Ka Nupepa Kuokoa, Volume XXXVI, Number 35, 27 August 1897 — Page 2

This text was transcribed by:	Lei Tocman
This work is dedicated to:	me ke aloha ia kuu tutu Philip Kauaiiki Palama

Ka Nupepa Kuokoa

KE KILOHANA POOKELA NO KA LAHUI HAWAII.

MA KE KAUOHA

Kuahaua Koho Balota

Oihana Kalaiaina,

Honolulu, Iulai 28, 1897.

I kulike ai me na hooko ana o ka Pauku 80 o ke Kumukanawai, ke hoolahaia aku nei ka lohe, e malamaia, ana he Koho Balota Nui no na Lunamakaainana a puni ka Repubalika mawaena o na hora 8 a.m. ame 5 p.m. o ka Poakolu, la 29 o Sepatemaba, 1897.

O na Apana Koho Balota, na Mahele Koho, na Wahi Koho ame na Luna Nana, eia lakou malalo iho:

APANA 1.

Hilo, Puna ame Hamakua, Mokupuni o Hawaii.

Mahele Ekahi-O keia hapa apau o Puna e hookoe ana ia Keaau ame Olaa.

Wahi Koho: Hale Hookolokolo ma Pohoiki.

Na Luna Nana:

H. J. Lyman,

H. Rycroft,

Richard Lyman.

Mahele Elua-Na aina o Keaau ame Olaa ma Puna, ame keia hapa o Hilo e moe ana mai ka palena o Puna a hiki i ke kahawai o Honolii.

Wahi Koho: Hale Hookolokolo ma Hilo.

Na Luna Nana:

N. C. Wilfong,

G. W. A. Hapai,

W. A. Hardy.

Mahele Ekolu-O keia wahi e moe ana mai ke kahawai aku o Honolii a hiki i ke kahawai o Kawainui.

Wahi Koho: Halekula ma Papaikou.

Na Luna Nana:

G. E. Thrum,

R. T. Forest,

A. F. Linder.

Mahele Eha-O keia wahi e moe ana mai ke kahawai aku o Kawainui a hiki i ke kahawai o Waikaumalo.

Wahi Koho: Halekula ma Honomu.

Na Luna Nana:

J. K. Dillon,

W. D. Schmidt,

B. B. Macy.

Mahele Elima-O keia wahi e moe ana mai ke kahawai aku o Waikaumalo a hiki i ke kahawai o Kaula.

Wahi Koho: Hale Hookolokolo ma Laupahoehoe.

Na Luna Nana:

Wm. G Walker,

E. W. Barnard,

Richd Ivers.

Mahele Eono-O keia wahi e moe ana mai ke kahawai aku o Kaula a hiki i ke kahawai o Kalopa (kahawai o Kuliu).

Wahi Koho: Halekula ma Kaohe.

Na Luna Nana:

A. Lidgate,

Robert Horner.

………………..

Mahele Ehiku-O keia wahi e moe ana mai ke kahawai aku o Kalopa a hiki i ke kahawai o Malanahae.

Wahi Koho: Hale Hookolokolo ma Honokaa.

Na Luna Nana:

F. S. Clinton,

Edwin Thomas,

M. V. Holmes.

Mahele Ewalu-O keia wahi e moe ana mai ke kahawai o Malanahae a hiki i ka palena o Kohala.

Wah Koho: Halekula ma Kukuihaele.

Na Luna Nana:

Wm. Horner,

George Koch,

L. R. Madeiros.

APANA 2.

Kohala, Kona ame Kau, Mokupuni o Hawaii.

Mahele Ekahi-Oia o Kohala Akau.

Wahi Koho: Hale Hookolokolo o Kohala.

Na Luna Nana:

W. P. McDougall,

G. P. Tulloch,

L. Haina.

Mahele Elua-Oia o Kohala Hema.

Wahi Koho: Hale Hookolokolo o Waimea.

Na Luna Nana:

W. S. Vredenberg,

J. Crowley,

H. Akona.

Mahele Ekolu-Mai Kohala Hema a hiki i ka palena Akau o Holualoa, Kona Akau.

Wahi Koho: Hale Hookolokolo ma Kailua.

Na Luna Nana:

George Clark,

S. Haanio,

Thomas Aiu.

Mahele Eha-Mai ka palena Akau aku o Holualoa a hiki ame ke komo pu aku o Keei, Kona Hema.

Wahi Koho: Halekula o Kona Waena.

Na Luna Nana:

T. H. Wright,

G. K. Wilder,

D. P. Namanu.

Mahele Elima-Mai ka palena Hema o Keei a hiki i ka palena Akau o Kau.

Wahi Koho: Hale Hookolokolo o Hookena.

Na Luna Nana:

T. K. R. Amalu,

D. K. Naahielua,

@ S. Kauwe.

Mahele Eono-Mai ka palena aku mawaena o Kona Hema ame Kau a hiki i ka palena komohana o Punaluu.

Wahi Koho: Hale Hookolokolo o Waiohinu.

Na Luna Nana:

J. H. Waipuilani,

W. J. Yates,

O. K. Apiki.

Mahele Ehiku-O ke koena aku o ka Apana o Kau.

Wahi Koho: Halekula o Pahala.

Na Luna Nana:

W. P. Fennell,

Ikaaka,

G. W. Paty.

APANA 3.

Na Mokupuni o Maui, Molokai ame Lanai.

Mahele Ekahi-O keia hapa o Molokai e komo pu ana o Kalawao ame Kalaupapa.

Wahi Koho: Halekuai o Kalaupapa.

Na Luna Nana:

. . . . . . . . . . . . . . . . . .

Mahele Elua-O ke koena aku i koe o ka Mokupuni o Molokai.

Wahi Koho: Hale Hookolokolo o Pukoo.

Na Luna Nana:

Geo. Trimble,

H. Manase,

A. Kamai.

Mahele Ekolu-Ka Apana o Lahaina ame ka Mokupuni o Lanai.

Wahi Koho: Hale Hookolokolo o Lahaina.

Na Luna Nana:

Henry Dickenson,

A. N. Hayselden,

W. J. Sheldon.

Mahele Eha-Ka Apana o Kaanapali.

Wahi Koho: Halekula o Honokohau.

Na Luna Nana:

R. C. Searle,

David Taylor, Jr.,

David Kapuku.

Mahele Elima-Oia ka hapa o Wailuku e moe ana ma ka Akau o na puuone me ke komo pu o Waihee ame ka Mokupuni o Kahoolawe.

Wahi Koho: Hale Hookolokolo o Wailuku.

Na Luna Nana:

Goodale Armstrong,

D. L. Meyer,

W. T. Robinson.

Mahele Eono-O ka hapa i koe o Wailuku, koe aku ka Apana o Honuaula.

Wahi Koho: Hale Dute ma Kahului.

Na Luna Nana:

L. W. Zumwalt,

D. Quill,

E. B. Carley.

Mahele Ehiku-Ka Apana o Honuaula.

Wahi Koho: Hale Hookolokolo o Honuaula.

Na Luna Nana:

J. M. Napulou,

G. K. Kunukau,

S. E. Kaleikau.

Mahele Ewalu-O keia hapa apau o ka Apana i ikeia o Kula ame keia hapa o ka aina o Hamakuapoko e moe ana ma ka Hema ame ka Komohana o ke awawa o Maliko a mauka o ka laina e holo ana mawaena o ke alanui mai Kaluanui a hiki i ka halepaahao o Makawao, ame ka laina e moe ana mailaila aku.

Wahi Koho: Hale Hookolokolo o Makawao.

Na Luna Nana:

F. W. Hardy,

Geo, Forsyth,

Manuel Cabral.

Mahele Eiwa-Ke Koena o ka Apana o Makawao a hiki i ke kahawai o Oopuloa.

Wahi Koho: Halekula o Hamakuapoko.

Na Luna Nana:

W. F. Mossman,

W. E. Shaw,

P. N. Kahokuoluna.

Mahele Umi-Kahikinui, Kaupo ame Kipahulu.

Wahi Koho: Halekula o Kipahulu.

Na Luna Nana:

A Gross,

W. B. Starkey,

J. K. Piimanu.

Mahele Umikumamakahi-Mai Kipahulu a hiki ame ke komo pu ana o Makapuu.

Wahi Koho: Hale Hookolokolo o Hana.

Na Luna Nana:

F. Wittrock,

J. Grunwald,

R. K. Kaiwiaea.

Mahele Umikumamalua-Ka Apana o Koolau a hiki i ke kahawai o Oopuloa.

Wahi Koho: Halekula o Keanae.

Na Luna Nana:

James P. Saunders,

D. W Napihaa,

G. W. Kalohai.

APANA 4.

O kela hapa apau o ka Mokupuni o Oahu e moe ana ma ka Hikina ame ke Komohana o ke alanui o Nuuanu, ame ka laina e holo pololei ana mai ka Pali aku o Nuuanu a hiki i ka lae o Makapuu.

Mahele Ekahi-O keia apana apau o ua Apana la i komo ai o Honolulu, a i ole ia o Kona, a e moe ana ma ka Hikina o alanui Punahou, ame ka laina e holo ana mailaila aku a mauka a makai.

Wahi Koho: Hale Hooulu Mea Kanu o ke Aupuni, hookui ana o na alanui Moi ame Waikiki.

Na Luna Nana:

Geo. Manson,

A.C. Pestano,

John Kea.

Mahele Elua-O keia hapa apau o ua apana la i komo ai o Honolulu, a i ole ia, o Kona, a e moe ana mawaena o ka palena Komohana o ka Mahele Ekahi ame ka laina e holo ana penei malalo iho: Mai kai loa mai o ke alanui Hema, pii ma ke alanui Hema, i na alanui Moi me Alapai, a mai ke poo o Alanui Alapai a hiki i ka pahuhae ma kahi kahiko o na pu ki aloha ma Puowaina; mailaila aku ma ka lapa ma ka aoao hikina o ke awawa o Pauoa a hiki i ka piko o ka mauna.

Wahi Koho: Halekula Alanui Beritania.

Na Luna Nana:

J. A. Magoon,

W. C. Wilder, Jr.,

M. I. Sylva.

Mahele Ekolu-O keia hapa apau o ua apana la i komo ai o Honolulu, a i ole ia, o Kona, a e moe ana mawaena o ka palena komohana o ka Mahele Elua ame alanui Nuuanu, a mauka o alanui Kula ame ka laina e holo pololei ana mai ka huina o na alanui Kula ame Puowaina a hiki i ka pahuhae ma kahi kahiko o na pu ki aloha ma Puowaina.

Wahi Koho: Ma ka hale i ke komo ana aku i ke kahua o ka luawai i kai nei, ma alanui Nuuanu.

Na Luna Nana:

W. H. Hoogs.

J. D. Holt,

F. P. McIntyre.

Mahele Eha-O keia hapa apau o ua apana la i komo ai o Honolulu, a i ole ia, o Kona, a e kaupalenaia ana e na Mahele Elua ame Ekolu, na alanui Beritania ame Nuuanu.

Wahi Koho: Halekula Alii.

Na Luna Nana:

J. M. Vivas,

James Nott, Jr.,

T. P. Cummins.

Mahele Elima-O kela hapa apau o ua apana la i komo ai o Honolulu, a i ole ia, o Kona, a e kaupalenaia ana e ka Mahele Elua, ke alanui Beritania, alanui Rikeke ame ke awa.

Wahi Koho: Kapuaiwa Hale.

Na Luna Nana:

Alex. Lyle,

G. W. King,

D. Logan.

Mahele Eono-O kela hapa apau o ua apana i komo ai o Honolulu a i ole ia, o Kona, a e kauplenaia ana e alanui Rikeke, alanui Beretania, alanui Nuuanu ame ke awa.

Wahi Koho: Hale Bele.

Na Luna Nana:

Henry Smith,

W. L. Eaton,

J. M. Camara, Jr.

Mahele Ehiku-O kela hapa apau o ua apana la i komo ai ka apana hookolokolo ame auhau o Koolaupoko, a e moe ana ma ka Hikina ame ka Hema o ka laina e holo ana mai ka Pali o Nuuanu a hiki i ka lae o Makapuu.

Wahi Koho: Halekula o Waimanalo.

Na Luna Nana:

. . . . . . . . . . . . . . . . . .

APANA 5

O kela hapa apau o ka Mokupuni o Oahu e moe ana ma ke Komohana.ame ka Akau o ke alanui Nuuanu ame ka laina e holo ana mai ka Pali o Nuuanu a hiki i ka lae o Makapuu.

Mahele Ekahi-O kela hapa apau o ka Apana Hookolokolo ame Auhau o Koolaupoko e moe ana ma ke Komohana o ka laina e holo ana mai ka Pali o Nuuanu a hiki i ka lae o Makapuu.

Wahi Koho: Hale Hookolokolo o Kaneohe.

Na Luna Nana:

Wm. Henry,

E.P. Aikue,

Frank Pahia.

Mahele Elua-Ka Apana Hookolokolo ame Auhau o Koolaulaoa.

Wahi Koho: Hale Hookolokolo o Koolauloa.

Na Luna Nana:

C.J. Judd,

W. K. Rathburne,

J. H. Barenaba.

Mahele Ekolu-Ka Apana Hookolokolo ame auhau o Waialua.

Wahi Koho: Hale Hookolokolo o Waialua.

Na Luna Nana:

Edward Hore,

Frank Halstead,

Alfred Kaili.

Mahele Eha-Ka Apana Hookolokolo ame Auhau o Waianae.

Wahi Koho: Hale Hookolokolo o Waianae.

Na Luna Nana:

Sam’l Andrews,

G.W. Nawaakoa,

Isaia Halualani.

Mahele Elima-O keia hapa apau o ka Apana Hookolokolo ame Auhau o Ewa e komo pu ana o Hoaeae ame Honouliuli.

Wahi Koho: Keena Heluhelu o ka Mahiko o Ewa.

Na Luna Nana:

H.J. Gallagher,

D.B. Murdock,

Joseph Fernande@.

Mahele Eono-O ka hapa i koe o ka Apana Hookolokolo ame Auhau o Ewa.

Wahi Koho: Hale Hookolokolo o Ewa.

Na Luna Nana:

Frank Archer,

J.M. Exera,

S. Hookano.

Mahele Ehiku-O kela hapa o Honolulu, a i ole o Kona e moe ana makai o alanui Moi mai ka laina mai o Ewa a hiki i ke alahaka o alanui Moi, ame na wahi apau mauka o ua alanui e pii ai i uka o ke awawa o Kalihi.

Wahi Koho: Halekula Hoopololei.

Na Luna Nana:

W.L. Wilcox,

W.R. Sims,

J.F. Clay.

Mahele Ewalu-O keia hapa apau o Honolulu, a i ole ia o Kona, e moe ana mauka o alanui Moi mai ke alanui nui mai e pii ai i uka o ke awawa o Kalihi a hiki i alanui Liliha, ame ka laina e holo ana mai ke poo mai e kamoe ana i ka laina o alanui Kauka a hiki a pili i ka lapa ma ke Komohana o ke awawa o Nuuanu.

Wahi Koho: Hale o ka Hui Kaa Hapaumi, kihi o ka pa Kula o Kamehameha.

Na Luna Nana:

Ed. Towse,

R. W. Cathcart,

R. H. Baker.

Mahele Eiwa-O kela hapa apau o Honolulu, a i ole ia o Kona, e moe ana mawaena o ka Mahele Ewalu ame alanui Nuuanu, a mauka o ka laina e holo ana ma alanui Kula, ke kahawai o Nuuanu ame alanui Beritania.

Wahi Koho: Halekula o Kauluwela.

Na Luna Nana:

A. V. Gear,

C. A. Peterson,

Peter Souza.

Mahele Umi-O keia hapa apau o Honolulu, a i ole ia o Kona, a e kaupalenaia ana e na alanui Moi, Liliha ame Kula, ke kahawai o Nuuanu, na alanui Beritania ame Nuuanu.

Wahi Koho: Hale Kaawai Pake.

Na Luna Nana:

J. Effinger,

Aki K. Akau,

Henry Davis.

APANA 6.

Na Mokupuni o Kauai ame Niihau.

Mahele Ekahi-Ka Mokupuni o Niihau.

Wahi Koho: Halekula.

Na Luna Nana:

. . . . . . . . . . . . . . . . . .

Mahele Elua-O keia hapa o ka Apana o Waimea e holo ana mai ka Mahele Elua mai a hiki i Puanaana.

Wahi Koho: Halekula o Kekaha.

Na Luna Nana:

W.E. Smith,

David Kua.

. . . . . . . . . . . . . . . . . . .

Mahele Ekolu-O keia hapa o ka Apana o Waimea e holo ana mai Hanapepe a i ka laina i kaupalenaia mawaena o Waimea ame ka Mahiko o Kekaha a e holo ana me ka hoomau ma ia laina a hiki i ke kai.

Wahi Koho: Hale Hookolokolo o Waimea.

Na Luna Nana:

J. F. Scott,

C.B. Hofgaard,

J.H. Kapuniai.

Mahele Eha-Mai ame ke komo pu o Kalaheo a hiki ame ke komo pu o Hanapepe.

Wahi Koho: Halekula o Hanapepe.

Na Luna Nana:

H. C. Perry,

H. H. Brodie,

M. K. Kaluna.

Mahele Elima-O ka Apana o Koloa a mai ka hookui ana mai Lihue a hiki ame ke komo pu o Lawai.

Wahi Koho: Hale Hookolokolo o Koloa.

Na Luna Nana:

J. K. Burkett,

W. H. Neal,

J. K. Farley.

Mahele Eono-Ka Apana o Lihue.

Wahi Koho: Hale Hookolokolo o Lihue.

Na Luna Nana:

R. W. T. Purvis,

W. T. Lucas,

H. D. Wishard.

Mahele Ehiku-O kela hapa e moe ana mai Papaa a hiki ame ke komo pu ana o ka aina o Wailua.

Wahi Koho: Hale Hookolokolo o Kapaa.

Na Luna Nana:

S. N. Hun@ley,

F. B. Smith,

J. Kawelo.

Mahele Ewalu-O keia hapa e moe ana mai ka muliwai o Kalihiwai a hiki a komo pu me Papaa.

Wahi Koho: Halekula o Kilauea.

Na Luna Nana:

John Bush,

W. P. Huddy,

E. J. G. Bryant.

Mahele Eiwa-O kela hapa i koe mai ka muliwai o Kalihiwai a hiki i ka palena Akau o ka Apana o Waimea.

Wahi Koho: Hale Hookolokolo o Waioli.

Na Luna Nana:

J. Kakina,

C. H. Willis,

J. C. Davis.

J. A. KING

@661-9t Kuhina Kalaiaina.

NA KA PERESIDENA O KA REPUBALIKA O HAWAII

HE KUAHAUA

No ka mea, ua hanaia kekahi Kuikahi Hoohui Aina mawaena o ka Repubalika o Hawaii a me na Makaainana o Amerika Huipuia e ka Peresidena, me ke aponoia e ka Aha Kuhiua, i kulike ai me ka Pauku 32 o ke Kumukanawai, a ua kakauinoaia ua Kuikahi la e na Luna Aupuni o na Aupuni a i elua:

Nolaila, Owau, o Sanford B. Dole, Peresidena o ka Repubalika o Hawaii, mamuli o ka mana i haawiia ia’u ma ka Pauku 28 o ke Kumukanawai, ma keia ke kahea nei i kekahi Halawai Kuikawa o ka Aha Senate ma ka Hale Oihana Hooko, ma Honolulu, ma ka hora 12 o ke awakea o ka Poakolu, ka la 8 o Sepatemaba. M. H. 1897, ka noonoo ana , i ka ninau e pili ana i ke apono ana i ua Kuikahi Hoohui Aina la i oleloia, a no ka hana ana i na hana e ae i pili i ka leehulehu.

Haawiia malalo o kuu lima a me ke Sila Nui o ka Repubalika o o Hawaii i keia la 25 o Augate, M. H. 1987.

SANFORD B. DOLE.

Na ka Peresidena:

HENRY E. COOPER.

Kuhina o ko na Aina E

Nupepa Kuokoa

No ka Makahiki - - - $2.00

No Eono Mahina - - - 1.00

Kuike ka Rula.

Puka} 1 2 3 4 5 6

Ana.} Pule Pule Pule Pule Pule Pule

Iniha $1.50 $2.00 $2.50 $3.00 $3.50 $4.00

2 Iniha 2.00 2.75 3.50 4.00 4.50 5.00

@ Iniha 2.50 3.50 4.50 5.00 5.50 6.00

@ Iniha 3.00 4.00 5.00 6.00 6.75 7.50

@ Iniha 3.50 4.75 6.00 7.00 8.00 9.00

Iniha 4.00 5.50 7.00 8.00 9.00 10.00

O na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, a@@@ hookomo ia.

HOOPUKAIA E Ka

HAWAIIAN GAZETTE CO.

C.G. BALLENTYNE, Luna Nui

JOSEPH M. POEPOE, Lunahooponopono.

Honolulu, Oahu.

Poalima………AUGATE 27, 1897.

Ka Enemi o ko Hawaii Holomua.

Oiai na hoaloha oiaio o Hawaii nei e hooikaika ana e loaa ia Hawaii ka nohona palekana a lanakila maoli, ma ka nohona hooulu waiwai holomua, mamuli o ko lakou ake nui ana e loaa ke kulana Aupuni oni paa a kulanalana ole, mamuli o ka hoalii nui ana mai o na makaainana o kekahi Aupuni hou i ulu mohaha kona ikaika ame kona mana ma ka pe’a hikina o ka “hapa poepoe hikina,” aia no na enemi o ko Hawaii nohona holomua ke hooikaika hoomaha ole ia ma Amerika Huiia i mea e hoopuhiliia ai na hooikaika ana a hoaloha oiaio o Hawaii.

Ua ike a ua hoomaopopo pono ko makou poe heluhelu, o ke Kuikahi Panailike, oia ka mea nana i hooulu nui i ka holomua o ka oihana mahiko, mahi raiki ame na oihana mikiala e ae o loko nei o ka aina. Mamuli o ke ola ana o keia mau oihana, i hoolala ai na aina kuleana o na kanaka, ma kela wahi keia wahi o loko nei o ka Pae Aina, i komo nui aku ai ka oihana mahiko ame ka oihana mahi raiki; a pela pu hoi me na aina i komo aku ai ka oihana mahi kope. O ka poe no lakou na kuleana nui i laupaiia iho me keia mau oihana hooulu waiwai, o lakou ka poe e ohi nei he mau loaa makahiki mamuli o na hoolimilimaia. Ke huli aku nei ka mea aina i hoolimalimaia i ka mea noho hoolimalima no kana dala, ma ka mahina paha a ma ka makahiki paha; a o ka mea noho hoolimalima hoi, ke nana aku nei ia no kahi e hiki ai iaia ke uku ae i ka ona aina, ma o na pomaikai ia a ke Kuikahi Panailike i haawi mai ai iaia, mamuli o ke komo dute ole ana o ke kopaa paha, raiki paha a waiwai Hawaii paha. i aeia e komo dute ole iloko o na makeke o Amerika, i hui pu ia me na pomaikai i hoouluia e kona ike kalai waiwai iho. O ka pomaikai e loaa ana i ka mea noho hoolimalima aina mamuli o ke Kuikahi Panailike, e hele mai ana ia e hoopiha aku i na wahi he lehulehu loa, elike me ka uku ana i ka uku hoolimalima aina, na lima hana, ka ukupanee o ke dala kumuwaiwai i hoohanaia ai ma ka aina, ame na lilo lehulehu e ae; a o ke koena iho, mailoko mai oia mau hoolilo lehulehu, o ka ka mea hooulu waiwai ia. Nolaila, o ke kulai ana a hina ke Kuikahi Panailike, oia ke pani-ku ana i ke poo-wai e loaa mai ai i ke kanaka hooulu waiwai ka pomaikai dala @ @ ai ke hookaheia mai a loaa he pomaikai i ka ona aina ame ke kanaka limahana. Nele ka mea aina aohe mea @ e hoolimalima kona aina; a nele @ ke kanaka hana aohe mea nana e hoolimalima mai i kona ike a makaukau hana; a o ka hopena maopopo oia nele ana, oia ke ku kiai ana mai o ka @hune ame ka pololi ma ia ipuka oke kanaka Hawaii. O keia pilikia nae ka ka enemi o ka holomua o Hawaii i ake loa ai e loaa mai i na kanaka Hawaii, mamuli o ko lakou hooikaika ana e kulai i ke Kuikahi Panailike. A @ hana nae keia poe enemi o Hawaii i keia hana i mea e hoopaaia ai ko lakou mau pomaikai pilikino iho, me ka nana ole ia o na pomaikai io maoli o na kanaka Hawaii maoli o loko nei o ka aina. Aka, ua hoopuhiliia nae keia manao o ua poe la e na hoaoloha oiaio o Hawaii, oiai ua mau no ka paa ana o ke Kuikahi Panailike, no ka manawa maopopo ole.

A oiai hoi na hoaloha o Hawaii i ake loa ai e hooi loa ia aku ka ikaika o keia kulana hoolaupai pomaikai @ko nei o ka aina, mamuli o ka loaa ana he launa pili kokoke loa ana o Hawaii nei me Amerika Huiia, mamuli paha o kekahi Kuikahi Panailike hou, a i ole ia, mamuli hoi o ka hoolilo maoli ana ia Hawaii nei i kalana aina maoli no Amerika Huiia, aia hoi, ua ikeia ka oni ikaika ana o na enemi o ko Hawaii holomua ma Amerika Huiia, a ua lohe mai makou eia i Hawaii nei i @ wa na koi ikaka ana a ua poe la. Ea kekahi poe ke paipai ikaika mai nei i na kanaka Hawaii e kakauinoa malalo o na palapala hoopii e noi ana i ka Ahaolelo Nui o Amerika Huiia, aole e ae mai i ke kumuhana hoohui Aupuni. A o keia kumuhana hoohui Aupuni nae, ka hana a na hoaloha oiaio o ko Hawaii nei pomaikai e hooikaika nei ma ka pauaho ole.

He aha la ka waiwai o ka aina o ka poe mea aina kuleana e noho hoolimalimaia nei i keia wa e na poe mikiala hana, ina e pau ae ana ke Kuikahi Panailike, oiai hoi aole i lilo o Hawaii nei i hana a i lihi pili Aupuni maoli no Amerika Huiia? Eia ka mea maopopo: Ma kahi o ka ohi ana o ka mea aina he loaa dala maopopo mamuli o ka hoolimalima i kela ame keia makahiki, oiai e mau ana ke Kuikahi Panailike, e ohi ana oia i ka nele. A ina hoi e hoopauia ana ke Kuikahi Panailike, a loaa ka Hoohui Aupuni, a Hoohui Aina hoi, alaila, o na pomaikai manawa i loaa ia Hawaii nei, mamuli hoi o ke Kuikahi Panailike, no ka pono o kona poe ona aina a mikiala hana hoi, e hooi loa ia aku ana ia, a hoomahuahua loa ia aku hoi na pomaikai e loaa ana ia lakou, mamuli o ke ku ana o Hawaii Aupuni i “panalaau” no Amerika Huiia.

Aka nae, o ka poe na lakou e paniku nei keia auwaha hoolaupai pomaikai maluna o Hawaii, mai na kapakai mai o Amerika Huiia, oia no ka Hui Hoomaemae Kopaa i kapaia “Sugar Trust.” Ua ike lakou, ina e lilo o Hawaii nei i “panalaau” no Amerika Huiia, alaila, e hoopoino nui ia ana ka Oihana Hoomaemae Kopaa a lakou e paa nei i keia wa ma ke ano he kumu hoowaiwai nui ia no lakou, oiai ma ka hui ana o Hawaii me Amerika, e hiki ana i ko Hawaii nei poe kanu ko ke kukulu i hale hoomaemae ko paa no lakou iho, a i Hawaii nei no e hoomaemaeia ai ka lakou kopaa. O ke ku he hale hoomaemae kopaa ponoi iloko nei o Hawaii, he haawi ana mai ia he hoolaupai pomaikai ana i ko Hawaii nei poe kanu ko, a ma ia ano ua hoopii hou ia ae na anuu o na dala hoolilo a ia poe maloko ponoi o ka aina nei, oiai e hiki ana ia lakou me ka hololea e hana pela i mea e hooulu mohaha maikai ia ai ka holopono o ka oihana mahiai ko. A mamuli auanei o ka loaa ana he ola maikai ia oihana, e hoeueu hou ia ae ai ka pii maikai ana ae o ka holopono o na oihana mikiala e ae o Hawaii nei. O ke ola lupalupa maikai ana o na oihana mahiai ame ka oihana kalepa iloko nei o ka aina, oia ka hooulu ana i ke dala gula ma na kaiaulu apau o Hawaii, e nele ole ai ke kanaka Hawaii mikiala hana a imi pomaikai i ke kaana ana iho he wahi huna oia dala, ka mea hoi i loaa kakaikahi loa ma ka hapa uuku o na kuaaina aku nei i keia wa.

O keia pomaikai ka keia Hui Hoomaemae Kopaa e hooikaika nei e loaa ole i na kanaka Hawaii ona aina, a ike hana hoi, mamuli o ko lakou makemake ana e hoopauia ke Kuikahi Panailike, a o ka oi aku hoi, aole e hooholoia ka Hoohui Aupuni. Aka, o ka nele nae e loaa ana i ua Hui Hoomaemae Kopaa la, oia ka waiwai e loaa ana ia Hawaii no ka pono o kona pomikiala hana; a o ke ko ana o ka makemake o ua Hui Hoomaemae Kopaa la e hoopauia ke Kuikahi Panailike, a e loaa ole ia Hawaii ka pono o ka Hoohui Aupuni, oia ka loaa ana o ka pomaikai nui i ua Hui Hoomaemae Kopaa la, a hoea mai hoi he nele maluna o Hawaii, ke kumu e kukuluia ai na kanaka Hawaii mikiala hana ma ke kulana o ka nele ame ka @. E hooi loa ia aku ana hoi ka eleele ino o keia nele ana o ua poe Hawaii mikiala hana nei, mamuli o ko lakou komo kino maoli ana aku e kokua i keia enemi o lakou, oia hoi ke “Hui Hoomaemae Kopaa,” ma ko lakou hana ana i na hana e keakea ana i ka holopono ana o ka Hoohui Aupuni, a i ole ia, ma ka hoopauia ana paha o ke Kuikahi Panailike.

Na Momo Holo Balota o Maui

Mamuli o ka oluolu o kekahi makamaka o ka Mokupuni o Maui, ua loaa mai la ia makou kekahi hoike ana no ka poe i manaoia e holo balota Lunamakaainana ana no na Mokupuni Huiia o Maui. O na inoa i hoikeia mai ia makou, oia o E. M. Hanuna, M. P. Waiwaiole ame D. H. Kahaulelio.

Ua hoike pu mai hoi keia makamaka ua loaa i keia poe inoa na kulana ikaika no ko lakou kohoia mawaena o ka hapanui o na poe koho balota o na Mokupuni Huiia o Maui.