Ka Lanakila, Volume I, Number 11, 23 September 1909 — KE KAI PII MA KA MAHINA. [ARTICLE]

KE KAI PII MA KA MAHINA.

He elua manawa e kai piha ai, a he elua kai maloo i na la apau ma ka ume ana a ka Mahina a me ke kaapuni ana o ka makani i ka honua. I ka puka ana mai o ka mahina, e pii mai ana ke kai, a kupono ka mahina, alaila, ua kai piha. A aui ae ka mahina, hoi hou aku ke kai; a po ka mahina, ua kai maloo; a pela aku ma kekahi aoao o ka honua e huli ana i ka mahina. He eono no hora o ka pii ana o ke kai, a he eono nohoi hora e kai a maloo ai. Ina ikaika ke au, ua pale ia aku ke kai i kekahi manawa, Ma na kai nui akea i hoopuniia e ka aina elike me ke Kai Waenahonua ame na kai laula e ae, aole i ikeia ke kai piha ame ke kai maloo.