Ka Leo o ka Lahui, Volume II, Number 659, 10 March 1893 — HE LELEO KAIULANI. [ARTICLE]

HE LEI NO KAIULANI.

He lei keia no Kaiulani Papahi Kalaunu a o Hawaii Ola a ka Laninuiahilapalapa O ka wohi ku kahi a ka Lahui Ua hui lokahi a o Europa Walohia e ka leo o Kaiulani Ua hewa anei au e Amerika Hoole ia ai Koʻu kuleana I ka noho Kalaunu a o Hawaii Aia i ka Hale Keokeo Ka Hale alii i Wakinekona E noi ana hoi me ka hopo ole I ka ea aloha o Hawaii nei Hoihoi ia ka lei alii O ka Ihikapu hoi a o Hawaii Kuka ana hoi me ka oluolu Me ka Aha Senate o Amerika Aia o Kaiulani i ke alo Imi ana i ke ola a o Hawaii O ka leo alii i pa'e mai I manao ia ai a e I ka noho Kalaunu a o Hawaii Kou kuleana hoi mai ka po mai Imi ia e Kalani Kaulilua Papa Laamea Ko'u makua Ikea ai au a he wohi kapu He kapa wohi au no ka Lahui Na ke ewe aloha na kupuna Me pu ke aloha i ka puuwai Hana mau ana hoi i ka iwihilo O Vitolia o Kaiulani Hooilina Kalaunu a o Hawaii Haino ko lei e Kaiulnani E ola o Kalaninuiahilapalapa Haku ia e Mrs. Kala Honuakaha, Mar. 8, 1893.