Ka Leo o ka Lahui, Volume II, Number 652, 1 March 1893 — HE WEHI NO HAWAII. [ARTICLE]

HE WEHI NO HAWAII.

Auhea oukou e ka lahui, Ka ewe aloha o Hawaii nei, Makia ke aloha paa iloko, Kohia i paa e ka aina, Mai punihei aku i ka mali leo, I ka alapahi mai a ka nui manu, Hoohui Aina oia ka make, Aohe ou pono Kivila ilaila, Hoonele ia oe i ka mana koho, I ka imi ana hoi i ke Kaulike, Hookahi puuwai e ka lahui, E paa i ke Ea o ka Aina, Kui aku e ka lono lohe Europa, Ua haunaele Hawaii loa, Liuliu Enelani e hoouna mai, I ka moku kaulana Roiala Aka, Akaka e ka hana a ka lokoino, Pakaha i ka pono a o Hawaii, A oi hoi hope e ka lahui. Eia i ka nuu a o Hawaii, He wehi keia no Hawaii, Kikowaena o ka Pakipika, Makaleho ia oe e ka nui manu, Na Aina Kolea o Kahiki, Hiki mai e ka lono i Hawaii nei, Aia kou pono a i Europa, Ua kue hoi e ka Aha Senate, O ka Ahaolelo Amerika. Mai hookuu oe e ka lahui, I ke Ea aloha o kou aina, Hookahi pana ana o ka puuwai, Ka walu o na Lani i ke Kalaunu, Unua i pau pono ke koii koi, Ke aloha aina o ka lahui, E hui Hawaii Moku o Keawe, Kakoo e Maui Moku o Kama, Hea mai Molokai Nui a Hina, E ola o Liliu a mau loa, Ka puana like ia a Kakuhihewa, A Kauai a e lei mai nei, Haina ka puana a o ko wehi, E ola Hawaii a mau loa. Hakuia e Mrs. Kala. Honuakaha, Feb. 27, 1893. He mau kanawai hou ko ka Oihana Kinaiahi i keia mau la e hele nei, ua lu ia ae nei na mea mua.