Ke Aloha Aina, Volume VIII, Number 21, 24 May 1902 — IKE IA NA HIONA O KA LUAI PELE [ARTICLE]

IKE IA NA HIONA O KA LUAI PELE

I ke ahiahi Poaha nei i ka wa napoo aku ai, aia hoi, ua ike ia aku la kekahi mau hioona kamaho iluna o na aouli oia kekahi ula wena me he hale pauahi ala, me ke kahuli ae a ua like me ka ula o ke koko. He nui na poe i hoopihoihoi ia no keia ula kupaianaha oia liula ahiahi, a ua manao kuhihewa kekahi poe ua pau na malako o Waianae i ke ahi. Aole nae pela ka manao o na poe akeakamai o keia kulanakauhale. Ua olelo ae lakou o keia mau hiona kupaianaha i ike ia a e ike mau ia nei mamua o ka puka a mahope o ka napoo ana o ka la, ua hana ia no ia e ka uwahi a pele i manaoia mai ka luapele mai o Mauna Pelee, nana i hooneoneo aku i ke kalanakauhale o Sana Pierre. O ka uwahi oia luai pele nui ua pahola ae la mana kihi eha o ka honua nei a hoea loa mai la i Hawaii nei. Ma ka lakou hoike ua piha ka lewa i keia wa me ka uwahi a pele, a ua hiki no ia ke ikeia aku e na mea a pau me ka hoohana ole ia o na ohe hoonui ike. Ma ka hoike a na poe kahiko, o na hiona e ike ia nei i keia mau la ua like loa no ia me kela luai pele nui i ike ia ma Karakota. Ua pouli ka lewa me kona uwahi a ua hoea loa mai i Hawaii nei. O ka mamao o Karakota mai Hawaii aku nei he 18,400, aka, iloko nae o eiwa wale no la mahope iho o kona pahu ana, ua ike ia ka uwahi pele maanei. Oia luai pele he nui no na ola i poino, aka, aole nae i loaa aku ka weli weli o ia luku e like me ka luku ia ana mai nei o Sana Pierre. O ke kanaka hupo hoolilo no oia i ka wahine i hoa paio nona a o ke kanaka naauao he hilahila loa oia i ka paio ana me ka wahine. ■»J.> " I • :''V'"sV: