaiki!
Aole e kuai ia’ku ana, aka, e
Haawi Wale, Haawi Wale,
Ia'ku ana i kela me keia, e kuai ana a oi mamua o elua dala !
N.S. SACHS,
Helu 104 Alanui Papu.
Olelo Hoolaha.
Mamuli o ko’u hookohu kupono ia ana mai i Agena no ka Moiwahine, ke kauoha ia aku nei na mea a pau e noho hoolimalima ana maluna o na Aina me na Pa Hale, a i hiki mai ka wa kupono e hookaa ai i ko lakou uku hoolimalima e loaa no au ia lakou ma ka Hale Akala, Pa Alii.
H.C. ULUKOU,
Agena no ka Moiwahine.
Dekemaba, 28, 1889. Dec28-1m.
KEENA HOOLIMALIMA LIMAHANA PAKE.
Ke pahola aku nei ka mea nona ka inoa malalo iho i ka lohe imua o ka lehulehu, ua wehe ae nei oia he “Keena Hoolako Limahana Pake” ma ka Helu 37 alanui Moi. E lawa no i na hana aelike no ke kamana ana a ne ka hana pena hale a pela hoi me na aelike no ke kukulu hale ana a me pena ana etc. E hooko ia no na kauoha i na Pake.
Mutuala Telefone 385. Aohe auhau no ka imi ana aku i na kauwa hana. Keena Oihana, aia ma ka hale hana o Lack Lung Chung.
June8-1m. LEE CHU.
Olelo Hoolaha.
Ke hoike ia aku nei ka lohe imua o na kanaka a pau, ma keia ua malama ia ma ka la 30 o Dekemaba 1889 he halawai a na poe mea kuleana o ka Hui Pakipika Hawaii Hoomoe Uwea Olelo, ma ke keena o E.O. Hall & Son, kaupalena ia, Honolulu, a ma ia halawai ana au ua koho ia e na poe mea kuleana la e apono e lawe mai i ka palapala hoohui i haawi ia mai ia lakou malalo o ka inoa hui, “Ka Hui Hawaii Pakipika, Hoomoe Uwea Olelo,” ma ka la 15 o Novemaba 1889, a malalo o na palapala hoohui la na hoohui ia ae la ka hui a koho ia hoi na luna nui:
J. Sherman Bartholomew o Honolulu, Peresidena.
Hon. Edgar Crow Baker, M.P. o Victoria, B.C., Hope Peresidena.
E.O. White o Honolulu, Kakauolelo.
Frank Dudley o Niagara Falls, N.Y., Puuku.
Wm. W. Hall o Honolulu, Luna Hooia.
Ke hoike hou ia aku nei ka lohe mamuli o na olelo a ua palapala hoohui la,
“Aole ke ili ponoi maluna o kekahi mea kuleana na aie o ka Hui, no ka huina i oi aku mamua o ka mea e kau ia ana maluna o ka mahele a mau mahele paha i kuleana ia e ia.
E.O. WHITE.
Jan4—1m Kakauolelo.
PUBLIC NOTICE!
PUBLIC NOTICE IS HEREBY GIVEN, according to the Constitution, By-Laws and a Resolution passed by the HUI LAND OF WAIMEA, (owners of the Ahupuaa of Waimea) Waialua, Island of Oahu, that its Constitution and By-laws should take effect on the FIRST DAY OF JANUARY A.D. 1890.
All persons are hereby requested that have no interests in the HUI LAND OF WAIMEA to take their animals now running on said land—from the said land within thirty days from the date hereof. And all animals that are trespassing on said Ahupuaa of Waimea after thirty days notice, it will be understood that they are stray animals, and each animal will be charged a the rate of $1 per head, or else be impounded. And all animals running on said land, not branded, are the Hui’s own property.
P. MAHAULU,
President and Manager of the Hui Land of Waimea.
Waialua, Dec. 20, 1889. Dec—1m*
Olelo Hoolaha.
KE hoike ia aku nei ma ke akea a i kulike ai hoi me ke kumukanawai, na kula a me kekahi Olelo Hooholo i hooholo ia ai e ke HUI AINA O WAIMEA, (no lakou hoi ke Ahupuaa o Waimea) Waialua, mokupuni o Oahu, e hoomana i ko lakou Kumukanawai a me na Rula ma ka la mua o Ianuari e hiki mai ana M.H. 1890. Ke kauoha ia aku nei na mea a pau i loaa ole ke kuleana iloko o ka AINA HUI O WAIMEA e lawe i ko lakou mau holoholona a pau e hele ana maluna o na aina la, iloko o na la he kanakolu mai keia la aku A o na holoholona kuleana ole a pau i ike ia e hele ana maluna o ke Ahupuaa o Waimea mahope iho o ka hala ana o na la he kanakolu, e manao ia he mau holoholona hele hewa lakou, e hopu ia a e koi ia i hookahi dala no ke poo, a i ole e lawe ia i ka Pa Aupuni, a e na holoholona a pau i kuni ole ia i ka hao, e manao ia no ka Hui ponoi no ia mau holoholona.
P. MAHAULU,
Peresidena a Luna Nui o ka Hui Aina Ahupuaa o Waimea.
Waialua, Dec. 20, 1889. Dec28—1m*