Ka Nupepa Kuokoa, Volume III, Number 18, 30 April 1864 — Pilikia ka Leta. [ARTICLE]

Pilikia ka Leta.

I ka Nūpēpa Kuokoa e ; Aloha oe :—Eia noia, " Pilikia ka Leta," eia ke kumu o ka pilikia ana o ka leta, ma keia kulanakauhale o Lahaian nei. Oka waiho wale iho no o ka pahu leta a na kanaka maoli, aole he mea nani e tnskna pono, a e ninau pono aku hoi i ka inoa ame kona wahi i noho ai, a akaaka i ka mea nana e malama ana ua wahi nei nana io ia leta, alaila, haawi aku. £ like me ko Honolulu, ame ka apana o Wailuku, ame ko ka apana o Makawao, ame kekahi wahi e aku no pahn a'u i ike ole'ai. A o ka leta o keia kaona lai, ua kuu ia e like me kona makemake iho, me he mea ala aole e poina ana ka lehulehu i ka hana ia ana pela.

Aole nae o ka leta a na haole, o ka leta a na kanaka kupa Hawaii o keia kaona ka mea pilikia mau. Ua alima a oi ae a'u leta i nalowale iioko o keia hale leta. Me ka ike ole ia o ka mea nana i lawe. Ua nui a lehulehu wale na leta i hiki mai ma keia hale leta, mai kela wahi keia wahi mai o na makamaka ame na hoa'loha, me ka manao paha o na makamaka ke hiki pono mai nei ka lakou wahi leta ianei. Ua hiki mai no na ope leta ma na moku a mauka mai ka- | hi a korho iloko o keia mau hale leta. Ohi mai la ka luna leta a kaawale ka na haole, a kaawale ka na kanaka maoli, ao. ka na haole kau ia ae la iluna o na rumi, me ka malama pono o ka luna leta ia maa leta. A o ka na kanaka maoli, hoolei ia mai la mawaho iluko o ka pahu hookahi, me ka ike ole mai o ka luna leta. Hele kela ame keia kanaka a la we e like me kona makemake iho, no ka mea, aole he mea nana e malama pono ia wahi. Aole no hoi he like o ka manao o na kanaka o keia kaona, hele mai kahi poe me ka manao maikai. a o kekahi hoi me ka manao kupono ole, a lawe wale i»ka hai leta, aole o kona inoa mawaho. Ke manao nei a'u, he kumu pono paha keia a'u e ka luna leta nui o ko Hawaii pae aina, e noonoo a e hoonoho i kanaka kupono ma kela wahi. £ like me ko kela mau apana a'u i hai aku la maluna. Ke oluoiu nae ka puuwai palupalu o ka Luna Leta Nui i kela mau manao i kukulu ia aku la maluna. lna aole e hiki ia oe e ka Luna Leta Nui o ko Hawaii nei pae aina, ke hana e like mef

kela manao i kukulu ia aku la maluna, alaila, e waiho a hiki aku i ke kau Ahaolelo e hiki mai ana, a nau no hoi ia e noi ae ika poe kau kanawai, e hookaawale i wahi puu elala no ia wahi, a e hoonoho ae i kanaka kupono ma ia wahi, e like me ko Honolulu. I pau ai ka piiikia o ka leta a na kanaka kupa Hawaii o keia kaona lai. Ina ua kuhihewa a'u ma kekahi 'mau manao i kukulu ia aku la maluna, alaila, e hoihoi mai no ia mau manao maluna iho o'u i pono ai. - Me ka mahalo i ka Luna Hooponopono. D. W. Kalaeloa. Lanikeha, Lahaina, Maraki, 10, 1864.