Ka Leo o ka Lahui, Volume II, Number 152, 18 March 1891 — Page 3
| This text was transcribed by: | Betty Yang Green |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
HE MOOLELO HAWAII
- NO -
KUALUNUIAOLA.
KE KEIKIKOA O KA MOKUPUNI O MANOKALANIPO. – KA HPAPAIOLEO KE KOA I
NA LA O KA NOHOALII ANA O OLA, KE ALII O WAIMEA, KAUAI.
A o ka hihi o ke kowali pehu iluna o ua wahi kumu kukui nei, o kona lalau aku la no ia i kekahi kaula a huki mai la, a me ia mea, kakua ae la oia a paa kona puhaka, a hoomau aku la na i ka iho ana no kai.
O ka hele keia ona me ka nana hoomau ana i ka mea ana i ike ai, a mahope, ike iho la oia, ua kuhihe wa ia ka oia, aka nae, ua hoomau aku la no oia i ka hele ana imua na kahi a ke kane e noho ana.
Oiai nae oia e hele ana, ua lilo oia i mea makaikai nui ia o na kaoe a me ka wahine o ka oi aku no nae o ka hoohihi ia Kahapula, o na keiki opiopio o ka aoao oole’a.
A wahi hoi a Kuula i hooheno ae ai, kekahi hoi o na keiki kanaka ui o Waimea iloko o ia mau la, iaia i ike mai ai i papalina enaena o ke kaikamahine o ka uke nahele o Pe’ape’a:
“Onaona wale ia pua,
Ke pili mai owau ke hoa.”
A oiai na kanaka o Waimea e pu hi hele ana i ka wahine maikai o ka ihu pani o ka uka iu ano, ma kela a me keia wahi o kana huakai imi keiki i hehi aku ai, ua hele loa aku la keia lono a lohe ke alii kane ana, a oia hoi ka Ola ii olelo aku ai i kekahi mau kahu ponoi ona:
E-! akahi okea ka hoi ko’u uluhua i kea hi lele o Kamile; nolaila, e hele aku olua a olelo aku i ka wahine ui e olelo ia mai nai, ua hamama ka puka o ka hale o ke alii nena, ka ipokai a me ke paipu, ku ne a maloeloe pali ke kua mahine ke alo, oiai, he ike no ka ke alii me ka auhau.
Ua kamailio ke alii i ne olelo ma luna ae, me ka manao o kana wahine i poina ai, oia no keia e kaulana mai nei, aka nae, e like me ka leo kauoha alii, pela no na kahu i hooko aku ai.
Holo mai la na kahu a loaa o Ka hapula i ke alanui e hele aku ana, kamailio mai la kekahi o laua:
E ka wahine ili lua, i hoouna ia mai nei maua e ke alii, e kii mai ia oe e hele aku e ike iaia, aohe ka ke lii he ike wale, he ike ne me ka auhau.
I ko Kahapula lohe ana, pane aku la oia, o u hoi a olelo aku i ke alii e hiki aku ana au ilaila, a nolaila no hoi ka’u huakai i hele mai nei i keia loa e waiho mai nei.
E pono ana keia la ea? I ninau hou mai ai kekahi o na kahu o ke alii.
Pono, e hoi olua a olelo aku e hiki aku ana au ilaila i lohe ka pepeiao ona. He manao mai no ka hoi kekahi ona ia’u, o ka awahua ia iho ia o ka inoa ona o ka manao ana e ola kona mau iwi i keia ao, a iea kehuakai pono ka’u pakele ia, aka i pono ole oia ka’u.
Hoi aku nein a kahu a hoike aku nei i ke alii, aka nae, aole no he ao ae o loko ona po kana keiki a me ka wahine ana, koe wale iho no kona ake nui e ike maka i keia ui e kaulana mai nei.
Nolaila, huli ae la e Ola a kauoha aku la i na kanaka mahope iho o ke kakali iki ana no kekahi manawa; auhea oukou e na ai loaa a ke ‘lii, o kii nui e ka’ika’I mai i ka wahine malihini, akahi okoa ka lohi, malia e hoopu-aa ia ana e kamalii kolohe o Waimea.
Hele mai nei na ohua o ke alii a loaa mai la o Kahapula e iho aku ana i ka pali kahawai o Waimea, e au aku ai a pae ma kela aoao o ka muliwai.
Aole i pau.
HE KAAO
No
DON KUPIDOA.
KA WELI O NA MEA HUNA POHIHIHI – KE KIHAPAI PUA PAHAO HAO O
KAMEPULIA – KE ALAHELE O NA MEA HUNA ELUAME KA LUAWAI
KAMAHAO O TAWANIA.
O keia mau leo i pa-e mai ai, no na koa palani no ia e hele mai ana no ka paio ana me Kalawalina a me kona mau wahi koa omilumilu ano ole.
He mau minute kela no ke kupilikii a me ka pihoihoi nui loa, a oia ka Kalawalina i pane ae ai ia Tubidoa penei:
He hiki ne anei ia’u ke ku paio aku i kela elima tausani koa me ko’u mau wahi koa he elima haneri wale ne?
He mau koa nui loa kela, ke akamai ke alakai ia ana, a ke manao nei au, ina na’u e alakai keia poe koa, alaila e pau loa no na koa Palani i ka make.
Aole o’u manao neia, e like me ka’u mea i olelo ai, owau ponoi no ka alihikaua aana e lakai ii ko’u mau koa, no ka make a me ke ola, na ke amio ana o ke au o ka Manawa e hoike mai ka hopena.
Hoomoana ae la na koa Palani ma ke kula o Omeia, ma kahi kaawai o Zora, huki ae la i ko lakou hae hoailona kana.
Ia wa pu no hoi, hoomakaukau iho la ua nohea ala i kona pualikoa, a i ka makaukau ana, ua pane iho la ia Tubodoa:
E kuu aloha, ke haalele aei au ia oe, a eia au ke hele nei no ke alahele e loaa ai ia’u he pomaikai a o ua pomaikai ala a’u e hou peo nei me kuu kino wahine o oe no ia e lilo kaokoa mai ia’u, a na’u wale na, no ka wa pau ole.
Lele aku la oia a honi aku la i ka ihu o Tubidoa, a pane hou aku la: E hoai hope kaua a hele aku au no ke alahele i maopopo ole ia’u ka hopena.
He mea hiki ole ia Tubidoa ke uumi iho i kona aloha no kana ipo a oia kana i pane aku ai, mahope au ou a make au, a ina he ola, ua ola no he.
Kau ae la ua nohea ala maluna o kona lio-me kona aahu piha, a e kona laina koa hei e ma-ki pololei ana mamua ona me ka hiehie nui, a e pulelo ana hoi i ka makani ka hae kalaunu o Suedena, me he mea ala e hoike mai ana na Kalwalina ka lanakila o ka la.
Nolaila, maanei e ike ana kaua e ka mea heluhelu ina hooili kaua a na kaikamahine elua no ka laua ipo, e aumeume ana hoi laua, a o ka mea nana ka lanakila o ka la, nana auanei e lawe haaheo ae i ke aloha a laua.
Oiai na mea a pau o ke kulanakauhale iloko o ka pihoihoi me ka ninau ana iho iloko iho o lakou. Owai ana la o laua ka mea nana e ahai ana ka lanakila.
I ka halawai ana nae o ka pualikoa i kahi hookahi, aia hoi, me ke kaulua ole iho, ua hui ae la na mahele koa iloko o ke kaua hahana loa.
Pouli pu ae la ka lewa, aohe ike ia aku o na aoao a ielua, a o na leo uwa o na koa me ka weliweli nui ka mea lohe ia.
Aole i pau.
HOOLAHA I KA POE MAKEMAKE I “KA LEO.”
Ma keia hope aku ke hoolaha ia aku nei, e kii aku ka poe makemake i ka nupepa KA LEO i na Luna e lawe nei i ka nupepa, oia hoi o
J. Kahaleluhi J. Kaneaiakala
Geo. Kanikau Parao
T. Kapualei John Samoa
JNO. E. Bush
Luna Hooponopono.
Olelo Hoolaha.
Ua makaukau ka mea nona ka inoa malalo iho, e hana i na POHAKU PUNA ELEELE a me na pohaku e ae no na pa kupapau, a me na kahua kukulu kia-hoomanao. O ka poe makemake e waiho mai i ka lakou mau kauoha me Ioane Akina.
J. BOWLER.
Sept. 22, ’90. d-1y*
H. P. K. Malulani.
HE LOIO a he hookapeke olelo ma ke Kanawai. E loaa no au mai ke kai hawanawana o Kawaihao e hoene ana me ipo la, a Hamakua au i ka la’I o Kukaiau ma kea lo o na pali. E ohiiia no hoi na aie me ke ku i ka eleu a me ka puahiohio.
Nov 8 ’90, d-1y.
Hoolaha a ka Hui Kaa Ahi.
UA HOOHOLO KA HUI KAA Ahi i ko lakau manawa holo, ma ka la Sabati ae nei, Feberuari 18, 1891.
EHA MANAWA HOLO ILOKO OIA LA.
KA HOLO ANA A HOI MAI.
A. M. P. M.
Haalele ia Honolulu 7:00 3:30
Hoea ma Honouliuli 8:05 4:35
Haalele ia Honouliuli 8:25 4:55
Hoea ma Honolulu 9:30 6:00
W. G. ASHLEY
Luuahoohana Nui O. R. & L. Co.
Feb. 19, 1891. 5ts-d.
HALE HANA WAI
WAI ANIANI.
HARE MA NA ONA ………………………………….HELU 81, ALANUI MOI
Ka poe wale no nana e hana nei ka WAI HOOMAEMAE KOKO KAULANA, oia hoi ka
Saseparela
- a me ka -
Wai-Hao.
Na Wai Momona Awapuhi, Saseparela, Lemi, Wai-pipii, Soda maoli, Sida Kamepena, &c.
Mutual 330 – Telepona – Bele 298
E hooia ia ana ka maemae o na wai a pau. E hooko ia no na kauoha a pau loa main a Mokupuni mai a me ko ke kulanakauhale nei.
Mar. 15, 1891. 148 d-tf.
KA HUI KAA ENTERPRISE.
Ua kukulu ae nei au i kea hi HUI KAA.
Eleu ma ka aoao iho o KALAKAUA HALE
ma Alanui Kalepa.
Ma Ka Huina Hoolulu
Kaapio Helu 13.
O na kauoha a pau e hoouna ia mai ana ma ke TELEPONA mai na makemake mai ma na wahi a pau o ke kulanakauhale nei, e hou ko koke ia no me ka piha eleu o ka uwila.
E Hoao i pau Kuhihewa.
WALLACE JACKSON,
Luna Nui.
TELEPONA BELE HELU ……….. 113
MATALA ………………………… 690.
Hoolaha Hookapu.
Ke hoike ia aku nei ka lohe i ha ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e mana mai ia Keleau (w) mai. nolaila, ke papa loa ia aku nein a holoholona o kela a me keia ano, aole e hookuu wale ia maluna o ua maa Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kahikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i ole ia KUKA.
Owau no me ka haahaa.
MRS. C. I. HIRAM.
Honolulu , Oahu. Oct. 8, 1890. 3ms-d.
NO KA POE MAKAIKAI
MA KA
O. R. & L. CO.
MA KA I’A HAMAULEO O EWA.
O KA POAONO KA LA KUPONO no ka hele ana, oiai e haalele ana ke kaa i kahi hoolulu ma Kuwili, Honolulu, i ka hoha 1:45 P. M. o aa Poaoao a iau.
No ka auhau, aohe olelo ana, he hookahi wai o ka like, mai ka liko a kalaele.
OIA HOI, HE-50 keneta, hiki i Manana a hoi heu mai-70 keneta, hiki i Honouliuli a hoi mai.
O kei ka manawa nono e la’i ai ka holoholo hoohala Manawa me ka hauu ana i na ea oluolu maikai, no elua wahi keneta wale no o ka mile.
1m-d Oct. 8, 1890.
Ka Hui Uwati Kaleponi.
Na uwati gula o waho, hoopiha ia, me na mea hana o loko, o ka hana uwati kaulana WALTHAM, no $30 o ka uwati hookahi, ma ka uku palua dala o ka pale hookahi. E kipa ae io –
A. J. SCHREIBER – Agena
Alanui Hotele, malalo iho e ka Hotele Alonetona.
KAUKA YONG KAM PUNG.
HELU 53, ALANUI MAUNAKEA.
Ke Kauka Loea o ka Aina Pua.
UA HIKI HOOLA LA KELA A me keia ano ma’i, mai ko na kane wahine a me ko na keiki
Ke
E KIPA mai e ka poe i hooluuluu ia me ua heaw
KAUKA YONG KAM PUNG.
Augate 23, tf-d.