Ka Leo o ka Lahui, Volume II, Number 488, 29 June 1892 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.           HONOLULU IUNE 29, 1893.          Helu 488

 

HE MOOLELO

NO KE KEIKIALII

AWAREDA!

a me KA UI LEILA o Noremadi

(Kakauia no Ka Leo.)

Mokuna X.

Ka aihue ia ana o Leila, a me ka hoopakeleia ana o Diana.

O ho. Wahi a ke kanaka ahiu, me ka paa ana o kekahi lima ia Leila a o kekahi lima hoi ma kona waha kahi i palulu ai.

E noke oe a tausani manawa e kahea ai, aole loa he hua maka e loaa mai.

Me ka awiwinui, lalau iho la ua Koma nei i kekahi hainaka iloko o kona pakeke i hoopuluia me kekahi laau hoohiamoe, a hoopili ae la mamua o ka ihu o Leila.

A no kekahi manawa, aia hoi, haule aku la ua Leila nei i ka ona o ua laau la, a pe@ iho la i pau ai ka uwa ana a@ua nohea nei.

I ka ike ana o ua holoholona nei ua hookoia kona makemake.

Lalau iho la oia a kaikai ae la ia Leila a ka@@luna o kekahi poohiwi me he popoki la i ka iole, a hoi hou aku la no kahi pupupu hale o Kamila ma.

Aole nae i liuliu ka Koma wahi o ka auamo ana mai i kana pio, aia hoi halawai mai la oia me Dulifa, a mai iaia mai i loaa ai ia Koma ka lohe no ko Kamila komo ana ma ke kulana e hiki ole aku ai ke keakea i ka laua apana hana oia po, no ka mea wahi a ua Dulifa nei.

Ua hauhoa ia aku nei e a’u na lima a me na wawae o na wahine la a p@a me kekahi ku o kona moe, a mawaho ae oia, ua hoopio ia mai nei e a’u ke kukui me kuu ki pu ana aku nei a paa ka puka a’u i hele mai nei.

Ina pela, wahi a Koma, e awiwi e aku oe mamua a loaa kahi waapa o kaua, a mahope aku nei au.

Mai kanalua oe no’u, no ka mea, e hookokoke mau aku ana au mahope ou i na manawa a pau, a pela kaua e pono ai.

I hakalia @@ @ pau ke@a mau olelo a @a @@@a nei, huli ae la o Dulifa a pa@aka aku la ia laua no ka ululaau, aole i upu iho hoea aku la laua me ka maalahi ma kapa o ka muliwai, a ma kahi he hapalua mile ka mamao mai kahi pupupu hale mai o Kamila ma.

Hele loa aku la o Dulifa a ka@alako mai la i kekahi waapa nui mailoko mai o ke opu nahelehele e punonohu ana ma kapa o ka muliwai.

Nolaila, hookuu iho la o Koma i kana haawe ilalo, no ke kokua ana aku i kona kokoolua ma ka huki ana i ka waapa iloko o ka muliwai.

Oiai nae laua e onou ana i ua waapa nei iloko o ka muliwai, aia hoi ike aku la laua i kekahi kino kanaka e waiho ana ma kapa o ka muliwai.

Nolaila, hookuu iho la o Koma i kana haawe ilalo, no ke kokua ana aku i kona kokoolua ma ka huki ana i ka waapa iloko o ka muliwai.

Oiai nae laua e onou ana i ua waapa nei iloko o ka muliwai, aia hoi ike aku la laua i kekahi kino kanaka e waiho ana ma kapa o ka muliwai.

Nolaila, ua kokolo koke mai la ka maeele iloko o ko laua mau aakoko ia manawa.

Heaha la kela?  wahi a Koma.

He wahine, wahi a Dulifa, iaia i hele aku ai a nana pono iho la maluna o ke kino oni ole o na wahine la e waiho ana ma kapa o ka muliwai ma kekahi wahi a@o kuono uuku.

Ua make keia wahine, a me he mea la na ke au o ka muliwai nei i lawe mai iaia a hoopae ma keia wahi kuono.

Me keia mau olelo hope’a ua Dulifa nei, lalau iho la oia a hoohuli ae la i ke alo o ua kino make nei iluna, a oiai ka malamalama palaweka o ka mahina ia manawa, akahi no a hoaiki ma@, ua pap@ pono iho la kona malamalama maluna o na helehelena o ua wahine la.

Aia hoi, hooho hou ae la o Dulifa me ka leo i hoopuua ia me ke kaumaha penei.

 

HE MOOLELO HOONANEA

NO

Ebena-Lo

Ke Keiki’lii o Arabia

A ME ROVINA. Ka Ui o Dareba

@@@@E He Nanea Kamahao no na Hoahanau he Kanalima.

            No ke apo a ka makua i ke keiki ua hohola aku la no hoi o Ebena i kona mau lima imua a hauhea ae la i kona makua a paa iloko o kaua puili ana me ka pane ana aku no ka ninau a kona makuakane.

            E kuu makuakane aloha, aole keia hui ana a kaua he moeuhane, no ka mea eia no ko’u puuwai ke pana nei me ka hauoli, oiai aole au i manao mua, e loaa ana ia’u ka hanohano o ka hoopakele ana ae ia oe mai ka make ae ma keia hoi ana mai nei au.

            O@ wahi hou a ka makuakane i hoomau mai ai me ka hiolo pu ana mai o kona mau waimaka o ka hauoli, ua hai ia mai ia’u ua make oe.  Aka o kou uhane anei keia o kuu keiki e puili, e hai mai oiai ua piha loa ia au me ke pahaohao.

Aole au i make, a ua hiki no hoi ia oe ke hoomaopopo mai ia mea ma ka pana ana o ko’u puuwai, no ka mea o ka umauma o ke kanaka make, aole he pana iloko ona.

He ku i ke aloha ke ike aku i ka makua a ma ke keiki e puili ana kekahi a me kekahi iloko o ia manawa, a mahope iho o ka lumilumi ana a ke aloha iloko o laua pakahi huli ae la ua Ebena nei a hoolauna mai la imua o kona makuakane i kekahi kanaka poohina, me ka olelo ana mai, o Selima keia ka moi o Dareba.

Ike iho la ka moi Morana me ka moi Selima o Dareba, a pau ka @a@a ike ana, huli ae la ka moi a holo koke aku la no ka halealii, a haalele iho la i kona mau koa malalo o kona kuhina nui. 

A aole i liuliu, puka aku la oia i ka halealii i ukaliia e kana keiki a me ka puluna, a malama hou ia iho la he ike ana mawaena o na makua a me na keiki, mahope koke iho o ka noa ana o ka ihu o ka ipo i ka ipo.

            Aole ho poe hauoli e ae i ike ia ma Arabia ia la e like me lakou, no ka mea ua loaa ia Bidanona a me Morana ka laua keiki, a ua loaa no hoi ia Selima ka laua kaikamahine i nalowale loihi, oia hoi ka ui Rovina o Dareba.

            Mahope iho o ko Ebena hoike ana i ka moolelo a pau e pili ana i kona loaa ana i kekahi poe kalapa mahope iho o ko Rovina haalele ana iaia, ua lawe ia oia e lakou, a na lakou i malama iaia a hi@i i kona ola loa ana.

            I ka hoi hou ana mai o ke ola ia’u, ua hoomaka koke iho la au e @@le e imi ao ka’u mea i aloha ai, oiai nae au ma keia huakai, aia hoi halawai mai la au me ka moi Selima nei e imi ana nou, a mahope iho o ko maua hoomaopopo ana ia maua iho ma o ko’u hoike ana aku ia’u iho imua ona, ua hoomaka iike mai la maua e hele e huli nou e Rovina.

            A oiai ua pau kela huli o Arabia nei i ka @eepapa ia mai e Selima nei i ka imi, nolaila ua hoohuli like ae la maua i ka maua huakai huli ma keia aoao, a pela iho la kakou i halawai hou ai, me kou manao ole ua hiki loa mai o Rovina i ka haleahi nei.

            I ka pau ana o ka Ebena hoike ana i kona moolelo, e hoomaikai aku kakou i na lani no keia hui hou ana o kakou; aka no kou mau hoahanau kini, aole e kapaeia ka hoopai o ka make mai a lakou ae, a oiai ua hakina keia la, nolaila ma ka la apopo au e hooko ai i kuu olelo, oia hoi, e ohi lakou i ka hua o ka make i ku like ai me ke i@o a lakou i hanaai.

            Aole pela e kuu makuakane aloha, wahi a Ebena, no ka mea o lakou a pau o na to no ia o ko’u mau ie, a me iwi o kuu mau iwi, oia hoi o lakou no ko’u poe hoahanau.

            O ka hoopai au i manao ai e kau aku maluna o ko lakou mau hokua pakahi, me ka manao hoi e panai i ka ino no ka ino, ke makemake nei au e kapae ia ae, no ka u ea ua huikala au ia lakou a pau mai ka hohonu lilo ae o ko’u puuwai, a na ka mea nana i hana na mea a pau e kau i ka hoopai maluna e lakou.

            Aole i pau.

 

KA HOOLAHA A EGAN & GUNN

Na Papale Ie Ra@ki o na Kanaka Opio

Na Papale Ie Kalepeni Eleele o na Kamalii

Na Kamaa o na Kanaka opio

Na Kamaa o na Kamalii

            Ko na Kane mau Lei-ai, a me ha Paa Lole o na opio mai ka $2.00 a pii aku.

            No hookahi wale no la a makou kuai hoopau aku ai i kela mau waiwai maluna ae ma ke kuike, oia ka Poa@no, June 4, 1892.

            EGAN & GUNN.

Alanui Papu 100 Halepohaku @ Burua.         2ta-dly.

 

J. T. WALAKAHAUKI

Helu 10.

ALANUI PAPU.

Kuai Hoemi Nui ma na Mahehe a pau!

E kuai Holopono ia aku ana elik@

me ko Amerika a me ko Euro-

pa kuai ana, keia mau wai-

wai malalo iho nei

Na Kalakoa, na Kinamu,

Na U@@wahine, na Satina,

Na Palule Keokeo o na Kane,

Na Kahik@ Lei-ai o na Kane.

Na Lako Lole i Hook@moia mai nei,

Na Makaloaa & Lako Lele Kookee,

Na Lihilihi Eleele F@rani a me ke ka Hikina,

Na Lihilihi o k@la a me ke@a ano,

Na Mi@lli@a,

Na Rabine,

Na L@pi Silika hamahama lau,

O na Kumuk@@i ma na Hale Hana L@loo

NA Maumea Wahine,

Na K@kini a me na Mam@l@,

Oia ne

Ma keia Kuai nui o na Koena!

E ulalo ia nan ma kahi o

J. T. Walakahauki

ALANUI PAPU.

may10 1wkd