Ke Kumu Hawaii, Volume II, Number 19, 15 February 1837 — Page 74
74 KUMU HAWAII. (FEBERUARI,
maopopo ai ma Kauai nei ; he keiki no Kapuniai. Ua make i ka hekili i ka malama o Sepatemaba i ka la 17, ma Makukona wahi i make ai.
Penei kona make ana. Kui iho la ka hekili mua; olelo ae la
ua keiki la, "A naha ka pali."Olelo hoi kekahi, "Kani maila ka pu o ka pa ulaula.''
Olelo aku la o Elia i ua keiki la, "O kii, e kala i ka lio.'' Holo aku la ua keiki la, a hiki i kahi o ka lio, anapu mai la ka uila mua, papaea aku la o Kaihuhanuna, paeapaea, paeapaea hou aku la no. Kui iho la ka hekili, kani iho la me he pu la; ike na kanaka o kekahi hale i ke kia ahi i ka iho ana mai,mai ka lani mai, mai ka lima o Iehova, a ku mawaho o ua hale nei, a komo mai la ke ahi iloko, a loaa na kanaka e moe ana a kiolaia kekahi kanaka.
KE KUMU HAWAII.
WENEDE, FEBERUARI 15, 1837.
HALAWAI LOA MA HONOLULU.
Ua hoomaka ia i ka la 31 o Ianuari. Ehiku la e halawai pinepine ai, a hiki i ka la aono o Feberuari. Ua kokua mai ia makou nei makeia hana o Mi. Bihopa, Mi.Emekona, a me Mi. Pareka. Nui na kanaka i akoakoa ma ka hale pule.
Eia kekahi mau pooolelo o na haiao. I neia la ua hiki mai ke ola ma keia hale. Luka 19:9.
Mai kuhihewa oukou, aole ke Akua e hoomaewaewaia'ku; no ka mea, o ka ke kanaka i lulu o kana hoi ia e ohi mai. No ia mea, o ka mea e luhi ma kona kino iho, no ke kino ia e ohi auanei i ka make; aka,
o ka mea e lulu ma ka Uhane, no ka Uhane ia e ohi auanei i ke ola mau loa. Gal. 6:7, 8.
Heaha la uanei ka hope o ka poe i malama ole i ka olelo maikai a ke Akua. 1 Pet. 4:17.
E hiki anei i na mea elua ke hele pu, ke like ole ko laua manao. Amosa 3:3.
E ke Akua, e aloha mai oe ia'u i ka mea i hewa. Luka 18:13.
Ua lawe aku oukou i ko'u mea akua, heaha hoi ka mea i koe ia'u? Lunakanawai 18: 24.
Ke waiho nei ke koi lipi ma ke kumu o ka laau, a o kela laau a keia laau e hua ole mai ana i ka hua maikai e kue ia ilalo a e kiolaia'ku ia i ke ahi. Mat. 3: 10.
I keia la i ko oukou lohe ana i kona leo, mai hoopaakiki i ko oukou naau. Heb. 3:15.
E nana i ke Keikihipa a ke Akua, nana e lawe aku ka hala o ke ao nei. Ioane 1: 29.
Nolaila hoi, o ka mea lohe i keia olelo a'u a malama hoi ia &c. Mat. 7: 24-27.
E ka Haku, ua pilikia au, e kokua mai oe ia'u.
Heaha ka'u mea e elelo aku ai ?
No ka mea ua olelo mai oe iau a ua hana io mai no oia.
E hele malie no wau i ko'u mau makahiki a pau,
No ke kaumaha loa o kuu uhane.
E ka Haku, no keia mau mea i ola'i na kanaka. Isaia 38: 14-16.
E hele mai oukou a pau loa io'u nei, e ka poe luhi, a me ka poe kaumaha, na'u oukou e hoomaha aku. Mat. 11: 18.
Nolaila, o ka mea nana au e hooia aku imua o na kanaka, na'u hoi ia e hooia aku imua o ko'u Makua iloko o ka lani.
A o ka mea au e hoole aku imua o na kanaka, na'u hoi ia e hoole aku imua o ko'u Makua iloko o ka lani. Mat. 10: 32, 33.
Eia hoi, e hele mai ana ka Haku me ka umi tausani o kona poe hemolele, e hookolokolo mai i na mea a pau, a e hoike mai i ka poe aia a pau iwaena o lakou i na hewa a pau a lakou i hana'i, a me na olelo paakiki a pau a ka poe hewa i olelo ino aku ai ia ia. Iuda 14, 15.
NO KA HANA LOLE.
Inehinei ua puka iwaho na haumana
lua o Mi. Berouna; Eono lakou, a ua noho lakou i ewalu malama iloko o ke kula: 170 iwilei lole i hanaia e lakou. He lole maikai, he paa loa, kokoke like me ka ie ikaika.
I ka pau ana o ke kula, hele makou ilaila, o Kalaka, a o Hikekoke no hoi, me Gelina ma, a me na wahine o makou me na kamalii o ke kula nui ma Lahainaluna. Pau loa makou i ke komo iloko o ka hale hana lole, e nana i kela oihana e hooikaika i na haumana. I aku la ke kumu i kana poe haumana penei; "E, ua pau ka oukou hana iloko nei. O ka hana ma ko oukou wahi koe. Mai waiho wale i keia hana, mai hoomolowa. E hooikaika no, a e hoolilo i keia oihana i mea e pono ai keia lahuikanaka. Eia no kekahi, E noonoo oukou ma ko oukou poe uhane. Ka mea nui ka uhane. Uuku ke kino. Ua aahu oukou i ka lole pela no e aahu ai o Kristo, ke mea e ola'i. I ole e nele ai ko oukou poe uhane i ka la nui mahope." A pau keia, kamailio iki aku kekahi o makou a o ka hoi no ia.
L.
NO KA HOOLEWA ANA.
Ua hoolewaia o Harieta Nahienaena i ka la e 4. o Feb. i ka makahiki o ka Haku 1837. Mai uka mai o ka hale Uluhe a hiki i ka Luakini. Ua hoonohoia na mea a pau i hele pu i ua huakai hoolewa la.
PENEI:
O kekahi poe Koa mamua.
O na Kahuna Lapaau mai.
A o na Misionari mai.
A o na Kamena mai.
O Kalaualu a me Laahili.
A o ka poe hookanikani mai
A o ka poe nana e kauo ana
ke kaa, me ka holowaa e waiho
ana maluna o ua kaa la.
Ma keia aoao ka hele ana o na Koa. Ua hoohuliia ka waha o ka lakou pu ilalo.
O ka poe kahili nui a me ka poe kahili liilii ma keia aoao.
HARIETA
NAHIENAENA
22 Makahiki, i make
i Detemaba, he 20
la, i ka makahiki
o ka Haku
1836.
O ka poe kahili liilii ma keia aoao a me ka kahili nui.
Ma keia aoao ka hele ana o na Koa. Ua hoohuliia ka waha o ka lakou pu ilalo.
Leleiohoku, Kauikeaouli,
Kekauluohi, Kinau,
Laliha, Kekauonohi,
Maria Hoapili, Hoapili,
Kalama, Aikanaka,
Konia, Haaheo,
Kanikele, B. Kanikele, A.
O ka poe haole mai.
O ka poe Wahine mai.
O kanaka mai.
Eia ke pooolelo, i hoikeia maloko o ka luakini, i ka hoolewa ana.
"E ka Haku, ua pilikia au, e kokua mai oe ia'u.
"Heaha la ka'u e olelo ai?
"No ka mea, ua olelo mai oia ia'u, a nana no ia i hana.
"E hele malie no wau i ko'u mau makahiki a pau,
"No ke kaumaha loa o kuu uhane.
"E ka Haku, no keia mau mea i ola'i na kanaka."
Isaia 38: 14, 15, 16.
Na Hezekia keia olelo, na ke lii o Iuda, no kona nawaliwali loa i ka mai.