Ka Leo o ka Lahui, Volume II, Number 509, 28 July 1892 — Page 4
| This text was transcribed by: | Na limahana a pau o ka ?Aha Punana Leo, ko Ka Haka |
| This work is dedicated to: | ?Anake Lolena Nicholas |
KA LEO O KA LAHUI.
"E Mau ke Ea o ka Aina i ka Pono."
KA LEO.
John E. Bush.
Luna Hooponopono a me ka Puuku.
Honolulu, July 28, 1892
Ua hoopaneeia.
O kela heihei moku liilii i manao ia e malamaia ana mawaena o ko kakou mau moku kiakahi heihei ma keia Poakahi ae, Augate 1, ka la hoi e malamaia ai na hoomanao ana no ka la Hoihoi Ea, no ka pahu heihei mailoko aku nei o ke awa a hiki i Hanauma a hoi hou mai, elike me ka makou i hoaiai mua aku ai ma kekahi o ko makou mau helu i hala. ua hoopaneeia aku la a ka Poaono, Augate 1. ka la hoi e malamaia ai na hoomanao ana no ka la Hoihoi Ea, no ka pahu heihei mailoko aku nei o ke awa a hiki i Hanauma a hoi hou mai. elike me ka makou i hoaiai mua aku ai ma kekahi o ko makou mau helu i hala. ua hoopaneeia aku la a ka poaono, Augate 6. O ke kumu o keia hoopaneeia ana, mamuli no ia o ko L.A. Kakina me F.M. hatch, na kapena o na moku heihei hawaii me Healani pilikia ma ia la no kela hihia miliona dala poho mawaena o Kolonela Makapolena me ka Hui Kalepa Hawaii, e hoolohe ia ana ma ia la, Augate 1. Eia na moku e komo ana iloko o keia heihei; Hawaii. Healani, Helene a me Bone Dude; no laila, e hoomanao, aohe he heihei moku liilii o keia Poakahi ae, aia ka heihei i ka Poaono, Augate 6.
MAKA ʻ U I KA BANA
Oiai ka bataliona o na marina a me na lakeke-bolu o luna o ka mokukaua Amerika Kapalakiko e maki ana ma ke alanui Kalepa i ka Poalua nei, kokoke ana i ke alanui Alakea, malalo o ke alaka ʻ i ana a ka bana puhi ohe o ka moku, ua halawai mai la ka puali me Mr. Allan Herbert e kalaiwa ana i kekahi mau ho elua. I ka lohe ana o na lio i ke kani o ka bana o ka mokukaua, ua hoomaka ihola laua e makau a puiwa ae la. Aka nae, ia laua i hana ai pela, ua hina iho la laua ilalo. Ua kahamaka koke ia ke puhi ana o ka bana, me ka holo ana mai i kekahi mau alii koa elua e haawi i na kokua ana. I ka pau ana o na ili i ka hemo, ua ku hou ae la ua mau lio nei maluna o ko laua mau kupuai. Aole he mau poino i hanaia, koe wale no ka makau wale o kela mau lio i palale o ka ohe a na keiki o ke kai.
NUHOU KULOKO
Ahaolelo ko keia la; hora 10
Ma ka hora 4 me hapa o ke ahiahi Poakahi nei, ua a ae lo ke ahi mau kaupoku o ka halepai nupepa o ka Buletina ma ke alanui Kalepa, aole no aae i liuliu ua hoea mai la na kaawai, a hoopio ia iho la. O ke kumu o ke ahi, mai ka pau mai o ka puka-uwahi o ka ipuhao mikini o kona papa-pai.
Ua hopuia o J. Mitchell i ka Poalua nei no ka hewa hakaka me hoeha.
Ma ka la inehinei i malamaia ai ka panina o na hana hoike o ke Kula Kaikamahine o Sana Anaru.
Ua hala aku no Maui i ka Poalua nei na Nobala Kakina, Iana me Balauwina.
Kakahiaka nui me Kinau ma ka la inehinei, mai kona mau awa mai o Maui me Hawai ʻ i
Apopo ahiahi, e haalele mai ai ke Kinau no kona mau awa maamau ma ka hikina.
He 368 ka nui o na Pake a ka mokuahi Ocianika no keia awa, i mahelahelaia penei: 242 kane, 35 wahine a me 91 kamalii.
Mawaena o na makaikai i na hana o ka Ahaolelo i keia la aku nei a me ka la inehinei, o na kumu kekahi o ke Kulanui o San Lui.
O na Pake Limahana a ka moku ahi Ocianika i lawe mai nei no keia awa, ua hoihoiia no ka pa Hoomalu ma Kahakakaulana i ke kakahiaka onehinei.
Eia ke hoomaka hou ia nei i keia mau la ka hana ana i ke alanui Kaukini mawaena o ke alanuiNuuanu me Liliha, e na keiki o ka hale kakela o Kawa.
Mawaena o na ohua i kau aku ma ka mokuahi o Claudine ma ka Poalua nei no ka moku o Kama, o Rev. F. G. Beckwith, Kolonela Claus Spreckele me ka laea mau wahine.
Na Luna Ohi Auhau o ka 1892
Ua aponoia ka poe keonimana malalo iho nei i mau Hope Luna Auhau no keia makahiki 1892:
OAHU
Honolulu………………………………….T.A Llyod
Ewa me Waianae………………………..S.Hookano
Waialua…………………………………………………………………
Koolaupoko No.1…………………………Asa Kauila
Koolaupoko No.2…………………………E.P. Aikue
Koolauloa…………………………………L.J Aylett
MAUI
Lahaina……………………………………………….David Taylor
Wailuku………………………………………………Wm. T. Robinson
Makawao…………………………………………………David Morton
Hana………………………………………………………J.P Sylva
Molokai me Lanai…………………………………….
HAWAII.
Hilo me Hilo Akau…………………………………………N.C Willford ʻ
Hamakua……………………………………………………Chas Williams
Kohala Hema…………………………………………………Wilmot Yredenburd
Kohala Akau………………………………………………….Eben P.Low
Kona Akau……………………………………………………J. Kaelemakule
Kona Hema……………………………………………………This H. Wright
Kau……………………………………………………………O.T. Shipman
Puna…………………………………………………………..J. E. Elderts
KAUAI
Waimea me Niihau…………………………………………Th. Brandt
Koloa………………………………………………………….A.K Mika
Lihue………………………………………………………….J.H Hanaike
Kawaihau……………………………………………………S. Kaiu
Hanalei………………………………………………………W.E Deverill
KE KULANA O KO KAKOU MAU HUI KINIPOPO E KU NEI
O keia malalo iho nei ke kulana o ko kakou mau Hui Kinipopo i keia manawa, ka nui o ka lakou paani ana, ka lakou mau paani i lanakila a me ka lakou mau paani
i haole, mai ka hoomaka ana mai o keia Kau Kinipopo a hiki i keia la:
Hui Lanakila Haule Paani
Honolulu 2 4 6
Kamehameha 7 2 8
Hawaii 3 4 6
Crescent 4 4 8
HE HOOLAHA I KE AKEA
E ike auanei na ano lahui a pau, e noho ana ma ke Aupuni Hawaii mai na kane, wahine, a me na keiki i loaa i na ma ʻ i o kela me keia ano, e nane mai i ko ʻ u Keena hana, ana ʻ u e hoopau aku i na ehaeha a ka ma ʻ i maluna o oukou e na makamaka, he hiki ia ʻ u ke lapa ʻ au i na ano ma ʻ i a pau, ma ʻ i iloko o ka opu, hu ʻ i ke kino, aki iloko o ka iwi, eha o ke poo, ma ʻ iwahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pūlama mai i na kono ana mai mai na Mokupuni mai, me ka eleu a me ka hikiwawa loa, he makamaka a he hoaaloha maika ʻ i no oukou a pau e na Hawaii.
Owou iho no,
DR. LEONG KENG TONG.
HELU 40, Huina o na alanui Kamika me Hotele, Honolulu, Oahu. Aug.31. 1v
OLELO HOOLAHA NO NA
PUAA.
Ke loaa ka puaa, e hele wale ana ma kuu mau aina oia o Halawa a me Aiea e pepehi ia ana e hooko ia keia ke hala na la he umi mai keia hoolaha.
KIMO PELEKANE
(J.I. Dowssttd.)
Honolulu Iune 28,1892.
june30 1m.
Kauka Yong Kam Pung.
APANA.
Helu53, Alanui Maunakea.
Ke Kauka Loea o ka Aina Pua!
Ua hiki ke hoola i kela a me keia ame ma'i, mai ko na kane, wahine a me na keiki liihi. O na ma'i ha-no ua hiki loa, ia ke hoola ia me ka maalahi. A o na ma'i e pili ana i ka maka pau pu ia i ke ola. Ke hoike ia aku nei, me ka oluolu pu o kahi auhau. ka poe pilikia hanau keiki a hele nui paha o ke koke a paa a lohi paha ka hanau ana, pa hana o ka waiu, e hele nui mai i o'a nei
E KIPA mai e ka poe i hooluuluu ia me na haawina pilihua a ka ma'i a na'u oukou e hooluolu aku.
KAUKA YONG KAM PUNG.
Honolulu Sept.2,1891. @d8 272-
HOOLAHA HOU
E ALLA, E ALA.
B.F. Ehlers & Co- Painapa
HELU 99 Alanui Papu.
E Ho'olohe hou mai e na MAKAMAKA, mai no a lokoino.. e hele mau mai no oukou e ike ia PAINAPA, no ka mea, he kanaka oia i noho a kama'aina i keia kulanakauhale.
AIA MA KONA HALEKUAI NA
Papale Wahine...................................................................
Kinamu Nani 8Ia...............................................................$1.00
Kalakoa Nani 18Ia............................................................$1.00
E kuai aku ana MAKOU i ko makou mau waiwai a pau me ke Kumukuai i haule iho i ko lakou mau Kumukuai mua.
Na Palule $2.50 he $1.50 wale no, a o na Palule $1.50. he $1.00 wale no. Ke ike mai la oukou i ka emi loa ana.
Kupaianaha maoli keia emi naaupo ana a hele koke mai, o nele auanei oukou.
B.F. EHLERS &. CO
Huro! No ka la Heihei. Huro.
NA PAPALE O NA LEDE I HOONANIIA
" " " " KAMALII "
" AAHU NANI O NA LEDE.
He kuai Hoemi Kuikawa no ka ia 11 o Iune, ke malamaia ana ma kahi o
N.S. SACHS,
104 Alanui Papu, Honolulu.
E hoemi ana makou i ke kumukuai o ka Makou mau PAPALE no ka la
11 O IUNE.
E kokoke mai nei, ma ke kuai ana aku ma ke KUMUKUAI HAAHAA loa i ike mua ole ia mamua, eia ia makou
Na PAPALE ANO HOU LOA MAI NEI, a pela no hoi me NA ANO HOONANI HOU O NA PAPALE
o ke ano maemae a oi loa o ka maikai, a ua loaa pu mai nei hoi ia makou.
NA PAPALE LUINA o ke ano hou loa mai nei, no laila e kipa mai ma ko MAKOU Halekuai nei i ike make, a e huipu aku au no hoi makou i ke
KUAI HOOPAU O KA PAPALE O NA KAMALII.
Na Papale Kele Kula o na opio, he 25c wale no, oiai nae o kona waiwai io he 50 me 75 keneta.
Ina oe e makemake i lole maikai no ka la 11 o Iune, eia ia makou kahi i waiho ai, a ake kakali aku nei no kou kii mai.
Na Lole Hapa Kanikau i hiki ke holoi ia, o ke ano Akala. Halenalena, Bolu a me Keokeo, o ke ano maikai loa a pilikia ole hoi ke holoi ia, he 25 keneta wale no o ka i-a.
Na Keokeo Lihilihi Paa pu maikai loa, a me na ano waihooluu a pau a ka manao e haakoi ae ai, e kuai ia aku ana no ke kumukuai haahaa loa.
Na Lole Keokoe a me na Lole Panio mo na ano a pau i hiki ke holoiia me ka mae ole, he nui loa ia makou.
E na hoalolha, e kipa, e ike kumaka i ka nani e Aipe, he @aia ka lohe pepeiao.
E Hoomanao, aia ke Kuai Hoemi ma kahi o
: N.S. SACHS:
104 Alanui @Papu, Honolulu.