Ka Makaainana, Volume IV, Number 12, 16 September 1895 — Page 6

Ka Makaainana.

 

HONOLULU, OAHU, POAKAHI, SEPATEMABA 16, 1895.

 

LA UOMIDIHAE

-KA-

UI I MOHAIIA I KE KOKO

-KA-

NANI I ALANA IA I KA OI

O KA PAHIKAUA.

 

Ka Mea Huna Iloko o ke Kiaha

Waina;

Ka Mea Pohihihi i ka Maka o

ke Kuikele.

-A O KE-

KEIKI NUMARENDINA

KE

KOMO LIMA MAKA POPOKI.

MOKUNA XVIII

 

Ka Aha hookolokolo a na kupua

-Kau ka weli i na kiai o ke Kihapaipua o numera-

Huai puka nui ia na pihaa

moewai o kahawai-Ke kilokilo

wahine e oloio ana iwaena o na kia

 

            Ae, e ka mea heluhelu, ua pohihihi io ka noonoo o ua moiwahine la mamuli o na hana akamai a ua wahi kilokilo wahine la o ke kupaianaha nui wale. Nolaila, e waiho ana kaua i ka moiwahine iloko o kona noonoo kupouli, a e nana aku kaua i ke kamahele e kamoe la no ke aupuni o kona mau haku opio.

            Hala ae la he mau o loihi o ke hilokilo ma kona alahele huli hoi no kalanakaunale o Siama, hoea aku la oia imua o kona mau haku opio me na helehelena ano kaumaha, a imua o ka alo o Numaredina i hoopuka aku ai oia i ka huaolelo—“Ua mak, ua make!”

            Haloiloi koke mai la na waimaka o Numaredina i ka wa i puanaia aku ai o kaia mau olelo, a noho hamau pu iho la me ka pane leo ole aku o kahi i kahi.

            “E hoike mai i ka moolelo piha o kau huakai i hele aku nei iloko o keia mau la i hala iho la,” wahi a Numaredine i pane mai ai i ke kilokilo.

            Ia manwa i huai pau aku ai ua wahine le i ka moolelo piha o kana huakai hele mai kona wa i haalele iho ai ia lakou a hiki iho la i ka minute hope loa o kona kuka pu ana me ka moiwahine nona ka nani i ka@lana i na la i bala aku. A i ka hope loa no hoi i pane aku ai oia i keia mau olelo:

            “O ka hope loa o na olelo a ua moiwahine la i hoopuka mai ai ia’u, ua make ka moi o Siama. Nolaile, e kuu keiki o ka huakai a kau kauwa n@i i hele ai e hooko, o ia iho la ka pane i loaa mai ia’u”

Akahi @ ho la no a maopopo ia Numaredine a me kona pokii ua make kahiko ka ko laua mau makua ma ka lima o ko laua mau enemi. Ua lilo ia he mea kaumaha loa ia lane.

Iloko o ia mau la i lawe ae ai o Numaredina i ka noho hoomalu ana i ke aupuni o ko laua makuakane malolo o kona mana me ke koukuaia o kane hooponopono ana e kona pokii kaikuahine:

O ko lana hooponopono ana i ke aupuni, ua lilo i mea makemakeia e ka lahui, aole hoi a lakou mea e hoohalahala ae ai, oiai, ua kulike loa ka laua hana ana me ka ko laua mau makua moi i hala aku iloko o ka opu o ka honua no ka manawa pau ole. Ua hoolohe na makaainana i ko laua leo, a ua pipili paa loa ke aloha iloko o na makakaainana no laua.

Nolaila, iloko o ko iaua wa e hoomalu ana i ke aupuni, ua ulu ae la ka manao, iloko o Numaredina e kau i ka hoopai maluna o na poe na lakou i pepehi ko laua mau makua, a o ka mea i ikeia, ua hoala ae oia i kekahi pualikoa nui hewahewa no ke kaua kue ana aku ia Peresia.

Mamuli o keia manao maikai o Numaredina, ua ala like mai la na makaainana e kono iloko o ia hana kokua i ko lakou alii no ka hanohano o ko lakou aina me ko lakou mau haku moi i make aku, A na ke keikiahi ponoi no i alakai aku mamua o ia pualikoa nui hewahewa imua o ke kahua kaua.

I ka loaa ane aku o ka lono no ka hookokoke ana aku ma na palena o Peresia kekahi pualikoa nui hewahewa me ke keikialii Numaredina ma ke poo, ua uaka haalulu ae la oia me ka makau nui. A ua hoouna mai la no nae oia i kona mau pualikaua e kue ia Numaredina, a o ka hopena ua pau lakou i ka lukuia me ka make weliweli. A pela i hookoia ai kona iuaina maluna o na poe pakaha wale i ke ola o kona mau makua hala ole.

Iaia i huli hoi aku ai mai ke kahua kaua aku, ua hui aku la laua me kana wahine a me kona mau kaikuahine, iluna o Haredina, kahi o na man@ leo lea i ke mele honiua puuw@i o hai ke au, a ilaila i hoomaha ai ka pualihaua holookoa no kekahi mau la loihi no ka mal@hi, luhi o ke alahele.

            Mai laila aku e hul hoi aku aku ai lakou no ke kulanakauhale iloko o na leo kupinai hauoli o ka lahu mai o a o o na alanui. A ua paanaau loa i ka waha o ua kanaka ka inoa o Numaredina a me kana aliiwahine, o ke Ao Olino.

            Mahope iho o ka huli hoi ana no ke kule@akauhale, ua hooliloia iho la kekahi mau la mahope mai i wa no aa lahui e lealea ai ma ano a pau, e hoomanao pina ole ana hoi no ka lanakila i lo@a i ko lakou alii opio.

            A iloko o keia wa o malamaia ana o na huoli palena  ole i hoo maikeikeia aku ai imua o ka ahakauaka ka hua mua loa o ko laua puhaka, no ka hoike pu ia aku o ka hooilina ia o ke Aupuni o Siama.

            Ua maluhia ke aupuni malalo o kana hoomalu ana mahopemai, aole he mau kuee mawaena o na kanaka me na alii hanau o ka aina.

            Ua noho lakou me ka hauoli nui mahope wale iho a pau ua la o ko lakou ola ana me ka maikai. A pela i hoea mai ai ka moolelo o Numaredina i knoa hopena no ka wa pau ole.

 

HOPENA

Anoai Mea Hou o Kau.

 

            Ma ka La Pule, Augate 25, i hoike ai ke Kula S@bati o na La Hope, mai Opihali, Kona Hema, a me ko Naalehu. Eono no haumana no Opihahi mai, a he iwakalua a oi o Naalehu. Hoike Hui Opio mahope i ho o ka pau ana o ke Kua S@bati He ai a me ka i’a ka i hooma kaukauia no na mea a pau mahope iho

            Ma ke kakahiaka o ia La Pule, no i kiimai ai ka anela o ka make ia Hanale Kepekamana a ia we aku la i kona uhane a waiho iho la i kona kio “e hoi ka paleho i ka palaho” A ma ka Peakahi ae i hoihoiia ai kona kino a kanua ma ka pa Kato lika ma Waiohinu. Ua haalele iho oia mahope nei he makuahine a me na kaikuahine. He ekolu paha pule o kona kaa ma’i ana a oi aku. He keiki oia i noho li@na loihi me ka hui o Naalehu, a he mea no hoi i mahalo nui ia e na haku hana no ka uleu a me ka nooko pono i na kauoha.

            Ke ho@maemaeia nei na kauhale hana o ka hui o Naalehu, a ke nana aku, “kol@@ moa uakea i ka malie,” a pela pu me kekahi mau wahi okoa e ae.

            He mau keonimana a me na lede ka i pii aku nia ka Poakahi e ike i ko lahou kupunakane, ia Kuwauna, pohaku o Kaiholena, a i ko lahou huli hoi ana mai ua kauohaia mai e hoomanao aku i hili awa me ka puaa hiwa paa. I ka pii w@li aku no pa@a.

            Kumaki ua mea he sake Ia papa e hiki mau mai nei na ka mokumahu Ma’ulani, me he la, ea, he sake kuai lilii na ua Kepani Kaumana na lio me ke kekake ke hele ae ma ke alanui, o ka huli ole ia iho o ka lakou mau okana, kuii, oki pau loa lakou. Moe paha na kaiko o ke Aupuni i hanu ole ai i ka meheu o keia uahes@ nui e moelolii nei. Ua hiki no, he auko ka manawa a l@@a aku, “@ananee ke kikaia o ko Holo kini.”

            P.P. MALUIKEAO

            Naalehu, Augate 28, 1895.

 

            O ke Kopatika ke ku mai ana i ka Poaha iho mai Kapalakiko mai.

            Ua lawe pu aku, ka llio de laneiro i kona, holo ana aku i ke ahiahi La Pule i hala, he hoo kahi ohua mai keia awa aku a me na eke Ieta.

            I ka Poakahi i haia, imua o ka Aha Apana, ua hoounaia he ekolu mau Pake no Kawa e hana ai no ka hooka, ole i ko lakou inau @uhau.

 

HOOLAHA I KA LAHUI OIWI.

            E haawiia aku ana e na wahine o ka Ahahui Hawaii Manawalea, na mea ai i na poe pilikia mai ka hora 11 o ke kakahiaka a hiki i ka hora 4 o ke ahiahi ma keia mua aku. A ina e hooloiia ke manawa, e hoike koke 12 aku no. Ma ke kauoha.

            EMA M. NAKUINA

Kakauolelo o ka Ahahui Hawaii Manawalea

sep 9

 

Ma ke Kau@ha.

KEENA O KA PAPA OLA.

HONOLULU, SEPT. 2, 1895.

           

            Oiai, aia na kauka i hoolimalimaia e ka Papa Ola ma ka Hale mai Kolera kahi i noho ai no ka malama ana i na poe ma’i, ua hik no i kela a me keia mea ma’i ke loaa kekahi kauka e ae i laikiniia ana e makemake ai e lawe’awe aku iaia.

            WILLIAM O. SMITH.

            Peresidena o ka Papa Ola.

            sep. 9-3mnw.

 

MAU RULA NO KA, PAPA OLA.

KEENA O KA PAPA OLA,

HONOLULU, SEPT. 3, 1895.

1- O ka iawe ana i ka i’a, i’a-iwi, a i ole ia, o kekahi mea ulu paha o ke kai a wai paha, mai ke kai, a i ole ia, kekahi awa, loko, muliwai a kahawai paha, mawaena o ka Lae o Makapuu a me Kalaeloa a mai na kuahiwi a ke kai, ua papa loa ia.

2- O na hale inu rama a pau a me na wahi e kuaiia ai o ka waiona ma ka Apana o Honolulu, ua kauohaia e paniia mai ka hora 6 P.M. a ka hora 6 A.M. o kela a me keia la.

            Ma ke kauoha a ka Papa Ola,

            WILLIAM O. SMITH.

            sep. 9-3 mnw.

 

RULA O KA PAPA OLA.

KEENA O KA PAPA OLA,

HONOLULU, SEPT. 4, 1895.

 

            Ua papaia ka akoakoa ana ae o na heluna nui o ka lehulehu ma kakahi wehi hookahi iloko nei o ka Apana o Honolulu. Ua pili no kela rula i na akoakoa anaina haipule, na aha puhiohe a me na wahi e ae o ka lehulehu i maa i ka puuluulu mau mi na heluna nui.

            Ma ke kauoha a ka Papa Ola,

            WILLIAM O. SMITH,

            Peresidena o ka Papa Ola.

            sep. 9-3m@w.

 

KEENA O KA PAPA OLA,

HONOLULU, SEPT. 7, 1895.

 

            Aohe mokumahu, mokupea a wa@pa paha o kekahi ano e haalele mai i ke Awa o Honolulu no kekahi awa e aku o keia Paeaina me kekahi palapala ae ole mai ka Papa Ola aku.

            Aohe mokumahu, mokupea a waapa paha o kekahi ano e haalele mai ka Mokupuni o Oahu nei no kekahi Mokupuni e aku o keia Paeaina @e kekahi palapala ae ole mai ka Papa Ola aku.    

            WILLIAM O. SMITH,

            Presidena o ka Papa Ola

            sep. 9-3 mnw.