Ka Makaainana, Volume I, Number 25, 18 June 1894 — Page 3

Ka Makaainana.

HONOLULU, OAHU, POAKAHI, IUNE 18, 1894

____________________________________________________________________________________

______________________________________________________________________________

ka pauda lilo ole;  a ia W. Kua hoi ka ohi i na ala nemonemo o Honuapo i mau poka, a ia Yates ka ohi ana i na kakaki waiho wale a hoohehee i mau pahikaua, a o na paona waiubata ia Kauhane, ka mea nana e hoohinuhinu n@ pahi. Eleu io!

            Ua waha-a nui ae ke kahunapule, e hoihoiia ana na poe aloha aina iluna o Mokuaweoweo, a o ka lakou hana a ho-a i ka p@le. Aole paha pela ko ke Akua manao.

            E ka lahui, a i koele ko lakou mau kuekue wawae ma ka ipuka o ko oukou mau home, e hahau koke aku ma ko lakou mau kua. “E hoolohe mai o Iehova ia oe i ka la popilikia.”

                                                                        P. P. PUAIKEAO.

                        Paula, Kau, Iune 2, 1894.

______________________________________

Kia Hoomanao no ka Moi Kalakaua.

 

            O keia halawai o ke komite kukulu kia hoomanao no ka Moi Kalakaua, a makou no hoi i hoomahui mua aku ai ma ka helu 22 i malamaia ai ma ke keena o M. P. Lopikana, hora 1 p.m. o ka Poalima, Mei 25 no ka noonoo ana i ke noi a kekahi mea hana kii no kona hana aku i kii pauku kino no $2,000. Ke noonooia nei no kela noi, a ina e pono, alaila, hanaia ke kii. Ua hoike ae ka Puuku, M. P. Lopikana, ua loaa he $1,902@60, hooliloia no ke pai palapala, no na buke palapala hookaa, a pela aku, he $146.60; a ua koe he $1,756 ma ka waihona. Oiai nae hoi, ua loihi ka waiho ana o ia mau dala ma kona lima, ua @awe a hoohanaia e ia, nolaila, e haawi mai ana no oia e like me ka huina nui i luluia. He elua mau buke i koe aloe i hoihoiia mai, a me na daia ma ia mau buke, e loaa ana he huina nui @ $1,950.

___________0___0___0__________

           

Ma ka Poaono, Iune la 9, ua hanau na ka wahine a Geo. I. Paka, he keikikane nui nepunepu. Ola ua kanaka, me oe ko makou mahalo.

Ke oleloia nei o Lualii Kikania Kakina ka kekahi o na lunahooponopono nana e hoopiha nei i na kolamu o ka nupepa Hoku, e like la no no hoi me ka Rev. S. E. Bihopa e hana nei no ke Kuokoa.

Ua oili ae ka he mea hoopoino hou i na ulu kope o na Kona kai malino, Hawaii, aole nae i maopopo heaha la, eia nae, pau @a mea ulu hou i ka aiia. Malia he iole a he monoku paha, aohe nae hoi i ikoia.

Mauka o Waipilopilo, ma kahi noho o Mrs. Hapakela, ua hoohuiia ma ka materemonio hemolele i ko ahiahi Poaono, la 9, e ka Rev. Makua Valentine o ka Ekalesia Katolika Roma, o Miss. Cecilia Hapakela, moopuna a ka mea nona kahi, me Robert E. Lee. Pau ka mare ana, he papaaina luluu ka i haawiia, a ua lehulehu na poe i hiki aku malaila me ka ai a lawa, inu a kena.

 

 

_____________________________________________________________

HE MOOLELO KAAO

­­­­­­­­­­_____________________________________________________________

________NO________

 

MONE TIKERO

 

________KA________

 

HOLOLIO I KA WA HOOLILO

 

________KA________

 

UI MAALO I KE KUPULAU

A O KE

KEIKIALII HARE MATINE

_________KE_________

KIAHA OPAKA O NINEWA

 

__________

 

MOKUNA XII.

Ke aloha o ka Ipo i ka Ipo -- Hanini ka waimaka elo ka laau -- Ka Ui Maalo i ka wa

Kupulau iluna o Hagara -- Ke kaoo o na poe me na medala kila no Arabia -- Ka hoohui mare i ka wa Hooilo -- Ike kumaka i ka nani o Mokuleia, aohe laula a koe aku.

 

Alaila, noho iho la laua maluna o na noho, a kau pono mai na nanaina o ka elemakule makuakane o Mozunadime maluna o laua, me ka noho mumule ana o lakou no kekahi mau minute.

Ia manawa i pane aku ai o Mone Tikero imua o ka Moi, me keia mau olelo o ka hooka@ua ana o ke aloha:

 

“E ka Moi, ua hala aku ka Hooilo, a eia kakou ke hele aku nei i na la omamaka mua o ke Kupulau. E like me ka’u i hooia aku ai imua ou a me ia nei he mau makahiki aenai i hala, oia ka’u e hoomaopopo aku nei ia oe, e hiki mai ana ka wa e hookoia ai ia mau upu ana a e mau ai hoi ke kolo ana o ke aa o kela mea he aloha mawaena ona a me a’u.    

            “Aia a hala ae keia mau malama o ke Kupulau a hoea mai hoi na la mua o ka Hooilo, ka manawa hoi e piha ai na la o ke kanaka makua maluna o’u mai ka wa mai o ko’ makuahine i haakohi ai ia’u, iloko auanei o ia manawa e hookoia ai kela kaula hemo ole i ka nui alu a ka nui manu o ka uka, (he paa pahemohemo ne nae).

            “O ia manawa a’u i olelo ae la, he mau la ia a ka ino e holapu ana maluna o ka ili o ka honua, a iloko o ia manawa i oili mai ai au i keia ao mauleule a maluna

@ na lala laau i hoomoe iho ai ke’u makuakane ia’u no ka manawa hope loa, iloko o kela ululaau o ka make. A i keia po, ke ike nei oe ia, u he kanaka no au e like me oe, aole hei he akua lapu e like me na olelo a kela h@he@a o Peresia.

            “E hoohaahaa aku ana au iaia iloko o na la a pau o kena ola ana, aole au he maukauka hoehewa, aka, he kaeaea au no Arabia kaulana; kahi hoi a kuu makuahine e hoomalu mai la i na miliona kanaka. A maluna o na lepo o Arabia e polena paaia ai ke aloha mokumoku ole mawaena o maua me ia nei (me kona nana kapakahi ana iho i kona kokoolua o na no anu o keia mua aku); a aka iho la o ua kupua la o loko o na ululaau a he olu wale no hoi ia i ka Pua Lilia, a e oni wale ana no ia i o a ianei, me he la he kui aia iluna o ka noho kahi waiho ai.” Aloha no paha kela A--la.

            Ia manawa i ku koke ae ai ua Pua Lilia la iluna, a nana aku la maluna o kona makua a pane aku la:

            “Aole au i makemake i keia mau hana hoololoiahili wale no.  Heaha ke ano o keia mau waiho ana aku la no ka wa i maopopo ole, oiai, aole i keia ka manawa i lele ae ai ka hanu mai loko ae ona? Ua pouli anei ka la maluna o Arabia, i hiki ole ai iaia nei ke a@ mai i keia manawa e hookoia ai o kela mea maikai loa mawaena o maua? A heaha ke ki@aipaipua o ke kakela o Zubieda i hiki ole ai i kona hanohano ke a@ mai no keia manawa e mareia ai mana?”

            Noho iho la ua Pua Lilia la ilalo, me ka nana ana aku i kona kokoolua, a kuekue maka nui iho la, me he mea la ua piha i ka huhu no ka hoapaapa mau ia e ka Malanai.

            A ke nana mai la hoi na Ui Maalo la i ka wa Kupulau me na maka oluolu iaia, a ua lilo kela mau olelo a ka Pua Lilia i mea nana e konikoni malie iloko o kona puuwai.

            O ka makuakane hoi keia, ku ae la ia iluna a hele holoholo iho la iloko o ua r@mi nui la a lakou e noho ana, a i kela a me keia manawa ana e kaalo iho ai ma ke alo o ua mau keiki nei ana, e nana kapakahi mau aku ana oia ia laua me ka olelo ana iho: “E noonoo me ke akahele, e kuu l@i aloha e kuu mau la hapauea.”

            Ua lilo keia mau olelo a ka makua i mea maikai ole i ka noonoo o ka Pua Lilia, me he la i ka nana aku iaia ua akenui oia e hooko keke ia kela manao kahiko a lapuu la iloko ona, oia ke hoohui mare kokee ole @ lilo ai laua he io hookahi, aole hei he lapuwale nui nana e hehiku ko makou waiwai.

            Kulou iho la oia ilalo ma ka aoao o kona noho me na helehelena kau@aha, aole hoi oia i huli ae i ka akau, aole hoi i ka hema, aka, ilalo wale no@  O na wai@a ka ke kulu ia ma kona mau papali@a, a o ko aloha i huipuia me ka huhu no na olelo a ka makua, aia ke pauma la iloko o kona me ka pinapinai. Ku ae la ia iluna me ka awiwi a hoi aku la iloko o kona lu@i moe, a maluna o kona bela nolunolu i hina iho ai oia ilalo ke alo, a waiho malie aku la he inai na ke aloha.

(Aole i pau.)

_____________

NA PALAPALA.

            [Aole maluna iho e makou ke koikoi o na hala a me na hewa no na manao i hoopukaia malalo o keia poo, aka, aia no maluna iho o na poe ia lakou i kakau mai.]

__________________

He Hana Kaulike Ole.

 MR. LUNAHOOPONOPONO:

            Mei 28, ua malamaia he paina la hanau ma Heeia, e Kamanu (k) a me Wahinealii (w) no ka laua mo@puna, o Kaohelani (w) ka inoa. Ua paina iho makou na poe i konoia i na mea i hoomakaukauia ma ka papaaina, a o ka mea hemahema loa, oia no ke kaupaona like ole ia o ka laulau puaa me k@ dala. Ua haawi o M. Kuikahi he $1.50, a ua loaa mai iaia he mau wahi puolo liilii he alualu wale no ko loko o kekahi laulau, o ka la-i ka nui. He hana kaulike ole keia i ko’u manao a na poe @ kukulu ahaaina nei. E hana i ka mea maikai, oia ka pono.

                                                                                                IKEMAKA.

            Kaneohe, Oahu, June 7, 1894.

__________0__________0__________0__________

“Piko Ihu, Hau i ka Makani.”

            E ole ka makou ohiu ana ka paalalo kii dala pinepine ia Wili Kakela, puoho okoa ka Rev. D. Kapali ma ke Kuokoa o Mei 26, a ikeia he kauwa a he paalalo ka ua o Wili Kakela no ua o Kapali. Aia wale no ka hoi ke ku o ia paalalo o ke Akua a me Wili Kakela i ka o’@, a akaka loa he kumukaia aina, lahui a Alii oia. O na hoao ana @ hoano e ae i kona kulana, aole ia he mea nona e pakele ai mai ka pahuna aku, no ka mea, ua hele a ku pono i ka piko, ke hele la a maeele kona “hiu.”

__________0_________0__________0__________

            Ma Honolulu nei wale no ka paha e hookoia ai ke kanawai Sabati, a pehea ia ka hoi ka la o lalo -- e @ pua mai la ka uwahi o ka hale wiliko o Honouliuli i na la Sabati? O! makou no kela!

            Aia ma kela hale kaa e ku nei ma Koiuiu onaia @ Mau Hing (Pake), @ ikeia no he wahi holoholona ano e i ano like iki me ka rana (frog), aka, he okoa no nae keia. Ua loaa mai keia mai Waikiki mai, a ua hoike mai na Pake he nui loa ka ia ano holoholona @a Kina, a e noho a@a ma na wahi wai, a wahi a lakou, he “moe Pake” no ia.

            Mahope o ke kaa mai ana no anoano e elua makahiki, ua haalele mai la o E.

C. Damona i keia ola ana i ka hora 5 o ka auwina la Poakahi, la 4, a i kahi auwina la mai i nalo ai iuka o Maemae. Ua haalele iho oia he wahine a me na keiki elima. Oia ka pokii hookahi i koe iho a nalo aku la o Kuhina Kamu Kaimana. He kupakako oia mamua no ka halekuai lol@ o Walakahauki ma alanui Moiwahine.