Ka Leo o ka Lahui, Volume II, Number 695, 1 May 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

-

JOHN E. BUSH,

-

HONOLULU MEI 1, 1893

-

KA MOOLELO O HIIAKAIKAPOLIOPELE

-

I HOOPONOPONOIA

-

MAI KA POE KAHIKO MAI A ME KA POE I HOOPAA I NA MOOLELO A ME KA KAAO KAHIKO O HAWAII NEI.

 

            A pau ia oli ana a ia nei, pane mai o Puuokapolei, aloha, o hele heaha auanei ke kipa ana mai, oia auanei ke kipa ana mai e, he mau elemakule kane maua o mahi ia aku keia kula la, kanu aku kahi lau uwala, a kupu ae, e laa na hiki ana mai nei la, he umu la hoi ka mea ho-a, ola la nei la make, aole, o ka maua wale iho la no ia o ka lawe ana mai a ke kaikuaana a hoonoho ia maua i keia wahi la, aohe a maua ai, aohe kapa, hookahi no o maua kapa o ke pili nei la, i pau mai i ke ahi, noho wale iho no, a ulu mai ke pili, alaila, uhi ia iho keia olohelohe la, o hele, alaila, huli aku la no o Hiiakaikapoliopele hele, nana mai keia i ka la o ke kula o Puuokapolei, hele ka mao a ukikiki i ka ai ia e ka la, alaila, kani aku ke oli aianei penei:

Liua kona i ka la loa o Makalii

Maew ka wiliwili hele i ka lai

Ku lelia ka manu o Kanehili

Welawela ka la Puuokapolei

Ukiki ka mao ku la i kai

Me he kapa halakea la ka pua o ka no

Ka owaka ka pua ula i ke kaha

O Kaupea la, a he hoa

E hoohoa aku ana i ka makani

He naulu a he hoa -- e

            A pau keia oli ana a ia nei, alaila, hele no keia, nana aku la keia i ka holo ae no o ke aikane aia nei makai, me ke kana a laua nei, no laila, hapai ae o Hiiakaikapoliopele i keia wahi mele penei.

Kuu kane i ke awalau o Puuloa

Mai ke kula o Peekaua ke noho

E noho kaua i ke kaha i ka Ohai

I ka wiliwili, i ka pua o ka lau Noni

O Kaihona i Kanehili la

Ua hi'i hoi au -- e

            A pau ia oli ana a ia nei, huli hou aku keia nana i hope o ka noho mai o Puukuua laua me Kanehoa, a me Halehau ma.

            Ka, mai poina oukou ia'u e Puukuua ma, i mai la oukou aole au i kanaenae aku ia oukou, pela aku o Hiiakaikapoliopele, nolaila, hapai ae no keia i keia mele penei.

Owau e hili i ke kaha o Puuloa

I ka Ohai o Kaupea la

I ka la hooanoano -- e ua ike

Ua ike aku la ka hoi au

I ke kuahiwi mauna pali

O Puukuua i Halehau

O ke oho o ke Kukui ehu

I haa i ka la o Kanehoa

Aloha wale hoa -- e

            A pau ia oli ana a ia nei, iho aku la no keia, i nana aku ka hana oia nei ike ahi a ke kaikuaana o ka a mai i Hawaii, he punahele au na kuu kaikuaana, a i keia wa kaawale au, pela o Hiiakaikapoliopele iloko iho ona, nolaila manao wale iho no o Hiiakaikapoliopele he kauwa ia na ke kaikuaana, no ko Pele hoouna ana io ia ianei e kii nei i ke kane i kahi loihi, alaila hapai a keia i keia wahi mele.

Owau e hele i ke kaha o Puuloa

Makai aku o Kapuna

I ka pali hailiili amuamu kauwa

O Holi kauwa -- e

Kauwa ka huakai hele no Puuloa

Alina Puuloa i ke kauwa -- e

            Aole i pau.

-----

HE MAU NANEHAI NO KA NAAUAO.

 

            Imua o na opio e au o Liliuokalani.

            Nanehai 3. I na paha e kapaeia na Kanawai mau o ka Poai Lani o ke ao holookoa; alaila ihea la e waho ai ka honua nei?

            Nanehai 5. Heaha la ka mea e moe ai (unoi ai) na maka i ka wa e pule ai?

            Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

            [Ma ka loaa pono o ka haina, e kapaeia ai kekahi Nanehai, mai ka hoolaha mau ana].

-----

Kuai Kuikawa no na Lede!

 

O ka la wela o ka Makalii, ke kono mai nei ia i mau lole lahilahi loa, na Lole Keokeo a me pa Lele hiki ke holoi ia.

Ua loaa mai nei he heluna nui o na ano hou loa

MA KAHI O

N.S. SACHS,

104 ALANUI PAPU, HONOLULU.

            A e kuai ia aku aka ma na Kumukuai i Hoemiia iho.

Na Lole Keokeo Papamu a Kahakaha loloa 7 l-a no ka $1.00. O keia mau Waiwai mamua he 20c keneta o ka I-a.

Na Lole Keokeo Papamu a me ke kahakaha loloa 6 I-a i ke Dala he 25c Keneta o ka I-a mamua. O keia mau waiwai he emi loa na kumukuai a ka poe a nau i kuai ai i mau Holoku Keokeo, e hele mua mai maanei e nana ai i kela kuai hoopoho nni

 

Na Lole Kinamu o ke Ano Hou Loa.

7 I-a no ka $1.00 mamua he 20 kanaka o ka i-a.

Na Sakinia Farani eleele a me na Pua a me na Lau nani loa, he 25c o ka I-a

Na lole ano Silika Pake o ke ano hou loa o na waihooluu paa loa " " "

Na lole Hapalilina Lahilahi me na Pua nani, 1 I-a ka laula no 6 i-a i ka $1.00 a me na lole lahilahi o na ano he nui wale, a pela aku.

Lihilihi Lole a me na Lihilihi Lopi me na Kumukuai haahaa loa.

Na Lihilihi Paku Pukaaniani o na Paikini hou loa no ka 25c o ka i-a.

Na Papale hou o keia Kau Makalii no na Wahine a me na Kaikamahine o na Paikini Hope @ a mai nei.

Na Papale Keokeo i hanaia a paa ma na kumukuai oluolu loa.

Na Pua Papale hou, Hulu hou, Ribine hou.

He heluna nui o na Papale Raiki o na Kamaliikane a me ko na kane ma ke kumukuai hoopono, o ka makou mau papale Raiki no ke 50c, ua like ia me na Papale $1.00 o na Halekuai ae.

E Hele Mai e Ike Pono no Oukou iho.

N.S. SACHS

may1 @           104 Alanui Papu, Honolulu

-----

HEIAU O NA PAIKINI!

---

Kihi o Alanui Papu me Hotele.

Wehe Aiwaiwa Ana o na Waiwai Hou Loa

-

Ua loaa mai nei Ia'u ma keia moku mai nei he heluna nui he wah@wa

-o na-

Lole Ano Hou Loa

Kamaa o na Wahine me na Kaikamahine

Kamaa o na kane me na keikikane.

 

He heluna nui o na Kamaa Wahine, Kane a me na Keiki. O ka'u mau Kumukuai e kulike ana ia me ko oukou makemake.

Hoolaha!         Hoolaha!

Mai ka Poaono Aku, Aperila 29, 1893.

Ekuai aku ana Au no ka Manawa Pokole Loa

I NA

Lole Kalakoa

Ma ka 5 Keneta o ka I a.

O na Paleili makaupuena o na Wahine no hookahi pule wale no ma ka 12 1/2 Keneta o ka mea hookahi.

 

            Ke konoia aku nei e hele mai e nana i keia mau Waiwai Hou Loa.

S. ERLICH,

Kihi o Alanui Papu me Hotele.

may1

-----

HE KUAI HOOKELAKELA NUI!

-

He mai Hookahi, a i ole Hele mai no a Pau Loa

MA KA HALE KUAI ALAKAI O

B. F. Ehlers & Co -- PAINAPA.

HELU 99 Alanui Papu.

-

Oili Pulelo PAINAPA e kela i Kaupoku o

hanalei; aka i hewa no nae i ka lele

mua i ka hooulu i ka la ino.

-

            Oiai he manawa ilihune keia no ka aina nei, no ka mea ke wawalo mai nei @ leo pilikia o ka lehulehu mai o a o, a he kuai hoopoho mai nei hoi @ mau @ e kuai e hoao ana e kulai kekahi, nolaila ke komo pu aku no au ma ia hana maikai, no ka mea

He Kawa ia Na'u i Lele a Opu.

            He mau makahiki loihi i hala ae nei, akahi okoa kuu uluhua i ke ahi o o Kamaile a me ke Kawelu o Lanihuli, a i mua no i oi e hookoia ai kela olelo kaulana a kahiko

Ohi Hapuku ka I'a o Kapaau.

            Eia ma Ko'u Halekuai nei na Parale Kamalii o na ano a pau, na lako Lele na Hapuu a oukou o na paikini a pau, mai ka nui a ka ukulele, na lako Lole o @ Lede a me na Keonimana o ke ano hou loa i ike @ ole ia ma Hawaii nei, na @ malu o na waihoolulu a pau, a pela aku, a pela aku

E Kuai ia aku ana no ke Kumupaa.

Nolaila mai hoohala i ka ike ana ia kaua.

            E hoomaka ana keia kuai hookelakela mai a ma keia mua aku. Na @ mua no ke loaa, oll@lo aku no ihope, nele.

            575. tf-d@      B.F. EHLERS & CO.