Ka Leo o ka Lahui, Volume II, Number 592, 29 November 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

            Hiu a wela, lawe a lilo oia ke kulana o KA LEO i keia mau la e nee nei, heahalaia pua kauahi.

_____

            I ka la apopo e ku mai ai ka mokuahi Auseteralia mai kaleponi mai me na mea hou o na aina mamao

_____

            He haiolelo kai malama ia maloko o ka Papukaua o Kawaiahao i ka la onehinei a ua hiki ae ka Moiwahine malaila.

_____

            Ke haawi aku nei ka mea kakau o KA LEO, i na hoomaikai ana i ke kakau olelo o ka Hawaii Holomua oiai oia i hoouna mau ae ai i nupepa na ua mea kakau ala.

_____

            Ua hoike ae ka Luna Hanohano o Kona, i na e oluolu ana ka Luna Hanohano o Hana e hoihoi hou i kana noi, olelo iho nei, e hoopanee loa i keia bila kanu hala ke hiki, alaila, e haawi makana aku no au iaia i 10 hala kahiko, nui kela, nani keia.

_____

            Ma ka Auwina Poalima nei, ua hookohu aku ke Kuhina Waiwai ia Geo. H. Smithiea i kakau olelo Nui no ke KeenaWaiwai ma kahi o Mr. F.S. Pratt he keiki Hawaii keia, a ke haawi nei KA LEO i na mahalo ana i ke Kuhina Waiwai, ua pau kona Bona i ka hana ia ma ka auwina la o ka Poalima i hala.

_____

            Ma ka Poalima nei, i haalele mai ai, no na moku aina Tiibati, kahi moku mahu uuku Hairama Binamu.  Ua malama ia he anaina haipule, ma ka uwapo mamua o kona holo ana.  O Rev Walkup, kona Kapena a wiliki, a ua manao oia e piha ana he 25 la no lakou e holo ai, alaila hiki aku i kahi i makemake ia.  O ka lawe ana i ka euanelio a ka Haku, a he pani oia no ka moku Hokuao.

_____

            He lono kai loaa mai ia makou, oia keia, ua mokuahana hou ka Hui Kalaiaina, a ua pau na hoa kahiko i ka haalele mai, mamuli a o ka ae ole ia ana o ka lakou noi, e lilo o Hon. J.E.Bush i me itamu iolelo no ka la inehinei, ka la i loaa ai ko kuokoa ia Hawaii nei a o na Haiolelo i ka la inehinei oia no E.K.Kaulia, a hookahi haiolelo ku waho, oia o Hon. J. Nawahi, oia ma ka aoao o Hui Liberala, o keia ko makou lohe, he oiaio anei?

_____

            Wahi a ka luna hanohano o ka apana 2 o Honolulu nei, he mea haohao no'u ka ike ana i na hoa hanohano o keia Hale, e kue ana i ka haawi ana i uku hoomau no ka Moiwahine Kanemake Kapiolani, ka wahine a ka Moi Kalakaua.  I make, ka Moi hoi nana i haawi i ka pomaikai i keia poe mahiko, aka, i ke ia haawina o keia Kuhina hiamoe, ke kokua nei ua poe nei, nolaila, ke kokua nei au i ke hoi a ke alii Haina o Kohola, a i ole ia, i ka hoololi a ka luna hanohano o ka Aspana 3 o Honolulu nei.

_____

            O keia la ka e koho ai ka balota o na Mokupuni o Maui, Lanai, a me Molokai a ke hooheno ae nei ka Leo, elilo mai ana no ka hanohano i ke keiki lalawai, o Waikapu.

_____

            I ke kakahiaka, o ka la apopo, e kapalulu mai ai ka lei Lehua o Hilo, a nana e hii poe mai ana ke alii Konuela, o ke koho ana keia a ke kilo ouli o na mea huna, o keia au, uwila no KA LEO.

_____

            I ka hora 10 o keia kakahiaka, e pahee aku ai i ka ohuku ale, ke kahili o lau niu o na Kona.  NO kona mau awa maa mau, o Maui, a me Hawaii; a i ka hora 5 hoi o ke ahiahi o Kalaukina a me Mikahala.

_____

HUIALOHAO A ME AINA O OAHU.

Papa Manawa

Mai Mahope o Okatoba 1, 1892

NA KAA

 

Haalele ia Honolulu    6:15am*          8:45am                        1:45pm            4:35pm+

Hoea i Honouliuli        7:20am*          9:57am                        2:57pm            5:35pm+

Haalele ia Honouliuli  7:30am*          10:13am          3:45pm            5:42pm+

Hoea i Honolulu          8:35am*          11:55am          4:55pm            6:50pm+

NO KULANAKAUHALE MOMI IHO.

Haalele ia Honolulu                                                    5:10 II pm      

Hiki i Kulanakauhale Momi                                        5:48 II pm

Haalele ia Kulanakauhale Momi                                 6:55am*

+Poaono wale no

*Koe ka Lapule

II Koe ka Poaono

Sept.28tf-dly.

_____

HOOLAHA PA AUPUNI.

 

            E ike auanei na kanaka a pau eia ma ka Pa Aupuni o Makiki nei kekahi lio hele hewa, lio k. keokeo ulaula kekahi hulu o keia lio, hao HP, kuni hope hema, ina aole like keia kuni ua like paha me keia hao HR Kuni, oluna o keia mau kuhi ua hui ka H me ka P.  O ka mea a mau mea nona keia lio e pono e kii koke o hala na la he 14, e kuai kukala akea ia aku ke hiki aku i ka la 3 o Dec. 1892, hora 12 Awakea Poaono.

D. KAOAO.  Luna Pa Aupuni,

Honolulu, Nov. 23, 1892.

nov24, 1m-dly.

_____

HOOLAHA PA AUPUNI.

 

            E ike auanei na kanaka a pau eia ma ka pa aupuni o Makiki nei kekahi mau lio hele hewa, lio w, keokeo ohinahina, hao kuni ano e ma ka akau o ka ai, kuni mamua hapala.  Lio w, ulaula, 4 wawae eleele keokeo lokihi ma ka lae, hao [D] kuni hope akau ke kuni malalo he kiaha puaniki paha aole paha he hao ano e paha.  O ka mea a mau mea nona keia mau hoe pono e kii koke mai o hala na he 18 e kuai kudala akea ia aku ke hiki aku i ka la 26 o Nov. 1892, hola 12 awakea Poaono.

D. KAOAO.  Luna Pa Aupuni,

Honolulu, Nov. 10, 1892.*

_____

Aole keia he Mau Hana Hoohoka!  AKA HE MAU WAIWAI HOU WALE NO, AOLE I POPOPO !  E LOAA NO MA KE KUMUKUAI EMI LOA !! MA KAHI O

N.S. SACHS,

Helu 104         Alanui Papu, Honolulu           Helu 104.

 

O na Waiwai Hou Wale no ko ko Makou Halekuai.  Aole o na Apa Lole Popopo a Kahiko !

            Aole makou mau hana hoopuunipuni; aole a makou maunu ekaeka, oia hoi, aole o makou pa ali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou mau makamaka a me na hoaloha, no ke Kumukuai Emi Haalele Loa, e loaa ole ai Kona Lua ke Ukali ae!

            Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae.  Ua loaa pu mai no hoi ma ko makou halekuai nei, he mau lako hou o na Apa Keokeo, na Lako Kalakoa a me na Kinihama,

            A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko makou mau waiwai lako huluhulu.  Ua wehe pu ae nei makou he luhiehu o na APA HULUHULU Farani, na Silika PANI'O a me na APA SILIKA LAU.  He mea pono e ike ko makou makamaka a me na hoaloha i keia mau waiwai hou a  nani.  Emi ke Kumukuai.  O na APA SILIKA ELEELE, PAPAMU, a pela aku, e loaa no ma ko kumukuai haahaa loa.

            Na Papale o na Wahine i humu a Kinohinohiia, na Papale o na Keiki o ke ano hou loa, e kuai ia aku no ma ke kumukuai haahaa loa.  Na Pua Papale, na Hulu Papale hou, e pela aku, e loaa no ma ko makou halekuai me ke kumukuai emi loa.  O ka loaa koke ana mai nei no ia o ka mea humu papale hou o ko makou halekuai mai Nu Ioka mai.  He loaa kana mau hana hookinohinohi ana i na papale.  Ua hiki ia makou ke kaena ae ua oi ae kona loea mamua o na mea hana a kinohino papale o kekahi mau halekuai papale e ae.

            E hoomanao hou iho e na makamaka a me na hoaloha, o ka pono, pololei, kaulike, ko makou moto, a aole o na hana poholalo, a mamua o ko oukou hele ana aku i kekahi halekuai e aku, e kipa mua mai ma ko makou halekuai.  E kilihi mua.  E nana.  E lolelole.  E hooia no oukou iho.

N.S. SACHS

575-tfd.                       104 Alanui Papu, Honolulu.

_____

He Kuai Hoopau Nui MA KA HEIAU O NA PAIKINI !

 

No Keia wahi Pule Hookahi Wale iho no !

 

A HE OIAIO

 

E Kuai pau aku ana ka Makou mau LOLE KEOKEO a pau, oia hoi

Na Liliua, ua Kalakoa a me na Lole Kilikia me na Huluhulu

Na Kinamu a me na Lole Nani onoano a Pau.

 

            E pau ana i kela Pule no ke Kumukuai hii ole ke manaoia no ke emi loa.  E hoomanao o n Lede i keia kuai kamahao e panee ia aku nei imua o oukou.

 

S. EHRLICH, Ka Heiau na Paikini.