Ka Leo o ka Lahui, Volume II, Number 665, 20 March 1893 — Page 3
| This text was transcribed by: | Naomi Ajello |
| This work is dedicated to: | t |
KA LEO O KA LAHUI.
"E Mau ke Ea o ka Aina i ka Pono."
KA HUI KAWAII ALOHA AINA.
------------
E MALAMA ANA Ka Hui Hawaii Aloha Aina, MA KA Ariona Hale [makai iho o ka Hale Mele Hou] i ka lakou Halawai ma keia ahiahi Poakahi hora 7½ p.m.
Ke kono ia au nei na kanaka Aloha Aina apau e hele mai i keia Halawai, i maopopo pon o ai ia lakou ke kahua i kukuluia ai keia Hui, o ka Hon. J. Nawahi ka Peresedena o keia Hi Aloha Aina.
-------…--------
HE LEI NO KAWANANAKOA.
----------
He lei nou e Kawananakoa
Ka Hoku hele o ka Pakipika
O oe ka Elele ola Hawaii
Ola ai o Liliuokalani i ke kapu
O ka opuu liko o ke Kalaunu
I ka puuwai hoi o ka Lahui
Ua hui lokahi na Mana Nui
Haawi ke aloha nou e Kalani
He hiapo mua oe na Kekaulike
He lei momi hoi no Hawaii
Ke iini pauole ko Kawika
O Kawananakoa i ka wekiu
He Kiu ka makani kau aheahe
He hoailona ia nou e Kalani
Aia i Maleka i ka uluwehi
I ke Aloalii Wakinekona
Ilaila o Kalani ike iho ai
I ka paikiini hou o Amerika
Ua like ka manao o na hoa
O ka Aha Senate a o Nu Ioka
Hoomau ia ka Leialii
O ka noho Kalaunu a o Hawaii
Huli hoi o Kalani me ka hanohano
Me ka lanakila nui oi kelakela
Ua kela Kawika i ka’u ike
Ua haule hope hoi o Kahiki
Nana i pakeha ka Leialii
I manao ai hoi a e hoonele
Ia Liliuokalani i ke kapu
Ua kapu Hawaii a mau loa
Ua kaohi ia e ka Lahui
Ke aloha aina oi kelakela
Makia paa ia ke Kalaunu
Kuapau ka hana ia Kawika
O Kawananakoa i ka uluwehi
He wehi mau ia nou e Kalani
He kahiko hoi no ka Lahui
Ka Hoku Daimana e anapu ana
Alohi i ke alo a o Europa
Hea mai ke Kuini Vitoria
Ua oki Hawaii no Liliuokalani
Ke Kuini hoi o ka Pakipika
Kaulana Hawaii oia ka oi
Haina ka puana a o ko wehi
O Kawananakoa i ka wekiu
Hea aku makou o mai oe
Ka Hoakuhale o ka Pakipika.
Haku ia e
MRS.KALA.
Honuakaha, Mar. 17 1893
-----…-----
HE LEI NO NAWAHI.
---------
He lei keia no Nawahi
N@lekona oe o ka Pakipika
Ka uila anapa ma ka Hikina
Malamalama ai Hawaii Loa
Hoikeana hoi me ka noeau
I ka lama ku no Hawaii nei
Huai pauke aloha Aina
E imi ana hoi me ka noeau
@ @ @ @ ka @ ole
Na hana uahoa a ka lokoino
Pahola ke alooha o Nawahi
Kaukau mai ana i ka Lahui
Enoho kakou me ka hoomalu
Malama kakou i ka maluhia
Hiki mai ka Elele a Ailuene
O ka lau Oliva a ke aloha
Papahi Rose ia no Nawahi
He waha olelo no ka lehulehu
Hoike e KA LEO o ka LHUI
Na hana lima nui a ka lokoino
A i Amerika na Komite
Me ke kuikahi hoohui aina
Hea ka leo o Nawahi
E pule kakou me ka lokahi
Ua ae mai hoi na Mana Lani
Ka uwalo a ka leo o ka Lahui
Puuwai hamama oi kelakela
Hawaii Ponoi ooia ka oi
Hea aku makou o mai oe
Nawahi o Kalaaaaniopuu
MRS. KALA.
Honuakaha, March 17, 1893.
------…----------
E Akahele e na Makamaka.
----------
E na hoa makaainana aloha aina o Honolulu nei, he leo uwalo keia ia oukou mai kakauinoa oukou me ka puppuahulu maluna o kekahi pepa a buke paha me ka maopopo pono ole ia oukou oia kanaka nana e noi aku ana ia oukou i ko oukou mau inoa, a ma ouokou e ike i ekia poe Komite o ka Hui Aloha Aina i koho pono ia, oia keia:
F. S. Keiki, Apana 1
Chas. Keawe, Apana 2.
J. K. Prendergast, Apana. 3.
(Kapamawaho)
A.K. Palekaluhi, Apana 4.
Wm. Mokimana, Apana 5.
O keia pope ae la a pau @e poe aloha io ia Hawaii a me kona kuokoa A e kakau i ko oukou mau inoa ma ka lakou buke, no ka pono o kou aina makuahine.
---------…---------
NA LETA.
Aole o makou makemake e lawe i ke kaikoi o na hala no na manao i hoopuka ia malalo o keia poo e ko makou poe kakau manao.
---------------
E HOOLOHE MAI.
---------------
E ka leo o ka lahui, e oluolu oe e hookomo iho ma kahi kaawale o kou mau kolamu, i ike mai ai na makamaka, na hoaloha, ka ohana a me na pilikana o ka poe i loohia i ka Ma’i hookaawale ohana, i ka rula o ka Papa Ola, i hoolahaia e ka Luna nui o ka Panalaau nei, ma ke kauoha a ka Papa Ola, e like me keia malalo iho nei:
Hoolaha! Hoolaha!!
Mamuli o ke kauoha i loaa mai ia’u, mai ka Papa Ola mai, ke hoike ia aku nei ka lohe i na mea a pau, e noho ana ma ke kahua Ma’i Lepera, e hoike aku lakou i ka lohe i ko lakou mau makamaka e noho ana mawaho, aole i ae ia ka hoolele ia ana mai o kekahi ukana, a mau ukana paha i uka nei o ka Aina, me ka loaa mua ole i ka Luna nui ka hoike o na palapala ae [Rikiki] mai ka Papa Ola mai, e hoouna pololei ia na ukana ma Honolulu, me ke kakau pu ana i ka inoa, o ka mea nona ka ukana mawaho, e like paha @ e keia kuhikuhi—
Mr. Wm.Notley
Kalaupapa, or Kalawao
Molokai.
Ma ka malama ana a ka Papa Ola o na ukana wale no i loaa ka Palapala ae mai ka Papa Ola mai, oia na ukana i ae ia e hoolele ia mai, oia na ukana i ae ia e hoolele ia mai koe na ukana aole he palapala ae ma ka Papa Ola mai, e hoihoi hou ia iluna o ka moku.
E hooloha na mea a pau i keia kauooha.
Kalaupapa, March 15, 1893.
Ambrode Hutcheson,
Luna Nui Ma’u Lepera.
Nolaila, e na makamaka a me na ohana, e hoomaopopo i keia Rula, a mai poina, o hiki ole na wahi opeope a me na wahi puolo ke hoili mau na kau ma’i.
O kela kope maluna ae nei, he kope oiaio ia, mailoko mai o na Hoolaha e kau nei, ma na alanui, a ho kuu ike, ua nele ka ike ana o ko waho i keia Rula, pela au e hoolaha aku nei ma ke akea, a nau hoi ia e ahai aku ma na kihi eha o ke Aupuni Hawaii.
Nolaila, ke hooki nei au maanei, ma na keiki oniu hua metala ke Adieu—
Jno. Like.
Kalaupapa, Molokai.
----------------
Ka manao o kekahi kanaka Haiaii.
-----------------
Na kalaiaina a kekahi mau Loea ike
Kanawai he mau kanaka Ha-
waii oiaio nae laua, noke ku-
lana o ko kakou aupuni e ku
nei i keia mau la.
------------------
Akolu, Ma ko laua manao, wahi a laua, aole e hoihoi ho ia mai ke Ea o ko kakou aupuni, ka Nohoalii a me Kona Hae Hawaii, no ka mea na ka Moiwahine Lilioukalani i haawi aku no i ke aupuni i ka poe kue mai, nolaila, aole kuleana, aole nohoi alanui e ae e hoihoi hou@ia mai ai ke aupuni iaia no ka mea nana no i hoohemhema i ke aupuni a lilo, pela io paha, aole pela ko’u manao aole na ka Moiwahine i haawi aku ma ke ano maikai oia ko olua kuhihewa aole pela, i haawi aku ka Moiwahine no ka hiki ole ke pale aku, no ka mea, ua ka koo mai ke aupuni o Amerika ma kona hoolele ana mai i kona mau koa, e kakoo aku i ka poe e hookahuli aupuni ana, nolaila, he mea makehewa ka hoopaa ana aku e ka ua a poion kekahi mau ola o kona lahui, ua manao au o kekahi hana naauao loa kela a ka Moiwahine no ka minamina i ke ola o kona lahui, aole e hookaheia kekahi kulu koko hookahi o kona lahui Hawaii ma ka lepo o ka aina maluhia, ua manao au o keia ke kumui e haule pahu ai olua ilalo, o keia ke kumu e ike ai olua a hoihoi koke ia mai ai ke aupuni o Hawaii i keia mau la no ka mea, ua kue o Amerika i na kuikahi noho Aloha a noho makamaka hoi iwaena o keia mau aupuni ekolu Bertania, Farani a me Amerika, nolaila, e na Loea kanawai o Hawaii, e noho mai olua a e nana mai a i haule ka olua mau kumu i manao ai, alaila e hele mai olua a pepelu ko olua mau kuli imua o’u, no ka lalau o ka olua mau kumu i hookahua ai—
Me ka mahalo.
J./ ALAPAI.
Kapalama, Mrch 9, 1891.
---------…--------
NUHOU KULOKO.
--------
He mau Kahili ka ilaweia mai ka Halealii mai ma ke ahiahi Poaha o ka pule i hala.
----------…----------
E hoolohe ia ana ke hihia o ko makou hoa alo ehuehu o ka makapeni inua o ka Aha Kiekie i kekahi mau la okeia pule.
----------…---------
Ma ka po Poaha o ka pule i hala ua powa ia kekahi kela Manuwa, i hele a ona loa i ka Rama ma ke Alanui alakea e kekahi mea i ike oleia, a lilo he $20.00.
----------…------------
He mau haiolelo hoohui aina ka kekahi poe ma Ulakoheo i ka Pocono nei, a ua nui ka huhu o ka poe aloha aina oiaio; i keia mau hana kumakaia o keia ano.
---------…-----------
Ua nahu ae kekahi kaikamahine kanaka i ka ihiu o kona hoa pa@o he kaikamahine kakana no a moku maluna ae o ka pou o ka ihu. He huapala ke kumu o keia hakaka ana, Moku ka inu ia Hio, o kana wahi ono ia.
---------…-------
Mamauli o ka nui o na kauoha nupepa i loaa mai ia makou, mai na wahi like ole mai a puni ka Paeaina, ua nui ko makou hauoli, a oia ka makou e hooko aku nei me ka hikiwawe, i na mai kau ipo lauae, e ua hoa nei.
-------…------
Ke hoike pu ia aku nei ka lohe i na pe lawe pepa a pau, o KA LEO, a me ka OIAIO, i ka wa e nele ai ka loaa ana aku o ka pepa ia oukou, e hoike koke mai i ka lohe i keia Keena, me ka hakalia ole, hiki ke hoolawa hou ia aku kou imi.
Ma ke Kauoha.
--------…--------
O ka hora 8:15-p.m. o ke ahihai Poakolu, e pahola mai ai na keiki o ka Bana Hawaii i mua o kalehulehu, i ka lakou mau ipu makani hou o Kaamaiomao, ma ka Hotele Hawaii, e naue nui ae e ike kumaka i ka leo hoene ou e Hawaii Ponoi.
--------…---------
O na manu hjulu like a pau, lele no lakouo ma ka auna hookahi, pela na keiki o ka Puali Puhi Ohe Hawaii, eia ke lele like nei ma ka auna hookahi, oia hoi ua hui ae nei no o Kavid K. Naone me robert Kapua iloko oia poai, a lele-go-ia aku la ka auna hulu o Magera; nani kela, panio keia, o Hawaii noka oi.
--------…----------
Me ke kakahiaka nui o ka Poalima nei, Maraki 17, ua hoau mua ae na keiki Puhi Ohe Hawaii i ka lakou mau mele kaili puuwai hou, imua o ka Moiwahine Liliuokalani, ma Kona Home ma Wesinetona, no ka hoomanao ana i ka la hanau o ka Moi Kamehameha III a ua nui ke aloha o na mea a pau, i ka lohe hou ia ana o ka leo mele kaulana o Hawaii Ponoi.
--------------------------------------------------------------------
PAPA INOA
O NA MEA
ULU HAWAII.
----------
[ Kakauia no A LEO o ka LAHUI.]
Ahewa Kumauna
Aawa -----
Auhahu Laukahi
Aheahea Lilikoi
Akaakai Lililehua
Akokoko Lumahai
Alaalawainui -----
Alaea Mao
Awa -----
Ilioha Ma-kou
Iniko Mauulaili
Iwa -----
Ohawai Manena
Ohe Milo
Okupukupu Momona
Olena -----
Ulamau Naupaka
Uwiuwi -----
Hao Nahenahe
Hawane Nena
Holei Nene
Howai -----
Kauwila Niki
Kakonakona -----
Kamanomano Paha
Koli Pakai
Kukaepuaa Pala-a
Kuawa Palahe-i
Pamekani Paamoho
Pilikai Pilipiliula
Pipiwai Popolo
Puukoa Pualele
Puaakuhinia ------
Wahinenohokula ------
Mrs.Rebeka Kahanu.
Kalaupapa, Maraki 16, 1893.
-------
Auhuhu Kauila
Awa Kahelelewa
Aulu Kukaeuwau
Alaalawainuipehu Kaluha
Alaalaawainuipohina Kukanaloa
Alaea -------
Aume Laulele
A-e Laukahi
Alaa -------
----- Makou
Iwa Maukukaepuaa
----- Mauulaili
Ohiaha Mahikihiki
Ohialehua Manono
Ohiapuakea Mau-a
Ohiaai Ma-o
Ohelopapa Makolokolo
Oheloku Manualoa
Ohelopili Mahihi
Ohelokaulaau Makanikeo
Oloa Maolioli
O-a -----
Ohe Naupaka
Olena Namakaokahai
Omeo Nena
----- Nioikuahiwi
Haloa Naio
Hapue Makolokolo
Hao Naunau
Hoawa -----
Hoana Pua
Howai Papalakumaikuahivi
He-ae Popolokula
Heihiawa Poala
Heihimakole Palua
Hahakepaupiliakamanu Filikai
----- Pamakaoi
Kamanomano Pakapuhi
Kaapeha Pakaulu
Kaunaoakulahihi Pakapii
Kaunaokahakai Pukalaki
Kupakalii Puhalalei
Kaa Pamoho
Kawahinenohekula Pua@kuhinia
Kaanohiokua Pipiwai
Kohekohe
J. S. Keawe
Kalihiuka, March 4, 1893.