Ka Nupepa Kuokoa, Volume XXXVIII, Number 22, 2 June 1899 — Page 3

This text was transcribed by:	Kaui Sai-dudoit
This work is dedicated to:	Ia oe e kuu keikikane akolu: Hoʻala Keahimalulani Goodhue

Ka Nupepa Kuokoa

KE KILOHANA POOKELA NO KA LAHUI HAWAII.

Ka Hui Alahao me Aina o Oahu

MAI A MAHOPE AKU O IUNE 13, 1898

Manawa Holo

KAHI HOOLULU. Mai Honolulu aku.

Waianae kaa huikau, na la apau koe ke sabati.

Waialua, kaa oluna, na la apau.

Waianae, kaa ohua, na la apau.

Wili o Ewa, kaa ohua, na la apau.

A.M. A.M. P.M. P.M.

Honolulu 7:10 9:15 3:10 5:10

Manana 8:07 9:18 3:43 5:50

Wili o Ewa 8:37 10:08 4:08 6:10

Waianae 9:27 10:53 4:43 -----

Waialua ----- 12:00 5:38 -----

KAHI HOOLULU. Mai waho mai o Honolulu.

Wili o Ewa, kaa ohua, koe ke Sabati.

Waialua, kaa ohua, ua la apau.

Waianae, kaa huikau, na la apau, koe ke Sabati.

Waialua, kaa ohua, na la apau.

Wili o Ewa, kaa ohua, Sabati wale no.

A.M. A.M. A.M. P.M. P.M.

Waialua ----- 6:12 ----- 2:39 -----

Waianae ----- 7:12 10:09 3:55 -----

Wili o Ewa 5:50 7:47 10:59 4:32 12:45

Manana 6:15 8:07 11:34 4:52 1:10

Honolulu 6:50 8:40 12:15 5:26 1:45

G.P. DENISON,

Luna, F.C. SMITH,

Luna Kuai Palapala Holo.

---------------------------------------------------------------------

NU HOU HAWAII.

--------

He halawai ka ka Papa Ola i ka auina la Poakolu nei.

Mahiko o Kilauea, Kauai, $32 o ka mahele e kuai ia la ma Kapalakiko.

O ka mahiko o Paauhau, Hawaii, he $42.12 1/2 o ka mahele e kuai ia la ma Kapalakiko: nui kela.

Mahiko o Hutchison o Kau, Hawaii, $34.61 1/2 o ka mahele e kuai ia la ma Kapalakiko.

Mai ke $50 mai a hiki i ka $16.75 i keia wa, oia ke kumukuai o ka mahele o Kihei, ma Maui.

He $17.50 ke kumukuai o ka mahele hookahi, o ka mahiko o Hana, Maui, e mai ia la ma Kapalakiko.

O ka Poakolu o keia pule ae, e noho ai ke kau kiure o ko Maui Aha Kaapuni ma Wailuku, i ka malu hekuawa.

E nana ae ka poe makemkae leta ma ka papa inoa o ka poe he mau leta ka lakou i kii ole ia aku iloko o ka Hale Leta o Honolulu nei.

Aia na Kula Sabati o Ewa ae nei, Waianae ame Waialua ke hooliuliu nui ai ia lakou iho no ka hoike kula Sabati nui e malamaia ana ma keia mana o Iune nei.

Ma ke ahiahi Poalima nei, ua make a kekahi haole olelo e, o A. Schmean kona inoa, ma kona inu ana i kakau make, a ua nalo kona kino kupaku i ka auina la Sabati nei.

E hele kaapuni aku ana ka Papa Hoopaa Inoa Koho Balota ia Oahu nei Aupuni, a e ike ia no ka manawa e hiki ia ma kela me keia wahi, a puni ka Mokupuni, ma ko makou pepa o keia malalo o ke poo "Ma Ke Kauoha."

Ua paniia ae na Keena Aupuni ame ka halekuai ame na hale paahana o ka haole o loko nei o ke kulanakauhale, ma ka auina la Poalua nei, no ka hoomanao La Hoohiwahiwa no ka Poe Make on a Amerika.

Ua loaa mai nei ka lohe ia nei, ua lilo aku nei o Mr. Pierre J. Frein, i noho ai i kumuao no ke kulanui o Punahou, ma na olelo Helene me Farani, ke kumuao olelo Farani ma ke kula nui o Stanford (University.)

Mamuli o ka haule ana o ka la hanau o Kamehameha i ka la Sabati, ua hookaha pili Aupuni ae ke Kuhina Kalaaina no ka Manawa, o ka Poakahi, la 12, oia ka la a ke Aupuni e hoomanao ai, a e paniia ana na Hale Oihana Aupuni ia la.

Ua haawi ae o Lunakanawai Pere o ka Aha Kaapuni, he manawa e noho hou aku ai o ke Kau Kiure o ke Kau o Mei aku la, i loaa ai ka wa lawa pono e pau ai ka hooloheia ana o ka hihia pepehi Pake o na Iapana o Kahuku.

Oiai ka mokuahi Iwa i kaalo pono ae ai ma Waimanalo, Koolaupoko, ma ka Poaha o ka pule i hala, ua pau iho la i ke ahi. Ua pakele na ola o ke kapena ame na luina ma ka waapa. Ua "inisuia" keia moku no ka huina o $2,500.

He mau kaa-ahi kuikawa kai hooholoia aku ilalo o Kahuku, ma ke aekai aku o Ewa, e hehi ana i ke kaha o Kaupea, e alawa ana i ka nani o Puuolauluu, inu i ka wai o ka niu haohao, hone ae a ke one kani o Makua, kiei no i ka maile o Koiahi, ike ia pohaku o Kauai, hoonuu i ka i'a o Manini, hehi i ka nua moena pawehe o Mokuleia.

Ke upu wale la kekahi mau keiki halawai o ka makani o lau niu o Poka-i, Waianae, e hapai i na hana kihei waa maoli, waapa Iapana ame kihei au, ma ke kai i make ai o Kaulupue, keiki a Keopulupulu, ma ka @@ o Iulai ae nei, a ka po iho, he Aha @@ maloko o ko laila luakini. He @@ ka hewa o ia?

Ka hipuuia ma ka berita o ka mare o Miss Martha Keanohou, he haumana @@ Kula hanai o Kawaiahao, a kaikamahine hoi a C. Keanohou o "Ka Ua Kani Lehua" o Hilo, me Mahoe Aina, o Honolulu nei, e Rev. H.H. Parker maloko o ka Halekula Kaikamahine o Kawaiahao ma ka hora 7:30 o ke ahiahi Poaha nei, Iune 1, 1899.

Ua hala aku la no Manila ma ke kakahiaka o ka la inehinei ka moku lawe koa Sherman no na kai o Maniila.

Ua ulele hookuku kiki-pu hou ae no na Komapani B me G i ka auina la Poaono nei, ua lilo ka lanakila i ka inoa mua, eleu no. Hoao hou.

He nui na opio Hawaii ili keokeo i huli hoi mai nei no Honolulu nei, maluna mai o ka mokuahi Gaelic o ke kakahiaka o nehinei.

Ma ka ulele kinipopo ana mawaena o Kamehameha ame Hoku, ma ka auina la o kela Poaono aku nei, ua lilo ka eo i ka inoa mua. He 8 puni a ka mua ia 6 a ka hope.

Ua loaa mai he lono i Honolulu nei, o na poe koa Amerika o luna o ka mokukaua Yorktown i hopu pio la ai e na poe Pilipino i kahi wa i hala ae nei, ua palekana no ko lakou ola, aka, ua nui nae ka lakou hana ino ia.

Ma ke kakahiaka o ka Poalima o ka pule i hala, ua loaa aku la he pahulaau maoli ma kai ae nei o Kakaako, a maloko o ia pahu e waiho ana ke kino make o kekahi keiki hanau hou. Ua lawe loa ia ae keia pahu i Kalakaua Hale. Ua manaoia, he bebe keia o 8 mahina, a he haole maoli ka mamuahine. Ke huli nei ka Oihana Makai.

Ma ka auwina la Poaono o ka pule i hala i ku mai ai ka mokukaua Rukini, Razaboinika, iloko o 41 la holo mai Valparaiso mai. I kona hookomo ana mai iloko nei o ke awa, ua haawi ae la ia i na kipu aloha ana, a ua paniia aku hoi ia mau kanaenae ana e na pu o ka batari o Kakaako, malalo o na paahana ana a na koa Amerika.

Ua lohe mai makou oiai ma ka po Poaono i malamaia ai na hookupu ana maloko o ka pa o Malie-o-ka-Malu, ua lawelawe lima nui iho la ka kekahi lutanela o ka Oihana Makai i kekahi mea e makaikai ana ma ia wahi no ka nana ana i na mea e hana ia ana. He mea oiaio, ua ike ia ka lima nui ana o na lutanela a me na makai nohoi kahi. Ae he mea mau no ia i na Hawaii, ke loaa iki ae no kahi kulana kiekie o ka manao iho la no ia oia ke poo o ke kanawai. Aole no makou e kamailio ana no na Hawaii hana maikai, aka, no na Hawaii elike iho la me keia ke ano. Auhea oe e kena lutanela e akahele nohoi paha, i loihi ai ka noho ana maluna o ka oihana.

O keia hoike ana aku aole ia he mea wale no e hauoli ai koʻu noonoo, aka ma ke ano he hana ia i kau iho maluna oʻu no ka pono o koʻu mau makamaka, ma ka hoike ana aku hoi i ke ola kupaianaha i hanaia maluna nei oʻu e ka Laau Ola a Makalena (Chamberlain) no ka Lepo Paa, Kolera ame ka Hi, ma ka wa e inu ia ai i ka wa pono. Ua loohia au i ka hi-koko, a kuai iho la au i hookahi aiole o keia laau. He mau wahi manawa no koʻu o ka inu ana, a o koʻu ola loa no ia. Ua hauoli au i ka haawi ana aku i kaʻu olelo hoomaikai no keia laau i na poe e ae i loohia i keia maʻi weliweli. J.W. Lynch, Dorr, W.Va. E kuaiia ana keia laau lapaau e na poe kuai laau lapaau apau. O BENSON SMITH & CO., i Kaupalenaia, na Agena no ko Hawaii Pae Aina.

------------------------

KA HUI LAPAAU O NA KAUKA.

------------------------

Ma ke ahiahi Poakolu nei i malama ia ai ka halawai hope loa a ka Hui Lapaau a na Kauka o Hawaii nei. Ua hooholoia, e halawai mau aku ana keia Hui Lapaau i kela ame keia mahina, ma keia hope aku. O ka halawai mua loa e malamaia aku ana, malalo o keia kulana hou, ma ka Poaono mua ana ia o Iulai ae nei, a mahope aku, ma ka Poaono mua o kela ame keia mahina.

E hoolilo nui ana ka Hui i na noonoo ana ame na kuka ana ma na kumamanao ano nui pili i ke ola o ka lehulehu.

------------------------

UA MANELEIA AKU.

------------------------

Ma ka Poalua nei i laweia aku ai ke "kinowailua" o Joseph Nahale, kekahi o na keiki a Hope Lunamakai Nahale o Kona Akau, Hawaii, a kau aku la iluna o ka mokuahi Malulani (W.G. Hall). U aukaliia aku la ke kinowailuo e ka Puali Puhi Ohe, na haumana ame na kumu o ke Kula Keikikane o Kamehameha a hoea i ka moku. Ua ukali pu aku nohoi na hoaloha, na makamaka ame ka ohana o kona mau makua ma Honolulu nei. Ua lawelaweia ke anaina haipule hope maluna o kona kino maloko o kahi luakini nani o ke Kula Kamehameha e Rev. Silas Perry ame PRof. Theo. Richards.

------------------------

PAPA HOONOHONOHO HANA.

------------------------

Ke hoolaha aku nei makou i ka Papa Hoonohonoho Hana i loaa mai ia makou, no na hana Karistiano e malama ia ana e na Ekalesia Euanelio o ka Mokupuni o Oahu nei. E hoomaka ana mai keia la Sabati ae a hoea i ka la Sabati, Iune 11.

Sabati, Iune 4.--7:30 p.m., halawai hui, na haiolelo e pili ana no ka Oihana Kuloko, Kawaiahao.

Poakahi, Iune 5--10a.m., 1:30 me 7:30 p.m., Ahahui Kula Sabati, Kaumakapili.

Poalua, Iune 6-10 a.m., 1:30 p.m., Ahahui Auanelio, Kawaiahao; 7 p.m., Papa Hawaii.

Poakolu, Iune 7-9 a.m., Hoike o ke Kula Kaikamahine o Kawaiahao; 1:30 p.m., Ahahui Auanelio; 7:30 p.m., Ahahui Hooikaika no na Hana Kristiano o ka poe Opio, Halawai Hui, Kawaiahao.

Poaha, Iune 8-9 a.m., Ahahui Auanelio, Hoolauna ana i na Makamaka o na Misiona i na Lahui E; 10:30 a.m., Hoike Makahiki a ke Kakau Leta ame ka Puuku, ame ke koho ana o na Luna Nui ame ka Papa Ekahi o na Hoa o ka Papa Hawaii; 4 p.m., Anaina Inu Ti ma Kaukeano.

Poalima, Iune 9--9 a.m., Hoike o na Kula Sabati o ka Mokupuni.

Sabati, Iune 11--4 p.m., Ahaaina a ka Haku, Kawaiahao; 7:30 p.m., Halawai Hui, Haiolelo Makahiki, Oihana Kuwaho, Rev. W.N. Lono, Kaumakapili.

---------------------------------------------------

G.D. BIZ.

HE MEA HANA WATI AKAMAI A PIHA

NOEAU LOA.

Alanui Nuuanu, Helu 417.

Aia ma ke Alanui Nuuanu, mauka iho o ka Halekuai Pipi "Central Meat Market."

---------------------------------------------------

Eia iho ka Papa Inoa o na Leta e waiho nei maloko o ka Hale Leta a hiki i ka la 31 o Mei, M.H. 1899.

Aienui; Aimoo; Abikaila, Mrs.; Aieu, Mrs.; Aina, Pai; Ailuene, Mrs.; Ai, Kahale Mrs.; Aweau, J; Aimoku, Mrs.; Apelahama, Mrs. K.; Andrews, Thos. L.; Anahua, Mrs.; Aalona, Kuhia Mrs.; Aarona, Mrs. J.K.; Aea, Mrs. Joe; Akau, Miss Hattie; Aku, Mrs. P.H.; Akamu, Miss Keala; Akana, Miss Lilia; Alana, Aki; Aloi Pake; Alameka, Julia; Alawa, Kela; Aloha, Wahine; Alohikea, Miss R (S); Alama, Lucy; Amaka, Master; Amaka, John; Amalu (2)

Ematai; Emalia, Mrs.; Ewalina, Mrs.

Iona, I.O.; Iona, Sam; I, Helemano; Ilai, Lilia; Ioehuke; Ioana, Liessy; Isaac, Annie Mrs.

Oliva, Mrs. Lui; Oili, S.H. (2)

Ululani, Miss Kawa; Uaia, Miss Mary Z; Umiamaka, Mr; Umi, Miss Lilly

Haula, Laea; Haumea; Haleakala, Keoni A (2); Halaki, Hoopii; Hao; Halaki, Mrs.; Hanahai; Haona, Miss; Hau, Hana; Haleuluhiau; Haiha; Halakai, Mrs. N.; Halulu, Kalehua; Hakaleleponi; Halama, Mr.

Henerietta, Honohiona Mrs.; Henry, Kailianu

Hiapo, Mast

Hooluhi; Holokai, Mrs.; Hoopii, Mr.; Holt, Oven; Holwale, Geo

Huakini, Mary Miss; Huru, Piilani

Kaehuaea, Sam; Kaehukukona, Lily Mrs.; Haolulo, Heulu; Karrati, Anderson; Kaohele; Kaopua, J.S. (2); Kaowaka, Mele Mrs.

KAA

Kaaikaula, Mary Miss; Kaahanui, J.H.; Kaai, S. Mrs.; Kaaikike, Sam (2); Kaaeae, Pomaikai; Kaalele; Kaahanui; Kaalakai, Nawai Mrs.; Kaaiwaiu; Kaaua, James (2); Kaaemoku, Victoria; Kaanohi; Kaao, W.S.; Kaaea, Julia; Kaauana, Piipii; Kaaikaula, Mary Miss; Kaaukai, Malia; Kaamania, Mrs.; Kaahupalekai; Kaaeamoku; Kaaikaula, L.

KAI

Kaio, Lizzie Mrs. (3); Kaimihana, Iosia; Kaiewe, Jim; Kaiaahiola; Kailua; Kaiakoili; Kailiehi, Mrs.; Kaiapa, Esther Mrs.; Kainuwai, J.H.; Kaiminaauao; Kaike, G.; Kaiwi, K.; Kaihe, C.M.; Kaiole, D.A.; Kaiama, John; Kaianui; Kailiuli, H.M.; Kaiwi, Luka; Kaialua, Mrs.; Kaipo, Mr.; Kailawe; Kailiehu, L.K.

KAU

Kaula, J.B.; Kauhane, Miss; Kaulaihelani; Kauhi, Kapola Mrs.; Kaula, Keliaa; Kawai, K.; Kaua, L.P.; Kauanoano, Peke; Kauahiaka, Etta Miss; Kauha; Kaulu, P.; Kauha, Mrs Upai; Kaula; Kauanui; Kauai, Geo

KAH

Kahola, Mrs.; Kahawai, Henry; Kahuhu, Hana (2); Kahelepo; Kahoa; Kahuila, Mrs.; Kahaleua, Mrs. P.; Kahanauumi, Mrs. M.; Kahaleaahu, D.L.; Kahoe, Maria Mrs.; Kahai, Lucia; Kahupelekai, Mrs.; Kahooilimoku, K.; Kahunanui, B.H.; Kahele, Miss L.; Kahiki, D.; Kahele, Mrs. R.; Kahaulani, Miss M. (2); Kahawaiolaa, Miss M.; Kahale, W.K.; Kahelepo; Kahele, J.K.; Kahele L.; Kahiena, Mrs. M.; Kahope, Mrs. M.; Kahai, J.P.

KAK

Kakoi, Mrs. K.; Kakalia; Kakake, M

KAL

Kalua, Sam (2); Kalua, Mrs.; Kaleiopu M.O.O.; Kaleikini, M.; Kali Mrs. E.; Kalolii. P.; Kalolo; Kalele, Mrs.; Kaluna, B.; Kaliokalani; Kaleiomalama, Miss

KALA

Kalaniaumoku; Kalaukapu; Kalaluhi, T.; Kala, Mrs.; Kalaeloa; Kalaukopu liilii (2); Kalaehao, W. (2); Kalaepaa, S.M.; Kalama, Mrs. M.K.; Kalaepaa, S.M.; Kalakala, K. (2); Kalama, Mrs. E.; Kala, M.; Kalama, J.; Kalaini, Miss; Kalahiki, S.; Kalaeone, J.; Kala, S.; Kalalakapu; Kaloaa

KAM

Kamau, Mrs. L.; Kamahalo, G.W.; Kamana, J.; Kamaka, Mrs. L.; Kamaipelekane, Mrs. K. (2); Kamuela, Mrs. H.; Kamanuwai, Kuaele; Kamakini, K.; Kamu; Kamala, Mrs. H.; Kamaihoonipo, Mrs.; Kamahu, Mrs. D.; Kamani, L.; Kamakaokalani; Kamakolu, Mrs.; Kamoa, Mrs. E.J.H.; Kamoani, Miss L.; Kamalu, Miss K.; Kamakee, Mrs. R.; Kamakau, W.S.; Kamakani, J.K.

KAN

Kaniho, H.M.; Kanakanui, Lilia M.; Kanohokuahiwi; Kanae, B. Mrs.; Kanui, K (2); Kaniela, L. Miss; Kana, Mrs.; Kanai; Kanakanui, Aalona; Kanealii, Mrs.; Kanakaaeamoku; Kauealii, D.; Kaninau (k); Kane, Mrs. L.; Kanae, H.; Kanekoa, D.P.; Kane, K.

KAP

Kapaka, W.; Kapo, M.; Kapahu, Lilia Mrs.; Kapahi; Kapeka, M.; Kapalena, S.P.; Kapule, I.O. (2); Kapiko, K.; Kapule, Mr. Z.; Kapio, A.; Kapeka, Miss (2); Kapule ame Paukeaho; Kapewa, Mr. D.P.; Kapea, J.K.M.; Kapika, Miss

KAW

Kawai, S.W.; Kawaipuilani; Kawailiula; Kawai, M.; Kawai K.; Kawaiolaa, Miss K.

Keopuhiwa, Pilile (2); Keneia, Albento; Keoholana, J.; Keona, P.M. Mrs. (2); Kelii, Dave; Kepio, Mrs.; Keoki, Haliaka; Keola, K.; Keolewa, H.; Kealoha, Edward (3); Keliihuhu; Keohokii, Emalia Mrs.; Kehau, Mrs.; Keliikanaole, S.R.; Keliihaleole, Mrs.; Keliihonua, P. Mrs.; Keliiwaiwaiole, Mrs.; Keluia, Mrs.; Kepio, E. Mrs.; Keohohiko; Keliiokamoku, D.W.

KEA

Keawe; Keahi, J.W.; Keahuakea, R.; Keanohalio; Keahauakani; Keaho, J.K.; Keanu, Moku; Keau, Waihau; Kealakapiko; Kaeulama; Keaka, Kawika; Kealakaa, J.; Kealohanui; Kealohamaue; Keawe, Peka; Kealoha, Miss; Keawe; Kealoha; Keaweluna, S.

KEK

Kekua, Iona; Kekahuna, Lukela; Kekahuna, Maluia; Kekiai, Kaalele; Kekai, Kamaka; Kekea, S.M.; Kekahuna, Kalama; Kekua, Moses

Kini, Sam (2), Kialama, A.; King, Johnny; Kia; Kiliona, D.S.; Kipi, H.M. Mrs.

Koloa, Mary Mrs.; Koana, John; Kolohe, Keawe; Kolomonahanohano, S.H.

Kuhola, C.; Kuaana, J.; Kuwale, Kaala Miss; Kupihe, Kaua; Kuimoku (2); Kualii, Hilani; Kuhaupio, H.L.; Kukalahala; Kualaula (2); Kupa, H.H.; Kukaulai, J.; Kumakalei, Chas; Kukona, Oliver; Kukona; Kuhia, J.N.

Lapawila, A.A.; Lahaina, W.; Laea, Mrs. (2); Lane, Wm.

Lealea, Mrs.; Leiheleloa, Emalia; Lewi

Lili; Lilikana, Kawai; Liilii, Kaikala K.

Lona, Kaualuna; Lonoai, Lo; Loe, Mr.; Loe, Miss; Lokana, A.

Luia; Lui, Moikauhane; Lukela

Mania, J.M.; Mary, Miss; Makaku, J.; Manuela, P.K.H.; Mahiai, Lillian; Manuel, H.K. Mrs.; Mahoe, J.; Makana; Makalua; Mana, W.; Mahiai, J.K.; Mahelona, J.W.; Maka, R. Mrs.; Maui, Kapo (2); Malia, Kahau; Malakiele; Mahoe, Napahu; Malamanui, G.W.; Mauliola, Keaumoku; Mauloa, J.K.; Maele, Kaloku; Makaina, N.; Mahiliana; Maila, Haloa; Manoha, H.; Mahailani, Mrs.; Makia, Hattie; Mahoe, Haleakala; Mahina, Miss; Makalani, Miss; Makuahine, Mrs.; Malaihi, Kalei; Maeha, Kaia; Malia, Miss

Meleana, Miss; Melekalama (k)

Mikela (k); Miliama (w); Mikekai, Malaea Mrs.

Moko, Sarah Miss; Moemoe, B.M.J.; Moku, Mary Miss; Mokulia, Muliwai; Moku, S.; Moku, Pukaua (2); Moku, S.W.; Mokulehua, V.K.; Mohiko, J.H.

Naai, J.; Napahu, Lucy Miss; Namoli, Ben; Nawelu, P. Mrs. (4); Naiuhoe, J.K.; Nakua, John; Nakookoo, Kahuna; Nai, Maria; Naivi, Master; Naehu, Kalaomalia; Nakuaua, Mrs.; Nahau, Lomela; Naea, Mary Mrs.; Nawaa, Moike; Napoi, Mrs.; Naeole, Puuloa; Nawahielua; Nawaa, S.K.

Nohokuahiwi, Mrs; Noa, Naleilehua

Pakalau, Lilia; Paunini, G. (2); Pauaka; Pala, Moses; Pahunani; Paele; Paa, J.K.; Paoo, John; Palau, J.; Pake, Akana; Paahao, Ia; Paahao, Samel; Paling, D.S. (2); Paahao, Mrs.; Paulo; Pakekee, M.; Pauahi, Malaia; Pake; Pahukula; Paiaina, Pau; Paulo, Mrs.; Paikuli, Wm. (3); Panai, Keola; Pakaka, Puu; Papaula, John; Palekiau (2); Pa, G.K.; Pake, Ani; Paiaala, S.W.K.; Paahao, Kaluna; Pawaa, K.N.; Paakai, Benj

Peter, John; Pekelo, Kaili; Pet, Tona; Peahi, Kaleo

Piiohia, Nahinu; Pii, K.J.; Pika, Ake; Pipi, Pupuka Mrs.; Pika, Kalahiki Mrs.; Pihi, Lilian K. Miss

Pohaialii, P.L.; Koulo, Kenala; Poepoe, Lahapa

Pua, Maraea, Mrs.; Pua, Kauene; Puhi, D. Mrs.; Puha, Hanu; Puniwaa, Daniel; Puakalehua; Puhi, C.W.J.; Puukohola, S.P.

Wallace, S.; Wehina (w); Wallace, J.; Wahineaea, Luliana; Wakila, Akijo Miss; Wana, E.M. Mrs.; Welle, Maraea Mrs.; Wainee, Mrs.; Ville, Master

Bearson, Sub; Barenaba, Hua; Beniamina

Charley, D.K.; Corney, Chas; Chas, Flora Mrs.

Depalding (2); Drew, Levi (2); Davida, E.M.; Fisher, J. Mrs.

Joseph, Mary Mrs. (2); John, Leloy; Jimmie; John, Mary Mrs.; Joseph, John; James, Jack; Joshua, Alberteoe

Robinson, E. Mahia; Ramon, Richards, Peter; Richmond, Maria Miss (2); Ramon, Kalehua Miss; Rutherford, E. Mrs.; Richghte, Pita

Saffery, Fanny Miss (2); Solomona, Maraea Mrs.; Sheldon, A. Miss; Samoa, Akakani; Santos, Kaluakini

J.M. OAT.

Luna Leta Nui.

Honolulu, May 31. 1899.

-----------------------------------------------

Kela ame Keia.

----------------------------------------------

HOOLAHA I KA POE AIE.

Oiai, ua hookohu pono ia mai ka mea nona ka inoa malalo iho nei i Lunahooponopono Waiwai no ka Waiwai o Hana Keoki, o Honolulu, Oahu, i make.

Ke hoolahaia aku nei ma keia i ka poe apau e waiho mai i ka lakou mau koi i ka Waiwai o Hana Keoki i oleloia, i make, i hooiaio pono ia, in a paha ua hoopaaia ma ka moraki a ano e ae, i ka mea nona ka inoa malalo iho nei, ma Honolulu i oleloia, iloko o eono mahina mai keia la aku, a i ole, e hoole mau loa ia aku no lakou. A o ka poe apau i aie i ua waiwai la, ma keia ke kauoha ia aku nei e hookaa koke mai i ka mea nona ka inoa malalo nei.

ROBERT PARKER WAIPA.

Lunahooponopono Waiwai o ka Waiwai o Hana Keoki.

Hanaia Honolulu, Oahu, Maraki 10, M.H. 1899. 5174-6m

-----------------------------

Hoolaha Hooko Moraki

-----------------------------

HOOLAHA HOOKO MORAKI A KA MEA PAA MORAKI.

-----------

I kulike ai me ka olelo o kekahi palapala moraki i hanaia e Aiona o Hookena, Kona Hema, Hawaii, ko Hawaii Paeaina, ia H. Hackfeld & Co., Kaupalenaia, no ko Hawaii Pae Aina nohoi, e ikeia ana ma ia palapala ka la elima o Aperila, A.D. 1898, ma ke ano oia ka la i kakauia ai, a i kopeia hoi maloko o ke Keena Kakau Kope Palapala, ma Honolulu, Oahu, ko Hawaii Pae Aina, maloko o ka Buke 187 ma na aoao 164 ame 165, ma keia ke hoolahaia aku nei ka mea paa moraki e hooko aku i ua moraki la no ka uhakiia ana o ke kumu aelike maloko o ua palapala ʻla, oia hoi: ka uku ole ia ana o ke kumupaa ame ka ukupanee i hoopaaia maloko o ua moraki la, ma ka wa e hookaaia ai. Ke hoolahaia aku nei hoi ma keia, ma ka Poaha, la 18 o Mei, 1899, ma ka hora 12 awakea, ma ke awa pae o Hookena, Kona Hema, Hawaii, ko Hawaii Pae Aina, kela apana aina Huluhulu, maloko o laila, he 2 4-10 eka, me na hana hou apau e waiho ana ma Honokua, Kona Hema, Hawaii, ko Hawaii Pae Aina, pela pu hoi me kekahi hoolimalima o 10 eka aina kope e waiho la ma Walea, Kona Hema, Hawaii, ko Hawaii Pae Aina, a i hoakakaia maloko o ua moraki la. E kuai ia aku nei i ka mea koho kiekie loa no ke dala kuike i mea e hookaaia ai ua moraki nei.

H. HACKFELD & CO., LTD.

2754-4tF.

---------------------

Hoolaha Mana Hookolokolo.

---------------------

ILOKO O KA AHA KAAPUNI APANA HOOKOLOKOLO EKAHI O KO HAWAII PAEAINA.

Ma ka hooponopono Waiwai. Ma ka hana o ka Waiwai o Auhea Kekauluohi (w) o Honolulu, Oahu, i make kauoha ole.

No ka mea, ua waihoia mai e Ellen Albertina Polyblank, he palapala noi no ka hookahu lunahooponopono waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei i na poe apau i kuleana ma ua waiwai la, o ka Poalima, Iune 23, 1899, ma Aliiolani Hale, Honolulu, hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu, in a he mau kumu ka lakou e ae ole ia ai ke noi.

Na ka Aha:

P.D. KELLETT, JR.

Kakauolelo.

Honolulu, Mei 25, 1899. 2756-3t

--------------------------------------

ILOKO O KA AHA KAAPUNI, APANA HOOKOLOKOLO EKAHI

O KO HAWAII PAEAINA.

-----------

Ma ka hana o ka Waiwai o Jesse Amara, o Waialua, Oahu,

i make kauoha ole.

Ma ka waiho âme ka heluheluia ana o ka palapala hoopii a Kekie Amara, ka wahinekanemake, e hoike ana ua make kauoha ole o Jesse Amara, ma Honolulu, Oahu, i ka la 1 o Mei, 1899, a e nonoi ana e hookohuia oia i lunahooponopono no ka waiwai o kana kane, nolaila, ua kauohaia o ka Poalima, la 23 o Iune, 1899, hora 10 kakahiaka, ma ka rumi hookolokolo o ua aha la, ma Aliiolani Hale, Honolulu, Oahu, oia kahi ame ka manawa e hoolohe iaʻi o kana palapala hoopii, ame ka poe kue, in a he mau kue ka lakou.

Kakauia ma Honolulu, Mei 25, 1899.

Na ka Aha:

HENRY SMITH.

Kakauolelo o ka Oihana Hookolokolo.

2756-4t.

----------------------

HOLAHA A KA LUNAHOOPONOPONO WAIWAI I KA POE AIE.

---------

Oiai, ua hookohu pono ia mai ka mea nona ka inoa malalo iho nei i Lunahooponopono no ka waiwai o Anela Kakoi, mamuli o ke kauoha a Hon. W.L. Stanley, Lunakanawai Elua o ka Aha Kaapuni o ka Apana Kaapuni Ekahi, ke holahaia aku nei ma keia i ka poe apau he mau koi ka lakou maluna o ka waiwai o Anela Kakoi i make, e waiho mai i ka lakou mau koi i hooiaio pono ia, in a paha ua hoopaa ia ma ka moraki, a ma kekahui ano e ae paha, i ka mea nona ka inoa malalo iho nei ma kona wahi noho ma Kapuukolo, Honolulu, Oahu, iloko o eono mahina mai keia la aku, a i ole, e hoole mau loa ia aku no.

KAILI KAKOI.

Lunahooponopono Waiwai o ka Waiwai o Anela Kakoi.

Hanaia, Mei 19, 1899. 2756-5t.

----------------------

ILOKO O KA AHA KAAPUNI, APANA HOOKOLOKOLO EKAHI O KO

HAWAII PAE AINA.

---------

Ma ka hana o ka waiwai o Francis Spencer, o Waimea, Hawaii, i make.

Ma ka heluhelu a me ka waihona ana mai o ka moowaiwai ame ka palapala hoopii a Mrs. Martha N. Spencer, lunahooko o ka palapala kauoha hope loa a Francis Spencer, i make, e hoike ana he $536.75 na dala i loaa ma kona lima a he $3,906.48 ka nui o na hoolilo, a e nonoi ana in a e aponoia ia mau mea, a e hookuuia oia mai ka oihana lunahooko; nolaila

Ua kauoha ia o ka Poakahi, la 19 o Iune, 1899, hora 10 kakahiaka, ma ka rumi hookolokolo o ua aha la, ma Aliiolani Hale, Honolulu, mokupuni o Oahu, oia kahi ame ka manawa e hoolohe iaʻi o ia mau mea a me na keakea a ka poe kue in a he mau kue paha ka lakou, me ka hoike pu mai owai la kai kuleana i ua waiwai la.

Na ka Aha:

HENRY SMITH.

Kakauolelo o ka Oihana Hookolokolo.

Kakauia Honolulu, May 15, 1899.

2755-3t

-------------------------

ILOKO O KA AHA KAAPUNI, APANA HOOKOLOKOLO EKAHI O KO

HAWAII PAE AINA--MA KA HOOPONOPONO WAIWAI.

---------

Ma ka hana o ka waiwai o kaeha (k), o Waianae, Oahu, i make kauoha ole.

No ka mea, ua waihoia mai e Kaneakama (w), ka wahinekanemake, he palapala noi no ka Hookohu Lunahooponopono Waiwai no ka waiwai i oleloia, a e hoopuka aku ia palapala iaia, nolaila, ma keia ke hoolahaia aku nei i na poe apau i kuleana ma ua waiwai la, o ka Poalima, Iune 16, 1899, ma Aliiolani Hale, Honolulu, Oahu, hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu, in a he mau kumu ka lakou, e ae ole ia ai ke noi.

Honolulu, Mei 17, 1899.

Na ka Aha:

GEORGE LUCAS.

2755-3t Kakauolelo

-----------------------------------

AHA KAAPUNI, MAHELE KAAPUNI EKAHI O KO HAWAII

PAE AINA.

----------

Martha Dunleavy vs. Frank jay Dunleavy.

(Hoailona Pai.)

Ka Repubalika o Hawaii::

I ka Ilamuku o ko Hawaii Pae Aina, a i Kona Hope, Aloha:

Ua kauohaia aku oe e kena aku ia Frank Jay Denleavy, mea i hoopiiia, in a oia e waiho mai i Pane i kakauia iloko o Iwakalua la, mahope aku o ka la i hookoia ai keia palapala maluna on a, no kona hoea ana mai imua o ka Aha Kaapuni i oleloia ae nei, ma ke Kau o Mei, e noho ana ma Honolulu, Mokupuni o Oahu, ma ka hora umi a.m., e hoike mai i kumu, nokeaha la e ae ole ia ai ke koi a Martha Dunleavy, mea Hoopii, elike me ka manao nui o kana Palapala No! i hoopili pu la me keia.

Alaila, e hoihoi mai oe i keia Palapala me kau hoike piha no ke ano o kau hana ma ia palapala.

I ka Hon. A. Perry, Lunakanawai Mua o ka Aha Kaapuni, ma Honolulu, Oahu, i keia la 22 o Maraki, 1899.

(Sila) GEORGE LUCAS.

Kakauolelo.

Ke hooia nei au o keia palapala maluna ae, he kope oiaio ia o ka Palapala Kena Kumu ma ka hihia i oleloia, a ua kauoha ka Aha Hookolokolo i oleloia ae la e hoolahaia ia mea, a ua hoopaneeia aku ua hihia la a ke Kau o Augate ae nei, 1899, o keia Aha.

J.A. THOMPSON,

Kakauolelo.

Hanaia Honolulu, Hawʻn Is., Mei 8, 1899. 2754-6t.