Ka Nupepa Kuokoa, Volume III, Number 36, 3 September 1864 — He wahi Nane. [ARTICLE]

He wahi Nane.

E ka Nupepa Kuokoa e; Alohaoe: A ia oe no au e hooili aku ai i ka mokihanaaala lauae o na pali me kuu makemake, a me ku iini pau ole o ka hakoi a ko'u puuwai e hookonokono iho i keia wahi Nane, ma kou rumi kaawale. Ke kauwa hali pololei i na ukana ke hooili aku, mai na kuaaina a i ke alo alii. Ke oluolu nae ka manaoo ka Lunahooponopono. Eia ua wahi ukana la. E kau ana he La nui kupaianaha loa, i ikea kona nui e ko Hawaii nei, iloko ona he ohana manu i kahakahaia ko lakou umauma i na huaolelo 4. A ku mai la ka manu mua e kakau i na huaolelo e piha pono ai ka La, kau aku la ia i na huolelo 3, a me na huaolelo 4 ma ka olelo Huwaii, hai mai Ia ia, 0 keia ka mea e piha pono ai ka La. A ku mai la hoi ka manu hope loa, a wanana wiwo ole inni h ia i ko ke ao nei. 1 ka i ana mai, ke hoolilo nei au i ka hopunaolelo mua i mau huahelu, a ke kau aku nei au i V hoailona no kuu huahelu a'u i makemake ai, e hoonui ana me ka hopunaolelo mua. I mai la ua manu hope la, o keia mau huahelu ka mea e piha pono ai ka La. Eia ka ninau. E hia V i pihu ai ka manu ? E hia hoi manu i piha a i ka La ? Owai hoi ua La nui la ? E aho paha ia. Aole au i manao e luhi ana o'u hoa i ka imi ana i keia a hai koke mai, aka, me ka lana nui no o ko'u manao e loaa no paha i ko'u hoa hoopuka Nupepa ia S. W. B. Kaulainamoku. A i ole ia ia, i na hoa e ae no e noho ana ka ulumahiehie i keia mea he Nane—Aole no e nele ka lawaia, ua ola no i ke poomaunu. Owau no me ka mahalo. J. Y. H. Apua, Honouliuli, Ewa—kea, Aug. 22, i8G4.