Ka Nupepa Kuokoa, Volume XXV, Number 29, 17 July 1886 — Page 3
| This text was transcribed by: | Keliikanoe |
| This work is dedicated to: | I koʻu mau mākua |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa.
Paiia e THOS G THRUM ma ka Halepai e ka Hui "PRESS PUBLISHING COMPANY," Keena Hooponopono, ma na kihi o Alanui Moiwahine me Nuuanu.
E hoouna muaia mai na Olelo Hoolaha ma ke Keena Hooponopono mamua ae o ka hora 12 o ka awakea o na Poaha a pau. Aole e hoopukaia na Olelo Hoolaha ke laweia mai mahope o ka hora i hooikeia maluna. E hooko piha aku ana makou i keia rula maluna.
E hooili mai i na leta a pau a me na kauoha a me ka uku pepa ia KA NUPEPA KUOKOA ma Honolulu. Ina e loaa pono ole aku keia pepa i kona poe lawe, e hai mai me ka hakalia ole i keia Keena.
O ka uku a keia pepa e haawi ai i kona poe luna, he umi keneta no ke dala, koe ka apana o Kona, Oahu, a me kekahi mau apana e ae kahi nui o ka luhi i ka halihali ana i ka pepa, ma ia mau apana, e hooiia ka uku luna.
-------------------
MA KE KAUOHA
-------------------
[SEAL]
OLELO HOOLAHA.
------
Banako Hoahu Dala o ka Hale Leka Hawaii.
----
O ke Keena Oihana o ka Banako Hoahu Dala o ka Hale Leka Hawaii, e hamama mau ana i kela la a me keia la, koe nae na la Sabati a me na la kulaia ma ka Hale Leka Nui mawaena o na hora 9 A.M., a me 4 P.M. A ma na Poaono e hamama ana a hiki i ka hora 6 P.M., no ka lawe ana mai a me ka hookaa ana aku i na dala.
E malama ia no na hoahu dala ma ka 25 keneta a hiki aku i ka $1000.
E haawi ia no he 5 pa-keneta no ka maka kuai no na dala a pau i hoahu ia i hiki aku ka huina i ka $5.00 a oi aku.
Na wahine mare a me na keiki opio maluna aku o 7 makahiki, e hiki no ia lakou ke hoahu ma ko lakou mau inoa iho.
O ka poe hoahu a pau, e loaa no ia lakou ka malama pono ana a ke Aupuni i ko lakou mau dala a me ka hookaa pono mai.
Na rula i pai ia a me kekahi mau mea e ae, e loaa no ma ke koi ana aku ma ke Keena Oihana.
JOHN LOTA KAULUKOU.
@@@ Hale Leka, Luna Leka Nui.
Honolulu, Iulai 1, 1886. 2084-3m
HOIKE KULA AUPUNI MA HONOLULU.
@ ana na Kula Aupuni ma ka olelo @ pana o Honolulu, e like me ka @ ana malalo iho nei:
@ la 19 o Iulai, 1886, ma ka Lua@ Kamo@: na Kula o Wailupe, Ma @ ilii a me Waikiki kai.
@ la 20 o Iulai, ma ka Luakini o @: na Kula o Moanalua, Kalihi@ Pauoa, Kawaiahao, Kaumakapili a me @.
@ KULA MA KA OLELO ENELANI.
@ la 21: ma ke Kula o Pohukaina
@ " 22: " " " " Alʻnui Papu
@ " 23: " " " " Kahehuna
@ hoomaka ana na hoike i ka hora 9 o ke @ ka o na la i olelo ia maluna, a e hoomaka ana na Kula mai ka pau ana o na hoike, @ ka POAKAHI, la 13 o SEPATEMABA, 1886, a ma ia la e hoomaka hou ai @ kula ana.
W. JAS. KAM@KA,
@na Hoonaauao, Luna Kula.
Iune 30, 1886 2083-31
Hoike Kula Aupuni ma Ewa me Waianae, a me Koolaupoko, Oahu.
NA KULA ENELANI.
MA POKAI, WAIANAE, i ka Poaha la 22 o Iulai
MA WAIAWA, EWA, i ka Poalima la 23 o Iulai
MA K@, KOOLAUPOKO, i ka Poaha la 22 o Iulai.
MA WAIAH@ KOOLAUPOKO, i ka Poalima la 23 o Iulai.
NA KULA HAWAII.
MA @, KOOLAUPOKO: Poalua la 20 o Iulai.
MA H@, KOOLAUPOKO: Poakolu la 21 o Iulai.
E hoomaka ia ana ka hoike i ka hora 9 o ke kakahiaka o na la i olelo ia maluna.
W. JAS. KAMIKA.
@hana Hoonaauao, K. P. H.
Iune, 30, 1886 2083-31
Hoomaha o na Kula Aupuni.
E hoomaka ana na Kula Aupuni a pau o ka Pae Aina mai ka POALIMA, la 23 o IULAI. @ a hiki i ka POAKAHI, la 13 o SEPA@BA, a ma ia la e hoomaka hou ai ke kula @
Ma ke Kauoha o ka Papa Hoonaauao.
W. JAS. KAMIKA,
Oihana Hoonaauao, K. P. H.
Iune 30, 1886. 2083-31
Kela me Keia.
No ka piha loa o ka pepa o keia pule, ua kaulua @ kekahi mau manao heluhelu a k@ pule ae.
E wehe ana ka Ahahui Hoonaauao @kalani he wahi Pama Inu-u maloko o ka pa o Aliiolani, ke hiki aku i ka po Poakolu, Iulai 21, 1886: hora 6 p m
Na Keoni Beka i noi ae iloko o ka ahaolelo, e haawiia i haawina dala no ka puaa, oiai na ka puaa i huli a loaa na iwi o Kamehameha ma Kona, Hawaii.
HOOLAHA HALAWI: E halawai ana ka Ahahui Euanelio o Hawaii, ma ka luakini o Haili ma Hilo i ka Poaha la 13 o Augate, hora 10 a. m.
Ma ka mokuahi Bihopa ma ke awa o @ Waialua, Ooahu, i ka Poaono i @ ua hoounaia aku ka mokuahi @ no ke kokua ana, a ma ke kakahiaka la Sabati nei i ku mai ai.
I ke ahiahi o nehinei i holo aku ai @ o ka ahaolelo no Kalawao e like me ka kalahea a ia poe. Aohe hana i ka ahaolelo o keia la. Ua hookuu akea mai o Waila i ka mokuahi @ no na hoa a pau e makemake ana e holo.
He wahi paina lulu ke malamaia ana maloko o ka hale halawai Puaikalani i ka hora 6 o keia ahiahi ma Kakaako, malalo o na alakai ana a ka Hooilina Alii Liliuokalani. O na pono a pau e loaa ana, e haawi ana no ka pomaikai o ka hale halawai.
Ma ka Poakolu nei i waiho mai ai o Kaulukou i kekahi kanawai e noi ana i $10,000 no ke kokua ana i ka papa kuauhau alii: wahi ana au kuhea mai la o Kamehameha I ma e noi i puu dala iloko o ka ahaolelo i loaa ke alanui e alakai pololei ia ai a loaa kona mau iwi.
Ua loheia mai he wahi paina hooluana ke malama ia ana e ka Hooilina Alii imua o na pualikoa ma ka luakini o Kaumakapili i kekahi la o keia pule ae, ma ka Poakahi paha, a i ole ma ka Poaha. A ua hoike pu ia mai no hoi, e hoomalamalama ia ana ka pa alii me ke kukui uwila ma ia po.
He elua mau lede makapo e noho ana ma kekahi hale i ke ahiahi Poakahinei, e huli like ana na alo kekahi i kekahi, a eu ae la kekahi e ku iluna a o ka wa no ia o kekahi i eu like ae ai me ka ike ole aku eia no kahi o laua ke eu ae la e ku iluna, a hookui ana na poo i kahi hookahi. Hu ae la ka aka.
Oiai ke komite o ka hale e hoopaapaa ana maluna o ka Bila kanawai auhau i ka auina la Poaha nei, ua ku mai la ka Onabala helu i o Hilo, a kamailio lele e wale mai la no maluna o na mea i kamailio ole ia e ka hale ma ke ano pilikino. Aole oia iloko o ka wa o na kamailio mua i hala, a ihea la ia kahi i lalau ai a ku ae ana. Uoki nae e lona ana.
Ua hoohalike ia ka paikau ia ana o na koa i keia mau po iho nei me he la he poe e hele ana i ke kaua. He mau pukuniahi, he mau koi, manele, kopala, hoomo wai, he poe kauka, he poe paa have, a pela aku. Koe hoi ka upa makani i keia pualikoa, no ka mea, i ka wa e hele ai ke kkoa a ano mamake ma ke ala, he hoike ana mai ia i ka pau o ke aho, alaila upa aku ka makani.
Ina na ke hapa uuku o ka hale ahaolelo ke noi e hoomaha ka hale a hui hou i ka wa i makemake ia, oiai ka hale ia wa iloko o na hookala leo ikaika ana, e kue koke auanei o Kaulukou me ka ikaika loa a ina na Kipikona e noi mai ia wa koke no e hoomaha, e loha auanei o Kaulukou me he lolo la, a apono aku la i ke noi a ke Kuhina. Akaka wale no hoi o Haleakala.
Ma ka Poakolu iho nei, ua oluolu i ka Makua Lani ka lawe ana aku i ka hanu hope loa o Mrs. Kaaihue Albert i ke 31 o kona mau makahiki o ka noho ana ma keia ao mauleule, ma Kaopuaua ae nei. He mau hiona o ka oluolu, he heahea, he hookipa ana me ka naau pumehana o ke aloha, a hele wale aku la i ke ala hoi ole mai. Me ke kane i hooneleia i ke koolua ole a me kona mau nui hoi a pau e u ana nona, o makou pa no kekahi e komo pu aku nei ma ia luuluu hookahi.
Ahaolelo o 1886.
Na Kaulukou iheluhelu mai i kekahi bila kanawai e pili ana i ka hoomalamalama ia o ke kulanakauhala o Honolulu nei. Haawiia i ke komite pai.
Na Kaunamano i heluhelu mai i kekahi kanawai no ka hoonoho ana i Pa.pa Ola Hawaii, a e hoololi ana i na p. 1, 2, 3, na kanawai o 1868. Haawiia i ke komite pai.
Hoolaha mai o Keau, a heluhelu pu mai no ia i kekahi kanawai e haawi ana i uku hoomau no J. M. Kapena. Me ke kapaeia ana o na rula ua heluhelu alua ia ma ke poo a waihoia ma ka papa a noonoo pu me kekahi bila kanawai e like me ia.
Waiho mai o Dickey i kana ninau i hoolaha mua mai ai e ninau ana i ke Kuhina Waiwai
Pane mai ke Kuhina Waiwai P. P. Kanoa, aole oia i haawi aku i kekahi dala, a aole oia i kauoha i kekahi mea e haawi aku i ke dala. Ua uka mua ia mamua o kona noho ana i ka oihana.
Pane hou mai o Dickey, e hookohu ia i komite 3 lala na lakou e huli pono i keia mea. Hooleia: koe wale no a lawe mai oia i olelo hooholo.
Na ke Kuhina Waiwai i hoolaha mai he kanawai, a heluhelu pu mai no i ua kanawai la e hooponopono ai i ka uku i na lilo o ka oihana hookolokolo. Heluhelu alua ia ma kona poo a haawiia i ke komite hookolokolo.
Na Dickey he olelo hooholo e kauoha ana i ke Kuhina Waiwai e nana pono ia ka uku ana o na luna nana Iapana &c. Aponoia.
Koho mai ka Noho i komite ma kahi o Kauka Wight i waiho mai o Rikikini: a o na komite nana e hooponopono ke kanawai banekarupa, oia o Kaulukou, Kakina, Dole, Loio Kuhina a me Ake.
Ma ke noi ua hoomaha ka hale.
Ma ka halawai hou ana o ka hale, ua noho ke komite o ka hale no ka noonoo ana i ka Bila Haawina: J. M. Kapena lunahoomalu. Ma ke noi a Kaulukou ua hoopau koke ia ke komite, a nana i hoike mai i ka bila kanawai e uku ana i na luna aupuni &c. i hoolaha koke ia mai e ke Kuhina Waiwai i ke kakahiaka, a au hooholo ke komite e hooholo loa ia ka bila me na hoololi
Ma ke noi ua heluhelu alua ia ma kona poo a haawiia no ke kakau poepoe, a heluhelu akolu ma ka la apopo.
Uwapo no Puk@o $2,000
" " Napoopoo & Hoopuloa 800
Uwapo no Kailua 1,000
" " Kaunakakai 2,000
" " Kamalo 1,800
" " Waimanalo 2,000
" " Waimea Kauai 2,000
" " Kapaa Kauai 2,000
" " Kaunaloa Puna 2,000
" " Mokalau Kaupo 800
Hoomaemae awa pae Heeia 1,000
Awa pae Kula Puna 500
Heleuma a me Mouo 3,000
Hale Ipukukui hou Makena Maui 500
Hale Ipukukui Makahanaloa Hilo 600
Hale Ipukukui hou Honolulu 4,000
Hale Ipukukui hou Kalaeloa 3,000
Hoomaemae me na lilo hoohana Ipukukui 12,000
Kuai ana ia Eleu 39,839,18
Lilo hoohana hooholo Mokumahu 15,000
Ma ke noi a Palaunu, ua hoopauia ke komite.
Hoopanee ka hale.
LA HANA 56 IULAI 8.
Halawai ka hale i ka manawa mau.
NA PALAPALA HOOPII.
Kapaeia na rula a waiho mai o Keau he noi mai Honolulu mai, e hooloihi ia aku ke alanui Maunakea a hui pu me ke alanui Kukui e hooloihi ia ana, a i $6,000 e hookaawale ia no na lilo o ka hana ana. Waihoia i ke komite o na Hana Hou.
Na Kakela i waiho mai i keia mau noi. 1 E kukuluia i kula haole ma Waiehu. Haawiia i ke Komite Hoonaauao. 2 Mai Hana mai, e hoopauia ka hoolimalima o ka aina aupuni ia Kamai a e hoolimalima ia aku ua aina la i ka poe e noho ana iluna o ka aina. Haawiia i ke komite hookolokolo. 3 Mai Honuaula mai, e kuai ia na aina aupuni me ka poe he mau kuleana aina ko lakou ma keia wahi; aole luna aupuni e koho ia i lunamakaainana; aole e laikini ia ka opiuma; o na makua mea keiki lehulehu e hele ana i ke kula haole e hookuu ia mai ka auhau kula ae e kau ia ana iluna o na haumana. Haawiia keia mau noi lehulehu i ke Komite Huikau.
HOIKE A NA KOMITE KUMAU
Na ke Komite Kalepa ma o Liliuokalani la i waiho mai i ka lakou hoike no ke noi i waihoia mai e ko Puna poe ma o Kekoa la, i haawina kokua no ka holo ana o ka moku no hookahi manawa i ka malama ma Puna, a ua manao ke komite e waiho ma ka papa a noonoo pu me ka Bila Haawina. Waihoia ka hoike ma ka papa a lawe mai ka hapa nui i ka lakou hoike.
HOIKE A KE KOMITE WAE.
Na Kakela ke komite wae i haawiia ai ka bila kanawai e pili ana i ka auhau maluna o na pake e noho nei a e komo mai ana, i waiho mai i ka lakou hoike mamuli o ka nieniele pono ana, a au manao ke komite e hooholo i ka bila. waihoia ka hoike ma ka papa a noonoo pu me ka bila.
Na ke Komite Kakau Poepoe i hoike mai, au pau ka bila kanawai no ka uku ana i na lilo a hiki i ka la 31 o Augate i ke kakau poepoe ia.
NA OLELO HOOHOLO ME NA BILA.
Na Nahinu i heluhelu mai no ka wa mua i ka bila e hoololi ana i ka pauku 2 o ka mokuna 43 o na kanawai o 1882 e pili ana i na auhau. Heluheluia ka bila ma ke poo a waihoia ma ka papa a noonoo pu me kekahi bila ano like.
Na Likikini he olelo hooholo e ninau ana i ka manao pili kanawai o ka Aha Kiekie no ka bila e auhau ana i na pake, mamua o ko ka hale noonoo ana i au bila la. Hooholoia.
Na Kalua he olelo hooholo e hookomo ana iloko o ka bila haawina i $5,200 no ka uku ana aku ia Waila ma no ka hana i lawelawe ia e Mokolii a i uku ole ia e like me ka mea i hooholo ia i ke la kau i hala.
Noi o Kaulukou e haawiia i kekahi komite wae ka noonoo ana i ka olelo hooholo.
Hoololi mai o Kakina i ka huina o ka olelo hooholo e like me ka hoakaka a ke ʻlii Waila, he 83 huakai i Molokai me Lanai, no ke $50 o ka huakai, a ua like me $4,150 wale no.
Apono ka mea nana ka olelo hooholo i ka hoololi.
Ma ka ninau ana i ka olelo hooholo no ka haawi i ke komite, ua hooholoia e haawi i ke komite hookolokolo.
Noi o Kakela e hoopanee ka noonoo ana i ka bila kanawai e pili ana i ka auhau, a i ka Poaha o keia pule aku. Aponoia.
Hora 12 hoomaha ka hale a noho hou i ka hora 1:30 auina la.
Hora 1:40 auina la noho ka hale.
Hoolaha mai o Kaunamano he bila kanawai e hoololi ai i na pauku 14, 15, 16, 17, 22 o ke kanawai e hoopau ai i ka mokuna 10 o ke Kivila, e hooponopono ai i ka oihana ao palapala o ke aupuni, i aponoia ma ka la 10 o Ianuari 1865, a me ka pauku 18, a me 23 o ia kanawai no, a i hoololiia ai e ke kanawai mokuna 15 i aponoia ma ka la 18 o Iulai 1870, a e hoopau i na pauku 11, 12 a me 13 o ia kanawai no, o ka mokuna 10 o ke kanawai Kivila i olelo ia, a me ka pauku 18 o ka mokuna 15 o na kanawai i aponoia i ka la 18 o Iulai 1870, a e hookomo i pauku hou o ia ka pauku 23 (@) me 23 (e). @ He bila e haawi ai i ka mana i ke Kuhina Kalaiaina e haawi i ka mea noi mai i laikini kuai aku i ka opiuma a mea hana paha i hanaia me ka opiuma i hoopae ia mai iloko o keia aupuni.
Na Nahinu he olelo hooholo e kauoha ana i ka Peresidena o ka Papa Ola e hoolako koke ia i kauka no na apana o Kona Akau a me Kona Hema mamuli o ka hoi loa ana o Kauka Baker. Waihoia ka olelo hooholo ma ka papa a noonoo pu me ka Bila Haawina.
Noi o Likikini e hapai ia na hana o ka la. Aponoia.
NA HANA O KA LA.
Heluhelu ekolu ana i ka bila e hoomana ana i ke Kuhina Waiwai e uku aku i na lilo o na luna aupuni.
Noi o Kakina e hooponopono hou ia ke poo o ka bila. Aponoia.
Noi o Dickey e hooholo loa ia ka bila me ka hooponopono. Aponoia.
Heluhelu elua ana i ka bila e hoololi ai i ka pauku 778 o ke Kivila. Ma ke kapaeia ana o na rula, ua heluheluia ka bila ma ke poo.
Noi o Dickey e waiho i ka bila ma ka papa a noonoo pu me ka hoololi kumukanawai e lawe ia mai ana e ia.
Noi o Kaulukou e kapae loa i ka bila. Ma ka ninau ana, au hoopanee loa ia ka bila.
Heluhelu elua ana o ka bila e hoololi ana i ka pauku 47 o ka mokuna 10 o ke Kivila. Haawiia ka bila no ke kakau poepoe a heluhelu akolu ia i ka Poaono.
Heluhelu elua ana i ka bila e hoopau ana i na luna alanui nui.
Noi o Kakina e kapae na rula a e heluhelu ia ma ke poo na bila a Pahia a me Kauhane i ano like me keia, a waiho aku i keia komite hookahi. Aponoia.
Heluhelu elua ana o ka bila e hoololi ai i ka pauku 63 o ke Kivila.
Noi o Dickey e hoihoi hou aku ka bila iaia no ka hooponopono hou ana. Aponoia.
Heluhelu elua ana o ka bila e hoololi ai i ka pauku 2 o ka mokuna 60 o ke Karaima e pili ana no na kiure koronelo maluna o ke kino make o kekahi kana i hoohuoiia,
Noi o Likikini e kapae loa ia ka bila no ke kakau poepoe. Haule.
Noi o Kaunamano e haawi ia ka bila no ke kakau poepoe.
Hoololi mai o Kakela e waiho i ka bila ma ka papa. Aponoia.
Koho ka noho i komite wae no ka bila e hoopau ai i na luna alanui nui, oia o Palaunu, Kakela, Kauai, Kaukau a me ke Kuhina Kalaiaina.
Hora 5:15 hoopanee ka hale a noho hou i ka hora 10 apopo.
LA HANA 57, IULAI 9.
Hora 10:15 halawai ka hale.
HOIKE KOMITE KUMAU.
Na ke komite pai i hoike mai, au pau i ke paiia ka bila kanawai e pale aku ai i ka halawai hookui ana o na moku ma ka moana. Ninau o Likikini i ka lunahoomalu o ke komite pai no ka rula hou o ka hale i hooholoia ai e pai, aia la i hea?
Pane ke ke komite pai, ua hoomaopopo oia ua hooholoia, aka, aole oia i ike ua waiho ia aku ma kona pakaukau.
NA OLELO HOOHOLO ME NA BILA.
Na ka Loio Kuhina he olelo hooholo e hoouna mai kela a me keia lunahoomalu o ke komite ma ke kakau i ke kakauolelo i ka wa e halawai ai ke komite o na ano komite a pau mamua ae o ka hookuu ana o ka halawai.
Hoololi mai o Kalua na ka lunahoomalu o ke komite e hoolaha imua o ka hale i ka wa e halawai ai ke komite.
Hoololi mai no hoi o Paehaoe, na ka lunahoomalu o kela a me keia komite e kakau i ka hoolaha a kau mawaho ma kahi e kauia nei na hana o ka la o ka hale.
Aponoia ka hoololi a Kalua.
Hoolaha mai o Kaulukou he bila e pili ana no ka hoahu dala o ka Hale Leta e kaa ae mawaho o na auhau aupuni.
Hoolaha mai o Palaunu no ka ninau ana i ke Kuhina o ko na aina e ma ka la apopo no na pake e komo mai ana a me na pake i komo mai ma ka la i hala.
NA HANA PAU OLE.
Ka noonoo ana i ka olelo hooholo a Kakina no ka hele koke ana aku o na komite i kohoia ai no Kalawao.
Hoakaka mai oia, au lehulehu na palapala i loaa iaia e hookikina mai ana iaia e hooikaika no ko lakou pono oiai oia (Kakina) wale no ko lakou waha olelo iloko o ka Ahaolelo, e holo koke aku na komite i kohoia ai.
Haawi manawalea mai ke ʻlii Waila i ka mokuahi Likelike no ka hele ana o ka hale holookoa i Kalawao Molokai i keia Poalima ae Iulai 16.
Noi o Kalua e waiho i ka olelo hooholo ma ka papa Aponoia.
NA HANA O KA LA.
Noonoo ana i ka Bila Haawina, o Kapena ka lunahoomalu.
Buro o na alanui me na alahaka.
Uku o na luna alanui $18,000.
Hoopaneeia keia @mu a mahope noonoo.
Auhau alanui i hoolilo ole ia, e hoolilo ia ma na apana i ohiia ai $@
Haawiia keia @mu i ke komite waiwai.
Hora 12:35 hoomaka ka hale a noho hou i ka hora @ auina la.
Hora 2:10 auina la noho ka hale.
Auhau alanui o 1886 - @ e hoolilo ia ma na apana i ohiia ai i manaoia he $120,000.
Noi o Kikila Palaunu e hoopanee iki i ka noonoo ana. Hooholoia.
Na Keau he itamu hou no ka hoomaemae ana i ke alanui Liliha @1.500.
Hoololi ka luna o Ewa me Waianae e hoomaka ia na noi alanui a pau mai ka makupuni mai o Hawaii e nee mai ai, a pela aku.
Noi o Kaunamano e haawi i keia itamu a me na noi alanui a pau i kekahi komite wae. Aponoia.
LA HANA 58, IULAI 20.
Hora 10:15 halawai ka hale.
Noi o Kaulukou e hoopanee ka hale a noho hou i ka hora 10 Poakahi. Kapaeia.
HOIKE KOMITE WAE.
Hoike mai ke Kuhina Kalaiaina i ke koena o kana hoike no na aie ma ke ke keena Kalaiaina mai na koi e like me ka mea i hoolahaia, a ua hiki aku ka huina o ia mau koi i ke $60,157. Haawiia ka hoike e pai.
Hora 10:35 hoopanee ka hale a noho i ka Poakahi hora 10 A. M.
LA HANA 59, IULAI 12.
Halawai ka hale i ka hora 10.
NA PALAPALA HOOPII.
Na Kakela i waiho mai he hoopii i akaka ole ka apana, e noi ana o na aina aupuni i pili pu me na aina kuleana, e kuai ia me lakou ke makemake lakou. Haawiia i ke komite o na Hana Hou.
Na Kekoa mai Puna mai. 1- E hoemi i ka auhau ilio i 50 keneta. 2- E uku ka poe e noho ana ma na aina konohiki i $500 ka auhau me ka hele wale no o ko lakou mau holoholona. Waiho ia ma ka papa a noonoo pu me ka bila auhau.
Na Kaukau mai Kaanapali mai, e noi ana e uku aku ke aupuni i $30 i na makua mea keiki nui. Waihoia i ke komite hookolokolo.
Nana no e hoopau ia ka auhau laikini lio kea. Waihoia ma ka papa.
HOIKE KOMITE KUMAU
Na ke komite hooiaio bila kanawai i hoike mai, au apono ka Moi e kakau inoa i keia mau bila. 1- Kanawai e hoololi ai i ka mahele 26 o ka mokuna 6 o ke Kivila. 2- Kanawai no ka hoi hou ana o na aina i ke aupuni. 3- Kanawai no na hoolilo a hiki i ka la 31 o Augate 1886, no ka uku ana i na luna aupuni.
HOIKE KOMITE WAE.
Hoike mai ke komite kakau poepoe au pau i ka hana ia kekahi bila kanawai.
NA OLELO HOOHOLO ME NA BILA.
Na Kakela i heluhelu mai no ka wa mua i kekahi mau bila kanawai. 1- E hoololi ana i ka mokuna 28 o na kanawai o 1872 e pili ana i ka hooiaio palapala ana. Waihoia no ka heluhelu elua ana.
Noi o Aholo e kapae i na rula i waiho mai oia i kekahi hoike. Ae ia.
Waiho mai oia i ka hoike a ke Komite Waiwai no ka hoolilo ia ana o ke dala i ka luna nana Iapana e lika me kekahi olelo hooholo i waiho ia mai e Dickey. Ma ka huli ana o ke komite, au loaa ia lakou he $750 i uku ia e ke Kuhina Kalaiana mua i pau, no Aperiala, Mei, Iune i hala, a au ike ke Komite au uku ia keia mau dala malalo o ka Bila Haawina mua o kela kau, aka, aole nae ke komite i ike ma ka kanawai o ia kau i kekahi mea e pili ana no ka uku ana i ka luna nana Iapana, nolaila, ua manao ke komite, ua hoolilo mana ole ia kela dala.
Noi o Rikikini e waiho i ka hoike ma ka papa a lawe mai ka hapa uuku i kana hoike. Aponoia.
(Aole i pau.)
LETA I KO MAKAWAO.
I na makaainana o ka apana o Makawao:
Aloha na makamaka,
Ua loaa mai iaʻu he palapala hoopii nui i kakau inoa ia e na makaainana he lehulehu wale o na aoao elua o ka poe e noho nei ma ka apana. e noi ana e hoihoiia kahi noho o ka aha hookolokolo mai Kawaapae ae a i Paia. Ua loaa mai no hoi iaʻu na palapala e pai pai ikaika ana ma ia ano hookahi no. Mamuli o keia mau mea, ua hana au he bila kanawai e pili ana i keia mea a eia ke waiho nei imua o ka Ahaolelo. Ke makemake nei au e ike pu ia na manao a pau a ka poe kue i keia hoololi ana, ina he poe kue kahi; a nolaila, ke noi aku nei au i na makaainana a pau i loaa na noonoo ana no keia mea e palapala mai iaʻu me ka hoakaka pu mai i ko lakou manao i mea e hiki ai iaʻu ke hana aku i ka pono i oi no ka lehulehu holookoa.
C. H. DICKEY, (Kale Kika)
Honolulu Iulai 14, 1886.
HUA KIAWE KUAI.
O KA POE MEA LIO E MAKEMAKE Ana e hanai i na Lio i na hua Kiawe, he ai kupono e hoponopono ana i na Lio, a he ai makemake loa @ na ka lio. Nolaila ke ka@ aku nei au o ka p@ e makemake ana @ e lawe @ i ko lakou mau hale. E hooko no au e like me ka makemake @ ke kumukuai hookahi keneka o ka p@a, a i ole e hele kino mai no hoi ma Kapiolani Park.
Owau no o
SEE SING, Pake
Kapiolani Park, Iulai 13, 1880.
20@
OLELO HOOLAHA.
E IKE AUANEI NA KANAKA A PAU Ke papa aku nei au i ka poe Hale Kuai Pake, Pukiki Haole, mai @ mai i kaa wahine mare ia PUULOA @ no ka mea ua haalele kumu ole mai ia i ko @ wahi moe iaʻu. E hoolohe i keia i ka poe e h@ mai iaia aole @ e hookaa i kona mau @ ke ole aʻu e ae aku.
Ke papa aku nei au i ka poe a pau i na wau e ike i ka poe nana e malama ana i kuu wahine e hoo@ no au ma ke kanawai no kuu @. O wau.
MR. JOHN KAAUAMO.
Honolulu, Oahu, Iulai 10, 1886.
2083@
OLELO HOOLAHA
E IKE AUANEI NA KANAKA A PAU Ma keia, ke hoihoi mai nei au a hoopau i ka mana o ka Palapala Hookohu Hope i hanaia e aʻu e hoomana ana ia ISAAC D. IAEA i kakauia i ka la 15 o Novemaba, A. D. 1884. a i kakau kopeia iloko o ke keena Kakau Kope ma Honolulu, maloko o ka buke 90, ma na aoao 295 me 290: a ma keia ke hoolaha aku nei au aohe wahi kuleana i koe o ua Isaac D. Iaea nei i oleloia iloko o kaʻu mau hana, a aole no hoi ona wahi mana iki maluna o koʻu waiwai.
KEKAHA.
Wailuku, Iulai 4, 1880
2084@
NA HOOLAHA HOU.
Ua Hookaawaleia Keia Kowa
NO
Mrs. Thomas Lack
MEA KUAI A LAWELAWE I
NA
Aahu Nani, na Mikini Humuhumu,
Me na Kui.
E NEE AE ANA OIA I KA
Helu 81. Alanui Papu
Honolulu.
I ka la 28 o Iune. ʻ86.
20@
WOLFE & CO.
Mea Kuai i na Ano a pau o na Mea
AI, HUA AI, O NA ANO A PAU.
UA NEE AE MA
Helu 66, Alanui Hotele, Halekuai mua o Lewis & Co.
E loaa koke aku no na kauoha a pau @a me ka hakalia ole, a me ka @ na@ malu ia ana. E hooko ia na kauoha o ke kulanakauhale nei me ka hikiwawe a @ ka uku ole. O na kauoha mai na mo@, e lawelawe koke ia.
20@
B. F. EHLERS & CO.,
PAINAPA.
Poe Kuai i na Ano Lole a Pau.
Helu 99 alanui Papu. - Honolulu.
E loaa mau ana na lole hou o na ano a pau maluna o kela a me keia moku.
@
Kaulana o Kohala i ka Aina Haaheo.
E naue mai e kiloh. i na nani mae ole. Na L@hu o k@ e @ ai oe. E awihi iho ai oe i ka haa a na Pihipihi. A hi o ko @ pale i ka pipii a ka Ai kala.
EIA LA! EIA LA! EIA LA!
MA KUU MAU
HALEKUAI LOLE NUI.
MA
KAIOPIHI 7 KAPAAU
Malaila e loaa ai na an@ ka makemake e na Kane, Wahine a me na Keiki. E wiki. Mai lohi.
P. A. DIAS.
LADIES' BAZAAR,
HELU 88. ALANUI PAPU.
HALEKUAI HOU. HALEKUAI HOU.
Hele mai e ike i na panio he nui wale o na Luhieha K@o: o ke ano nuhou loa o na paikini. A pela pu no hoi
KA HUMUHUMU LOLE ANA.
Makaukau i ka wa pokole a me ka haahaa o ka uku.
Na Papale a me na Hulu, no ka hoomaemae a me ka hooluu.
Na Pua me na hulu hoonani he nui wale o kela ano keia ano.
E hana ia no hoi na Papale mai ka Pua-ko ma na ano a pau
Na mea ano nui ma keia Hale na Papale o na Wahine, Hooluuia, Hoomaemae hou ia, a me na Hulu Papale i hooluuia a like me ke ano hou.
MRS. J. LYONS. Ona Waiwai.
2074@
Kalo Palaoa! Kalo Palaoa!
HE KALO PALAOA ANO HOU LAO.
UA MAEMAE, A HIKI I KELA ME KEIA KE HANA I POI NONA IHO
POI ONO! POI ONO!
Aeae, a pahee maoli ke moni aku. He ono a mokaekae no hoi o ka poi ma@ ke ai k@.
He 25 paona o ke eke hookahi, no ke kumukuai haahaa loa he 40 keneta. Nolaila, ua lawa no ke kanaka hookahi no ka poi i ka mahina holookoa ke hoolilo oia i $1,600 no na eke Kalo Palaoa eha @
Ua hana hou ia a hoomaemae hou iho nei keia Hui i ka mikini no ka hana ana i ke KALO PALAOA, a au hoolawa pu ia no hoi he dala no ka hoolako ana mai i na mea paahana helu ekahi (1) no ka hoohana a hoomoʻa ana i na Palaoa Paiai, Palaoa Oma, na Meaono, a me na Padina etc. etc., me ka maalahi a me ka maikai mai ka palaoa maoli mai.
He nui na hooiaio ana no ka maikai loa o keia POI mai kela a me keia i hoao, a ua oi loa a, wahi a lakou, mai ka poi i hana lima ia.
O ke KALO MUSH no ka paina Kakahiaka, he Ono a Mikololohua maoli no hoi.
He mau hooia no hoi mai na Kauka mai no ke kupono loa o keia poi no na opu @ ikaika ole a nawaliwali.
NA KUHIKUHI NO KA HANA ANA
O keia na kuhikuhi no ka hana ana i ka poi mai ka Palaoa Kalo mai, a o ke kumu no ko makou hoololi hou ana i ka hana ana, au ike ia ka nui o ka hana ma ke ano mua, a o keia, he @ ka hana: he hookahi no hana o keia, oia ka hanai ana i ke ahi.
E lawe ma ka PALAOA KALO kupono au i manao ai a e hoowali me ka wai huihui, e like @ me ka hoomakaukau ana o ka Palaoa palai, me ke akahele o hakuhaku. (No hookahi eke o 5 paona, e hoowali me 6 kiaha wai huihui kiaha p@a liilii o hookahi paina.) Hookomo iloko o kekahi eke lole kukaenalo maemae a hookomo iho iloko o ka ipuhao a kini a@la ma@ paha (ua paila mua nae ka wai) no 2 a 2 1/2 hora paha ka loihi e hoomoʻa ai, e like no me ka nui o ka PALAOA KALO i hoomakaukau ia a hookomo ia i mau pohaku liilii a apana piula paha iloko o ka ipuhao i loaa ke kaupale ana mai ka hoopaapaa ia o ka ai. Ke moʻa, e hoomaalili iluna o ka papa kuʻi ai no ka wa pokole, a oiai e pumehana ana no, e hoomaka e kuʻi@ ke maalili loa, nui ka paakiki a nui pu me ka hana. E kuʻi a moku ka ai, alaila, ho-a iloko o ka umeke, o ka loaa no ia o ka poi ono loa. Ina ua makemake ia e awaawa koke k@, e waiho ma kahi mahana, no hookahi la: a in a e mau ka makemake e ai mau i ka ai awaawa, e hoomoʻa i elua la mamua ae o ka pau ana o ka ai o ai ia ana.
2074@