Ka Nupepa Kuokoa, Volume XVIII, Number 24, 14 June 1879 — Page 3
E NA
Le de a me na Keonimana!
o ka
MAKAN I APAAPAA O KOHALA.
E Kipa. E Naue, E Komo, A e ike i na Nani o kela a me keia ano o na Waiwai Hou Loa i hiki mai nei ma ko maua HALEKUAI MA KAIOPIHI! Malaila no e loaa ai ia oukou keia mau Waiwai Maikai malalo iho nei : NA PAPALE WAHINE HULU NANI HOU LOA E PULELO AI I KA MAKANI, Ina no hoi e kau mai i ko poo, aohe i kana mai ua mea o ka Pulelo o na Lipine a me ka luhe maewa o ka Hulu i ke oho makani, nana aku no hoi, hele kela a "Kau ka Iwa he la makani,'' i ka ua mea o ka Nani Lua Ole, oia no oe la o ka HULU MAMO GULA LELOLELO O KA IU O GOMOHERA. NA KIHEI KUWELU. O keia mau Kihei, aohe i laha ma na Halekuai e ae, ma ko maua Halekuai wale no; ua lawe mai maua no ka Pomaikai o na Lede papalina nohenohea o ua aina nei a ke aloha i anoi ai ; ina no hoi oe e Hoani ae ana i ka Aluna Ahiahi. Nolaila, ke kau leo aku nei maua ia oukou, ano wale no ka wa kupono e loaa ai keia mau Kihei Nani ia oukou NA LEI A-I HIPUU KIKEPA O NA KEONIMANA E LINOHAU AI. Ke hoohiolo nei iloko o ko maua Halekuai na Lei A-i Silika o na ano waihooluu like ole he nui, e kau mai ai i ka A-i, aohe i kana mai ke kinikohu. Na Kamaa Hila Aulii a Mikioi o na Kane, Wahine a me na kamalii. O keia na Kamaa Hila Aulii Helu Ekahi a maua i lawe mai ai no oukou e na Lede a me na Keonimana o na Aina Haaheo nei. He mau Kamaa Keia e uwe hone ai i ka Papa Lohi o Maukele, oia no oe la, o ka Leo o ke Kolohala i ka po Lai. NA WAIALA MOANI ALA LOA. Eia pu no hoi ia maua na Waiala Iliahi Moani Ala Loa no na Hainaka, e unuhi ae ai oe aohe i kana mai ka puia i ke ala me ke onaona. NA KALAKOA. Eia no hoi na Lole Kalakoa ko ahu mokaki mai nei o na ano he nui wale. Na Pahu. A pela no hoi me na Pahu Pake, i hele kela a panio lua o waho i ka waniki. Na Moena. Eia no hoi ia maua na Moena Pake, oia no oe la o ka Pawehe o Niihau ka panio Na Pa, Bola., &c. A eia no hoi ma ko mana Halekuai nei na Pa, Bola, Ipukukui, o ke nui a me ka liiii, a me na waiwai e ae he nui wale, he hiki ole ke hue pau aku i ka nui launa ole. O keia mau waiwai i hoakakaia maluna, e loaa no ia oukou ma ke kumukuai makepono loa.
AKINA & ASEU,
Kaiopihi, Kohala, Hawaii, No v. 9, 1878. 885 tf
"CALIFORNIA
ONE PRICE
BAZAR."
WAIWAI HOU ! WAIWAI HOU !
MA ke ku ana mai nei o ka mokuahi Au seteralia, ua loaa mai i ka Halekuai "CALIFORNIA O.P. BAZAR" Na Lole Hou maikai loa nona ka huina he $ 4543 Na Palemai Helu 1 no na Wahine a me na Kane, o ke ano maikai loa. 64 Kakini Palule Keokeo, $1.50 no ka palule hookahi i kupono no ka $3.50 52 Kakini Palule maikai eae, $2.00 no ka palule hookahi i kupono no ka $4.00 93 Kakini Palule Lahilahi, $1.00 no ka palule hookahi i kupono no ka $1.75 Na kakini Keokeo maikai aeae me na Kakini Kalekoa, $1.50 no ke Doz. Na Palemai Inia Marino maikai o na Kane 152 Kakini Palemai Wahine maikai mai ke dala hookahi, ekolu a ka eha dala Na Lole Kakimea, Marino, Alapaea, a me na mea hoonani no na wahine. Na Kalakoa Farani mai ka 15 Keneta no ka I-a a maluna aku. O KA MAKOU OLELO MAKIA : E hoahu i na Waiwai Maikai, a e Kuai Emi Loa, Ma ka Halekuai California One Price Bazar. 905 3m 916
MELLIS & FISHEL.
Na Wa ti a me na Nani Hoohiluhilu.
Ke hoike aku nei o CHUNG FOY imua o ka lehulehu, aia oia ke paa nei ma kona lima i na mea hoohiehie i kupono no na Keonimana a me na Lede, oia hoi na WATI WALTHAM, Na KAULA GULA, Na KAULA DALA. Me na Wati Nui Amerika i kupono no ke kauhale, a me na mea makamae e ae he nui wale, a e kuai makepono aku ana oia ma ke kumukuai haahaa loa. Mea Hana Wati a me na Mea Gula. He Maliu no oia i na kauoha, He 25 keneta wale no ke aniani poi a ka wati. Aia kona halekuai ma ke alanui Nuuanu, ma o mai o kahi o Hollister & Co. 893 6ms.
KO
G. WEST
MAU
HALE HANA KAA HOLO LEALEA!
Kaa Lawe Ukana, Kapili Kapuai Hao, ME KA Hana Hou ana i na Kaa Nahaha. E LOAA no i ka poe e makemake ana i na mea i hoikeia maluna ke hele ae ma Polelewa ma ewa iho o ka halekuai o Kakela me Kuke, a makai o Ainahou, mauka mai o ka Hale Dute. E hana ia na hana a pau me ka maikai wale no. E hooka ia no hoi na kauoha me ka eleu, a me ka hikiwawe. (876 3m)
WAHIE! WAHIE!!
Auhea ka poe
KAHU AI, a me ka poe PUHI PALAOA !
He mau PAILA WAHIE no ke kumukuai makepono ! E ninau ia E. S. Timoteo ma ka pa o ke Kula Kahunapule, ma Kawaiahao. 902 tf
PAPA KUHIKUHI MANAWA HOLO
O KA
MOKUMAHU HAWAII
" LIKELIKE,"
KAPENA. REYNOLD.
Poalua Iune 17, hora 5 pm..............Kaapuni ia Hawaii
Poalua Iune 24 hora 5 pm.............................Hilo
AOLE AIE NO NA UKU OHUA.
Ke hoole ia aku nei ka aie no na uku ohui, a ke hoike ia aku nei i ke akea, ina he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana, paiki a me puolo i hoailona ole ia ke ole e kakau ia ka loaa ana mai.
HE KUIKE KA UKU UKANA.
MA na ukana a pau a na makamaka, e pono e uku mua ia. A e hookoia no na kauoha no ka lawe a hiki i kahi i makemakeia. A e malama ia no me ka makaala na ukana, paiki a me na puolo, lio, pipi a me ka hoki,
E hoailona ia me ka moakaka na Pahu Rama a me Waina.
O ka poe no lakou na ukana o keia ano e pono e hoailonaia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.
O na koina no na pilikia a me na poho, e pueo e hoike koke ia mai iloko o ka malama hookahi.
Aole e ae ia na hookela kaa, na keiki a me na mea like, e pii iluna o ka mokuahi i ka wa e pili mai ai i ka uapo, aia wale no a pau na ohua eepakeke i ka lele.
No ke ake nui e hoopomaikaiia ka lehulehu kaahele, ua hoololi ae nei na ona o Likelike i ka Papa Hoike Manawa o ia Mokuahi e like me maluna.
Ma ka Hale Oihana e loaa'i na Palapala.
Aole keena o hope e lilo, aia wale no a kaa mea mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai. E hookaaia ka uku ukana ka wa e noiia aku ai.
WILDER & CO.
OLELO HOOLAHA.
A. M cWAYNE,
HALE KUAI LAAU LAPAAU, A ME NA WAIAALA o na ano a pau, me na SOFA ALA o na ano he nui wale. Ma ke kihi o Alanui Papu me Kalepa. 840 ly
DR. RODGEBS,
OIA O
KAUKA LOKEKE.
Ua hoonee ae nei i kona keena oihana mai ka hale ae o Ailunene ma Monikahaae a Hoko o ka Hale Mu, helu 54 Alanui Papu. Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai. O kona hale noho, aia no ma ka pa o ka Hotele Hawaii, ma kahi i noho mua ai. 881 tf
E. STREHZ,
(AILUENE.)
MALAILA E LOAA AI NA ANO LAAU A pau; a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papu a me Ho tele, ma Monikahaae. (845 ly)
E. O. HALL. & SON.
(E. O. HOLO MA.)
NA MEA KUAI I NA MEA MAHIAI, Na Lole, Na Pena, Na Aila, a me Na ano Lako e ae a pau he lehulehu wale. 846 Kihi o Alanui Papu me Moi. ly
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE!
E LAA NA Ahinahina, Kalakoa, Keokeo, Leponalo, Pena, Aila, Aniani, NA MEA PIULA! KOPA, AILA HONUA, AILA HOOMALOO Kui Kakia, Pakeke, Tabu, Kaula, Noho Lio, Hulu Palaki, na Pulumi. A HE AGENA NO HOI NO NA MOKUPUNI O HAWAII NEI NO NA Lainakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka wawae Palule Huluhulu, Na Lole Huluhulu, Na Lole no ka hoohehelo ana Lipini, Lihilihi, &c. LIPINE, LIHILIHI, &c. A ME NA Mikini Humuhumu MakeponoLoa ! A HE Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A he Laau Lapaau Kaulana Loa A DR. JAYNES. Laau Kunu, Laau Hoomaemae Koko, Laau Hoopau Naio, Penikila, Huaale, A ME NA LAAU HAMO, A PELA'KU 827 3m 839
PAPA! PAPA!
NO
ALLEN & ROBINSON
UA WEHE AE NEI MAUA I MA KA UWAPO O PAKAKA Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale, Na Pepa Molina. Na Pena a me na Aila Pena ! NA KUI O NA ANO A PAU. NA PANI PUKA a me NA PANI PUKA ANIANI. NA PANI PUKA a me NA OLEPELEPE. NA LAKO KUKULU HALE O NA ANO A PAU! E KUAIIA MA KE KE KUMUKUAI HAAHAA LOA O keia Makeke
ALLEN & ROBINSON
Honolulu, Ian 1, 1878 840 3m
OLELO HOOLAHA.
AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina ss. Ma ka waiwai o KAPOUHIWA k o Honolulu, Oahu i make. Olelo kauoha e koho ana i la e hooiaio ai ka palapala kauoha a no ka hoolaha ana. No ka mea, ma ka la 3 o Iune 1879, ua waiho ia mai imua o ka Aha kekahi palapala i oleloia oia no ke kauoha hope loa o Kapouhiwa k i make aku la; a me ka paapala hoopii e noi ana e hooiaioia kela palapala kauoha a e hoopuka hoi ka palapala luna hooko ia Waiaha w, ua waiho ia mai e Waiaha w. Nolaila, ua kauoha ia o ka Poalua oia ka la 24 o Iune 1879, ma ka hora umi am, ma ka Rumi Hookolokolo oia Aha ma Aliiolani Hale, ma Honolulu, oia ka la me ka hora e hooiaio ia ai ia paiapala kauoha, a e hoolohe hoi no ia noi ana mai a me ka poe a pau i pili e kue ana ia palapala kauoha a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ka Nupepa Kuokoa he nupepa i paiia a i hoolahaia ma Honolulu. A ua kauoha hou ia e hoopukaia na palapala kepa no na hoike no ia palapala kauoha, a me na hooilina o ka mea make ma kela Paemoku e hele mai a e kue i kela palapala kauoha i ka wa i oleloia. Kakau ma Honolulu, ko Hawaii Pae Aina, Iune 3, 1879.
A. FRANCIS JUDD.
Ikea: Lunakanawai o ka Aha Kiekie.
A. Rosa, Hope Kakauolelo. 914 3t
AHA Kiekie o ko Hawaii Pae Aina, ma ka hooponopono waiwai, ma ka waiwai o AIRENE H. Ii w he keiki oo ole. Kauoha e hoike i ke kumu ma ke noi o ke kahu i mana e kuai i ka waiwai paa. Ma ka heluhelu a me ka waiho ana mai o ka palapala noi a A. Francis Judd ke kahu o ke kino me ka waiwai o Airene H Ii w, he keiki oo ole, e noi ana e haawi ia ka mana e kuai i kekahi waiwai paa o ua keiki oo ole nei i kapaia o ANAPUNI, e pili ana mawaho aku o ke kula o Kapunahou, nona ka ili aina he 36 24-100 eka, a e hoke ana i kekahi mau kumu kupono ma ke kanawai e kuai ia ai ua waiwai paa ia. Ma keia ke kauoha ia nei e hele mai ka poe i pili i na keiki oo ole nei a me na mea a pau i kuleana iloko o ka waiwai i oleloia imua o keia Aha ma ka i poakolu la 18 o Iune 1879, ma ka hora 11 am ma ke keena hookolokolo o keia Aha, ma Honolulu, ma ia manawa a ma ia wahi e hoike ai i ke kumu e haawi ole ia ai ka mana e kuai i ka waiwai i olelo ia. A ua kauoha hou ia, e hoolaha ia ke kope o keia kauoha no na pule elua mamua o ka a i oleloia e hoolaha ia ai keia noi, ma ke Kuokoa a me ka P C Advertiser, he mau nupepa i paiia ma Honolulu i oleloia.
Kakauia ma Honolulu, Pae Aina Hawaii, Iune 4, 1879.
LAWRENCE McCULLY.
Ikea: Lunakanawai o ka Aha Kiekie
Jno. E. Barnard, Kakauolelo. 914 2t
AHA Hookolokolo Kiekie ko Hawaii Pae Aina, ma ka hooponopono waiwai Ma ka WAIWI o D. KUKAHIKO o Honouliuli i make kauoha ole. Imua o ka Lunakanawai Nui C C Harris. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala nei a Kalalemai keiki hanauna a D Kukahiko e hoike mai ana o D Kukahiko no Honouliuli, ua make kauoha ole ma Honouliuli, Oahu, ma ka la 8 o Mei 1879, a e noi ana e haawiia ka palapala hookohu lunahooponopono waiwai i ka mea noi. Ua kauohaia o ka Poakahi ka la 16 o Iune l879, oia ka manawa i kohoia no ka hoolohe ana i ua noi la imua o ua Lunakanawai la, ma ke keena hookolokolo o keia Aha ma Honolului a ma ia manawa a ma ia wahi no e hele mai ai na mea a pau i pili e hoike mai i ke kumu. ina he kumu oiaio ko lakou e ae ole ia ai ua noi ia. .A o keia olelo kauoha e hoolaha ia ma ka olelo Hawaii i ekolu pule ma ka Nupepa Kuokoa he nupepa ma Honolulu.
Kakauia ma Honolulu ko Hawaii Pae Aina, Mei 29 1879.
CHAS C. HARRIS.
Ikea: Lunakanawai Nui o ka Aka Kiekie.
A Rosa, Hope Kakauolelo. 913 3t
AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina ss. Ma ka waiwai o Kualawa k, i make. Olelo kauoha e koho ana i la e hooiaio ai ka palapala kauoha, a no ka hoolaha ana. No ka mea, ma ka la 26 o Mei M H 1879, ua waihoia mai imua o ka Aha, kekahi palapala, i olelo ia, oia no ke kauoha hope loa o Kualawa k, i make aku la; a me ka palapala hoopii e noi ana e hooiaioia kela palapala kauoha a e hoopuka hoi ka palapala Luna Hooko ia Kahea w, na waihoia mai e Kahea w. Nolaila, ua kauoha ia o ka Poakolu oia ka la 18 June M H 1879, ma ka hora 11----ma ka Rumi Hookolokolo o ia Aha, ma Aliiolani Hale ma Honolulu oia ka la me ka hora, e hooiaio ia'i ia palapala kauoha, a e hoolohe hoi no ia noi ana mai, a me ka poe a pau ke pili, e kue ana ia palapala kauoha, a me ka hoopuka ana i ka palapala Luna Hooko. A na kauoha hou ia, e hoolaha no ia mea no na pule ekolu iloko o ka " Nupepa Kuokoa " he nupepa i pai ia a i hoolaha ia ma Honolulu. Kakauia ma Honolulu, ko Hawaii Pae Aina, Mei 26 1879.
LAWRENCE McCULLY.
Ikea : Lunakanawai o ka Aha Kiekie.
A. Rosa, Hope Kakauolelo 913 3 ts.
AHA Hookolokolo Kiekie o ko Hawaii Pae Aina, ma ka hooponopono waiwai. Ma ka hana o ka waiwai o THOS . GARDNER o Honolulu i make, ma ke keena, imua o ka Hon. A F Judd, Lunakanawai o ka Aha Kiekie. Kauoha e hoolaha i ke noi e apono i na papa hoike, hookuu ana, a e mahele i ka waiwai. Ma ka heluhelu a me ka waiho ana mai o ka palapala noi a me ka papa hoike e J P Green luna hooko kauoha o ka waiwai o Thomas Gardner no Honolulu i make, e noi ana e aponoia na hoolilo he $96.25, a e hoike ana o na mea i loaa mai iaia he $257.05, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano. Ua kauoha ia o ka Poalua, ka la 17 o Iulai 1879, ma ka hora 10 o kakahiaka, imua o ua Lunakanawai la ma ke keena, ma ka hale hookolokolo ma Honolulu, oia kahi a me ka manawa i koho ia no ka hoolohe ana i ua noi la a me na papa hoike i oleloia, a o ka poe a pau i pili malaila, e hele mai a e hoike i ke kumu ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia maloko o ka Nupepa Kuokoa, he nupepa i paiia a hoolahaia ma Honolulu, i ekolu pule mamua ae o ka manawa i olelo ia no ka hoolohe ana.
Kakauia ma Honolulu, ko Hawaii Pae Aina, i keia la 29 e Mei, l879.
A. FRANCIS JUDD.
Ikea: Lunakanawai o ka Aha Kiekie.
913 3t Jno E Barnard. Kakauolelo o ka Aha Kiekie.
AINA KUAI! O KELA APANA AINA MA
KULAOKAHUA !
Honolulu, kokoke i kahi o ka
LOIO KUHINA.
PALAPALA SILA NUI 306, 1943 Anana, 17 Kapuai ka lii. Ma ke kihi o na Alanui Piikoi me Alii. KELA APANA AINA MA KAOLU, NUUANU ! Kokoke i ka pa o Waka, mauka o ka pa o Ana ru. PALAPALA SILA 1954, 57-100 Eka ka Ili. He wai no ko keia Aina. E ninau ia 914 Im A. F.JUDD.
KAHIKINA NUI!
Helu 62 Alanui Papu.
Ua loaa mai ma keia mokuahi iho nei na waiwai hou he nui. Na Lole Kane a me na Lole Kamalii maikai loa. Na Lole Wahine a me na mea he nui wale. Na Huluhulu Farani maikai loa. Na Iliwai, Na Kihei Uhi bela Lilina, Na Keokeo Paina maikai loa, Na Silika Eleele, Na Alapia a me na Kalepa Eleele maikai, Na Kakini o na Kane. Wahine a me na Kamalii. Na Hainaka Silika o na ano a pau, Na Kihei Huluhulu Paina o na Kane a me na Wahine. Na Lilina Mauu maikai loa, a me na waiwai e he nui i hiki ole ke helu papa. Na Kalakoa Farani. $1 1-2 o ka Holoku. Na Kalakoa Enelani, $1 no ka Holoku. Na Kalakoa Amerika, 87 1-2 keneta no ka Holoku. Nolaila, e na makamaka ma keia mokukupuni a mai Hawaii a Niihau, e kipa nui mai i o'u nei. a e loaa no ia oukou na mea kuai me ka oluolu loa. O kahi keia e lawa pono ai o kou makemake, aohe e ohumu.
E kuai ia aku ana no keia mau waiwai me ka hakalia ole no ko'u kaawale ana aku no Europa i keia Kupulau ae. No ko'u poho ana iho nei i ka heihei, nolaila, ua makemake au e kuai hoemi i hoi mai ko'u poho. He nui ka mea kuai, o ka hoi o kuu lilo i ka heihei o ko'u ola ia.
907 tf S. MAGNIN.
Honolulu, Mei
Nuhou o ko na Aina e
Ke Kaua ma Aferika Hema.
NA OULI O AFEGANITANA.
Ke Kaua Kipi ma Amerika Hema.
Ma ke ku ana mai o ka moku Kalepa Almy Kapalakiko mai i ke Sabati i hala, i loaa mai ai ia makou na pepa o na aina e mai, o ia makou i kaholo ai i ko makou mau lena ike e noi i na mea hou o ke kahua mokomoko o ka lahui inu koko Zulu, aole he mau mea ano nui i ike ia e pili ana ilaila, me he mea la, e ano pau wale ana paha keia kaua. pela makou i ike ai ma ka hoike a kekahi o na poo oia lahui; aka, e loaa no i ko makou mau tausani hoaai o ka makou papaaina na mea hou o kela a me keia wahi like ole o Europa a hiki loa aku i na kapakai o Amerika Hema. Ke Kaua Zulu.
He lono kai loaa mai ma ka Lae Hope mai ia Simona Ba y e olelo ana : Aole he mau hoouka kaua makamaka hou i hoouka ia mai e ka enemi. Ua hala aku o Haku Kalemeloda a me ke Keiki Alii Lui Napoliona aia i Kambula O ka pokii opio o ka Moi Ketewaio, o Nukuwanada, ua haawi pio mai la oia iaia iho a me kona mau kanaka ma ka lima o na keiki Beritania. Ua hooiaioia mai ka make ana o kekahi hoahanau o Ketewaio oia o Omebelini. O ka poe Boea, ua hoi aku lakou i ko lakou mau home me ka hooili kaua ole.
Ma ka hoike a ka pokii opio o Ketewaio, aole he mau puulu kaua Zulu o kela a me keia ano e liuliu nei e nee mai i keia wa.
No Afeganitana.
UA hiki ae ka Ameer o Afeganitana ma ka la 8 o ka malama i hala ma Genedamuka, a ua halawai pu oia me Mekia Kavanari o na Beritania a me kekahi hapa o ka puali helu 10 o ka poe Husa a me na alakai. Ua laina koke ia ae la na puali koa Beritania me ka lakou mau mea kaua o na ano a pau mai laila aku a hiki i ko lakou kahua hoomoana, nona ka loa he elua mile me ka hapa. Na Kenela Baraunu a me kona mau ukali i hookipa mai i ka Ameer ma ke poo o ka laina, me ka haawi pu ia ana he 21 pu aloha alii. Ua hoike aku ka Ameer i kana huakai pili aupuni i ke Kiaaina o Inia, me ka hoakaka pu aku i kona manao no ka hooholomua ana aku i na launa hoa'loha ana mawaena o Inia a me Afeganitana.
O ka lono mai Lahore mai, e hoike ana no ka ae o ka Ameer o Afeganitana i na Beritania a pau, aole ia i pololei.
E olelo ana kekahi lono mai Simla mai, o na kuka ana mawaena o Kenela Baraunu, Mekia Kavanari a me lakuna Kana, ua hoomoe ia a hiki i ka wa e maopopo pono ai no ka hana ana i aelike.
Ke Aupuni o Roumelia Hikina.
Ua hiki ae o Kenela Kolipine ma ke kulanakauhale o Kona tinopela no ka noonoo pu ana ana me Aleko Pasha, he pilikana no ka hoololi ana i ka hooponopono aupuni ana o Roumelia Hikina. Ua manaoia he mau pakui hou, keia kumu e awiwi loa ia nei. He mahele o na puali koa Tureke aia ma na palena o Roumelia Hikina.
O ka hooholo like ana no ka waiho ana aku i ka hooponopono aupuni ana o Roumelia Hikina ia Kiaaina Aleko Pasha, ua apono loa ia.
Ua haawi aku o Rusia i ka ae, i ka wa a Aleko Pasha e hiki ae ai i Pilipopoli, o ka wa ia a Kenela Kolipine e hookaawale aku ai i ka mahele koa Rusia ma kahi e.
Ua ae aku ke Suletana o Tureke e mana aupuni kaokoa ka lahui Alabaniana no lakou iho, me ka haawi manawalea ana i kekahi mahele aina o Helene. Aka, he hana apahi paha keia a ke Suletana, i lumai ia ai ka lahui Ala baniana iloko o ke kuhihewa nui.
Ke Keiki Alii Hou o Bulegaria.
Ua apo lokahi aku na kamaaina Bulegaria o ke kulanakauhale o Odesa i ko lakou alii hou ke Keiki Alii Alekanedero Batenebuga.
Rusia a me ke Kuikahi o Berelina.
Ua hiki ae ka Akukana Kenela Rusia ma ke kulanakauhale o Pilipopoli, a hoolaha ae la i ka olelo kuahaua a ka Emepera o Rusia, e hoike ana i ka pili paa o kona manao me ke kuikahi o Berelina.
Ka Olelo Kuahaua a ka Emepe ra.
Ua hoike mai ka olelo kuahaua a ka Emepera i ke ano eehia maluna o ka lahui o Roumelia Hikina, a ua manaoia, e malama ia ana kana mau ao ana, no ka mea, ua maluhia loa me ka haunaele ole.
Ma Sana Petereboro, ua pau iho la ke taona o Ibita i ke ahi, ma ka welau e moe ana me ka muliwai Niro, a he nui ka poino a me ke poho.
Haalele na Puali Kaua Rusia. Na ka mokumahu Ana Moana Rusia e halihali ana i na koa he 40,000 a me 2,600 lio, mai ke kulakauhale ae o Bouga ma Tureke, mawaena iho nei o kela malama a me keia malama e hele nei; o ke koena iho o na koa, e haalele ana lakou maluna aku o ke kaa ahi
Ahi Nui ma Inia.
He ahi nui weliweli ma ka po o ka la 14 o Mei, ma ke kulanakauhale o Puna, Inia ; ke kiko waena o na hana oihana kaua a me ke poo aupuni, he 80 mile ma ka hikina hema o ke kulanakauhale o Bombay. Ua poino ka hale kula aupuni, ka halealii Boodwar, hale hookolokolo, hale le ta, keena o ka oihana makai a me 50 hale i palu ia e na alelo a ke ahi a neoneo.
Ka Wai o ka Muliwai Danube.
Mai kekahi mea kakau mai, oiai oia e holu ana ma ke Danube mai Giugeva i Buda a me Pesth, ua telegarapa mai la oia a pii ae ka wai o ka muliwai Danube a hohola aku maluna o ka aina. He wahi pokole maluna aku o Baziasa, kahi haahaa me ke palahalaha o ke kapakai o Auseturia. ua hohola aku ka wai o ka muliwai he wahi loihi loa iloko o ka aina. Mawaena o keia wahi a me Belegerade, ua piha na mile he iwakalua kahi a ka wai i uhi ai, a ua aneane pau loa na kauhale kuaaina o Auseturia mawaena o Pesth a me Baziasa i ka halana ia e ka wai; a ma ka hoike a ka poe e noho ana ma ke kapa o ke Danube, ua hiki aku i ka elua kapuai ka hohonu o ka wai ma kahi i hoike ia ae la maluna, a ke mau nei ka pii ana o ka wai a oi aku maluna o na kapuai elua. Mamuli o ka halana ia ana e ka wai iloko o keia wa, he poino a pilikia nui ia o na kihapai a me na waena. O na kihapai a pau a me kekahi mau mea ulu e Ae o Roumania, Bulegaria a me Auseturia, Hunegari i uhi ole ia aku e ka wai. ua ike ia aku ke ano uliuli, me ka manaolana e hoohua mai ana i ka hua a nui.
Ke Kaua ma Ame rika Hema.
E hoike ana kekahi mau nupepa o Panama penei ; O Kenela Gasi, ka mea i hoike iaia iho he kipi, ua lele kaua mai la oia me 1,400 koa maluna o kekahi hapa o ka poe Hu taditasa, ma ke awawa o Cauca ; aka, ua halawai aku ka enemi me ka poino nui. Ua kohoia ka nui o na make o ka aoao kipi, mawaena o ka 250 a me ka 500. Ua lawe ae ka aoao lanakila i ke kulanakauhale o Cali, a o ka nui o ko lakou mau make he 11. Ua lawe pio pu ia hoi o Kenela Gasi a me kona mau kanaka a me na lako kaua. Lukuia ua Alakai Hoala Kipi.
Ua hoike ae o Kenela Rejino i kona manao e pepehiia a make o Kenela Ma rulanada a me kekahi mau aliikoa he lehulehu wale i lawe pio ia mai ma ke kahua kaua o Aguadasa, no ko lakou komo ana e kipi i ke aupuni, mahope iho o ko lakou ike ana ua haule pu ko lakou mau manaolana a poho wale. Ua haawi mai la ua Kenela la i kana olelo paa, " O ke koko i hookahe ia me ke kumu ole, e hoihoi ia aku ka hoopai maluna o ka mea nana i hoeha." He lehulehu wale na aliikoa Mesiko i hopu pio ia iloko o na mahele koa o ka poe kipi ma Hondurasa, a ua kali ia lakou no ka hookolokolo ia a ku ka hewa, e ki poka ia a make.
Ua ki poka ia ke kulanakauhale o Pisagua a poino, ua hiki aku ke poho ma kahi o ka miliona (sole), dala Peru.
O na moku halihali ukana ma Mole tenedo ua hoopiholo ia, me ke ki poka pu ia aku o ke kulanakauhale.
He hapalua hora ka loihi o ka manawa i ki poko ia ai ke kulanakauhale o Iquique, a he weliweli launa ole ka poino.
O na aumoku kaua Pe ru, aia lakou ma Callao kahi i hoolulu ai.
NA HAINA O NA NINAU KANAWAI.
Koena mai ka Aoao Eha mai.
KOHALA AKAU, Mei 1879. Ia ka mea kakau Kanawai, Aloha oe:—
O na ninau mua e 4 e pili ana i ka wawahi hale, ma ka Helu 31 o ke Kanawai o ke Kuokoa o ka la 19 o Ape rila 1879, Pane aku, Ae, ua ku ka hewa wawahi hale. O na ninau hope 1, 3, 4, 6, he powa oiaio .— Ninau 2, aole i ku ka hewa powa.—Ninau 5, 7, ua ku ka hewa powa.
Me ka mahalo.
S. M. KEKOA.
OPIHIKAO, PUNA, HAWAII, MEI 2, 1879.
No ka Wawahi Hale.
Ninau 1 Haina, he wawahi hale mok 14; 1,
" 2 " ka hale hana kai wawahiia
" 3 " he wawahi hale noho p. 8.
" 4 " " " o A. " 3.
No ka Powa.
Ninau 1 Haina, aole powa mok 15; 3,
" 2 " aole powa aole lilo ka eke a poho p. 1, 7.
Ninau 3 Haina, he powa o B. mai lilo ka pela p. 1, 7.
Ninau 4 Haina he powa o E. he mau hana ino. p. 6.
Naniu 5 Haina aole powa, aia no i ka lauoho, p. 1,7.
Ninau 6 Haina he powa kela. p. 1,7,
" 7 " " " " 7
Ina ua loaa, a ua ole paha e kakau ia no. Mahalo.
Z. M. .NAAHUMAKUA.
MAKENA, APE R. 1879.
No ka wawahi hale.
Ninau 1 O ka manao o ka mea kakau no keia ninau, elua haina. Akahi, o ka aihue i ka waiwai i haawi ia nana e malama, mok. 18; 1, o ke kalaima, mahope, kipaku ia oia, a hele e wawahi i ka hale o kona haku, nolaila, ua hewa oia i ka wawahi hale, mok. 14; l, kalaima oia ka haina elua.
Ninau 2 Haina, ua pili iaia ka hewa wawahi hale no ka mea o ka hale hana kai wawahi ia, mok. 14; 16.
Ninau 3 Haina, ua pili ka hewa wawahi hale iaia, mok. 14,16. kalaima.
Ninau 4 Haina, ua hewa o A i ka wawahi hale, mok. 14; 10.
No ka Powa.
Ninau 1 Haina, He powa ia, mok. 15; 1.
Ninau 2 Haina, he powa no ia, mok 15, 8, Kanawai Kalaima.
Ninau 3 Haina, he powa no ia, mok. 15;7.
Ninau 4 Haina, he powa no ia, mok. 15;6.
Ninau 5 Haina, aole ia he powa, no ka mea, aole i lilo ke kula pepeiao i' ka powa. aia no i kela wahine e like me ka pauku 1 mokuna 15 o ke Kanawai Kalaima.
Ninau 6 Haina, he powa no ia, mok. 15;7.
Ninau 7 Haina, ua pili no ia i ka powa, mokuna 5;2, o ke Kanawai Hoopai Kalaiwa, aole i wehewehe ia ka hana o ke la ninau keia ninau, no ka mea, ua hana wau me ka hoopokole i ke kakau ana.
D W AUKAI