Ka Leo o ka Lahui, Volume II, Number 521, 15 August 1892 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO

 

John E Bush

Luna Hooponopono a me puuku

 

Honolulu August 15, 1892

 

HE LEO KĀHEA

 

            I ka poe hoopono, aloha aina. a aloha lahui oiaio, a i ka lahui no a pau. ke poloai aku nei ka poe i hoonohoia, he mau Komite Wae no ka Ahaolelo, e huli i ka poe o hoopae malu nei i ka opiuma a me ka poe e kuai malu ana. He nui na olelo e hele nei a puni ka aina, ma alanui, ma na hale, i kahi kiekie a me kahi haahaa, e kamailio ana no ka pahola ana o keia ino hoomailo a pepehi kino kanaka, hoohaumia noho ʻ na maemae, a pela aku, a e hooiliia nei i kio a kawowo iloko o ka aina nei mamuli o ka moe o na kiai o ka pono, na hoopalaleha a na luna aupuni a me na komo kino ana a hui pu, a ai pu i ka loaa haukae mamuli o ka hele kohana a hana kanawai ole ia o keia mea make iloko nei o ka aina. He mea maopopo ke mau keia mau kumu hoohaumia iloko o ka aina nei. he mea akaka aole e nele ke kuhinu ia aku o na mea a pau, a koe aku ka poe i wae ia. i ka pilau palahinu o keia mea make. Ua akaka no hoi ke komo nei malalo o ka ihu o ka Oihana Dute Awa i malamaia e ke kane a na ʻ lii, a mawaena o na kuemaka mai o ka oihana makai. i hookele ia e "kuu wahi tanta iti mantai."

            Nolaila, oiai makou na lala o ke komite i waiho ia mai ai keia hana, e ake aku ana e loaa ka mole o ka hewa. na lala. a me na kakoo. ke poloai aku nei i ka lahui e o-kapaka mai. e aa, e koa e paio, a e apo aku i ka hewa e hele kohona makeleawe nei, me ka hoopunahele ia e na luna hooko o ke kanawai, mai ke poo a ka hiu, a e hoike mai i ko oukou Komite i na haawina, kuhikuhi ana, a me na meheu a alakai e hiki ai ke hoohulihia ia keia mau hana luku a hoomaewaewa i ka pono a me ke ola o ka lahui holookoa a me ka pomaikai o na mea a pau e noho nei iloko o Hawaii nei.

            Ke poloai aku nei makou e hele mai ka mea i ike i kekahi mea, hunehune paha, a meheu e loaa ai ke alanui e kumu ai ka ahewa a e lele ai ke poo o ka moopoowalu opiuma e lilo nei he akua no ka piheetero kanaka o ka aina e hele mai io makou nei.

 

            Ma o ke Komite

 

                                                Jon. E. Bush

           

            Luna Hoomalu Komite.

 

 

            I keia Poakolu ae e wehe aku ai o uwahi. ka moku Aueeteralia.

 

 

NUHOU KULOKO

 

            O ka la apopo ka la e noho ai ka hihia @he-fa o Kee Wai.

 

            He keu keia o na la kikiki o ke kaona nei, ke hele la a "Mo-a unounoa Puna i ke akua wahine.

 

            Eia ke ik ia aku nei ma na makeke kuai hoopukapuka liilii o ke kulanakauhale nei, na apala hua ai o ke kuahiwi. Mohala ka puu ke moni iho.

 

            Ua hookohuia aku nei o Cecil R. Broad i Kanikela Hawaii, ma Falmouth, Enelani, he pani ma kahi o Sydney Broad kona makuakane hanauna. E hahaiia kana hoau mua ana i kana hana me ka holomua no ka pomaikai o ke aupuni o Hawaii.

 

            Ua kaa ke ea o ka helu ia ana o na balota kinipopo nona ka makana helu 1, e holo i Kaluapele maluna o ke Kinau, i ke keiki o ka Ua Kipuupuu o Waimea, Samuel Mahuka. Ke haawi aku nei KA LEO i ka mahalo no na hoaaloha o ka makamaka opio i haawi i ko lakou mau hooikaika ana nona me ka hoomanawanui a hiki i kona lanakila ana.

 

            Ua huli hoi mai kekahi mau hoa o ka Hale Ahaolelo ma k Malulani o ka Poalima nei. He wahi ano kuihe ko makou no na hana a kekahi mau hoa o ka Hale e holohoke mau nei i o a ia nei, me ka haalele ana i na hana a ka lehulehu i haawi aku ai. na lakou e hana. Ke ake nei makou e hana ka Ahaolelo i kanawai e papa loa ana i na hoa o ka Hale mai ko lakou haalele wale ana i ko lakou mau noho.

 

            Ma ka po Poaono iho nei, ua wehe ia ka Aha Mele a ka Hui Mele Hawaii Noeau maloko o ka Hale Hoolulu o Kawaiahao, kahi i hookaawaleia no ka hoomana ana ia Iehova. Ua manao makou, ua oi loa aku ka pono ke hoopau ia ka hoomana ana iloko o ka luakini o Kawaiahao, a e hooliloia i hale no na hana keaka a me na hana uhauha: a e hooliloia ka Hale Mele Hawaii e ku nei i halepule no Kawaiahao. mamua o ke ku wale ana oia hale.

 

            Ma ka po Poaha nei, ma Kawaiahao ae nei. ua @iau aku la i ke ala mau o ka honua o John Brown. kekahi o na kalaiwa kaa hoolimalima kahiko o keia kulanakauhale. He kanaka oia i kamaaina nui ia e ko ke kulanakauhale nei ana ia bana. Ua lilo oia he hoaloha oiaio no ka Lunakanawai Kiekie Preston i make. mamuli o ke ano like o ko laua nui, a me ke ke-ke o ko laua mau opu. He kanaka hoopono oia ma kana mau hana a pau. Aloha wale ia makemake hoopono i hala aku la ma kahi e hoomaha ai na uhane o na mea a pau ma keia ao.

 

            Eia mai no ka makou mau moolelo ke hele ku palua aku la i ka lua hee hookahi, elike me ko laua ano ka hanau mahoe ia ana mai, mai hoopapau loa iho oe i ka hoonuu o kulu ka haae pau mawaho.

 

Na Luna Ohi Auhau o ka 1892

 

            Ua aponoia ka poe keonimana malalo iho nei i mau Hope Luna Auhau no keia makahiki, 1892:

OAHU.

 

Honlulu           T.A. Lloyd

Ewa me Waianae        S. Hookano

Waialua

Koolaupoko No. 1      Asa Kaulia

Koolaupoko No. 2      E. P. Aikue

Koolaupoko    L.J. Aylett

 

MAUI.

 

Lahaina           David Taylor

Wailuku           Wm. T. Robinson

Makawao        David Morton

Hana    J. P. Sylva

Molokai me Lanai

 

HAWAII

 

Hilo me Hilo Akau      . C. Willfond

Hamakua         Chas. Williams

Kohala Hema  Wilmot Vredenburd

Kohala Akau   Eben P. Low

Kona Akau      J. Kaelemakule

Kona Hema     Thos H. Wright

Kau     O. T. Shipman

Puna    J. E. Elderts

 

KAUAI

 

Waimea me Niihau      Th. Brandt

Koloa  A. K. Mika

Lihue   J. B. Hanaike

Kawaihau        S. Kaiu

Hanalei            W. E. Deverill

 

KAUKA YONG KAM PUNG

@APANA

 

            Helu 53, Alanui Maunakea.

 

Ke Kauka Loea o ka Aina Pua!

 

Ua hiki ke hoola ia kela a me keia ano ma ʻ i, mai ko na kane, wahine a em na keiki liilii. O na ma ʻ i ha-no ua hiki loa ia ke hoola ia me ka maalahi. A ona ma ʻ i e pili ana i ka maka pau pu ia i ke ola. Ke hoike ia aku nei, eia ke ola ia nei, me ka oluolu pu o kahi auhau. Ka poe pilikia hanau keiki e hele nui paha o ke koke a paa a lohi paha ka hanau ana, p@ paha o ka waiu, e hele nui mai i o ʻ @ ne

E KIPA mai @ ka poe i b@@@@ l@u ia me na haawina pilihua a ka ma ʻ i a na ʻ u oukou e hooluolu aku.

KAUKA YONG KAM PUNG.

Honolulu Sept. 2, 1@@1       ds 272

 

HOOLAHA HOU!

E ALA,           E ALA.

B. F. Ehlers & Co                   PAINAIA

HELU 99        Alanui Pa@u

 

            E Hoolohe hou mai e na MAKAMAKA, moi no a lokoino., e hele mau mai no oukou e ike ia PAINAPA, no ka mea, he kanaka oia i noho a kamaaina i keia kulanakauhale.

 

AIA MA KONA HALEKUAI NA

            Papale Wahine

Kinamu Nani   8 Ia      $ 1.00

Kalakoa Nani 18 Ia     " 1.00

            E kuai aku ana MAKOU i ko makou mau waiwai a pau no ke Kumukuai i haule iho i ko lakou Kumukuai mua.

            Na Palule $2.50 he $1.50 wale no, a o na Palule $1.50. he $1.00 wale no. Ke ike mai la oukou i ka emi loa ana.

Kupaianaha maoli keia emi naaupo ana e hele koke mai, o nele auane oukou

 

B. F.  EHLERS & CO

 

Ma ke Kuai Makepono o Makou no ka Oi!

 

He wa Pilikia keia; Nolaila o ka emi ka mea Maikai no na Mea a pau.

 

            Mamuli o ko makou hoomaopopo ana i ka hune a me ka ilikoke o keia mau la, nolaila ua oki iho makou i ke kumukuai o ko makou mau waiwai, a e kuai aku ana makou ma ke kumukuai makepono me ka nana ole iho no makou, oia ka makou e kau leo aku nei, i noho a ulu ae ka manao no na lako hoonani me kahiko kino, e hele mai ma ka hale kuai waiwai o

 

N. S. SACHS,

 

104      Alanui Papu,   Honolulu.

 

            I hoike no ka oiaio o keia. e alawa iki iho i kekahi o ka makou mau kumukuai malalo nei.

            Na Paleili o na Kane, he          25c.

            Lakeke Kalakoa o na Opio     25c.

            Lopi Silika hana Leia-i, 1 pokaa         30c.

            Kalika o na Lede. o 1 dala ka waiwai io he    50c.

            Lole Kalika o na Kamahi, o 60 keneta ka waiwai io he          40c.

            Na Kaliki eleele paa loa o na Lede, 1 paa he  25c.

                        a e kuai hoopakika pu aku ana ni hoi makou i ka makou mau lole lau me lihilihi, ke makemake oe.

            Na Lole K ʻ okeo Maoli aole i hoohuihuiia, na Lola Pua me Kahakaha, eia @a makou ka nui oia ano iloko o keia aupuni, a o ke ano keokeo maikai loa oia ano. e kuai aku ana makou 6 i-a no $1.00.

            Na Lole Eleele paa loa, na lole Satina maikai loa o Farani, he 25c. no ka i-a, mai manao nae oe o ke ano Satina keia e kuai ia mai nei ma kekahi mau halekuai e ae, aka o ke ani keia o ka papa ekahi, nona ka waiwai io he 35 keneta no 1 i-a.

            Na Kinamu, Masalina Pua, na Lole Makalena hiki ke holoia, e kuai aku ana makou ia mau mea a pau me ka makepono.

            Na Lole Uhi Hoonani o na Pukaaniani, he 5 @@ no $1.00

            Na Papale i hoonaniia o na Lede a me na Kamalii, eia me makou ia mau wehi, a o makou ke alakai ma ia mau mea. aole e hiki i kekahi halekuai ke hoopapa mai ia makou ma ka mikioi a me ka oluolu o ke kumukuai.

            Ua lako makou me na ano paikini papale a pau a ka manao e uilani aeai, a ua makaukau pu no hoi i na manawa a pau e hoonani i na papale i ku e like me ko oukou makemake me ka oluolu o ka auhau.

            E na hoaloha, e kipa, e ike kumaka i ka nani o Aipo, he @@@ ka lohe pepeiao.

            E Hoomanao ana ke Kuai Hoemi ma kahi o

N. S. SACHS:

101 Alanui Papa, Honolulu