Ahailono o ka Lahui, Volume I, Number 21, 3 February 1890 — Page 3
the Bulletin’s unwieldy endeavor to exonerate the secretary from ascendancy and supremacy winds up with an admission of the same fact. In our criticism “truth and justice have not been outraged.” Truth may exist without falling under the Bulletin’s perception. Our sources and facilities for correct information are absolutely more reliable than those of the Bulletin and our sense of justice quite as keen. The matter is not a campaign issue or we would now produce facts in contradiction of our rival’s opinions, as we shall when the matter properly comes up.
-------------------
“THE SILENT OPPOSITION.”
-------
The imported talent of the Advertiser concentrates itself on an editorial entitled “Silent Opposition.” The whole fury of the government attack has been directed against native Hawaiian candidates. The organ cannot discuss issues abstracted from personality. Failing to find weakness in the National Reform party’s platform it howls against the native nominees. With a blind prejudice resulting from years of bigotry it seeks to attach all sins of omission and commision of these nominees to each and every candidate running on the National Reform ticket. Accordingly it drags up such silly themes as the Samoan Mission, knowing very well that such an embassy would be an impossibility with any future government. The organ of perversion also knows that the former government and not the appointee was responsible for the Samoan fiasco. Still it will harp on such silly strains. It is a feature of its disingenuous tactics to argue issues that are dead and have no bearing on present events. It decries prejudice and claims a monopoly of all appeal to it,
The organ dismisses Mr. Widemann’s discussion of the French subject by investing it with a certain “antiquarian interest.” Will the Advertiser remember that Mr. Widemann’s oration is a reply to a theme introduced by Mr. Thurston and if “anitquarian interest” ataches to his remarks it is probably the interest of truth which Mr. Thurston conveniently omitted.
The criticism of the other speakers is what might be expected of an organ which has such enlightened views of “burning questions.” It compliments Mr Macfarlane for his materly exposition of National Reform principles and then innocently wonders why Mr. Macfarlane does not form one of the compact devotees. Mr. Phillips, in the estimation of the enlightened journal, has no right to criticise the government’s extravagance in the matter of electric lights and its parsimoniousness in the construction of roads, because he sits by the side of a former Ambassador to Samoa.
The folly in argument of the Advertiser always terminates with an absurd conclusion as a climax. This time the organ calls the opposition silent because it does not discuss the topics which the Advertiser considers “burning questions.” Know, most venerable fossil of journalism, that both the National Reform platform and its candidates have distinctly pronounced on all “burning questions” and real issues.
NA MANAO PEPA.
KA AHAILONO A KA LAHUI.
HONOLULU, FEBERUARI 3, 1890.
MINAMINA wale o Kale Aki ma i ko lakou huli ana aku nei ma kela aoao, oiai aole no paha e hoole ia ko oukou hilinai ia, aka, eia wale iho no, ua keia ia oukou no ko oukou hui ana aku nei me ka poe a ka lehulehu i hoowahawaha loa ai. Nolaila, aole no he manawa maikai e ae a oukou e haalele ai ia aoao o keia manawa wale no. Ua maopopo loa ko oukou haule—aole loa oukou e puka iki ana—A keia Poakolu iho puka a lanakila loa ka aoao Lahui i lohe oukou!
KA LA.
-------------
Elike no me ka mea a ka lehulehu i upu ai—ua halahu hou no na kuhina ma ko lakou hoao ana mai nei e lele kamoko mai maluna o na kumuhana o ka aoao Lahui maloko o ka nupepa manawa a me ka Advertiser. Ua kuwili hou mai nei no laua i na wahi olelo polopolona kahiko a laua elike no me ke ano mau o ka poe hawawa i ke kalai manao ana, me ka manao ana paha oia mau mea ka mea e haulehia ai ka aoao Lahui, elike la me na wahi olelo hooia ole wale a na paalalo o ke aupuni. He ekolu la mamua iho o ka la koho, ke ku nei kakou imua o ke ao holookoa he aupuni i hele a uiha i na hana hoohilahila a na kuhina no lakou hoi ka moolelo i hele a ku i ka maea a lapuwale haalele loa—he mau kuhina i hoowahawaha loa ia e ka lehulehu no na kumu kupono o kela a me keia ano a pela pu no hoi ka poe e noho nei me kakou oia hoi na Luna aupuni o na aina e i noho aloha pu me kakou.
O na kanaka noonoo maikai a pau ua ike a ua maopopo lea ia lakou o ke alahele a na kuhina i hookahua iho ai i kela mau pule iho nei, me he la e kono mai ana i ka Lahui e kipaku aku ia lakou a me na paalalo o lakou mai ko lakou noho mana ana maluna o ke aupuni me ka hookoe ia ana paha he hookahi o lakou ma ka oihana. He oiaio ua hoohaahaa loa na Kuhina i ke kulana a lakou e paa nei, ma ko lakou ano he mau luna aupuni kiekie loa no ke Aupuni holookoa, ma ko lakou iho ana mai a lawelawe i na hana hoohulihuli holo balota. Aole wale no oia, aka, ua haihai iho la lakou i ke kanawai ma ko lakou hele ana mai nei ma na hana kalai pili holo balota a lakou hoi e kiolaola mai nei maluna o na moho o ka aoao Lahui. Aole wale ae la no o keia, eia hou aku no oia hoi, ko lakou hana ana i kekahi mau hana i ku i ka hoowahawaha i na aupuni e noho aloha nei me kakou a me ko lakou mau luna pu hoi kekahi. Ua hana lakou i kekahi mau hana me ka hakuepa wale ana. Aka, o ka lakou mau hana ana i keia hana, aole loa e hiki ke hoopakele ae ia lakou. A pela no hoi me na poe Amerika e noho ana maanei i ka makahiki 1839, a me ke aupuni o Amerika i kela au, ua hanaino a ua alakai hewa ia lakou e na hana e like me keia ano!
O na makaainana o ke aupuni Repubalika, ka poe hoi a na Kuhina e hoao nei e hoouhiuhi i na olelo a lakou e pili ana i na hana ino i hana ia aku ia hoomana e na Misionari Amerika iloko o ka makahiki 1839. Ua kapae ia ae e lakou kekahi kumu, oia hoi na kanaka Amerika oiaio, ua kue loa i kela hana ana a keia poe Misionari Amerika i hana ai. Ua hana ia kekahi kumu ano nui e lakou, oia hoi, ma ka la 10 o Iulai, 1839, ua hana iho ke Kanikela Amerika i kekahi olelo kukala imua o na makaainana o ke Aupuni o Amerika Huipuia e noho ana ma na paemoku o ka Paeaina Hawaii e apono loa ana oia i na hana a Kapena Laplace, o ka mokukaua Farani, e holo aku lakou a pau iluna o ka mokukaua Farani e noho ai no ko lakou maluhia, koe nae na kahunapule Kalavina. O keia mea ua huna kele ia aku la e ke kuhina ma kana mau kalai manao e hoolei mai nei maluna o na moho o ka aoao Lahui, me ke kapae ae i ka oiaio, a hana iho la i na hana hailiili aku i na Lahui o waho.
He mea kahaha loa ia keia mau hana e ike ia aku nei ka haule pahu mau ana o keia poe ma ka lakou mau kalaimanao ana i kakoo ia e na hana kamalii a keia poai no lakou no moolelo lapuwale haalele loa a o lakou hoi na manao i ike ia, oia hoi na manao hoopunipuni, na hooia ole wale, na poe hemolele ole wale, na poe hapuku aina ma na moraki pono ole i hana ia, ka poe hoi no lakou ka moolelo hoohaunaele karaima kipi, a me ka hana ana i na hana pepehi i ke ola o ke kuokoa o ka aina, a kipi hoi i na pono o ka lehulehu a me kekahi mau hana lapuwale e ae a lehulehu wale.
O keia ae la na hana a ka aoao aupuni he ekolu la mamua iho o ka la koho balota, i kakoo ia e na wahi olelo pale ole wale a lakou e hoopuka ia mai nei e na poe hawawa i ke kalai manao ana maloko o ka lakou mau wahi nupepa, iloko o na la o ko lakou noho’na kupilikii ana.
-------------------
Ke Kolohe a na Kuhina i ke Kuokoa o Hawaii.
-----
Aia ma ka la 30 o Sepatemaba i hala, 1889, i ka hora 2 oia la, ua hiki aku na Komite he umikumamalua imua o na Kuhina eha, i koho ia e ka halawai nui o Honolulu i Sepatemaba 26, 1889, ma ke keena mauka o luna o ke Kuhina o ko na aina, haawi ke aloha ma na kunou ana.
Ia wa ua ike aku au ua mae a ioena na helehelena o lakou, ua olelo ia, o ka hanohano piha keia o kekahi papa Komite i hui a launa pu me na Kuhina. Kuhihewa ka olelo no’u ponoi iho, aole he pili.
Ma keia hui ana, ua hoike aku o Hon. A. Rosa, ka lunahoomalu o ke Komite, i na hana a ka halawai nui o Honolulu i hooholo ai. A mahope iho o keia, ua lewa mai la ka auwae o na Kuhina, i na olelo a ke kuikahi kalepa no na huaai o ka aina nei, a me na ili pipi i hoike ia iho nei e na nupepa i hala iho nei, he kuikahi no na mea ulu a me na mea e ae i makemake ia. Aole o keia mau hoike kai makemake ia , aka, ina iho a hoea ae!
I ka pau ana o na olelo o keia ano, ua pane aku ke Komite, ina o keia ka pau loa ana; ia wa ua hoike mai la ke Kuhina Waiwai i ka palapala kolohe apuka o ke kuokoa o Hawaii nei me na lima haalulu, ua pane aku ke Komite e haawi mai i ke kope o ua palapala nei, ua hoole ia mai. A eia ka pane a ke Kuhina Kalaiaina, aole keia no ka lehulehu, he mau mea malu keia. Apuka maopopo.
Eono pauku o keia apana pepa, oia ko’u ike, elua pauku ua hoolei ia e ka Moi, ua kaha pe’a ia me ka penikala polu, a oia na pauku e olelo ana, “e lele mai na koa iluna nei o ka aina me na mea kaua, &c.”
Ua nowelo aku ke Komite ma ka ninau ana. Na oukou no anei keia i hana? Ua ae nui mai la. Ua akoakoa anei oukou a kuka no keia mea? Ua ae nui mai no. Ua noho anei ka Aha Kuhina a hooholo, a mahope iho oia wiho aku imua o ka Moi? Ua ae mai no. He kolohe maopopo loa keia o na Kuhina, ua ae mai lakou i na ninau a pau a ke Komite i waiho aku ai imua o lakou. Aole i kakau ka Moi i kona inoa. Hilahila maoli ka hana a keia poe Kuhina lapuwale.
Eia hou iho, ua pane mai no ke Kuhina Kalaiaina imua o na Komite, penei: “Eia no o Hawaii nei ke ku nei nona iho, aole kekahi mea e ae.”
Aia o Beritania a me Farani, ua hana laua i kuokoa no laua iho, o keia kana mau pae no Hawaii, a me ke kuokoa. Heaha ka manao o ka lahui no keia hoike a ke Kuhina? E ili aku no na ahewa ana a ka lahui maluna o na kipoohiwi o lakou. O keia kahi mea i loaa aku ia’u ma kahi haiki.
E o’u mau hoa makaainana pili loa, a pili mau i ko’u puuwai, ke waiho au nei au i na hoike imua o oukou, e nana iho, e wae, kulia ka manao i hookahi alanui ma ka la koho balota. Owau a me oukou e paio no ka pono o ka aina a me ka lahui, ma ko kakou hookomo ana i na balota pakahi. Apana 1, e Ailuene Buki ia, malu ka aina; Apana 2, o Uilama kamaki ia, he ikaika ma ka olelo i pono hou; Apana 3; Makuisa ia, he naauao, e imi ana i pono kaulike no kakou; Apana 4, Tome Luka ia, he liona opiopio, i kona wa e uwo ai ua haalulu ka aina a me na kanaka no kona makemake ole i keia au, a o kaua hana nou ia e ka mea ilihune; Apana 5, Wililua ia Wilialoha, Wilipaa, Wilimau a o Wilikoki ia, aohe a’u olelo an anona, oiai aia i na puuwai o ka lahui. Uoki ka rama ami inu kakou ia la, ma e kipe ia mai i kae dala mai lawe mai, eia iho kakou la ua nihinihi, ua poke ia a lihilihi, e kupaa kakou me ka hoomanawnui, a e malama hoi i ka maluhia o i ala kamahao e hiki mai ana, no ka mea, oia ke Akua me kakou, ua nana mai kona oluolu a me ke aloha i ka aina a me na kanaka; ua like ka manao o ka lahui mai o ae. E puka a pau loa ka paa balota a ka Lahui!
Ke kaua mau o na kaua,
J.A. KAHOONEI.
Pa O Roma, Feb.1 1890.