Ka Nupepa Kuokoa, Volume XXVII, Number 40, 6 October 1888 — Page 2
| This text was transcribed by: | Sandra Kekahuna |
| This work is dedicated to: | Sandra Kekahuna / Rory Kekahuna |
Ka Nupepa Kuokoa
KE KILOHANA POOKELA NO KA LAHUI HAWAII
Nupepa Kuokoa.
No @ Makahiki $2.00
No @ Mahina 1.00
@-KUIKE @A RULA.-
Poanono Okatoba 6, 1888
O KEKAHI o na hana kaulana loa o keia au hou e hookele ia nei e ka Papa Hoonaauao i keia mau la, oia no ka hoomaauao ana i na keiki Hawaii ma ka olelo Beritania, ka olelo alakai hoi o ka honua a kakou e ake nui nei e loaa. Ua hoonoa ia ae nei ke kula helela o Kehehuna aohe uku, a o keia ka ha pomaikai i loaa ia kakou no ka hoomaauao ana i na keiki, ma o na makua la he uuku kahi loaa o ka malama ana ohana. Ke haawe aku nei makou me na leo o ka mahalo i ka Papa Hoonaauao a me na hoa o ka Ahaolelo i pau iho, no ke koho ana i ka haawina mahuahua o $239,670 no na kula.
WAHI a ka Elele o ka Poaono i hala, ua olelo makou-"Eia ka ke wawa ia nei a @uni ke kulanakauh@le, ua noho ia ke Kau Ahaolelo i hala e na poe maikai ole, a poe hiki ole ke hilinai ia," &c., &c., &c.
Ina aole makou e kuhihewa ua like ka Elele me ka loli, a o kekahi mea like paha o ia ano, ina ua oi loa aku ka lilelile o kona hemolele iloko o ke au kapulu ana i lawe ae nei i ke kulana panihakahaka no ka paio mai. Heaha ke ano nui o kau mau ninau? O ka holo ana e hookui i ka pa pohaku, a o ke ki ana i ka pola mahope iho o ka lele ana o ka manu, e kapa no makou ia - he hupo a me ka waiwai ole @ pela makou e hoohalike nei i kou mau manao au i hiki ole ai ke hi@i@ai nou iho @he hoowalewale ia i oi aku imua o ka maalea o ka na@esa.
Ua manaoio ka Elele, aole he mau hana apuhi o ke kipe i lawelawe ia i na au i hala, eia ka makou i olelo ai, ina wale no lakou i noho iloko o na hale aniani a lawelawe i na hana kaukanawai o Hawaii, he lana ko makou manao, e ike ana kakou i kekahi puka nui i hanai ia aku ma ka waha o na lunainakaainana hoopilimeaa@ iloko o ia mau kau, i hoolilo wale aku i ka pono o kona apana no kona pomaikai pilikino iho.
A oiai, ua hala ia au me kana mau hana kapulu, aole makou i manao, he waiwai kekahi o ka nupepa e kamailio hou ia mau mea, a oia ka makou i haawi ai i ka mahalo i keia kau Ahaolelo o 1888, no ka lawe ana i ke kulana o ka imi a me ka niele ana i kela hana hanohano ole o ka lawe i ke kipe, a i na hoa maemae hoi o ka Hale ka hooi ia aku o ko lakou hilinai o ka piha haahea e ka lehulehu o na apana koho.
O na olelo i hoopuka ia mai, he kulike ole ia me ka makou mea i kamailio ai i kela pule mua aku nei, a nolaila, a pili ole ka niho me ka nau, a e kapae iki no makou ia oe no kekahi wa aku.
Leta a na Makamaka.
UA OLA E KA LEHULEHU A PAU.
Ma ka kahua mai lepera o Kalawao, mai ka la i puka pono ai ka wai piula i kai o Kalupapa a hiki i keia la a'u e kakau nei, ua poho wale na manao hooiloilo a ko waho poe a me ko loko nei, a ke puana like nei na mea a pau i kela mau huaolelo e @au ae la maluna.
A no ka nui hoihoi i ka owe hehene mai o ka hoolailai mai o ka puila, ua haku iho au i keia mau wahi hooheno e huai nei, @ ua kupono ke himeni pu ia me ke ciga.
1
Hookahi mea hou ma Kalawao
O ka wai piula e pipii nei
Ke huai nei i Waileia
Ke owa ala i kai o Kalupapa
Ua ola e ka lehulehu a pau
I ka wai huihui a o Waikolu
2
Naoa ia aku o Kawailoa
I wai e inu no ka lehulehu
A loaa i ka mana o ke aupuni
O ia wai noho i ka iuiu
Ua ola e ka lehulehu a pau
I ka wai hui e o Waikolu
3
Kanalima me kanaono degere
Kapalulu ana ka paseke
Nana iho oe kohu waiu
I ke aweawe i ka iliwai
Ua ola e ka lehulehu a pau
I ka wai hui la Waikolu
4
Hookahi mea hilu ma Kalawao
O ka ua k@iawe i na pali
Ke nihi ae la i Waikolu pa
Ke halii paa mai la i ka moana
Ua ola e ka lehulehu a pau
I ka wai hui o Waikolu
5
Hoomahie haaheo na manu
I ka lele pahai maluna
Ua like me lae o Kalaau
I ka pakela oni aku, oni ae
I kona wekiu no lihaliha
I ke koni o ka wai o Waikolu
OKATOBA.
KE KAU ANA O KA MAHINA.
5-Mahina hou 4 02. 7 A.M.
11-Hapaha mua 6 57. 5 P.M.
19-Mahina piha 10 37 5 A.M.
27-Hapaha hope 2.24 2 P.M.
PUKA A ME KA NAPOO ANA O KA LA
Puka Napoo
7-Sabati 5.56.9 5.38.4
14-Sabati 5.59 4 5.32.5
21-Sabati 6 01.5 5.27 6
28-Sabati 6.04.3 5.23.0
KELA ME KEIA
Piha ino makou i keia pule me ke Kanawai me na olelo hoolaha, a he nui na manao i waiho ia a keia pule ae.
Mahina hou ko ke ahiahi nei.
E nana ae i na hoolaha hou e puka aku nei ma ka pepa o keia la.
Na ka mokuhi Mariposa i lawe mai ka boila hou o ka mokuahi Pele.
He $455 ka huina i loaa i keia manawa, no ke kululu ana i kiahoomanao no Kauka Hilipalani.
He hookuku kikiwai ko keia ahiahi mawaena o na hui kaawai Helu 1 me Hulu 2.
Moka mai nei hoi oe, wahi a kekahi mea i puana ae ai i ka wa a ka mahina e iho aku ana e napoo.
Ua oili mai ka puhaka o ka wahine a E. P. Low i kela pule aku nei, he keikikane nui mohaha.
Ke a ikaika la ka Wahine o ka Lua, maloko o kona kakela o Kilauea, a ua malamalama ke aouli i kona enaena.
He ahamele ke malama ia ana ma ha luakini o Kaumakapili i keia pule ae, i hui pu ia me ka nani o ka ogana.
Ma ka Poakolu nei ma Kikihale, ua hanau mai na D@ivd Iosua he keiki nui nepanepu no ke a@ hoomaemae.
"Auhea kuu P-Auhea kuu K-E hele ana au. M@i kamailio hou mai oe ia'u o-" H@ Bi@a Koiuiu
Ua @o@kohu ia ae nei o Hon. S. M. Damon i Hope-Peresiden@ no ka Papa Ola, ma kahi o ke Kuhina Kalaiaina Kakina i holo au @o Kapalakiko.
Pouli pu ke kulanakauhale nei ke ahiahi Poalua, ma o ka pio koke ana o ke kukui uwila. No ke paipu wai ka hewa o ke poloke ana.
Ua hookohu aku ke Alii ka Moi ia Mr. Jas. W. Robertson, i Hope-Puuku ma kahi o K@nela C. P. Iaukea i waiho mai.
Ua hoopanee ia ke kudala o ka waiwai o S. Napah@kapu a hiki i ka Poakolu, Okakopa 24. E nana ae i ka hoolaha.
He leta na M. K. Makaena mai o Keanae, Maui, ke pahola la ka mai kunu kalea mawaena o na keiki o ia wahi.
Piha hana ka Hale Hana Hao o Honolulu nei i na kauoha hoomaemae i na ipuhao a me kekahi mau lako hao e ae o na mahiko o kakou.
Ua noho ka Ahahui Euanelio o Oahu nei ma Kaumakapili i ka Poakolu, a e hoopuka ia aku ana ka moolelo ke loaa ke kowa kupono.
E hoomaka ana ke kula kahunapule no ka makahiki hou ma keia Poakahi ae. Oct. 8, a nolaila, e makaala na keiki hou ma ka hapai ana i na haawina hana.
He papale kapu hou ko na Makai i keia manawa, he kohu umeke pohue ka hekeheke ke kau mai iluna o ke poo, me he kia hoailona nui la e hiki ai ke nalowale ole.
E waiho aku ana ke kunikuhi puuone Bisimaka i kona kulana hookele aupuni no Geremania, mamuli o ka like ole o kona manao me ko ka Emepera Wiliama @.
Ua makana ia aku o Makua Damiana o ke kahua lepera o Kalawao e na Virgini o ke kula Katarina Hemolele o Kapalakiko. He hana aloha kela e mahalo ia ai e na mea a pau
Ma ka poakahi iho nei i oili mai ai ka nupepa "Makaainana," me kona kino hou o ka puka pule. Ua hoomahuahua ia kona mau aoao heluhelu i ka 1@, a he piha maoli no i ka ono o kona papaaina.
Ma ka la @ Poakolu o keia pule, haule ia iho la kekahi pake kamana, oiai, oia a me kona mau hoa hana e huki ana i kekahi kua e kau iluna, aole nae i holo pono ka lakou me i manao ai, ua k@peke aku la kona hehi ana haule a make loa aku la oia, he kanaha kapuai ke kiekie oia wahi, ua telephone koke ia i Laupahoehoe, a ua pii mai ka Makai nui a me ka Lunakanawai, ua noho ka Aha Koronero a ua hooholo na Kiure ua haule ke@a pake mamuli o ko na kapeke ana.
Ua holo aku o Haiakima, a ua ku mai ka mokukaua Beritania Komorana i keia pule.
Ua malamaia ka hoikeike kii hooleleaka ma Queen Emma Hall ma ka po Poalua. Ua nari na kii o Iesu o ka Aina Hemolele, o ka iho ana ilalo o ka mea inu rama. No ka pono o ka Ahahui Lipie Bolu keia hoike me ka ukukomo ole.
Ua@lilo ae nei i ka hui hooholo @o ku o Waila Ma, ka aelike halihali ohua mai lepera a me ukana no ke kahua mai lepera o Kalawao, no hookahi makahiki ma ka $200 o ka mahina.
He nui ka huhu o na makamaka i ka puka koke ole aku o ka lakou mau leta e hoouna mai ne@. E kala mai ia makou, oiai ua piha pono ka pepa i na pule a pau me ke Kanawai, he mea hiki ole hoi ke waiho ia e makou a hiki i ka wa e pau ai.
O Rear Adimarala Kimale o ka Vandalia i ku iho nei i Honolulu nei, he Kapena oiano ka mokukaua Hakapoka i kela kaua ma ke kaikuono o Mobile malalo o Adimarala Far@gata, a oia no hoi kahi o ka moolelo o Luta nela Roge e puka nei ma ko kakou nei pepa.
NA MISIONARI HAWAII.
Ua loaa mai he mau palapala mai Nuuhiwa mai e i ana he oluolu ke ola kino o na Misionari Hawaii a pau loa ma ia mau paeaina, koe nae ko Kauwealoha wahine.
Ua mare ia o Ioane Kekela me Emili Hapuku. P.e 23 makahiki o ke kane a he 14 o ka ka wahine.
Ua piha loa na kula ao olelo Farani o na Misionari Euanelio. He 70 ka nui o na kaikamahine a he 80 keikikane. Ua maikai ke ano noho ana malalo o ke Ki@ain@ F@r@ni.
KA HUI POI A NA HAWAII.
Ua haawi manawalea ia mai makou e ka hui poi o na kanaka Hawaii i hoala ia ma Maemae, ma ka inoa hui o Kaulia & Co., he hookahi kini poi nui uouo. He m@halo ko makou i keia poe kanaka Hawaii i ka hapai ana i na hana lima o keia ano, me ka hoomau i ka manaola@a e loaa mai ana, i mau haawina hoohoihoi ma ka mikiala a me ka hana.
Ke poloai aku nei makou i na makamaka, e haawi ae i na kauoha a e ike no oukou iho.
NA AUMOKU BERITANIA.
E hiki mai ana i Honolulu nei iloko o na pule pokole, na aumoku kaua Beitania o ka Pakipika Akau, no lakou keia mau inoa malalo iho @
Komorana-Ua ku mai oia i ka Poakolu nei mai Kolumebia Beritania mai.
Haiakina-Ua holo aku oia malalo o kekahi kauoha i sila ia, a huli hoi hou mai iloko o 6 pule.
Mokukaua lawe hae Swiftsure, Adimarala Heneage, e ku mai ana mai Kalio mai.
Conquest-E hiki mai ana oia mai na kapakai mai o Kili.
Esepikela-Mai Kolumebia Beritania mai.
NA ANOAI O KA NUPEPA.
O ka Nupepa-oia ke kaa nana e halihali ka lono o na mea hou, ma na ipuka hale a pau, a ma na wahi a pau.
O na poe Kakau-manao-ua kapaia lakou he au ukali, a no ko lakou lehulehu loa, ua like me ka naonao ka pipili i ka waiu@ata maluna o na papaaina.
O na poe Hoonoho-hua-o lakou ka poe nana e kukulu ka hua a e inu ka waina, a i kahi manawa e ona ana. He mau lima haalulu ole ko lakou ke ona ole.
O na Lunahooponopono-o lakou na kanaka piha naauao loa o ke akamai, a ua hiki ia lakou ke ike i na mea o loko o ka lani iluna, a me na mea o ka honua i@alo. He malamalama ko lakou i oi aku imua o ka la.
O na kanaka o ka Mekini-pai-o laua na kanaka makaleho nui ia e na wahine makapaa, a he mau helehelena hoomahie i ka niniu a ka huila a me kona ipukanui e alawa iho ai ma ka aoao.
AHA HOOKOLOKOLO KAAPUNI Apana Elua o ko Hawaii Pae Aina. Ma ka Hooponopono Waiwai Ma ka hana o ka waiwai o KEALOHAPAUOLE (w.) o Puaahala, Molokai, i make kauoha ole. Ma ke Keena.
Ma ka heluhelu a me ka waiho ia ana mai o ka palap@la noi a J. Kalilikane he kaik@nane no ka mea i make, e hoike ana ua make kauoha ole o Kealohapauole (w.) no P aahala. Molokai, ma Molokai i ka la @ 1887, a e noi ana e hoopuka ia ka palapala hookohu Lunahooponopono Waiwai ia Kalilikane.
Ua kouoha ia, o ka POALUA, ka la 30 o OKATOBA, 1888, ma ka hora 19 kak@hiaka, oia ka manawa i koho ia no ka hoolohe ana i ua noi la imua o ua L@nakanaw@i la ma kona keena, ma ka Hale Ho@kolokolo ma P@koo, Molokai, a ma ia man@wa a ma ia wahi no, e hele mai ai na mea a pau i pili e hoike mai i ke kumu, ina he kumuioaio ko lakou e ae ia ai ua noi la.
A o keia kauoha e hoolaha i@ ma ka olelo Hawaii, i ekolu pule ma ka NUPEPA KUOKOA, he nupepa ma Honolulu.
Kakau ia ma@ Wailuku ko Hawaii Pae Aina, Sept. 27, 1888.
GEO. E. RICHARDSON. Lunakanawai Kaapuni Apana Elua. 2201-3t
MA KE KAUOHA.
KEENA KALAIAINA.
I kulike ai e ka Pauk@. Mokuna XXVI o na Kanawai o 1888, ua koho ia na keonina@ ma@alo iho ma kahi o ka Papa mua. @ Komisina no na Ala Lii@ a me na Pono Wai ma ko lakou mau Apana i@
HAWAII
Hilo...C. E. Richardson
Kau...J. H. S. Martin
South Koha@a...Z. Paakiki
North Kohala...E. C. Bond
Hamakua...R. A. Lyman
MAUI
Wailuku...Eugene B@l
Hana...S. W. Kaai
Lahaina...M. Makalua
Kaanapali...J. A. Kaukau
MOLOKAI
Molokai...D. Kailua
OAHU
Koolaupoko...G. Barenaba
Koolauloa...J. Kaluhi
Waialua...S. N. Emerson
Ewa me Waianae...J. Kekahuna
JONA AUSTIN,
Kuhina Kala@aina no ka manawa. Keena Kalaiaina. Oct. 4, 1888. 2201-3t
KEENA O KA PAPA HOONAAUAO.
E wehe ia @na he Kula Olelo Beritania hou no ke ao ana i na keiki ma ia mau wahi, ke hiki aku i ka POAKAHI ia 17 o SEPATEMARA. 1888, ma Waipilopilo, alanui Moi ma Ka@ini @
MA KE KAUOHA A KA PAPA HOOMAAUAO. 2198-3t
HOOLAHA O KA AHA KIEKIE.
A HA HO@KOLOKOLO KIEKIE o ko Hawaii Pae Aina. Ma ka hooponopono waiwai. Ma ka hana o ka waiwai o ALEXANDER M@DUFF, o Honolulu, Oahu, i make.
Ma ka waiho ia ana mai o ka palapala noi a me ka papa ho@ke a Henry Waterhouse a me J. T. Waterhouse, Opio, na Luna Hooko o ka waiwai i olelo ia, e noi ana e apono ia ma hoolilo he $@0, a e hoike ana i na mea i loaa mai ia laua he $2,295 a e noi ana e nana a e apono ia kela mau mea, a e kauoha ia e mahele ia ma waiwai e waiho ana ma ko laua li@a i ka poe i kuleana. a e hookuu ia laua mai ko laua noho ana ma ia ano.
Ua kauoha ia o ka POAKAHI, ka la 12 o NOVEMABA. 1888, ma ka hora 10 o kakahiaka, ma ke Keena o ka Hale Hookolokolo ma Aliiolani Hale, Honolulu, oia kahi i koho ia no ka manawa a me ka hoolohe ana iua noi la, a me na papa hoike i olelo ia, o ka poe i pili malaila e hele mai e hoike i ke kumu, ina he kumu io ko l@kou e ae ole ia ai ua noi la, a malaila e ho ke mai ai i na hoike o ka mea i kuleana i ka waiwai i @lelo ia.
Kakau ia m@ Honolulu, Okatoba 1, 1888.
Na ka Aha: HENRY SMITH Hope Kakauolelo. 2201-3t.
A HA HOOKOLOKOLO KIEKIE O Ko Hawaii Pae Aina Ma ka hooponopono waiwai Ma ka hana o ka waiwai o MARY F. LINDSAY o Waimea, Hawaii. i make
Ma ka waiho ia ana mai o ka palapala noi a me ka papa hoike a J M. Monsarrat, Lunahooponopono, e noi ana e apono ia na hoolilo he $138 75, a e hoike ana o na mea i i loaa ai iaia he $1,400, a e noi ana e nana a e apono ia kela mau mea, a e kauoha ia e mahele ia ka waiwai e waiho ana ma kona lima i na poe i kuleana malaila, a e hookuu ia oia mai kona noho ana ma ia ano.
Ua kauoha ia, o ka POALUA, oia ka la 13 o NOVEMABA, 1888, ina ka hora 10 kakahiaka ma ke Keena Hookolokolo ma Aliiola@i ale, Honolulu, oia kahi a me ka manawa i koho ia no ka hoolohe ana i ua noi la, a me ka papa hoike i olelo ia, a o ka poe a pau i pili malaila, he hele mai a e hoike i ke kumu, ina he kumu io ko lakou e ae ole ia ai ua noi la.
Kakau ia ma Honolulu, Okatoba 4, 1888.
Na ka Aha : HENRY SMITH, Hope Kakauolelo. 2201-3t
A HA HOOKOLOKOLO KIEKIE O ko Hawaii Pae Aina. Ma ka hooponopono waiwai. Ma ka hana o ka waiwai o KAWAI (W.) o Honolulu, Oahu, i make. Olelo Kauoha e koho a a i la e hooiaio ia ai ka Palapala Kauoha, a no ka hoolaha ana.
No ka mea, ma ka la 4 o Okatoba, 1888, ua waiho ia mai imua o ka Aha kekahi palapala i olelo ia, oia no ke Kauoha Hope Loa a Kawai (w.) i make aku la; a me ka Pal@pala Hoopii e noi an@ e hooiaio ia kela Palapala Kauoha a e hoopuka ia ka Palapala Luna Hooko ia J. Alfred Magoon, ua waiho ia mai e J. Alfred Magoon i oleloia.
No@aila, ua kauoha ia, o ka POAKAHI, oia ka la 22 o OKATOBA, 1888, ma ka hora 10 o kakahiaka ma ke Keena Hookolokilo o ia Aha, ma Aliiolani Hale, Honolulu, oia ka la me ka h@ra e hoo aio ia ai ia Palapala Kauoha a e hoolohe ia ai hoi ia noi ana mai, a me na poe a pau i pili, e kue ana ia Palapala Luna Hooko.
Kakau ia ma Honolullu, Okatoba 4, 1888.
Na ka Aha : HENRY SMITH, Hope Kakauolelo 2201-3t
A HA HOOKOLOKOLO KIEKIE @ ko Hawaii Pae Aina. Ma ka hooponopono waiwai Ma ka hana o ka waiwai o CHARLES BRENIG o Honolulu i make. Olelo Kauoha e ko o ana i la e hooiaio ia ai ka Palapala Kauoha, a no ka hoolaha ana.
No ka mea, ma ka la 5 o Okatoba, 1888, ua waiho, ia mai iua o ka Aha kekahi palapala i olelo ia, ola no ka Palapala Kauoha hope Loa a Charles Brenig i make aku la@ a me ka Palapala Hoopii e noi ana@e hooiaio ia kela Palapala Kauoha a e hoopuka ia hoi ka Pelapala Luna Hooko ia Sandford B. Dole, na waiho ia mai e ia.
Nolaila, ua kauoha ia, o ka POAKAHI, oia ka la 29 o OKATOBA, 1888, i ka hora 10 o kakahiaka ma ke Keena Hookolokolo o ia Aha a Aliilani, Hale Honolulu, oia ka la o me ka hora e hooiaio ia ai ia Palapala Kauoha a e hoolo@e ia ai @oi ia noi ana mai, a me na poe a pau i pili, e kue ana ia Palapala Kauoha, a me ka h@opuka ana i ka Palapala Luna Hooko.
Kakania a Honolulu, Oct. 5, 1888.
Na ka Aha : HENRY SMITH, Hope Kakauolelo. 2201-3t
HOOLAHA A NA LUNAHOOPOOPONO WAIWAI
Oiai ua hookohu pono ia mai na mea non@ na inoa malalo iho i mau Lunahooponopono no ka waiwai o KEAKA (k.) n Puna. Hawaii, i make kauoha ole, e ka Lunakanawai F. S. Lyman, nolaila, ke hoike ia aku nei a lohe i na poe a pau a Keoka i aie ai e waiho na i ka lakou mau koina i hooiaio pono ia i na mea nona na inoa malalo i@o iloko o na malama eono mai keia la aku, a@ ole e hoole mau @ aku no ia mau koina; a o ka poe a @au i aie i@ Keaka e uku koke mai. JNO. K. NAEOLE, J. W. NUHI,
Na Lunahooponopono o ka Waiwai o Keaka i make kauoha ole@ 2201-4@
HOOLAHA HOU.
HOOLAHA HOOKO MORAKI POAKAHI, OCT. 15. 1888,
Ma ka @i kudala o Ja@ F. Mo@ga@, i ka hora 12 awaea, e kuai ia kau ai keia ma@ waiwai maikai malalo iho@
He 15 me 1-6 eka aina maikai @ kupono@no ke kanu ko, a ma na po@o hale a pau e ku @a maluna, ma Honomakau, Kohala. Hawaii. a oia no hoi na mea i hoike ia ma ka Pala@eka Sila Nui @240, L. C. A. 889@ ia Kumal@. O keia no ka aina a Kek@ewa i hoopaa ai i ka moraki ia H. N. Castle, kahuwai@ a@ i hana ia i @a la 4 o Sepatemaba, 1884 a @upeia i ka Buke 90, aoao 231. i hoolaha mua ia e hooko ia aku ana.
N@ na mea i koe e ninau ma ke keena loio o W. R. Castle.
W. R. Castle. No ka Mea Moraki. Honolulu, Oct. 6, 1888. 2201-2t
HOOLAHA HOOKO MORAKI.
MA KE KAUOHA A A. J. CARTwright, Kahu Malama Waiwai o ka Waiwai o R. W. Holt, Luna Hooko o kekahi palapala moraki i hana ia ma ka la 12 o Augate 1885, a i hoopaa ia ma ke Keena Ainama Honolulu, m@ ka buke 94, ma na aoao 395-6, i hana ia e Haaheo (w.) a me Kaaihue (k.) kana kane, ia James R. Holt, Jr., a i hoolilo ia aku e ia ia A. J. Cartwright, Kahu Malama Waiwai i olelo ia, ma o k@kahi pala pala ku@i hoolilo i hana ia ma ka la 21 o Maraki 1997, a i hoopaa ia ma ka buke 105, ma na aoao 91-2, ua kauoha ia au e kuai ma ke kudala akea, ma ka POAKOLU, ka la 24 o OKATOBA 1888, ma ka hora 12 o ia la ma ko'u keena kud@la a Honolulu, kela mau apana aina a pau e wa@ho la ma Laie, Oahu, a i hoakaka piha ia penei:
1. Kela mauapana aina a pau nona na ili eka he 1 7-100, a i hoakaka piha ia ma ka Palapala Sila Nui Helu 929, Palapala Komisina Aina Helu 3.809, ia Laielohelohe.
2. Kela mau apana aina a pau nona na ili eka he 2 33-100, a i hoakaka piha ia ma ka Palapala Sila Nui Helu 1,302, Palapala Komisina Aina Helu 4,270, ia Kaeo, a oia no ka aina i hoolilo ia aku ia Haaheo i olelo ia e Manaia, a kekahi pala ala kuai i hana ia ma ka la 10 Ianuari 1884, a i hoopaa ia ma ka buke 94, ma na aoao 394-5.
No na m@a i koe e ninau ia JAMES F. MORGAN, Luna Kudala,
A i ole ia J. M. MONSARRAT, Loio no ka Moraki. 2201-3t
HOOLAHA HOOKO MORAKI.
MA KE KAUOHA A A. J. CARTwright, Kahu Malam@ Waiwai o ka Waiwai R. W. Holt ka inoa o ka Mea Moraki maloko o kekahi palaala moraki i hana ia ma ka la 18 o Mei 1886. a i hoopaa ia ma ke Keea Aina ma Honoluu, ma ka buke 101, ma na aoao 80-82, i hana ia e S. Napahukapu ia A. J. Cartwright, Kahu Malama Waiwai i olelo m@a ia ae nei, ua kauoha ia au e kuai ma ke kud@la akea ma ka POAKOLU, ka la 24 o OKATOBA, 1888, ma ka hora 12 o ia la ma ko'u keena kudala ma Honolulu, kela apana aina a pau e waiho la ma Kapalama, Oahu, makai, a e kokoke ana i ke alanui Aupuni, nona ka ili eka he 60-100, a oia no ka Apana @ o ka Palapala Sila Nui Helu 6639, Palapala Ko@sina Aina Helu 1241, a o ka apana aina no hoi ia e D. Manaku a me Mrs. M. Moanauli, na Lunahooponopono o ka waiwai o J. Moanauli, ma o kekahi palapala kuai i hana ia ma ka la 7 0 Mei 1886, a i hoopaa ia make Keena Aina ma ka buke 101, ma na aoao 78-80. Ua hoolimalima ia keia aina no $50 o ka makahiki.
No na mea i koe e nin@u ia J.M. MORGAN, Luna Kudala,
A i ole ia J.M.MONSARRAT, Loio no ka Moraki. 2201-3t
HOOLAHA KUAI MORAKI
I KULIKE AI ME KEKAHI MANA kuai i hoike ia @ aloko o kekahi palapala m@raki, i hana ia e Emma Crowningburg a me David Crowningburg, kana kane, ia C. R. Bishop a me J. H. Paty, malalo o ka inoa hui o Bishop & Co., i kakau ia ma ka la 20 o Okatoba 1882, a i hoopaa @a m@ke Keena Aina ma Honolulu, Oahu, ma ka buke 74, ma na aoao 400, 401, a me 402, e kuai ia aku ana ma ke kudala akea e L. J Levey, Luna Kudala, ma kona keena kudala ma alanui Moiwahine, ma Honolulu i olelo ia, ma ka POAKOLU, ka la 24 o OKATOBA, 1888, ma ka hora 12 o ke awakea, o na aina a pau i hoopaa ia ma ua palapala moraki la, oia hoi, "Kela mau apana aina a pau eono e waiho la ma Honolulu i olelo ia, ma Kulaokahua, a oia no na apana aina helu 55, 56, 57, 62, 63, 64, i hoakaka ia ma ka Palapala Aina o ke Aupuni, a o na apana aina hoi i hoolilo ia aku ia Emma Crowningburg ma ka palapala kuai e Cow Mow Kung a me kana wahine, i kakau ia ma ka la 15 o Maraki 1881, a i hoopaa ia ma ka buke 69, ma na aoao 297, 298, a me 299, a me na pono a pau i kukulu ia maluna a e pili ana no ua mau aina la, a me na kuleana a pau o na mea o ka aoao mua i olelo ia maloko o ua mau apana aina la i hoike ia maluna."
BISHOP & CO. Honolulu. Sept. 28, 1881 2@01-3t
OLELO HOOLAHA AINA KUAI.
E ike a @anei na kanaka a pau loa, owau o ka mea noa ka inoa malalo iho nei, ke hoolaha aku nei au i kuu aina, ua makemake au e kuai lilo aku i kuu aina oia hoi ka aina o Comming, ma Napoopoo, Kona Hema, Hawaii. He aina maikai keia mai ka a uka, ua hoouni ia i na pa pohaku. He aina maikai no ka mahiko a me ka hanai holoholona, ke hua nei na alani me ka kope a me ka hala kahiki. He eha punawai, hookahi he 1,500 palela wai, a he hookahi he 500. O na punawai keia i hana ia e Kapena no na moku okohola. He oia mau ko lakou iha i ka wai i na wa a pau. Ekolu hale laau, hookahi pa hale, hookahi hale laau kupono no ka oihana kalepa waiwai, o keia mau hale eia i ke awa pae o Napoopoo, Kona Hema. He pahale maikai nona ke awa pae. Eia ke kumukuai o ka aina: $8,000. Hookahi hale laau hookahi pa aole e lilo ma keia kuai nui ana. L. LOTA.
Napoopoo, Kona Hema. 2201-t@
NA HOOPII AUHAU O KAUAI.
E noho no ka Aha Hooii Auhau no Kauai, ma na Hale Hookolokolo malalo iho peni.
WAIMEA, Poaha, Oct. 22, 10 a.m.
KOLOA, (Ma ke keena,) Poakahi, Oct. 15, 10 a.m.
LIHUE, Poakahi, Oct. 22, 10 a.m.
KAPAA, Poakolu, Oct. 24, 10 a.m.
HANALEI, Poaono, Oct. 27, 10 a.m.
J. HARDY, Lunakanawai Kaapuni. Pes. A. H. A Koloa, Sept. 22,1888. 2200-3t
HOOLAHA.
Ma ke Ke@na o ka Lunakanawai Kaapuni Apana Ekolu o ko Hawaii Paeaina. Ma ka Waiwai o Kaanaana k., no Hookena, Kona Hema, Hawaii, i make.
Ua heluhelu ia a na waiho ia aku ka palapala noi a JOHN NAHINU ka Luna hooponopono no ka Waiwai o Kaamaana no Hookena, Kona Hema i make kauoha ole, e noi ana e apono ia kana hoike hope, a e haawi ia aku ka waiwai na hooilima, a e hookuu aku iaia mai kona noho ana i Lunahooponopono no ia waiwai.
Nolaila, ua kauoha ia na mea pau i pili, o ka POALUA, oia ka la 30 o OKATOBA. M. H. 1888, i ka hora 9 kakahiaka, ma ka hale hookolokolo ma Hookena, Kona Hema, Hawaii, oia kahi a me ka manawa i koho ia no ka hoolohe ana i @a noi la a me na mea kue ke hoike ia. S. L. AUSTIN. Lunakanawai Kaapuni.
Hilo, Hawaii, Sept. 19, 1888. 2200-3t
HOOLAHA HOU
HOOLAHA.
O ka POAONO ka la 6 o OKATOBA, 1888 e @ieniele ai ai ka poe nonoi laikini loio ma ke Kau o Okatoba o ka Aha Kiekie e hiki mai ana.
Na ka Aha : HENRY SMITH, Hope Kakauolelo.
Honolulu, Sepatemba 21, 1888. 2199 td
HOOLAHA HOOKAPU.
Ke papa loa ia aku nei na kanaka a pau, aole e hele wale maluna o kela wahi o ke Ahupua@ o Honouliuli Ewa, Oahu, e waiho ia mawaena o Kalaeloa a me Pili o Kaha, a aole hoi e hop@ a lawe wale i ka i'a mai ia mau wahi o hoopii ia a ke Kanawai.
CECIL BROWN, Luna Aina Nui o James Campabel@.
Honolulu, Sepatemba 15, 1888. 2198-2t
HOOLAHA.
E noho ana ka Aha Hoopii Auhau no Hamakua, Kohala Akau, Kohala Hema, Kona Akau, a me Kona Hema, ma na la i kuhikuhi ia malalo iho
No Hamakua, Okatoba 8, 1888, ma ka Hale Hookolokolo o Honokaa, hora 9 a. m.
Kohala Hema, Okatoba 11, ma ka Hale Hookolokolo o Waimea, hora 9 a. m.
Kohala Akau, Okatoba 15, ma ka Hale Hookolokolo o Kapaau, hora 9 a. m.
Kona Akau, Okatoba 22, ma ka Hale Hookolokolo o Kailua, hora 9 a. m.
Kona Hema, Okatoba 29, ma ka Hale Hookolokolo o Hookena, hora 9 a. m.
S. L. AUSTIN, Peresidena Aha Hoopii Auhau. Sept. 10, 1888. 2198-tf
HOOLAHA PAPA HOOPII AUHAU.
Ke hoolaha ia aku nei, e noho ana na Papa Hoopii Auhau o ka Apana Hookolokolo Elua ma ko lakou mau apana no ka hoolohe ana i na hihia hoohalalahala auhau ma kahi a me ka manawa e like me keia hoolalia:
Okatoba 9, 10, 1888, Hale Hookolokolo ma Wailuku, hora 10 a. m.
Okatoba 12, 13, Hale Hookolokolo ma Makawao, hora 10 a. m.
Okatoba 17, 18, Hale Hookolokolo ma Hana, hora 10 a. m.
Okatoba 23, 24, Hale Hookolokolo ma Lahaina, hora 10 a. m.
Okatoba 27, 29, Hale Hookolokolo ma Pukoo, Molokai, hora 10 a. m.
GEO. E. RICHARDSON,
Peresidena o na Papa Hoopii Auhau o ka Apana Hookolokolo Elua.
Wailuku, Maui, Sept. 12, 1888. 2198-3t
A HA HOOKOLOKOLO KIEKIE O Hawaii Pae Aina. Ma ka Hoomaopopo Waiwai. Ma ka hana o ka Waiwai o KAIA (w.) o Honolulu, o Oahu, i make.
Ma ka waiho ia ana mai o ka palapala n@i a me ka papa hoike a A. Kauhi, Lunahooponopono o ka Waiwai o Kaia i oleloia, e noi ana e apono ia na hoolilo he $116,40 a e hoike aha, ina mea i loaa mai iaia he $41550 a e noi ana e nana a e apono ia kela mau mea, a e kauoha ia e mahele ia ma waiwai e waiho ana ma kona lima i ka poe i kuleana a e hookuu ia oia mai kona noho ana ma ia ano.
Ua kauoha ia, o ka POAONO, ka la @7 o OKATOBA, 1888, ma ka hora 10 kakahiaka, ma ke keena ma ka Hale hookolokolo ma Aliiolani Hale, Honolulu, oia kahi i koho ia no ka manawa a me ka hoolohe ana i ua noi la, a me na papa ho@ke i oleloia, o ka poe a pau i pili malaila e hele mai e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai i na hoike o ka mea i kule na i ka waiwai i oleloia. A e hoolahaia keia kauoha ma ka olelo Hawaii, maloko o ke KUOKOA he nupepa i pai a i hoolahaia ma Honolulu, no ekolu manawa mamua ae o ka ma@awa i oleloi no ka hoolohe ana.
Kakauia ma Honolulu Sept. 20, 1888.
Na ka Aha. HENRY SMITH, Hoope Kakauolelo. 2199-3t
A HA HOOKOLOKOLO KIEKIE O ko Hawaii Pae Aina. Ma ka hooponopono waiwai. Ma ka hana o ka waiwai o Z. Y. SQUIRES o Waialua, i make. Olelo Kauoha e koho ana i la e hooiaio ia ai ka Palapalo Kauoha, a no ka hoolaha ana.
No ka mea, ma ka la 21 o Sepatemba 1888, ua waiho ia imua o kaAha kekahi palapala i olelo ia, oia no ke Kauoha Hope Loa a Z. Y. Squires i make aku la; a me ka Palapala Hoopii e noi ana e hooiaio ia kela Palapala Kauoha a e hoopuka ia hoi ka Palapala Luna Hooko ia Mrs. Harriet Squires a me Gaspas Sylva, ua waiho ia mai e Harriet Squires i olelo ia.
Nolaila, ua kauoha ia, o ka POAHA, oia ka la 11 o OKATOBA, 1888, ma ka hora 10 o kakahiaka ma ke Keena Hookolokolo o ia Aha, ma Aliiolani Hale, Honolulu, oia ka la me ka hora e hoooiaio ia ai ia Palapala auoha a e hoolehe ia ai hoi ia noi ana mai, a me na poe a pau i pili, e kue ana ia Palapala Kauoha, a me ka hoopaka ana i ka Palapala Luna Hooko.
A ua kauoha hou ia e hoolaha ia ia mea no ekolu manawa ma ke KUOKOA a me ka "Hawaiian Gazette," he mau nupepa i pai a i hoo@ha ia ma Honolulu.
Kakauia ma Honolulu, Sept. 21, 1888.
Na ka Aha : HENRY SMITH, Hope Kakauolelo. 2199-3t
OLELO HOOLAHA NO KA O LIMA.
E ike auanei na mea a pau, ua makaukau ka Papa Ola e haawi i ka o lima ana me ka uku ole i na mea a pau i o ole ia, a ke kauoha ia aku nei na makua a mea paha e paa ana i ke keiki e like me ia i kuhikuhi ia e na pauku 311 a me 312 o ke Kanawai Kivila, e hele mai ma ka Hale Haawi Laau o ka Papa Ola @a Kapamoo, ma alanui Hotele, ma na hora hana o ke Kauka Aupuni i hai ia malalo iho nei:
Ho@a Hana - Mai ka hora 8 a ka hora 10 kakahiaka.
N. B. EMERSON, Pelekikena o ka Papa Ola. jn 6-6m
OLELO HOOLAHA.
Ua hookohu aku au ia J. A. MAGOON nana e lawelawe ka'u mau hana pili oihana a pau, oiai au e kaawale ana mai Hawaii aku nei. W. A. KINNEY.
Honolulu, Aug 27, 1888. 2196-@m
HALEKUAI BIBI HONOLULU
(Hope o Wm. McCandles.)
HELU 6 ALNAUI MOIWAHINE, MAKEKE MA ULAKOHEO.
Na Bibi momona, Hipa, Puaa me la, na lako ai ulu & co.
O na kauoha a na ohana a me na moku mai e hooko koke ia no me ka eleu a me ka hikiwawe.
O na holoholona ola no na moku e hiki no ke hooko koke ia.
Telepone Helu 212. 2185-tf
$6 Makana
I ka mea e loaa ai kuu lio kae hauliuli, i hoailona ia i ka haokuni A C ma ka uha hope akau.
E loaa no au ma Mokauea, Kalihiwaena.
2199-3t@ AKAU.
HOOLAHA HOU.
HOOLAHA.
Ma ke Keena o ka Lunakanawai Kaapuni Apana ekolu o Ko Hawaii Paeaina. Ma ka waiwai o Alapai (k.) no Hawi Kohala Akau, Hawaii, i make. Ua heluheluia a ua waiho ia ka Palapala Noi Lahap@ Kahui (w.) ka Luna Hooponopono Waiwai o Alapai no Hawi Kohala Akau, Hawaii, i make kauoha ole, e noi ana e aponoia kona hoike hope, a e haawiia aku ka waiwai i na hooil@na, a e hookuu aku ia ia mai lona noho ana i Luna hooponopono no ia waiwai.
Nolaila ua kanohaia na mea pili, o ka POAKAHI, oia ka la 17 o OKATOBA, M. H. 1888, i ka hora 9 a. m. ma ka Hale Hookolokolo ma Kapaau, Kohala Akaa, oia kahi a me ka manawa i kohoia no ka hoolohe ana i ua noi la, a me na mea kue, ke hoikeia.
S. L. AUSTIN, Lunakanawai Kaapuni. Hilo Sepatemba 17, 1888. 2200-3t
A HA HOOKOLOKOLO APANA EHA o ko Hawaii Pae Aina. Ma ka hooponopono waiwai. Ma ka waiwai o PUKOULA (k.) i make kauoha ole. Im@a o ka Lunakanawai Kaapuni, ma ke keena. Ma ka heluhelu a me ka wa ho ia ana mai o ka Palapala Noi a Pohaku (w.) kaikamahine o Pukoula (k.) e hoike mai ama o Pukoula, i oleloia, no Haena, i oleloia, ua make kauoha ole ma Kalihiwai Kauai, ma ka la 13 o Aprila, M. H. 1886, a e noi ana e haawia ka Palapala Hookohu Luna Hooponopono Waiwai ia A. K. Mika, o Koloa.
Ua kauoha@a o ka POAONO, ka la 27 o OKATOBA, M. H. 1888, i ka hora 10 a. m. oia ka manawa i kohoia no ka hoolohe ana i ua noi la, imua o ua Lunakanawai la, ma ke Kee a Hookolokolo o keia Aha, ma Hanalei a ma ia manawa a ma laila no e hele mai ai na mea a pau i pili e hoike mai i ke kumu, ina he kumu o aio ko lakou, e ae ole ia ua noi la. A o keia olelo kauoha e hoolahaia ma ka olelo Hawaii i ekolu pule ma ka NUPEPA KUOKOA ma Honolulu.
Kakauia ma Koloa, ko Hawaii Pae Aina Sepatemba 22, M. H. 1888.
JACOB HARDY. 2200-3t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hana ia mawaena o Kale Kauakai a me kana kane mare o ka aoao mua, a me William Dean o ka aoao elua, ma ka 25 0 Iune 1884, i kakau kope ia ma ka buke 87 aoao 284, a m@muli o ka uhaki ia ana o na kumu aelike o kela moraki, oia hoi ka hookaa ole ia o ka uku panee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia nei, aia mahope aku o na pule ekolu mai keia la aku, alaila, e hoolaha ia aku ana na aina i oike ia m@ ia moraki no ke kudala ana, ma ke keena kudala o J. Morgan ma Honolulu, ma ka la 15 o Okatoba 1888, hora 12 o ia la.
Aia ma kahi o W. R. Kakela na olelo hoakaka no k@ia mea.
WILLIAM DEAN, Mea Moraki Mai.
Hana ia i keia la 8 o Sepatemba 1888,
Penei na aina i moraki ia :
Kela mau aina ma Kalihi.
1 20-100 eka o ka aina kalo maikai loa he hapa o ke Kia ui 3287 ia Kale w.
2 62-100 eka kekahi hapa o ke Kila Nui 3270 ia Kale i olelo ia.
HOOLAHA KUAI KUDALA MORAKI.
MANULI o ke kauoha a A. Rosa a i kulike ai @ e ka mana kuai iloko o kekahi m@raki i hana ia e S. Napahukapu a me Kahale (w.) kana wahine mare o Honolulu, Oahu, ia A. Rosa, kahu malama waiwai, i kope ia ma @e Keena Kope ma Honolulu ma ka Buke 84 aoao 479 a me 480.
E kuai k@da a aku ana ka mea nona ka inoa malalo iho, ma kona Keena Kuai ma alanui Moiwahine ma Honolulu i oleloia ma ka Poakahi la 1 o Okatoba A. D. 1888, ma ka hora 12 awakea o ia la, i ka aina a pau i hoakaka ia malalo iho (o@ai ua hoolaha mua @ ku ka mea moraki i kona manao e hooko i keia moraki.)
Eia ka Aina: O ka aina a pau loa ma ka Palapala Sila Nui 1505 Kuleana 1086 ia Kaui, nona @a ili he 62-100 eka, e waiho la ma Kalaep@haku, Kapalama, Honolulu i oleloia.
JAMES F. MORGAN, Luna Kudala. Honolulu, Sepatemba 14, 1888.
Ua hoopanee ia keia kuai ana a ka POAKOLU la 24 o OKATOBA, A. D. 1888, ma kahi a e ka hora i hoike ia maluna ae. 2201-3t
HOOLAHA HOOKO MORAKI.
I kulike ai me kekahi mana kuai i hoike ia maloko o kekahi palapala moraki i hana ia ma ka la 4 o Augare 1887, i hana ia mawaena o C. J. Makimo a ma kekahi inoa John Puhi, o Honolulu Oahu o ka aoao mua, ia J. M. Monsarrat o Honolulu i olelo ia o ka aoao elua, a i kakau ia ma ke Keena Aina ma ka b@ke 105, aoao 232 233, a no ka uhaki ai ana o na k@mu aelike i hoike ia ma ua moraki la, oia hoi no ka uku o e ia o ke kumupaa me ka uku@ anee, nolaila, e kuai kudala ia aku ana mahope iho o ka pau ana o ka manawa i hoike ia ma ke ka@awai, na aina, na hale, a me na mea a pau i hoike ia ma ua moraki la.
J. M. MONSARRAT, Mea Moraki.
Honolulu, Sept. 15, 1888.
O ka aina i hoike ia ma ka moraki, oia no kela e wa ho la ma Puunui, Honolulu, i olelo ia, a i hoakaka pono ia penei:
O na pono a me na kuleana a pau o C. J. Makino a ma kekahi inoa John Puhi i olelo ia, iloko o hookahi ha@a@kolu a mahele maloko o elua apana aina e waiho la ma Puunei i olelo ia, a oia no hoi ka Apana 3 me 4 o ka Palapala Sila Nui Helu 4535 L. C. Award Helu 2151, i haawi@a ia Puhi makuakane o C. J. Makino a ma kekahi inoa John Puhi. 2198-4t
HOOLAHA HOOKO MORAKI
Mauli o kekahi mana kuai i hoike ia maloo o kekahi palapala moraki i hanaia mawaena o Habdw@du@k, me Maria Habdwldu kona wahine mare, o ka aoao mua, a me Raymond Reyes o ka aoao elua, ma a la 21 o Nov. 1887, i kakau kopeia ma ka Buke 108, aoao 337 me 338, a mamuli o ka uhaki ia ana o ka aelike o ka moraki, oia ka hookaa ole ana i ka ukupanee, nolaila, ke hoolaha aku nei ka aoao elua e hooko ana oia i ka mana kuai.
Aia maloko o na pule ekolu mai keia la aku, e kudala ia no na apana aina i hoike ia ma ka moraki, ma ke keena kudala o J. F. Morgan, ma Honolulu, Oct. 22, hora 12 M.
RAYMOND REYES. Mea Moraki mai. Sept. 21, 1888.
O ka aina i hoike ia ma ka moraki, oia no ka aina e waiho la ma ka aoao makai o alanui Ber@tania, a ma Waikiki o alanui Powaina@, Honolulu, he 47-100 eka ka ili. He mau hale maikai a paa i na poe hoolimalima. 2199-3t