Ka Leo o ka Lahui, Volume II, Number 652, 1 March 1893 — Page 3

KA LEO O KA LAHUI.

"E Mau ke Ea o ka Aina i ka Pono."

 

PAPA INOA

O NA MEA

ULU HAWAII.

 

[Kakauia no KA LEO O KA LAHUI.]

Aaka    Kamakawai

Aalii    Kamole

Aiea     Kanawao

Ahakea                        Kau@aoa

Ahihi   Kawau

Ahuawa           Kawelu

Akala   Ki

Akia    Kikania

Akiaki Kikawaio

Akiohala          Kilioopu

Akolea Ko

Aku     Koa

Akulikuli         Koaie

Alani   Koali

Alahee Kolea

Alaalapuloa     Kopa

Aloalo Kookoolau

Alii@oe           Kou

Amau  Kukui

Ape     Kuolohia

Apiipii Kupaoa

Awapuhi         Kupukupu

Awikiwiki       -

-           Lauae

Ea        Lama

Ekaha  Lanakiawahine

Ekoko  Loulu

Elama  -

-           Maia

Ieie      Maile

Iii         Maoheohe

Iiwi      Makahekili

Ihi        Makohekohe

Iliahi    Makoloa

Iliee     Mamaki

Iliau     Mamane

Ilima    Manewanewa

Iwaiwa            Manienie

-           Mana

O i       Moa

Oha     Mohihi

Ohai    Mokae

Ohe     Mokihana

Ohelo  -

Ohia    Naia

Olapa   Naku

Olepe   Nehe

Olona  Nenelau

Olomea            Nioi

Opikao            Niu

-           Nohu

Uala     Noni

Uhi      -

Uhiuhi Paihi

Uki      Painiu

Ulei     Panini

Ulu      Pala

Uluhe  Palai

Uhaloa Pau-o-hi@ka

-           Pawale

Hala     Papala

Halapepe         Papapa

Hapuu             Pia

Hau     Pi@

Hei      Pili

Hinahina          Pilo

Hoi      Poha

Hoio    Pohe

Hohoiea           Pohuehue

Honohono       Po@

Huehue                        Puakala

-           Pukamole

Kaeee  Pukeawe

Kakalaioa        -

Kalamalo         Wauke

Kalo    Wiliwili

Kaluha Wawaeiole

Kamakahala

 

            Ua makemakeia na inoa i koe aku o na mea ulu Hawaii, e pakui ia mai; e hoouna mai i ke kope inoa i ka Lunahooponopono.

 

Palanehe i ka Iwihilo Song.

 

Akahi no po a ke ala

I hiki mai ai i ou nei

Koikoi mai ana i ka manao

I hoapili no ka makemake

E ake ka manao e ike

I ka nani i lohia i ka poli

Ua mali ia ua paa

Ua hei i kau makau.

 

Ua ai ia kau maunu

Ke momoni nei kau ma-na

Ua lihi lou ia loko

Palanehe i ka iwihilo

Ililo ia iho ko aloha

Pili paa ia i ke alo

Ua mali ia ua paa

Ua hei i kau makau.

 

O ke kiina ia ua lai

Ka apona ana ia ua olu

Ke kawili ana ia ua paa

Ua kokohi i ka puuwai

Nawai no e ole

A he ohu ia no ke kanaka,

Ua mali ia ua paa

Ua hei i kau makau.

HE INOA NO KAPUAHANOLANI.

 

HE WEHI NO HAWAII.

 

Auhea oukou e ka lahui,

Ka ewe aloha o Hawaii nei,

Makia ke aloha paa iloko,

Kohia i paa e ka aina,

Mai punihei aku i ka mali leo,

I ka alapahi mai a ka nui manu,

Hoohui Aina oia ka make,

Aohe ou pono Kivila ilaila,

Hoo@ele ia oe i ka mana koho,

I ka imi ana hoi i ke Kaulike,

Hookahi puuwai e ka lahui,

E paa i ke Ea o ka Aina,

Kui aku e ka lono lohe Europa,

Ua haunaele Hawaii loa,

Liuliu Enelani e hoouna mai,

I ka moku kaula@a Roiala Aka,

Akaka e ka hana a ka lokoino,

Pakaha i ka pono a o Hawaii,

A oi hoi hope e ka lahui.

Eia i ka nu@ a o Hawaii,

He wehi keia no Hawaii,

Kikowaena o ka Pakipika.

Makaleho ia oe e ka nui manu,

Na Auna Kolea o Kahiki,

Hiki mai e ka lono i Hawaii nei,

Aia kou pono a i Europa.

Ua kue hoi e ka Aha Senate,

O ka Ahaolelo Amerika.

Mai haookuu oe e ka lahui,

I ke Ea @loha o kou aina,

Hookahi pa@a a@a o ka puuwai,

Ka walu o na Lani i ke Kalaunu,

Unua i pau pono ke koii koi,

Ke aloha aina o ka lahui,

E hui Hawaii Moku o Keawe,

Kakoo e Maui Moku o Kama.

Hea mai Molokai Nui a Hina.

E ola o Liliu a mau loa,

Ka puana like ia a Kakuhinewa,

A Kauai a e lei mai nei,

Haina ka puana a o ko wehi,

E ola Hawaii a mau loa.

Hakuia e

MRS. KALA.

Honuakaha, Feb. 27, 1893.

 

            He mau kanawai hou ko ka Oihana Kinaiahi i keia mau la e hele nei, ua lu ia ae nei na mea mua.

 

NA LETA.

 

            Aole o makou makemake e lawe i ke koikoi o na hala no na manao i hoopuka ia malalo o keia poo e ko makou p@e mea kakau.

 

KE KULANA NAWALIWALI.

(Hoomau ia).

            Aole no e lilo ana i mea makehewa kana mau huaolelo o ka hoolana, ka hoohauoli, ka hoohoihoi ku@o, ka hooulu noonoo hoi a me na hooluolu, oiai he laau lapaau ia o na hunahuna i hoohuihui ia e lilo ai i mea hoola.  Eia nae, ua mumule loa.  He hana hikiwawe nae iaia ka emoole o ke kuhikuhi ana i keia wa i ke kumu palaueka a haule ino, i loaa ole ai keia mau pomaikai i na Hawaii mawaho ae o ka mea kupono a pololei i lilo ai oia i mea hohe wale mai ka hoike ana ae.

            O ka mana koho i ka Peresidena na Kiaaina a me na luna aupuni, aole no ia he pomaikai hou i pakui ia mai no ka lahui Hawaii ke ae lakou e hoohui me Amerika.  He pono pilipaa ia no ke kanaka e koho i kana mea i makemake ai, a ua hookumu ia keia pono mai ka hanau ana, a he makaainana kupa a hookupa hoi no kekahi aupuni.  He mea hiki ole, a kupono ole no hoi ke lawe wale ia a pani-ku wale ia keia pono mai ke kanaka aku me ke kumu ole, o ke kanawai wale no a me ka make ka mea nana e lawe ae hoopau.

            He mea hiki ole ke heole ia, ka loaa ana i na kanaka Hawaii keia ano, ina o ke kulana aupuni o ko lakou aina hanau i na la i hala aku, ua like me ko Amerika, o na kanawai i hana ia e ka Mana Kau Kanawai o ka Lahui, ke hoike akaka mai nei ia i ka loaa ana o ka mana koho i na kanaka Hawaii no ko lakou mau luna aupuni.  O ka Mei ma ke kalaunu, na ke kanaka Hawaii oia i koho a e kulike ai me Kana Hoohiki Oihana, o ka hooko wale no me ka pololei i na mea i makemake ia e na m@kaainana no ka hoonoho ana i na luna aupuni ma kela a me keia mahele a me na palena i kuhikuhiia no na oihana.  E like me ka hoohana pinepine ona Amerika i ko lakou mau @una aupuni ponoi iho, pela no na kanaka Hawaii i na manawa i hala aku (koe keia kulana Aupuni Kuikawa) ma o ko lakou mau alii mua, a pela no i ko lakou Moiwahine i aloha ia.  O ka manao ana o kela a me keia e like me ko keia haole, no keia pono oi, a pomaikai e loaa ana i na Hawaii ke hoohuia me Amerika, ke kuhikuhi nei au, e hookamaaina iho na mea a pau me na ka@awai o ke Aupuni Hawaii a @ hookaulike ae me keia ano o Amerika, heaha ka pomaikai ? mahea ka oi ana ?

            Ua pani ku ole ia kela a me keia nona iho no ka waele ana i ala e lilo ai i kanaka naauao, hoopono @ me ka ike akea ia ina no kekahi oihana, ka waiwai, ka hanohano hoi a me ke kaulana, a na kela a me keia e hooiaio iho no keia mea, A o ke ake hou ana aku o na kanaka Hawaii, no keia mau loina alakai o Amerika "o ke koho akea i na luna aupuni," he ipuka ia i hoohamama ia no ka manawa mau loa e ike lea ia ai ke kulana o kela a me keia, a me ke paonioni ikaika ana o ke aumeume no na oihana, a me ka hoopono e kaupale ia ai na haihai kanawai, he lalau ia a me ke kuhihewa.  O ke kumu ao kupono e ao ia ai na kanaka Hawaii e ike i ke ano oiaio a wahahee hoi o keia haole, oia ko lakou hoomaopopo i ke kaili wale ia ana o ka pono koho alii Ahaolelo ko lakou aupuni a ina me ka mana kau kanawai ana oiai no lakou ia.  O keia mau hoopopilikia i hanaino loa ia ai na Hawaii me ka hoohaahaa akea ia, ua lawa ia e manao ia ai, aia he apuhi nui i makemake ia na ka lahui Hawaii e hooko aku i ke kumuhana hoohui aina i na waliwali a na hana.

Aole i pau.

 

NU HOU KULOKO.

            Ke haule mai nei no na paka ua o ka lani, aole no i pau loa mai, oiai, aole no paha i malaelae ko kakou noho ana @ keia mau la.

 

            He mau hoonee ana ae o na kulana oihana ke lohe ia mai nei; e hoopauia koke ia aku ana kekahi poe koikoi mai ko lakou noho oihana ana no ko kakou Aupuni: -

 

            Ua hookohu ia aku nei o R. W. Meyer i Notari no ka Lehulehu no ka Apana Hookolokolo Elua o ke Aupuni, a ma ke Claudine o ke ahiahi nei i huli hoi aku ai no ka Mokupuni o Hina.

 

            He mea pono i na Hawaii ponoi, e noho me ka lokahi o ka manao, a e hooko i ka ma@ao kuokoa o ke kaulike no ka pono o na mea apau.  Mai puiwa wale, mai hopohopo, aole ho@ e puni wale aku.

 

            I keia la e haalele iho ai o Mrs. F. S. Pratt, i na kaiaulu aloha o kona onehanau, a ka@oe aku ma ke alahele e hui ai me kana kane ma Kapalakiko.  E uhai ia kan@ @uakai e ka maalahi, a e hamau hoi na ale ahiu o ka moana i ko@a ooloku a@a, ma ka @uakai kaahele a ka wahine.

 

            He Aha Hulahula ko lalo o Manana i ka po Poaono ae nei, no ka hooniniu ana i na huila o ke kaa ahi, me he mea la, e piha-u aku ana o lalo o Manana.

I na hipa a Kamaipuupaa,

Ka hoholo i ke alia-lia;

Me he mea la, e piha pono ana ka hinai o ke Alahao, a o kau aku e puehu loa ana.

 

Na Leta e Waiho nei Maloko o ka Hale Leta a hiki i Ianuari 31, 1893.

 

            NIOLOPA.

W. S. Kalama.

            MAKAAHO.

Pekepika@,

D. K. Wailehua, Makuaole.

            KAOPUAUA.

D. K. Wailehua,

Makuaole,

Akeao Awa,

Paakea,

Keolani,

A@a Nahuina.

            KIKIHALE.

Ane Kaaihue,

Daniel Kamahuilani,

Hana Ululani,

Kaluhia Kalu,

Kalai Kawaiale,

Harriet Paahao 2,

Mrs. Keaona

Kamao.

            MAKIKI

Kamaka Moikeha 2.

Manena Keo,

Mrs. Keahi.

            PAWAA.

Mi, Josiah Kamahalo Naeole, Oliwa Kapule, Kamakawiwoole, Ane Kekilohi

            APUA.

Henry Keoni 2,

Bill Keliilalauwale,

Annie Ma@

            NA ALANUI,

Carrie Kalai, Mary Kapule, Pua Waialee.

            AUWAIOLIMU.

@ no, Mrs. Kailikele.

            KAPALAMA.

Kimo Kapulou, Ana Makaena, Kapeka, Mrs. Paika, John Makamalu, Kukana Moolehua, Kaina Kanani

            LELEO.

David Pipi Piko.

Pepe,

A. J. Kauhaihao.

            PELEULA.

H. N. Kupau.

            HONOLULU,

Kahoehanaau, Lepolo a Manuahi, J. P. Imi, Lily Kalani, Kaluhia, Sam Kaluahine, Enoka Alohikea, Koahou Makaike, Hale Balaunu, Kuaa Makaala, Sam Kipu, Liwai Oleloa, Pualoke Mau

            Na Leta i hoihoi ia mai na Mokupuni mai.

Mrs. V. Kanoholai, Sam Kaaea, Noah Naleilehua, Ben@ Ana, Hoopili, O@ikupuna, Simon Kaai, James K. Kahuhu, S. K. Pookalani, Mauwele, Emma D. Kalua, Likapeka Waiu, J. N. Kahaleanu, L. Kalainai@a, Kaaikuoha, Helen Kawai, Mrs. C. Huakini, J. W. Makua, Keau Paakai, Mrs. Hoopiiaina 2, Mrs. Kulia Kaai 2, Haele, James H. Mahoe, Noa Ahuula, Mrs. B. Castino D. W. Keao, Rose Kaulaila, Mrs. N. Keliiokalo@, S. Kamoe, Keawakea, Mrs. James Mapu, Joseph Self Naki, Annie Hopoe 2, Puakalehua, W. S. Kamoeau, Ana Keopuhiwa, Laika Meleana, Joseph Peter, Manu Naeole, D. Kapule, Kua Nahielua, Oliver, A. Kaanaa@a, J. S. Kaluahinenui, Kapaa@ikoloke, Mary John, Julia Ekekela, James Uahinui, Kahaleohu, Apikaila Keoni, Oali, Kimoa, K. Kamoeie, Lucy Naukan@, Kahulapua, Emma Daniel 5, Kolomona, K Kaliwai, Kaiako, Kahalelehua, Kahilinai, Kaeneku, Kamuela Pupuhi, Lukia.

            O ka poe na lakou na Leta maluna ae e ninau mai ma na Leta i Hoolahaia.

WALTER HILL.

Luna Leta Nui.

Feb @,                        1wk-dly.

 

HOOLAHA PA AUPUNI.

            E ike auanei na kanaka a pau, eia ma ka Pa Aupuni o Makiki nei kekahi mau lio hele hewa.  Lio k eleele kiko keokeo ma ka l@e hao

            KK} kuni h@pe ak.

            7}

            Lio k ulaula kiko keokeo ma ka aoao @ma.  3 wawae keokeo hao

            @} kuni ua hui i kahi

            HA}

hookahi hope ak hao LY kuni malalo o keia mau hua poahiahi hope hema.  Lio w ulaula 2 wawae keokeo hope 2 wawae eleele mua kiko keokeo ma ke kumu o ka pepeiao akau, paholehole ka ili o keia lio@hao

            F} kuni hope hema hao

            X} kuni paha malalo@ aole paha poahiahi.

            O ka mea a mau mea nona keia lio e pono e ki@ koke mai, o hala ka wa kupono, e kuai kudala akea ia aku ke hiki i ka la 4 o M@raki, 1893.            D. KAOAO.

Luna Pa Aupuni.

Honolulu, Feb. 24, 1893.

feb24 tf.