Ka Nupepa Kuokoa, Volume XLII, Number 21, 20 May 1904 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, MEI 20, 1904.                        5

 

Nuhou Kuloko

 

            @ e holo nei ilok @ o ka Home na I'a @ kela ia ma ka hora 4 @.

 

            @ Ahahui Euanelio Pae-@ o Hawaii nei ma @ o lune e hiki mai @ Kauaii oia no hoi ka @ mahina. Mai poina @.

 

            @ ia kekahi kanaka i @ma ka oihana kuai lole, a @mea i makemake i keia @ kau leta ae ma ka @.

 

            @ i mau pihi pulima @ paha i hana ia me ka daimana @ i komo daimana olino @ manua o kou kuai ana ia @ ma na halekuai o Honolulu @mua ae i ka hoolaha a @ WESTIN DIAMOND CO.,  he oluolu @ a he ae ia hoi na @. He hiki no ia oe @ me ka hookaa mua @ a ke makemake oe @ maka oe e hookaa i @.

 

KOHOKOHO LUAWAI O KA-

LIHI.

 

            @ o ka pule i hala i we @ kohokoho no ka hana ana @ o Kalihi ma ke Keena o  @ Hana Hou O kern ame Lishman. @ i hoohui ia laua i hookuhi @ ka laua ke koho haahaa loa,  @ hoi oia. aka o ka laua ka @pukele loa no ka hana ana @ ua luawai ia.  oia hoi he @ koho a kekahi poe iho i @ kiekie a e paa ana hoi iloko @ he 260.   O keia malalo iho @ i waihoia ae:

@ Lishman                          $33,000.00

@ A @                                   33,136.00

@ Eng & Con. Co.                 35,000.00

@ H.Wilson                           37, 500.00

@                                            37,945.00

@ Whitehouse                        38,795.00

@ Harrison                             42,944.00

@ Walker                                45,700.00

@ F. Bowler                            53,881.00

 

HOPUIA O HOOPII NO KA

HANAINO MAKUAKANE.

 

            No ka hua o ka Hoopii hanaino maluna o kona makuakane ma ka pepehi @ ua hopuia oia a paa iloko o ka Ha-@.

            E Kapalama ma ke alanui Pupule @ hamaia ai keia hana pepepi makuakane i ka po Lapule iho la.  Ma ka manawa o ka pepehi i lawelaweia @ ua ona ano kahio o Hoopii.  Ma @ i hoikeia mai ua ulu mai keia @ a ke keiki ma ka hoohana wale ana i kekahi mau olelo a ka makuakane i  hoopuka ai a no ia mau wehi olelo wale no ua lele aku la keia keiki maluna o kona makuakane a ku'i aku la i ka helehelena me kana puupuu a haule hina aku la no hoi ka luaui ilalo e waiho ana me he la ua make. Ia manawa hookahi no hoi ua holo koke mai la ke kaikaina o Hoopii e kokua i ka makuakane o laua a pau pu aku la ua wahi opio nei i ka paluku ia e  Hoopii a waiho ana e like me ka makuakane.

            Ika manawa i loaa aku ai ia Hoopu ua hina aku la ke kaikaina ilalo me ke kanono ikaika ana o kona poo ke kumu i loaa ai kekahi palapu ano hohonu a eha maoli iaia.

            I ka wa i hoea aku ai na makai aia hoi ua piha olaila i na makaikai a aole o lakou mea i aa aku e hele aku e kokua oiai o Hoopii e ku kiai ana i kana mau pio.

            A ma ka hookolokoloia ana ua ku ka hewa hoeha iaia a kapiia i ka paakai o hookahi mahina hoopaahao no ka helu hookahi.  I ka Poakahi nei ka hanaia @ pela.

 

KUKULU AHAHUI DEMO-

KARATA MA HAWAII.

 

            HILO. Mei 13. - Ke hele nei o Konela @ Iaukea iloko o ka Mokupuni o Hawaii no ka hooikaika ana no ka aoao Demokarata a ma ka nui noeau a huki manao o na haiolelo a ke Konela ua huli nui mai kekahi poe Home Rula a poholo ana iloko o ka aoao Demokarata.

            Ma ka halawai i malamaia i ke ahiahi Poaono i hala iho la ua malamaia hooanaina haiolelo kalaiaina iloko o ka hale-paikau a haiolelo aku o Mr. Iau-@ ma na olelo a elua-ka olelo Hawaii ame Beritania imua o kekahi anaina o haneri iwaena o na Hawaii ame na haole a ua nui ka poe i ohohia i na h@ manao ana.

            Ua a'o aku oia i na hoa Hawaii e hoopau i na manao kuee aole o ke ku-e aku i na hooponopono aupuni ana o ke ano Amerika no ka mea o ka hana mau ana pela oia no ka hookui hou ia ana mai o lakou.  Ua hoike pu ae no oia i kona manao no ke aupuni kalana a ua kua pu no hoi iaia ka manao ua kaa uku ke ko'iko'i o ka haule pa-hu ana  o @ aupuni kalana maluna o ka aoao Republika ke kumu o kona ola ole ana i keia la a wahi ana oia kekahi kumu o kona haalele ana i ka aoao Republika a komo i ka aoao Demokarata.

            Ua noho hoomaluia ka halawai e C. M. Le Blond a nana i hoala a hoeueu manao ae kekahi kumu i hoolana loa la ae ai ka noonoo o ka lehulehu a mahope o ke kakauinoa ana o ka lehulehu i hiki ae no ka lilo ana i poe Demokarata a ikeia iho la he kanalima ka poe @ kakauinoa ua hoomaka koke ia ae la ke kukulu ana i ke ahahui Demokarata ma ke kohoia ana o na lunanui a kohoia no hoi  o Edward Kekoa i peresidena.  John D. Easton. hope peresidena David Ewaliko. Kakauolelo; J. H. Apiki, Puuku.-Tribune.

            Ma ke ahiahi o ka Poalima i hala ua komo pu aku no o Mr. Iaukea ma Waikea a hoohulihuii i kolaila mau Home Rula a huli ma kona aoao a mahope o ke kakauinoa ana o iwakalua inoa iluna o ka papa inoa ua kukuluia ae la ka ahahui Demokarata ma ke kohoia ana o na lunanui-Peresidena.  Henry West: Hope Peresidena. P. Lee: Kakauolelo. Napehi:  Puuku. Heulu.-Tribune.

 

NA MEAHOU O KA UALOKU

O HANALEI, KAUAI

 

            Ma ke kakahiaka Poalima Mei 6, hora 9 p.m. , i ikeia aku ai ka mokuahi W. G. Hall. mawaho ae o na Hala o Naueikekai me ka Hae Amerika e welo ana ma ke kia hope.   A i kona ku ana mai ma ke Awa o Hanalei nei, ua lele mai ka Mea Hanohano ke Kiaaina G. R. Carter ame kona mau hoa aukai. a hehi iho la i ke one Pua rose o Mahamoku. Ua apo puili lima pu oia me na komite hookipa Rev. S. K. Kaili. C. H. Willis ame Joe Gardner.  A malaila pu no hoi na keiki o ke Kula o Waioli i kukulu lainaia me na hae liilii Amerika ma na lima me ka mele pu ana i na himeni. malalo o ke alakai ana a na kumu.  Ua kaa ke alakai ana o ka huakai i na keiki kula e lawe ana no ka hale o A. S. Willcox, a hoomaha iki ke Kiaaina me kona mau hoa malaila.  Ma ka hora 11, ua nee ae na mea apau ma ka luakini o Waioli kahi a na komite hoohiwahiwa i kukulu ai i na pio me na wehi o kanahele.  A malaila no i haawi ae ai na komite makaainana i kekahi paina luau nui ua ai a lawa pono na mea apau.   Mahope oia wa ua weheia na haiolelo,  A. S. Wilcox, lunahoomalu.

            Hoomaka ia me ka himeni ame ka pule a Rev. S. K. Kaili, himeni, haiolelo hoolauna a Rev. S. K. Kaili, pau ia, himeni haiolelo a ke Kiaaina G. R. Carter, oluolu-waipahe kana mau olelo pau ia, haiolelo ake Kakauolelo Atkinson he maikai piha mahalo pau ia, haiolelo a J. H. Coney, pau ia, haiolelo a J. K. Gandall pau ia, haiolelo a Joe Gardner,  pau ia, haiolelo a D. Kanealii, pau ia, haiolelo a Rev. S. K. Kaili, komite no ka makemake o na makaainana, hookuuia na hana me ka maluhia me ka himeni hui Hawaii Ponoi ame ka pule a Rev. S. K. Kaili.

            Kou oiaio,

            W. K. SAMUELA

                                    Kakauolelo

 

LELE KE KEPANI I KE KAA-

AHI NO KA MAKE.

 

            O ka manao i ulu ae iloko o kekahi Kepani no ka lawe ana i kona ola ua hoomaopopoia ma kona lele ana mamua pono o ke kaaahi e hoi mai ana i ke kulanakauhale nei mai Waialua mai a lilo ae la ia i mea hoopioloke i na ohua kaaahi.

            Ma ka holo ana mai o ua kaaahi nei i ka auwina la o ka Poakahi nei a ma kahi hoolulu o Honouliuli i hanaia ae ai keia lele ana me ka manao e make, eia nae aole i ko oiai aole oia i make a aole no i nui lao 'na palapu i kau aku maluna o kona kino.

            I ke kaaahi e hookomo mai ana i ke kahua hoolulu i hoikeia ae nei ua ike e aku no ka wiliki ame ke paoahi i ka nui kanaka e kali mai ana ma kahi hoolulu, a mamua o ka hoopaaia ana o ka peleki hoopaa holo, aia hoi ua lele ae la kekahi kino kanaka iluna o ke alahao mamua o ke kaaahi a moe papu iho la iluna olaila.

            Alaila ua ike koke aku la ka wiliki i ka moe kahela ana o keia kanaka iluna o ke alahao a hookahi pinapinai iho la oia i ke oeoe a hoohana koke iho la i ka peleki ea.  Aka o ka ikaika holo o ke kaaahi ua lawa ia no ka holo loa ana a kaa aku ma o o kahi a ke kanaka e moe ana, eia nae he ike ana ka na ohua i ka olepeia ana ae o ua Kepani nei a lele ana i kula,

            Ua manao  e aku na ohua ua make ke kanaka aka i ka loaa ana aku aole i pilikia loa, he poniuniu wale no mamuli o ka ikaika kiola o ka paleihu o ke kaaahi eia nae ua pehu ino loa kona wawae mamuli o ka pa ikaika ana i ka paleihu.

            Ua lawe loa ia mai keia Kepani i ke kulanakauhale no ka nana pono ia e Kauka Cooper malalo o ke kauoha a ka Agena Ohua Smith.

 

MAIKAI NA HANA A NA KE-

IKI O WAIALEE.

 

            Ma ka hele ana aku nei a ka Lunakula nui Mr. A. T. Atkinson ame ke Kakauolelo Teritori Atkinson ame Miss Rose Davison, ka Agena Kula o Oahu ua mahalo loa lakou i ke kulana maikai o ke kula Hoopololei ma Waialee i ka Lapule iho nei.

            O na koena hana o na hale i hoolalaia ma ka papahana i hoopaa mua ia, ua ike aku nei ka Lunakula nui ua paa pono ma ko lakou wahi iho a pau no  hoi ka aina i ka pa ia e na keiki no. a o na aina lo'i keia i waiho wale no kekahi mau manawa ua pau i ke kulapaia a he mau lo'i maikai ia e ulu nei ke kalo i keia manawa, a aia he mau mea kanu kupono i ka ai kekahi e ulu nui nei mamuli o ka hooikaika hana a na keiki, a mawaho ae o keia he hanai moa a hanai puaa kekahi e lawelaweia nei, a ke  houluulu i na mea apau e hiki koke mai ana ka manawa e hiki ai i ke kula ke  malama iaia iho ma na mea ai me kona mau lako ponoi iho.

            Ma ka aoao o na luna ua hooikaika lakou e hana aku i ka maikai loa a na na keiki no e koho i ko lakou mau luna ponoi iho no na hana paikau ame na mea like a na lakou no e makaala iho i ko lakou hemahema ma na ma-ka la, ka mea e hooikaika nui ai na keiki i ka malama ana ia lakou mai ka hana ana aku i na mea e ma-kaia ai lakou.

 

NO KA HOOKIPA ANA I NA

PILIPINO.

 

            Wasinetona. D. C., May 13, 1901.

"Kiaaina Carter. Honolulu:

            "Ma kahi o kanalima poe Komisina Pilipino Hanahano he huina hoi o na kanaka koikoi e hiki aku ana i Honolulu maluna o Siberia ma ka ia Iwakalua e holo ana i kahi Hoikeike. E hauoli ana lakou i na ohaoha e waiho ia aku ana no lakou e ka poe kalepa o Honolulu. No na me aku i koe ua hiki no ke hui aku me Niederleia no keia kumuhana.

                                                            "TAFT."

            O  keia maluna ae oia ke telegarama i loaa mai i ke Kiaaina mai ia Kakauolelo Taft. a i ka loaa ana ai o keia lono ua waiho koke aku ke Kiaaina i keia kumuhana ma ka lima o ka poe kalepa o keia kulanakauhale.  I keia la e ku mai ai keia moku maanei e holo loa aku ana hoi no Kapalakiko.  Ua loaa na manao like iloko o ke Kiaaina ame Kakauolelo Atkinson e hooko aku i ka makemake o Kakauolelo Taft ma keia mea ame na mea apau e ala mai ana no ka hookipa ana aku i keia poe hanohanao. a ua liuliu ae nei ka poe waiwai oonei no keia hana.

 

KU MAI A HOLO AKU KA

MOKUAHI MONGOLIA.

 

            Ma ka hora 1 o ka auwina la Poalima i hala i kupinai ae ai na oeoe o ke kulanakauhale nei e hoike ana hoi i  ke apo ohaoha ia aku o ka mokuahi nui hookahi i komo mai iloko nei o ke awa o Kou. oia hoi ka mokuahi Mongolia.  Ma ka hora 10 a oi o ia ia i hoike mai ai ke kahua kiaimoku o Daimana Hila ua ikeia aku ua moku nei e holo mai ana. a i ka laha ana ae o keia lono iloko nei o ke kulanakauhale. ua hoihoi na mea apau. e ake ana hoi e ike koke aku i ka moku i kaulana mai maanei  no ka nui.  I ke kalewa ana mai mawaho o ke awa, he nui hoi kau. a ua kupono maoli no e kapa ia aku. he kakeia no ka moana.  Ua holo aku na lala o ka oihana  Dute Awa, ke pailata ame ka poe kakaunupepa. a wahi a keia poe i hoike ae ai, ua puikaika maoli no ko lakou kau ana aku iluna no ke kiekie maoli no o keia moku.

            Mamuli o ka waihoia ana aku o kekahi mau ukana i manaoia ai e lawe mai maluna o keia moku ma Kapalakiko, a mamuli hoi o ka paumaia ana o kekahi mau keena wai o keia moku. nolaila he 25.9 kapuai kona komo iloko o ke kai i ka wa i kalewa ae ai mawaho o ke awa, a o keia hoi ka mea nana i hoopio i  na manao uluku no kona komo ole mai iloko nei o ke awa.  Ma ka hookele akamai ia ana e Pailata Macaulay, ua nee mai ua moku la a hiki i ka uwapo Helu 1 o na Amerika a hoopiliia ae malaila.

            No ka nui kiekie o keia moku, ua paakiki loa ka hiki ana ke hoomoe ia aku ke alapii a hiki i kona oneki oluna, e like hoi me ia i maa i na moku e ku mai nei ma keia awa, nolaila ua hoihoiia mai ke alapii a kekahi o kona mau puka ukana a malaila i iho mai @

 

            NU IOKA, May 6,-O ka hapa hea la o ka mokuahi nui Cedric o ka hui mokuahi Hoku Keokeo  e hiki ai ke hoohalikelike aku me ka nui o ka mokuahi hou a ka hui mokuahi Hamburg-Amerika. Ua kauoha ae nei keia hui mokuahi o na Germania e hana ia kekahi mokuahi nona na tona he 35,000. O ko Cedric mau tona he 21,400 wale no.

            Aole loa iloko o ko ke ao holookoa moolelo he wa i ike ia ai ka lele oi loa ana aku o ka hana ia o na moku e hiki ai ke lawe aku i mau tausani ohua ame na ukana ma ka moana Atelanika e like iho la me keia.

            Mamua o ka hanaia ana o ka mokuahi  Cedric, o Geltic oia hui mokuahi no oia ka moku nui, nona hoi na tona he 20,904, a oia no hoi ka leviatana o na kai.  Ua like keia mau tona oi o ka mokuahi Cedric me 500 mau tone hou i houluuluia aku me ko Celtic.  O keia halelana (mokuahi) hou  hoi e hana ia mai ana ua like me 14,000 oi aku mamua o Cedric.

            I ka ninauia ana aku o Emil Boas, ka agena o ka hui Humburg-Amerika e noho nei maanei, i keia la, ina paha ua oiaio na mea i loheia ai e hana aku ana kona hui mokuahi i mokuahi hou e like hoi me na mea i lohe wale ia mai mai Belina mai, ua pane mai la oia me ka hooiaio ana mai:

            "Aole i loaa mai nei ia'u na mea oiaio no keia mea," wahi a Boas, aka ua ike wau o ko makou mokuahi hou e hiki  aku ana kona mau tona i ke 35,000.  He 715 kapuai ana ka loihi o keia moku. e hiki ana hoi ke lawe aku i 1,200 ohua kapena ame 2388 ohua oneki mawaho ae o na ohua papa elua.  O ka nui o kona mau tona ukana e hiki aku ana i ka 14,000 tona.  Ke manaolana loa nei wau e loaa mai ana kekahi mau hoolaio no keia mea iloko o na la pokole.

 

            Ma ka Poalua, la 3 o Mei i konoia mai ai na hoa o ka Ahahui Euanelio e Mrs. Kailianu ke Kahukuia Apana o Kaanapali no ka hui pu ana aku i ka luau i hoomakaukauia no kana moopuna.   Ua luluu na papakaukau me na ono o ke ano mau o na luau a mahope iho  ua haawi manao hoolana mai la o Rev. E. S. Timeteo, J. Nua, J. K. Kamawae ame D. J. Iaea.  Ua maikai na mea apau i malamaia.

 

Nuhou Kuwaho

 

PANI MA KO HANNA MAKALUA.

PHILADELPHIA . Mei 13.- Ua waeia ae o Lunakanawai George Gray i pani ma ko Senatoa Hanna makalua ma ke ano he lunahoomalu no ka Aha Lahui Kivila.

HANA HOOMAINOINO MA BORNEO.

            VICTORIA. B. C. Mei 12, - Ua loaa mai nei na hoike i keia ia no ka pepehi hoomainoino i hanaia ma Beritania  Borneo.  Ua lelekaua aku na kipa me ka heluna mui i ke kahua o na lahui e ma kahi hoolulu o Kwang a pepehi hoomainoino aku la ia 150 poe e noho nei malaila. O kahi i hanaia ai o keia hana hoomainoino he ku maoli no i ka weliweli. ua pepehiia na kane, na wahine ame na keiki

            HAULE O HEARST MA INDIANA.

            INDIANAPOLIS. Mei 12. - Ua wae ae ka Aha Elele Demokarata o keia Mokuaina i noho maanei i keia ia i na elele i ka aha elele lahui i hoopaa ae ia lakou no ka wae ana ia Lunakanawai Parker o Nu Ioka.  O ka rula o ka lokahi o ia kai hooholoia ae.

            PAUAHI MA PORTLAND.

            PORTLAND, Ore., Mei 14.-Ua pau ae i ke ahi na hale o na hui Day Lumber Co., Powers Manufacturing Co.,  ame Multnomath. O ke poho ua hiki aku i ka $250,000.

            REPUBALIKA NO KA POE ILINOI.

SPRINGFIELD, Mei 14.-Ua hookomo ae na Repubalika he umi-kumamalima balota no ke Kiaaina me ka wae mua ole.  O ka Aha Elele ua ala ae na hauwalaau ana.

            HOOPUIPUI KAUA MOANA.

VIENA, Mei 15.-Ua noi ae nei mana kaua moana i $8,000.000 no hana ana i mau moku topito a i $2,000,000 hoi no ka hana ana i mau moku luu.

            AOLE E HOOHALAHALA ANA.

WASINETONA, Mei 15.-Ua kukala ae nei o Lunamakaainana Hearst e kakoo ana oia i ka mea e wae ia ae ana i moho Peresidena.

E HIKI MAI ANA KE KEIKIALII LUIGI.

            KAPALAKIKO, Mei 17.-O ka mokukaua holo mama Liguria o Italia, malalo o ke alakai ana a ke Keikialii Luigi, ua haalele iho nei ia nei no Honolulu.

KA POE KU-E IA HEARST O KALEPONI.

            SANTA CRUZ, Mei 17.-Ua koho ae nei ka poe ku-e ia Hearst ia Frank Gould i lunahoomalu no ka Aha Elele

            CORTELYOU I LUNAHOOMALU.

WASINETONA, Mei 17.-Me he mea la o Kakauolelo Cortelyou oia ana ka lunahoomalu o ka Aha Elele Lahui Repubalika.

KALEPONI NO HEARST

            SANTA CRUZ, Mei 18-Ua hoike ae ke  komite i waihoia aku ai ka olelo hooholo a ka Aha Elele Demokarata e kauoha ole ia aku na elele e koho aku no Hearst.  Ua kiolaia ua hoike komite la e ka aha elele a koha iho e kauohaia na elele ma o na balota he 365 ia 346.  Ua hala he manawa loihi ma na papaleo ana.

            KU-E WISCONSIN IA HEARST

MILWAUKEE, Mei 18.-Ma ke koho ana o na Demokarata iloko o ka Aha Elele Mokuaina ua haule iho o Hearst a ua kakooia aku o Edward Wall i mono Peresidena.

            HAULE HOU NO HEARST.

GREAT FALLS, Mount., Mei 18.-Ua aule ko Hearst aoao iloko o ka Aha Elele Mokuaina a e hele aku ana na elele me ke kauoha ole ia o ka lakou noho e wae aku ai.

            EI AKU KA MOIWAHINE LILIUOKALANI.     KAPALAKIKO, Mei 17.- Ua hoea mai nei i keia la ka Moiwahine Liliuokalani ame ka Elele Kuhio mai Sana Lui mai.  Ua manao ka Moiwahine e hoi aku no Honolulu maluna o ka mokuahi Sonoma e haalele iho ana ianei ma ka la 26 o keia mahina.

 

AOHE POE MAKEMAKE I

KA HOTELE WAIKIKI.

 

            Ma ka manawa i kudalaia ai ka hoolimalima o ka Hokele Waikiki ame kona mau pono e Lunakudala Fisher i ka Poakahi nei aole he mea i koho ae i ua wawai la no ke koho aole e emi iho i ka $3,000, ka haawina hoi i hoopaaia malalo o ka paniku moraki.

            O ka ukuhoolimalima no ka makahiki e uku ai ma ka la mua o keia mahina ua hooemiia mai i ka akahi haneri me kanalima dala no ka mahina hookahi a mahope aku e pii hou ae no i ka elua haneri dala.

            Ua hoopanee hou ia ke kuai kudala ana o keia hokele a ka hora 11 a. m. o keia Poaono oia ka la apopo iwaho o Waikiki kahi no o ua hokele la e ku la.

            Aole keia o ka waiwai wale no i kudalaia i keia la i kudalaia ai ka hokele Waikiki aka he mau apana aina e waiho la i Kaimuki a aole no i koho ae kekahi mea, a no keia kumu hookahi no i hoopaneeia ai ke kuai kudala ana o keia mau apana aina no hookahi pule.

 

O KE

Koko Ino ka mea e

loaa ai na Pilikia

ma ke Kino

 

E Heluhelu i keia mau Manao.

O KA LAUU

AYER'S SARSAPARILLA

-KA

laau nana e hookaawale na ma'i ino  mai kou koko aku.  He laau hoonoono ai, a he laau e hooikaika ana i kou mau laia apau.  O ka Laau Ayer's Sarsaparilla ka laau kauiana loa a puni ke ao holookoa.  Ina e hoomau ia ka lawelawe ana i keia laau e loaa ana ka ke ola kino maikai a me ke koko maemae, hoi hou mai ka ula o kou mau lehelehe, pu'ipu'i maikai kou mau papalina, a loaa ke kulana ola kino maikai.

            He loaa na pu'u paa o ke kino i ka laau Ayer's Sarsaparilla, e hoopakele ana mai ka ma'i puu paa (Brights Disease) ame na ma'i oia ano.  Ke koi ikaika aku nei makou e lawe ia keia ano laau ma kahi i ike ia na ma'i Puu paa apau.

            Hoomakaukau ia e Kauka J. C. Ayers & Company, Lowell, Mass. U.S.A. E loaa no keia mau Huaale ma na hale kuai laau apau.

 

LAAUILINONABEBE

A Kona Paa ame Kana Lauaha kekahi mea

ana nui lea a na Makuahine e noonoo nui ai

 

            UA HANAUIA KELA A ME KEIA KEIKI ILOKO O KA HONUA NEI me ke ewe o na mai lehulehu e ulu mai ana iloko o ka ili, ke poo a e lilo ana hoi ke koko ia wa i mea nui loa no ka panee ana i keia popilikia. a pela liilo ai ia i mea nui loa e hookaumaha mau ai i ka noonoo o keia a me keia mea i hoohia i ka nali ana a na ma'i lehulehu.  Aole keia mea i hookaumaha ia ma kekahi ano e ae, aka, mamuli no o ka hoopalalehaia ana e ka mea i kupono e malama a makaala i keia poino.  Nolaila ua lili i kumuhana na kela ame keia makuahine maikai e makaala mau ai i ka lakou mau keiki e loohia ana i na popilikia lehulehu e ulu mai ana mamuli o ke koko ino, e hookamaaina mau lakou me na mea a pa ue hiki a ke pala aku i keia mau popilikia lehulehu, i mea hoi e loaa ai ke ola maikai, malalo o na lapaau noeau ana me ka hikiwawe a me ke oia loa no hoi.

            Ua olelo ia o k aauau me ka wai pu mehana a me ke KOPA CUTIKURA  no ka hoomaemae ana i ka ili no ka papaa i ka lepo a me kahi mau ino e ae, a pela hoi no ka unahi-pii, a pela hoi, ina ka e kapili  malie i ka Aila Hamo CUTIKURA  no ka hooki koke ana i ka maneo o ka ili. ka eeke ano manene o ka ili ame ka pehu. a pela hoi no ka hoomalielie ana i ka hu'i a me ka hooia ana i na palapu. a mahope aku oia wa. ina ka e inu i ka Laau Hoohainu CUTIKURA. oia wale ae la no ka na mea a pau e hana ai no ka pale ana aku i keia mau kinaunau o na keiki liilii i na wa apau e hoomaka mai ai, a ina no ua loaa mua, ne mea pau wale no ia i keia mau laau ae la, ke malama pono ia na kuhikuhi. Ma keia hana ana pela. e loaa ai i na makuahine hoomanawanui ka maha a me k oluolu o ka naau. a he mea no hoi ia no lakou e hookaumaha ole ia ai i na wa a pau .  Ua hooiaia keia mau haawina pomaikai ma na home lehulehu a puni ka aina.

            Mamuli o ka momona, ka maemae. ame ka hikiwawe o ke oia  o keia laau. i makemake nui ia ai e na lahui kanaka a pau i hoao a ikemaka i kona waiwai nui ma ke ano hoola. a pela no hoi i hilinai nui ia ai kona waiwai no ka hoopakele ana i ka luhi a me ke kaumaha o na makua lehulehu ma na wahi a pau, a pela no i malama nui ia ai maloko o na home.

            HE HOOLA MAOPOPO NO NA MA'I MALOKO A MAWAHO O KE KINO

 

            Oia hoi ke KOPA CUTICURA o hoomaemae ai i ka ili a me ke kepia o ke poo a hoowaliwali i ka alualu, o ka AILA CUTICURA HAMO no ka hoopau koke i ka maneo a hooluolu a hooia, a me ke CUTICURA RESOLVENT no ka hooluolu a hoomamae'ana i ke koko.  Ke kuaiia nei ma na wahi a pau o ka honua nei.  Keena Kuai ma Auseteralia, R. Towns & Co., Sydney, N. S. W.  Keena ma Aferika Hema, Lamron Ltd., Cape Town.  "I loaa ai ka ili pahee maikai, ka lauoho a me na lima."

 POTTER DRUG AND CHEM. COMP., Boston, U. S. A., na Ona o na laau CUTICURA a pau loa.

 

HOOLAHA I KA POE HAHAI HOLO-

HOLONA, KAAHELE KUAHIWI, etc.

 

            KE HOOLIMALIMA AKU NEI A KUAI AKU HOI MAKOU I NA HALELOLE, PALULU LA, NA LAKO NO KE KAAHELE KUAHIWI ANA,  NA LAKO HAHAI HOLOHOLONA AME NA LAKO LAWAIA.

            NA AHAMAKA, NA NOHO KAAHELE, AME NA NOHO KULE, NA PU AME NA POKA.

 

PEARSON & POTTER CO.,

LIMITED

931 ALANUI PAPU.

 

HUI HOOLEWA HONOLULU

 

            Ke hooiaio nei keia hui i kana mau hana kokua i kona mau lala. I keia wa ua oi mamua o 1300 lala, a ke pii mau nei i kela ame keia la.

            JOHN H. TOWNSEND,                    Kakauolelo.

 

FIDELITY FUNDING CO.

KUKULUIA MALUNA O KE KANA-

WAI O KALEPONI

            E ninau ae i ka BANAKO WESTERN NATIONAL o Kapalakiko.

            O keia ka hui mua loa o Amerika i hoapono ia malalo o na Kanawai o 1903 o keia Teritori e uku ana $200 ma na ukukomo, hookahi dala i kela ame keia pule no 100 pule. a e hoihoi aku ana ia oe he $150.00 mahope o ia manawa.  100 pule, ua like ia me 4 pule emi mai malalo o 2 makahiki.

            E ike ae i kona mau agena, a i ole e kakau ae ia

            R. D. HIGHTOWER.

            Agena nui ma Hawaii nei.

            41 ame 42 Young Block, Honolulu.

 

E HELE MAI A E IKE I NA MEA PILI I KA.

 

Ahahui Kanukupapau

O AMERIKA

 

Ka Maikai Ka Pono Ka Haahaa

 

E LOAA NO I NA LALA O KA AHAHUI

HE $100.00 LILO HOOLEWA INA IA E MAKE.

 

H.H. WILLIAMS

Mea Lawekupapau

LOVE BUILDING ALANUI PAPU

 

Ke Hamama nei ka Home o na I'a Ola

-I KEIA MANAWA MA-

Kapiolani Paka.

 

            E WEHE HAMAMA IA ANA KA HOME O NA I'A ma na la apau o ka pule mai ka hora 10 a. m. a hiki i ka hora 5 p. m., a mai ka hora 7 a hiki i ka hora 9:30 p. m.

            Ma na La Sabati e wehe ia ana ma ka hora 1 p. m.

 

            E WEHE HAMAMA IA ANA ma na Poaha apau me ka AUHAU OLE.  Ma na la e ae e auhau ia no he 10 keneta no na kanakamakua a he 5 keneta hoi no na keiki malalo mai o umi-kumamaha makahiki.

            O ka hoea ana mai nei no ia o na kopa auau hou loa ame na waiaia. a pela no hoi na wehi o na wahine o ke ano hou loa.

            O na Papale-e kipa mua mai oe ianei mamua o ka hele ana i  na halekuai pipii ino loa o na kumukuai.  E hoao ma ka ikmaka ana.

 

FUKURODA

 

HELU 28-32----Alanui Hotele

 

Laau Kuno "Aeko"

 

Aohe hoopilikia, aka he maikai a hoola no na kunu, anu, naenae ha-no puu eha, kunu kalea ame na ano ma'i e ae o ua akemama ame ka puu.

 

Kuhikuhi Lapaau

No ka poe oo, 2 Puna ti piha: kamalii 10 a 15 makahiki, hapa puna ti: malalo o 5 makahiki, akahihapakolu puna ti, 6 a 7 inu ana o ka la.  Hoomakaukauia e ka

 

Makino Drug Co.

Kihi o Alanui Hotele me Muliwai

Honolulu. T. H.

 

GOO KIM

[KUKIMA]

 

KIHI ON A ALANUI NUUANU ME HOTELE

 

            Na Waiwai  Lole Hou, na Waiwai Makamae, ame na Lole mauu etc. Ke kuaiia nei me ke kumukaui haahaa loa

 

            KE ANO E HIKI AI KE KAUPALE AKU I NA POINO.-O keia  ka manawa kupono nou e hoolako ai ia oe iho ame kou ohana me kekahi omole o ka loaa Chamberlain's Colie, Cholera and Diarhoea.  He mea maopopo e makemake ia ana keia laau mamua o ka hala ana o keia kau wela, a ina paha oe e ku koke ana i keia manawa a hoea mai ka manawa e loaa ai na haawina nawaliwali. e maalahi ana oe a e hoolilo ole ia ana kou manawa i ka holo ana mai i ke taona e kii al. i ka po a i ole kou manawa paha e paa loa ana i kau hana.  Ua hoikeia mai na wahi apau o keia ka laau oi loa o ka holomua no na ma'i o ka opu. a he maikai like no hoi i na keiki ame ka poe i oo.  Aole he ohana e hoopaialeha wale a hoonele hoi iaia iho me keia ano laau. Ke kuai ia nei ma na halekuai  lapaau apau.  Benson Smith & Co., Ltd., na Agena ma Hawaii nei.