Ka Leo o ka Lahui, Volume II, Number 650, 27 February 1893 — HE WEHI NO KA LAHUI. [ARTICLE]

HE WEHI NO KA LAHUI.

Kaulana mai nei Hawaii loa I ka imi i ka mea pohihihi Ua ike ia hoi na noa huna Hoohui aina a ka lokoino I upu ai hoi a e kaihi I ka noho Kalaunu a o Hawaii Lokahi e ka leo o ka lahui Mai Hawaii hoi a Kauai Kaohi makou i ke kulana I ka ea hoi a o Hawaii nei Ka ewe aloha na kupuna A ili a kau i ka pua Aole makou a e puni aku I ka alapahi mai a ka nui manu Hoohui aina Amerika I nui hoi na pomaikai Aia i Kahiki na Komite Ei Hawaii nei e ke kauoha E noi mai ana i ka Hawaii E hopu i ka peni, kau i ka pepa Ke kue nei e ka Lahui Na hana pakaha he aloha ole Kohia e ka hae o ke aupuni O ka hae Hawaii oikelakela Ua kela Hawaii oia ka oi Kiko waena o ka Pakipika Kupaa kakou e ka lahui Mahope o Liliu-lani-i ke-kapu A kau hou hoi e ka hanohano Maluna hoi ou e ka Lahui Haina ia mai ana ka puana O ka wehi kaulana o ka Lahui Hakuia e Mrs. Kala Honuakaha, Feb. 24.