Ke Kumu Hawaii, Volume I, Number 18, 2 September 1835 — Page 140

140 KUMU HAWAII. ( SEPATEMABA,

ka naaupo, a ma ka hewa. He mea kaumaha loa. Minamina mai Iehova, ka Makua, ke Keiki, a me ka Uhane Hemolele. Nui ko ke Akua huhu mai i na makua hoouna ole i ka lakou poe kamalii i ke kula, a nui kona huhu mai i na kamalii hoole i ke kauoha a ko lakou mau makua aole komo iloko o ke kula. E na makua, E makau oukou. E ala mai ko oukou hiamoe ana. E mihi i ko oukou hewa. E lilo oukou i poe haumana na Iesu i ola oukou ia ia.
J. S. G.

NA NA KAMALII.

O ABERAHAMA E KAUMAHA ANA IA ISAAKA.

                He kanaka opiopio.
                O Isaaka.
                He kanaka elemakule.
                O Aberahama.
                Makuakane.
                Keikikane.
                Pauku wahie.
                He umiumi loloa.
                He pahi loihi.
                He nahelehele.
                He hipa kane.
                He anela.
                He ao.
                He kapuahi.
                O ke kanaka opiopio maluna o ka wahie, o Isaaka kona inoa.
                O ka elemakule, oia kona makuakane, o Aberahama kona inoa.
                Ua nakinakiia ko Isaaka mau lima.
                Ua pa ka lima hema O Aberahama maluna o ke poo o Isaaka.
                He pahi nui iloko o kona lima akau.
                Ua wiliia ka palule ma kona lima.
                Nana ae la o Aberahama, a ike aku la i ka anela e iho ana mai ka lani mai.
                Papa mai ka anela ia Aberahama, mai pepehi ia Isaaka.
                Aole o Aberahama e pepehi ia Isaaka.
                E pepehi oia i ka hipa kane.
                No ka mea, e komo ke akamai iloko o kou naau, e ono hoi ka ike i kou uhane.
                O ke akamai oe e malama aku, o ka noiau hoi oe e kiai aku.
                I hoopakeleia oe mai ka aoao hewa aku, mai ke kanaka hoi i wahahee ka olelo.
                Haalele lakou i ka aoao pololei, i hele ai hoi ma na ala o ka pouli;
                Oluolu lakou i ka hana hewa, hauoli hoi lakou i ka ino o ka poe aia,
                O lakou ka i hookekee i ke ala, kekee wale hoi ma ko lakou aoao.

NO KEIA PAE AINA.

NO KA HELU ANA O KANAKA.

                Eia kekahi mau mea i ae like ai na misionari i ko makou halawai ana iho nei.
                1. E helu, a kakau ma ka palapala i ka poe i make, a me ka poe keiki i hanauia. A puni ka makahiki alaila e houluulu, i akaka ai ka mea i oi, o ka poe make paha o ka poe i hanauia paha.
                2. E helu pono hoi i na kanaka a pau loa o keia pae aina, me na wahine me kamalii. O na kanaka maoli ma kekahi palapala o na haole ma kekahi palapala. A e hoawi aku i ka poe malama i ka oihana pai palapala ma Honolulu. Aole e hoopanee aku a hala mai ka la mua o Novemaba.
                Nolaila, ua helu iho nei Mi Kemita i na kanaka a pau o Ewa a me Waianae, a hoike mai penei.

                Na kanaka o Ewa a me Waianae, Iulai, 1835.

                1831, Na kanaka o Ewa, 4,015
                1835, Na kanaka o Ewa, 3,423
                O ka emi, i na makahiki eha. 592

                1831, Na kanaka a Waianae, 1,868
                1835, Na kanaka o Waianae, 1,654
                O ka emi, i na makahiki eha, 214

                Eia ka papa e hoakaka aku ai i ka nui o ka poe keiki i hanauia mai, a me ka poe i make ma Waialua, Oahu, i na malama umikumamalua i hala aku nei.

                O ka poe i make, 136
                O ka poe i hanauia, 45
                O ka emi ana o na kanaka ma Waialua i ka makahiki hookahi. 91