Ka Nupepa Kuokoa, Volume III, Number 5, 30 January 1864 — Page 3
| This text was transcribed by: | Lori Faleafine |
| This work is dedicated to: | ELIZABETH MA'IHU'I BROWN-PARK |
Ka Nupepa Kuokoa
KE KILOHANA POOKELA NO KA LAHUI HAWAII.
E ka Moiwahine i aloha nui ia, a i mahalo nui loa ia hoi:
Ua kipa mai i o makou nei ka lono no ka lalau ana mai o ka lima o ke Akua Kiekie Loa, i kau kane, ka hoa noho o keia aina pohu malino a “Ehu,” oia hoi ka Moi i aloha nui ia, a i hilinai pono ia hoi e kona lahui no ka naauao; a ke waiho nei iloko o makou; na makaainana o ka lai hulilua o Kona Hema, Hawaii, ke kaumaha luuluu, ame ka naau i hoehaia e ke aloha.
A ke waiho haahaa aku nei makou ia mea kaumaha me kou kaumaha nui, a o ko mahkou ehaeha hoi me kou puuwai i o ia e ka eha nui loa no kau kane Moi o ka wa opiopio, ka makua hoi o keia lahui.
A ma ko makou hoomanao ana no kou mau ehaeha ame ka luuluu i loaa ia oe e ka Moiwahine kaulana, ke pule nei makou i ke Akua o ka lani, e hoomama mai i kou naau i kupilikii, a i o ia hoi e ka pahi kaua a ke aloha, i ole ai e komohia nui ia mai oe e ka pilikia, ame ka nawaliwali, no ka hoomanao mau ana i ka mea lahaole, ka pua a Kamehameha I., i puka mai ma ka lala hua nui o “Kinau.”
E OLA KA MOI WAHINE I KE AKUA.
O makou kau mau kauwa haahaa, me ke aloha.
J. W. KUPAKEE,
J. D. PARIS,
CHARLES FREDERICK HART,
S. W. PAPAULA,
J. A. KAHOOKAUMAHA,
Poe Komite no ka apana o Kona Hema, Hawaii.
Kona Hema, Hawaii, Ian. 11, 1864.
I ka Moi Wahine lokomaikai, ia Emma, ame na’Lii o ke Aupuni Hawaii, ko makou aloha ilihia.
No ka loohia hope loa ana mai ia makou o ka lono kaumaha, na makaainana o oliua ma ka apana o Kau, Hawaii o Keawe, no ka hala ana’ku o kou kokoolua, ko makou Haku aloha, ka Mea kaulana ilihia Iolani. Nolaila, ua koho makou i mau Komite, e pane akea aku i ko makou aloha i ka Moi Wahine, oiai ua hala aku la kona hoapili aloha, ka makua lokomaikai o keia lahui, ma ka aoao mau o ka honua.
Hooholoia. He pono ia makou na makaainana o keia apana o ka mokupuni o Hawaii, ke kuupau iho me ka aua ole i ko makou naau luuluu, ma ka hui ana’ku me ka puuwai palupalu i mokumokuahuaia, o ke Alii ka Moiwahine, ame na’lii o ke Aupuni, no ka uwe paumako ana i ka mea kaulana, ka Moi Ilihia Iolani Kamehameha IV.
Hooholoia. A ke hui pu aku nei makou i ko makou naau kaumaha, ame ka minamina nui pau ole, me ko ke Alii Wahine naau i hoopepeia; e hoomaikai aku i ke Akua ka Mea Mana Loa, e hoomama ae i ko ke Alii Wahine naau “luuluu i ke one o Hanakahi,” ame ko na’lii pu o ke Aupuni.
“E ola ka Moiwahine, ame na’lii o ke Aupuni i ke Akua a mau Loa aku.”
J. W. Thos. Martin,
J. Kauhane, (Na Komite.)
J. W. Hanu.
Waiohinu, Kau, Hawaii, Dek. 25, 1863.
He Manao Aloha Menemene i ka Moiwahine Emma Lani.
Me ka manao menemene a me ke kaumaha nui, e hoomaikaiia ka Moiwahine Emma Lani, a me ka Ohana Alii.
No ke aloha menemene nui i ka Moi Ilihia Iolani, Kamehameha IV., ke Alii aloha nui i hala’ku la, nolaila, ke haawi haahaa aku nei makou i ko makou aloha menemene no ka Moiwahine Emma Lani, oiai makou he poe kauwa liilii haahaa loa e noho ana ma kuaaina o ke Aupuni kuokoa o ka Moi Ilihia, Iolani, Kamehameha IV., a he poe pilipili ole aku i ke Alo Alii o Iolani.
Nolaila, ua hoopihaia mai ko makou mau puuwai i ke aloha menemene nona, ko makou Moi Ilihia, a kaulana hoi no ka maauao a me ka noiau, a no ka lalau ana mai o ka lima o ka Mea Mana Loa, a he mea nui hoi keia e kaumaha nui ai kona lahui holookoa mai kela pea a keia pea o kona Aupunni.
Nolaila, ke u nei makou me ka hoomaikai aki i ke Akua Mana Loa, e hoomama mai i ka naau o ko makou Maiwahine aloha i hoopepe loa ia , ma ka make ana o kana mea loha nui, a i ka Ohana Alii hoi a pau, oiai he pokole na la o keia ola ana.
E OLA KA MOIWAHINE EMMA LANI, I KE AKUA.
Na na Haumana a pau o ke Kula Hanai o Hilo, Hawaii.
Na manao i hooholo like ia e ka Ahahui o na Kumu, na Luna, a me hoahanau o Hilo, a me Puna, Hawaii, i ka la 31 o Dek., 1863.
No ka make ana o ko kakou Moi aloha, o Kamehameha IV., a ke uwe nei kakou me ke kaniuhu, a me ke aloha maoli, no ka hele ana’ku o ko kakou makua ma ke kino, i kona wa u-i.
Ke hoomaopopo nei kakou i ka lima o ka Moi Mana Mau Loa, ma ka lawe ana’ku nei i ko kakou Alii, a ke kulou nei kakou imua ona me ka hooiaio i kana olelo, “Aole Alii ke ae ole ke Akua.”
Ke uwe pu nei kakou me ko kakou Moi Wahine aloha nuiia, i kona kaumaha nui a me kona mehameha, no ka hele ana’ku nei o kana mea aloha, ka Moi Hanohano.
Ke koike nei hoi kakou i ko kakou aloha i ko kakou Moi hou, ia Kamehameha V., me ko kakou manao e noho pono malalo ona, e malama ana i na Kanawai o ke Aupuni, a e imi ana hoi i ka malu a me ka pomaikai o ka lahuikanaka o Hawaii nei, a me ka pule mau ana i ke Akua, e alakai i ka Moi hou ma ka pono io, a e malama loa ia ia no kona aupuni mau.
NA KE AKUA E HOOLA I KA MOI.
T. Coan, - Luna Hoomalu.
Hilo, Hawaii, Dec. 18, 1868.
He kumakena No. – Ma kekahi mau po iho nei o keia pule, he mau mele kanikau, he mea olioli maoli, a me kekahi mau olelo kike i hakuia e Mrs Lucia Moehonua ame Mrs Hana Lilikalani, aole o kanamai ka hakoikoi o ko makou mau puu wai i ke aloha, i ka lohe ana’ku ia mau leo hoalohaloha. He nui ka makou mau olelo e pili ana ia mea; aka, e oe hoi e hini, “ua pilikia o Kaula, i ka hooke a na manu.”
E ikea iho auanei ma ka Olelo Hoolaha a ka Puuku, ame ka papa hoonohonoho o ka Huakai Hoolewa o ka Moi Aloha i make aku nei, e hoolewaia ana kona kino kupapau, ma ka Poakolu, la 3 o Feberuari; a ke manaolana nei makou, e hele nui maiana na kanaka – na wahine – ame ka poe no a pau i komohia e ke koko Hawaii oiaio, iloko o ka huakai hoolewa o ko lakou Moi Aloha, oiai e ahaiia’ku ana kona kino i kahi hoomaha mau o ko ke ao nei. E nana oukou i ke ano o ka hoonohonoho ana o ka huakai, ma ka Papa Hoike no ia mea, malulo nei. – Luna Hooponopono.]
OLELO HOOLAHA
A KA
PUUKU
Halealii Iolani,
Honolulu, Ian. 22 1864
E HOOLEWA ANA
KA
MOI ALOHA,
KAMEHAMEHA iv!
MAKA POAKOLU,
LA 3 O FEBERUARI AE NEI.
E paiia aku ana no ke ano o ka Hana ame ka Hele ana o ka HUAKAI.
Jno. O. Domonis,
Kokua Puuku.
KA
Hoonohonoho a.n.a.
O
KA HUAKAI HOOLEWA
O
KA MOI KAMEHAMEHA IV.
Puali Koa (Pukuniahi.)
Ka mea nana i hana ka Pahu o ka Moi i make.
Na Kumu ame na haumana o ke Kula
Nui o Oahu.
Ke Kula Alii.
Ke Kula o Kahehuna.
Ke Kula a G. B. C. Ingraham.
Ke Kula a Midss. Fayweather.
Ke Kula Hawaii (wae.)
Ke Kula Katolika Roma o na keikikane.
K Kula o Kaumakapili.
Ke Kula o Kalihi.
Ke Kula o Maemae.
Ke Kula o Makiki.
Ke Kula o Kamoiliili.
Ke Kula o Palolo.
Ke Kula o Wailupe.
Ke Kula o Maunalua.
Ke Kula o Manoa.
Ke Kula o Pauoa.
Ke Kula o Kawaiahao.
Ke Kula Katolika Roma o na kaikamahine.
Ke Kula o Kapalama.
Aha Hui Kinai Ahi o Honolulu.
Aha Hui Hana Manawalea.
Odd Fellows.
Free Masons.
Ka Poe o ka Oihana Kauka Lapaau.
Ka mea hana Laau, ame na Kahuna Lapaau
o ka Moi i make.
Na Konohiki o na Aina Alii,
Na Konohiki o na Aina Ponoi o ka Moi i make.
Ka Luna o na Aina Alii
Luna Nui o na Koa, ame na Ahai Kauoha.
Poe Rifela Honolulu.
Na Koa Ponoi o ka Moi.
Na Koa Hulumanu.
Na Ohua o ka Moi Wahine.
Ka Luna Kuene Nui o ka Moi i make.
Na Ohua o ka Moi i make.
Na Kahuna o na Hoomana Kristiano e ae a pau.
Na Kahuna o ka REkalesia Katolika Roma. O ka Haku Lui ka Bihopa o Aratia a Hope Aposetolika ma ko Hawaii Pae Aina. Ka Poe Himeni o ka Luakini Hawaii. Na Kahuna lawelawe Oihana o ke Kupapau.
O ka Haku, Bihopa o Honolulu.
Ka Lio o ka Moi i make.
Na “Ahai Kauoha” o ka Moi (i make:) Ka Mea Kiekie Prince William e hii ana i ka Papale, ame ka Pahi o ka Moi i make. Ka Col. Mea Hanahano P. Y. Kekuaokalani e hii ana i ke Kalaunu o ka Moi i make.
KAHILI NUI.
Mahele Kaua Lio,
Kahili Nui.
Kahili Liilii.
He Mau Alii Lawe Pahu,
Mahele Kaua Lio,
Kahili Nui.
Kahili Liilii.
He Mau Alii Lawe Pahu.
KAHILI NUI.
o KE Kaa e lawe ana i ka Moi Wahine
Emma.
O ke Kaa e lawe ana i Ka Mea Kiekie ke
Kama Alii Wahine o Hawaii.
O ke Kaa e lawe ana i ka Moi Wahine Kanemake Hazaleleponi Kapakuhaili.
O ka Moi Ke Alii,
i kokuaia e Ka Mea Kiekie
Ka Kuhina Nui.
a ukali ia e ke Col. ka Mea Hanohano C. Kapaakea. Ka Lunakanawai Kiekie o ke Aupuni.
Na Kuhina.
Ka Mea Hanohano R. C. Wyllie, Kuhina no ko na Aina e. Ka Mea Hanohano G. M. Robertson, Kuhina Kalaiaina. Ka Mea Hanohano Charles G, Hopkins, e hana ana i ka Oihana Waiwai. Ka Mea Hanohano C. de Varigny, Kuhina Waiwai e komo mai ana. Ka Mea Hanohano C. C. Harris, Loio Nui o ke Aupuni. Ka Mea Hanahano J. McBride, Kuhina noho o America Huipuia. Her Brittanic Majest;y’s Commissioner W. W. F. Synge. His Imperial Majesty’s Commissioner Mons. Desnoyers. Na Wahine o ka Aha Alii. Na Hoa o ka Ahakukakuka Mal@@. Na Alii o ka Hale Ahaolelelo Alii. Na Luna Kanawai o ka Aha Kiekie. Na Kanikela. Na Lunakanawai Kaapuni. Na Kakauolelo o na Oihana Aupuni. Na Hoa o ka Papa Loio. Na Luna Makaainana. Ka Luna Dute Nui, amena Hoa hana oia Oihana. Ka Hamuku ame na Makai Nui o na mokupuni e ae o keia Pae Aina. Na Ohua Ponoi o ka Moi. Na Hulumanu. Na Haole e noho ana ma Hawaii nei. Aha Hui Aloha o Lahaina. Na Makaainana. Na Makai.
E waiho ia ka Pahu Kupapau o ka Moi i make me ka hanohano, a e ike ia e na mea a pau, ma ka po o ka la 2 o Feberuari e hiki mai ana.
O na mea a pau e makemake ana e hea i ka lakou Kanikau o ka Moi Kamehameha IV., e hele mai no ia po.
I ka hora 12 oia po, he Pule Litania ma ka Hale Alii Iolani. O na ‘Lii a me ka Poe Hanohano, a me na Luna Aupuni e makemake ana e hele mai ma ia halawai, e hele mai no.
O ka poe a pau e hele ana ma ka Huakai Hoolewa, e hoakoakoa ia lakou iho mawaho iho o Hale Alii Iolani, ma ka hora 109 o ke kakahiaka o ka la 3 o Feberuari, e hoomaka ka hele ana o ka Huakai ma ka hora 10 ame ka hapa, me ka hala ole.
E hele aku ka huakai a hiki i ka Luakini Hawaii ma Peleula, a mailaila’ku e laweia’i ke Kino Kupapau e ka Haku Bihopa o Honolulu, ame na Kahuna iloko o ka Luakini, kahi e hoikeia’e ka pule hoolewa. Iloko oia manawa, e ku no ka huakai hoolewa mawaho no ka manawa pokole, a pau ka pule ana, alaila, kai aku ka huakai.
E hooponopono ia no ka Huakai ma Alanui Alii. O ka maka mua o ka Huakai, e hoonoho ia ma ke huina o ke Alanui Alakea me Alanui Alii. O ka poe o ka Huakai e hele ana mahope aku o ka Pahu; e hoonohonoho ia lakou ma ka aoao ma Waikiki o ka Puka Nui o Hale Alii Iolani.
Keena Puuku, Honolulu, Ian. 30, 1863.
R. H. STANLEY,
LOIO.
UA MAKAUKAU KA MEA NONA KA inoa maluna ae nei, e lawelawe ma ka Oihana Loio, no ka poe a pau e makemake mai ana ia la iloko o na Aha Hookolokolo a pau o keia Aupuni. A ua makaukau loa oia e hana i na Palapala Kuai Waiwai Paa a Waiwai Lewa, a me na Palapala Moraki, a me na palapala pili Kanawai no o na ano a pau.
E hele ae ma ko’u Keena, ma ke Alanui Kaahumanu, makai iho o ka Hale Leta. 114-4@
KULA NUI KAIKAMAHINE!
O KE KULA NUI KAIKAMAHINE HAWAII i hookumu ia iho nei ma Honolulu i ka makahiki i kaahope ae, na hoohuiia’e nei me ke Kula Olelo Beritania ma Lahaina. Ua hoolimalimaia ne nei ka Pa Halemai o Amerika Huipuia no la mea. He $75 00 ka uku no ka makahiki. A he papa no hoi kekahi no ka poe e makemake ana e hoi mai e noho pu, a e aoia no hoi, no ka uku kiekie ae.
O KA LUNA NUI HOOPONOPONO,
O MRS. MASON.
A NA WEHEIA NO HOI HE Kula Hanai no na keiki kane, ma ka pa i noho mua ia iho nei e Rev. W. Scott. He $75 00 ka uku no ka makahiki.
O KA LUNA AME KE KUMU,
O Rev. G. Mason.
He Kokua kumu ame kana wahine kekahi e noho ana maloko o ua pa nei. 114-3t
OLELO HOOLAHA.
NO KA MEA. UA NOIIA MAI KA MEA Hanohano Ioane Ii. kekahi o na Lunakanawai o ka Aha Kiekie e KAAEAk, no ka hoolalo i na Palapala Kauoha o KAHELE w, no Waikiki, Oahu, i make aku nei: Nolaila, ua hoikeia i na kamaka a pau loa, ke pili, o ka Poakolu, ola ka ia 10 o Feberuari, 1864, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia Palapala Kauha, aia ma ka Hale Hookolokolo ma Honolulu, Oahu.
G.W. Brown,
Kakanelelo kokua o ka Aha Kiekie.
Honolulu, Oahu. Ian. 27, 1864 114-2t
OLELO HOOLAHA.
UA HOOPII MAI O PALEA w, KUE I KANA KANE O Ioane K, no Hilo, Hawaii, mamua, e hooki i ko laua mare ana, no ka haalele wale ana no na makahiki ekolu o Ioane k, i kana wahine. Ehanala keia hoopii imua o ka Mea Hanohano Ioane Ii, kekahi Lunakanawa o ka Aha Kiekie, ma ka la 24 o Feberuari, i ka hora 10 o kakahiaka, aia ma ka Hale Hookolokolo ma Honolulu, Oahu.
G. W. Brown,
Kakauolelo kokua o ka Aha Kiekie.
Honolulu, Ian. 27, 1864. 114-2t
OLELO HOOLAHA.
NO KA MEA, UA NOIIA MAI KA MEA Hanohano Ioane Ii, kekahi o na Lunakanawai o ka Aha Kiekie e OULULANI, E HOOKOHU IA IA I Luna Hooponopono Wawai no Puaaiki k, no Honolulu, Oahu, I make aku nei: Nolaila, ua hoi keia i na kanaka a pau loa, ke pili, o ka Poakolu, ola ka la 30 o Februari, 1864, i ka hora 9 o kakahiaka, ola ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikela, aia ma ka Hale Hookolokolo ma Honolulu, Oahu.
G. W. Brown,
Kakauolelo kokua o ka Aha Kiekie.
Honolulu, Oahu, Ian. 23, 1864 114-2t
AHAAINA HULI DALA O KA
LUAKINI O PUULA.
E ka Nupepa Kuokoa e: Aloha oe:
He wahi puolo meli ka’u e hooili aku nei ma kou inoa, a ia oe hoi ka hai mai ma na palena o ke aupuni Hawaii, mai Hawaii a Niihau.
Eia no ia, ma ka la 4 o Ianuari iho nei, A. D. 1864, oia ka la koho Lunamakaainana ma Puna nei, ua kukulu ia he ahaaina huli dala ma Aloi, i Kapoho-uka oia ka hale kula o J. H. Kaaihue, a ua maikai na mea i hana ia no keia ahaaina, a me ke ano o keia Moolelo, a me ka nui o na dala i loaa mai, a me na inoa pakahi o kela Lunamakaainana keia Lunamakaainana i kokua mai ai i keia hana maikai me ko lakou aloha oiaio, a he nui no hoi na poe e ae a pau i kokua mai i keia hana. E like me ke noi a ke Komite o keia Aha, nolaila, he nui no na mea ai i hoomakaukau ia no na hoa e ae mai kahi loihi mai, a me na malihini kupono mai kahi e mai. Ua nui na mea ai i hoomakaukau ia no keia ahaaina. Na kulolo 13, na umeke poi 18, na pua 3, o na ia, he opelu 160, aole i helu ia na mea e ae, aku, ua lai no ka hana ana.
L. Makaainana no Kapoho, J. H. Heleluhe...............................$5 00
L. Makaainana no Keanu, E. Makaaioulu,............................... 5 00
L. Makaainana no Waialua, S. P. Kauwalu,............................. 5 00
L. Makaainana no Kaimu, L. Lainaholo,.................................. 5 00
_____
Huiia $20 00
No na lala o keia aha,................................................................ 5 00
No na mea ai i kuaiia,............................................................... 4 00
No ka poe Hui Kalepa,............................................................. 31 00
______
Hui pau loa, $60 00
O keia ka nui o na dala i loaa mai ma ka lima o ka puuku, W. Kahuluna o J. H. Heleluhe ke Komite, o W. Kekino ke kakauolelo, pela ka mea i hoololiia ma keia Aha, a ua maikai no ia, a ua kupono hoi no ka hemahema e ko makou Luakini ma Puula nei, Apana 3, o keia haawina. Nolaila, e na hoa aloha iloko o ka Haku a me na haipule oiaio. E a’la! e ala!! e ala pumai kakou e hapai i keia hana nui, no ka pono o ko makou wahi Luakini, nolaila, e ala like e na hoahanau, a me na makamaka a pau, mai Hilo a me ka Kau, a me Puna nei, e kokua mai i ko makou pilikia nui no ka Luakini ole, ua nahaha ia e ku nei, e wiki, mai hiamoe e na hoa aloha iloko o ka Haku o Iesu Kristo. Amene. Me ka mahalo nui.
M. Kekino.
Kakauolelo a ka poe Hui Kalepa.
Akeahi, Puna. Ianuari, 6 1864.
OLELO HOOLAEA.
UA HAAWI AKU AU I KA MANA, IA MR. KAHANU,
e ohi mai i ka AIE o ka poe e noho AIE NEI IA’U.
S. W. DOWSETT (Kamuela.)
Honolulu, Ian. 28, 1864 114-2t
OLELO HOOLAHA.
EIA MA KA PA AUPUNI-
MA AELEPULU,
he mau holoholona helehewa. Ke ano me ka hao malalo nei:
1 Lio kane ulaula, hao ano e.
1 Lio wahine auaula, kapala ka hao.
1 Hoki wahine eleele, hao ano e.
1 Bipi kane laho, aole hao.
1 Bipi kane eleele, aole hao.
1 Bipi wahine ulaula, hao ano e.
1 Bipi wahine moo me ke keiki, hao ano e.
E kii koke mai o hala na la he 16, nele oukou i ka Lio ole. E kudalalaia aha i ka Poakahi e hiki mai ana, oia ku la 8 o Feberuari. E hele mai oukou e koho, i loaa kekahi mau holoholona no oukou.
JOHN PALE, (Luna Pa Aupuni.)
Kaelepulu, Kailua, Ian. 28, 1864.
OLELO HOOLAHA.
E KUAI KUDALAIA’NA 13 LIO
ma ka Pa Aupuni,
MA WAIAWA, EWA, OAHU,
KE HIKI AKU I KA LA 1 O Februari, i ka hora 10 o kakahiaka, oia ka Poakahi e hiki mai ana. A he mau Lio e ae no 9, e kudalaia ana i keia la, Poaono, la 30 o Feb., i ka hora 10 o kakahiaka. Ke ano me ka hao malalo nei:
Ma Ka Poano, la 30 Ianuari.
1 Lio wahine lokia, hao akau AK
1 “ ulaula, hao hema @@
1 “ eleele me ke keiki, hao akau ano e, hema ML
1 “ keokeo maka makole, aole maopopo ka hao.
1 “ eleele, hao hema ano e.
1 “ eleele, hao akau ano e, hema GA
1 “ ulaula, hao manamana ano e.
1 “ ulaula, hao akau K
1 “ puakea, hao akau I
Ma ka Poakahi, la 1 Feberuari.
1 No kaue ulaula, hao akau ano e.
1 “ eleele, hao hema ano e.
1 “ hulupala, hao akau MH, hema hapaia.
1 “ ulaula, hao akau KY, hema X
1 “ ulaula, hao akau 15, hema AK
1 “ puakea, hao akau T
1 “ hulupala, hao akau I, hema I
1 “ ulaula, hao akau ano e.
1 “ kalakoa, hao akau ano e.
1 “ ulaula, hao manamana ano e.
1 “ ahinahina, hao manamana ano e.
1 “ ahinahina, hao manamana ano e.
1 Lio wahine keokeo, hapaia ka hao.
J. KAHAUOLONO, Luna Pa Aupuni.
Waiawa, Ewa, Ian. 27, 1864. 114 – 1t
OLELO HOOLAHA.
E KUAI KUDALAIA ANA 3 LIO
14 @@@@@, i ka Poaha, la 4 o Feberuari, hora 12 o ke awakea. 4 Lio, i ka Poaono, la 6 o Feb., hora 12 o ke awakea. He mau Lio hou mai kekahi. Ke ano me ka hao malalo nei: Ma ka Pa Aupuni.
MA PAUOA,
Ma ka Poaha, la 4 o Feb.
1 Lio kane ulaula, hao akau V, hema IX.
1 “ hulupala, aole ikeia o ka hao.
1 Lio wahine eleele, no Pepehi.
7 Piula kane, hapala ka hao.
7 Piula wahine, hapala ka hao.
Ma ka Poaono, la 6 o Feb.
1 Lio kane ulaula, hao akau B, hema X
1 “ eleele wiwi, hapala ka hao.
1 “ puakea, hao akau WX
1 Lio wahine lokia, hao akau SM, hema 11
NA LIO HOU MAI.
1 Lio kane ulaula wiwi, hapala ka hao.
1 “ ahinahina, no Kawehi.
1 Lio wahine puakea, ua ike ia no.
1 “ ulaula wiwi, ua ike ia no.
E hele mai ka poe koho Lio me ke dala pu mai no. E kii mai i na Lio hoa me ke dala pu mai no, oi pokole na la.
NAPUNAKO. Luna Pa Aupuni
Pauoa, Ianuari 29, 1884 114 – 1t
PUBLIC NOTICE.
THE ESTRAY ANIMALS CONFINED in the Government Pound,
At Pauoa,
Will be sold at public auction, on Thursday, Feb. 4, at 12 o’clock, M., 3 horses, 14 donkeys. On Saturday, Feb. 6, at 12 o’clock M., 4 horses. All person interested are hereby notified to attend. The following are the descrioption and brands:
ON THURSDAY, FEB. 4.
1 Bay horse, brand right V. left IX
1 O@@@@ colored horse, brand not describable.
1 Black mare, belongs to P@p@hi.
14 Donkeys, brand not describable.
ON SATURDAY, FEB. 6.
1 Bay horse, brand right B, left X
1 Black horse, brand not describable.
1 Sorrel horse, brand right WX
1 Roan colored horse, brand right SM, left 11
LAST HORSES.
1 Bay horse, brand no describable.
1 Gray horse, belongs to Kawehi.
1 Sorrel mare, brand no describable.
1 Bay mare, brand not describable.
NAPUNAKO, Pound Master.
Pauoa, Jan. 19, 1864 114 – 1t
KALO KUAI!
HE MAU LOI KALO MAIKAI, UA OO
pono ke Kalo, ma Kawaiiki, Kapalama.
E ninau ia J. N BARNARD.
Honolulu, Ian. 2@, 1864 114 – 2
E MAKAALA!
OWAU
O KAMUELA,
KA HOA KUAI O NA
KANAKA HAWAII,
NONA KA HALE KUAI PAPA NA-
uka iho o ka
HALE HOOKOLOKOLO
ma Honolulu. Ke hai aku nei au ia oukou, he mau la ku wale no keia o kuu moku papa.
‘CONSTITUTION!”
a ke ku mai oia, e loaa ana ia ‘u na
LAKO KAPILI HALE
o kela ano, keia ano.
EIA NO KE WAIHO NEI.
NA:
PAPA O KELA ANO, KEIA ANO.
LAAU HALE, o keia ano, keia ano.
PILI HALE,
PINE,
AAHO,
KEPA,
PANI PUKA,
PUKA ANIANI,
OLEPELEPE,
KUI, PENA,
AILA PENA.
WAI HOOMALOO PENA.
IA MEA AKU, IA MEA AKU,
Ua makaukau au e kuai aku me ka oluolu i keia mau mea, a no ka maopopo no paha ia oukou he KEIKI KAMAAINA au, he hiki ia oukou e ka Lahui
MAI HAWAII A NIIHAU,
ke kipa mai i o’u nei. E hiki ana no na moku papa o’u i na, manawa a pau, a hoolako mau ia’u. He mea mau i na poe o ka hiki mai ka hauanui, a me ke kaena. A he mau Luna kekahi i hoonoho ia e lakou e alako ana i ka poe maikai, me he lawehala la. Aka, he hiki ole ia’u ke hana pela, o ko’u ano no ka oukou e imi mai a loaa, maopopo no na hana a kakou, no ka mea, o ko Hawaii nei kupa iho la no ia oko oukou makamaka.
KAMUELA, (Kaikaina o Kimo Pelekane.)
Honolulu, Ian. 22, 1864. 118 – 8m
OLELO HOOLAHA
I NA KANAKA HAWAII!
Makai iho o AIGUPITA
Ma hope iho o ka Pa
O MAHUKA!
KA
PA KUAI PAPA
O
LEWERS & DICKSON,
MALAILA E LOA AI NA PAPA O KELA ano keia ano, me ke kumukuai makepono oe, nolaila, e nane mai oukou e ike i ka oiaio o kela elo p@@@@. a oukou e na makamaka Hawaii.
NA PAPA OLEGONA,
LAAU HALE A ME NA PUU,
LAAU KAOLA A ME NA PINE PA,
LAAU AAHO HALE PILI MAOLI
PAPA ULAULA, PAPA PAINA,
PAPA KEPA A ME KA AAHO,
PILI ULAULA A ME KE KEOKEO.
Eia ka mea
KUPANAHA
Ma keia hale – maanei i wiliia’i ka
PALAOA’ a ma ka HANA PAHU
e like loa me ko
ULAKOHEO
mamua, i kona wa e kau ana, aole i puu i ke ahi mamu; nolaila, e naue mai e makaikai.
Na Pena Keokeo a me ka Omaomao,
Na Pena Ulaula a me ka Eleele,
Poho, Kolu, Hulu Pena,
KUI o na ano a pau,
LAKA o na ano a pau,
Ami, Kilou, Kui kakai moena,
Kui Nao,
Pani Hale,
Pani Aniani, POake,
Aniani kaawale,
Pani Olepelepe.
A PELA WALE AKU.
Aole e maua @@@ limalima i p@@ ekei aku i na kanaka e kuai mai ma ko maua wahi; aka, he hiiinai no maua ma ke ano maikai o ka maua mau mea kuai, a me ke kumukuai o ka @@@@ papa, me ka mala@@ pono hoi i ka maua oihana iho, i @@@@@@ ia mai ai ka pomaikai iloaa mau ia maua @@@@@ aka nei.
Honolulu, Ianuari 22, 18@@. 11@ - @@
KA MOKUAHI
KIALUA
“ANNIE LAURIE.’
E HAALELE ANA IA HONOLULU –
I KELA POAONO KEIA POAONO.
(A hiki i ka paa hou ana o “KILAUKA.”)
I KA HAPALUA O KA HORA 4 AHIAHI
NO
LAHAINA.
ULUPALAKUA,
KAWAIHAE,
a ma KONA.
Ku hou ma Honolulu I ka Poaono.
JANION GREEN a @@.
L.M.A.M.M.
Honolulu, Aug. 29, 1863 @@@@@
He pono i na poe e hooili ana i na ukana ke hoomaopopo iho, e uku ia ka uku moku i ka wa e laweia mai o ka ukana.
KAMANA HANA KAA!
O MR. WILLIAM DUNCAN ka meanona ka @ ponoi iho o ka Malewai, ma ke Alanui Alii, ke @ nei oia e hana i na mea a pau e pili ana i ka HANA ANA I NA KAA LEALEA, a me na KAA no o na ano a pau; a me ka hana pu no hoi i ka ILI KAA LIO, a me na mea e ae e pili ana ia Oihana. A @ hiki no hoi ia ia ke HANA i na kaa hou maikai @, ke makemkake kekahi poe i mau kaa hou no lakou. He @ pili i ko oukou pomaikai, ka hele mua ana mai i o’u nei @ o ka hele ana ae i na wahe e e hana ai i ko oukou mau kaa.
Aia ko’u hale hana mauka iho o ka Malewai, ma Alanui Alii, Honolulu.
Honolulu, Ianuari 21k, 1864 11@ @@
OLELO HOOLAHA.
I NA UA AIE O Daniel Ely. O HILO, HAwaii, i kekahi mea @, e hookomo mai i kona Sila Aie mamua o ka la 11 o Iune, 1864. A o na mea a pau i AIE ia ia, e hookaa koke mai ko oukou aie ia’u. J.H. C@
Luna Hooponopono Waiwai o Daulei Ely, ka mea i make
HE MEA HAULE!
EIA MA KO’U LIMA KEKAHI MEA
OLELO HOOLAHA.
E IKE AUANEI NA KANAKA A PAU.
owau o ka me maua ka @@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@
O K@@@@@ AME @@@@@@,
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@
OLELO HOOLAHA.
I KA POE MAAUAUWA O NA ANA a pau mai@@@@@@@@@@@@@@@@@@@@@
IA KEALAULA,
No ka@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@
Mokaiea, Kalihi, Oahu Ian 21 @@@@ @@@@@@@@@@@@@@@
J. P. HUGHES.
MEA HANA
NOHO LIO!
Aia ma ka hale kuai o ka mea nona ka inoa maluna
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@
NO KE KUMUKUAI MAKEPONO LOA!
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@
MEA HOU, MEA HOU!
AIA MA KA HALE KUAI LAPAAU
O
KAUKA HILIBARAN MA,
MA
MONIKAHAAE!
NA KE KIKI HIKINA O KE
Alanui Hotele me Alanui Papa,
KAHI E LOAA AI KA
LAAU LAPAAU!
O NA ANO A PAU, OIA HOI
KA LAAU HOOMAEMAE KOKO,
HUA ALE, AILA,
AILA PUUPUU,
PAAKAI HOONANA,
LUPEPA, (Laau L@@@)
A ME NA LAAU O NA ANO A PAU.
Omole Ha@ai Walu no na Keiki ho@/
EIA KEKAHI, ALA MALAILA NA W@@ aia e na ano a pau @@@@
KA HJUALUKINI. (@@@@.)
LUBIN’S EXTRACTS, OIA NA WAI@@@@@@@@@@@@@@@@@
WAIALA ILIAHI,
Na AILA LAUOHO MAIKAI LOA, @@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ eia.