Ka Hae Hawaii, Volume 5, Number 17, 25 July 1860 — Ka Paakai o Puuloa. [ARTICLE]

Ka Paakai o Puuloa.

Mai ka wa kahiko mai ua ike na kanaka maoli ika hana ana oka paakai; he mea ia e mikomiko ai ka ai; he mea kalepa no hoi; aole nae maikai loa ka paakai o Hawaii nei, aole pono loa ka bipi a me ka puaa i kopiia i keia paakai; ina e waiho liuliu, pilau no. I keia manawa nae, ua hanaia ka paakai ma Puuloa a maikai loa, kaawale na mea awaawa oloko; a ua loaa hoi ka wili e wali at e like me ka palaoa, a e like hoi me ka paakai no na aina e mai; nolaila, ua makemake loa ia ka paakai o Puuloa i keia wa; he mea lawe i ka aina e, a he mea no hoi e waiwai ka aina.