Ka Nupepa Kuokoa, Volume XL, Number 21, 23 May 1902 — He huakai Kohola i ikeia [ARTICLE]

He huakai Kohola i ikeia

Ma ka hoi ana mai a ka mokuahi Jas. Makee nana i lawe mai keia lono i Honolulu nei, ua holo pu mai oia me kekahi huakai kohola, a ua haalele aku ka mokuahi Jas. Makee, e pii ana no ua huakai kohola la ma ka akau o Oahu nei, he aneane ma kahi o ke tausani a oi. He hookahi mile a oi ma ka laina pololei. Ko lakou mea uuku loa he 20 kapual a pii aku, he eleele uliuli ka nanaina o keia ano kohola. Ike nui ia keia ano i'a (kohola) ma ke kowa o Norewai, eleele ka hokua a he. ano ahinahina ka laina ma ke alo. Ma ke kowa o Norewai he hoa pu-a okoa ia mai a kokoke ina kapakai kuono o Norewai, e ko laila mau keiki kae'ae'a. He holo like keia ano ia ma ka laina hookahi a he ia pailaka (pilot fish) kahi oielo ia ana. He ino ko keia ano kohola, a he papa like kona me ke pamuela (sperm whale). Nunui loa ae no paha ka lilo no ia i pamuela. Keia ano ia (kohola) hele loa lakou i kaiuli, ma na kai mehana, e like me ko kakou mau kai nei, a hoomaka lakou e pii i ka akau iloko o ka mahina o Aperila, a i ole i ka homaka ana o ka mahina nei o Mei. Iloko o na mahina ino, ua nou mai ka makani a ooloku ka moana, kuakea ke kai i ke puhia e ka makani; ua puhia mai la ka mea ai a keia ia mai ke kai akau mai a hala loa i na kai hema, nolaila, ua loaa no ka ai a keia kohola e noho ai i ko kakou mau kai nei, a i keia wa, e pii ana lakou i ke ano o Alika, Keia no ke pamuela, poeheke, laikuela hiuwalawala e oleloia ai. opiopio i keia wa. Ke halawai me ka mano, mea e ka hauoli o Kaahupahau. He pinepine ka ike mau ia o ke keiki a ke kohola iwaena o keia puulu (black fish) kohola he mea ono loa nae na ka mano o ka laina nei. Oleloia nae he hakaka like no lakou.