Ka Nupepa Kuokoa, Volume III, Number 36, 3 September 1864 — Halawai aloha ma Honouliuli, Ewa. [ARTICLE]

Halawai aloha ma Honouliuli, Ewa.

E ka Nupepa Kuokoa e; Aloha oe, a me kou Lunahooponopono.—l ka lokomaikai o ke Akua, ua akoakoa mai na hoahanau, a me ke Kahunapule ma ka Halehalawai ma Honouliuii, Ewa ; ma ka la 23 o Augate, nei. Haawi like na hoahanau i ko lakou aloha no ka Lunakanawai panihakahaka i hoouna ia mai io makou nei, oia o A. Kalauhala. O ke Kahunapule, oia o Rev. J. Bikanele, kekahi i haawi i kona aloha. Ku i»ai oia, a hai mai i kona manno penei : " A ia oe e Kalauhala, no na hana maikai au i hana ai iwaena o keia apana, ka hoopio ana i ka hewa, —ka hoomaiu pono ana i na Makaamana, nolaila, ke aloha aku nei ia oe ka poe a pau ma Ewa nei, e makemake ana i ka pono, me ka pule ike Akua., o kona maluhia pu me oe, i kou hoi ana aku i Honolulu." Nui no ko makou aloha ia A. Kalauhala i keia la i ko makou haiawai ana me ia, oiai ua malama maikai ia mai e ia ka maluhia o ko Ewa lehulehu iloko o na- la ana i noho ai e hookolokolo ana. Nolaila, e ke Kuokoa e ; e oluoiu mai oe e hookomo i keia wahi moolelo pokole, e hoike ana i ke aloha o ka poe pono i keia Lunakanawai, no kona hooikaika ana e kinai i na hewa—O ka maluhia ka mea maikai. S. Kakiai. Wai-pio, Etca, Oahu. Aug. 23, 1864.