Ka Nupepa Kuokoa, Volume XLIII, Number 19, 12 May 1905 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, POALIMA, MEI 12, 1905.

 

MA KEKAUOHA.

KUAHAUA KOHO BALOTA KALANA.

 

            OIAI KE KANAWAI 39 o ke Kau Mau o ka 1905 o ka Ahaolelo o ke Teritori o Hawaii, e kauoha ana e malama ia he Koho Balota ma ka la Iwakalua o Iune, A. D. Umikumamaiwa Haneri me Elima no ke Koho Balota mua loa i na Luna Oihana o ke Kalana, a e Kauoha ana e Kuahaua aku ke Kiaaina mahope koke iho o ka holo ana ame ke Apono ia ana o ke Kanawai i olelo ia;

            I KEIA WA A NO IA KUMU i kulike ai me ia; owau George R. Carter, Kiaaina o ke Teritori o Hawaii, ma keia ke haawi ia aku nei ke Kauoha he Koho Balota Kuikawa no na Luna Oihana o na Kalana like ole o ke Teritori o Hawaii, e malama ia aku ana i ka Poalua, la 20 o Iune, A. D. 1905, mawaena o ka hora 8 a. m. ame ka hora 5 p. m. iloko o kela ame keia Kalana a puni ke Teritori, koe ke Kalana o Kalawao, i komo pu o Kalaupapa, Kalawao, ame Waikolu ma ka Mokupuni o Molokai.

 

NA KALANA.

 

            1.         KA MOKUPUNI OAHU a me na Mokupuni e ae apau o ke Teritori i komo ole iloko o kekahi Kalana aku, ame na kai e hoopuni ana ia lakou, me keia, ke hooliloia nei ke Kalana Oahu, me kona Kahua Poo Oihana Aupuni ma Honolulu.

            2.         KA MOKUPUNI O HAWAII ame na Mokupuni e ae a e moe ana maloko o ekolu mile a-na moana mai ko lakou kapakai aku, ame na kai e hoopuni ana ia lakou, ma keia ke hooliloia nei ke Kalana o Hawaii, me kona Kahua Hale Poo Oihana Aupuni ma Hilo. 

            3.         KA MOKUPUNI O MAUI, Molokai, Lanai ame Kahoolawe a me na Mokupuni e ae apau, e moe ana maloko o ekolu mile a-na moana mai ko lakou kapakai aku, a me na kai e hoopuni ana ia lakou, koe nae kela Mahele o ka Mokupuni o Molokai i kapaia o Kalaupapa, Kalawao ame Waikolu a i hoomaopopoia hoi o ke Kahua Ma'i Lepera, ma keia ke hooliloia nei Kalana o Maui, me kona Hale Poo Oihana Aupuni ma Wailuku.

            4.         NA MOKUPUNI O KAUAI ame Niihau ame na Mokupuni e ae apau e moe ana maloke o ekolu mile a-na moana mai ko lakou kapakai aku, ame na kai e hoopuni ana ia lakou, ma keia ke hooliloia nei ke Kalana o Kauai me kona Kahua Hale Poo Oihana Aupuni ma Lihue.

 

NA LUNA AUPUNI OIHANA KALANA.

 

Na Luna Aupuni Oihana Kalana e Koho ia aku ai.

 

KE KALANA OAHU.

 

            EHIKU HOA a ka Papa Luna Kiai, ekolu e koho ia ana mai ka Apana ae o Honolulu; 1 mai ka Apana mai o Ewa; 1 mai ka Apana mai o Waianae me Waialua; 1 mai ka Apana mai o Koolauloa me Koolaupoko; 1 Moho Holo Laula.

            LUNA MAKAI NUI a ma o kana Oihana la, (ex-officio) oia no hoi ka LUNA KOLONERO; KAKAUOLELO o ke KALANA a ma o kana Oihana la, (ex-officio) oia no ka LUNA KAKAU KOPE NUI, a Kakauolelo hoi no ka PAPA LUNA KIAI; LUNA HOOIA NUI: LUNA HELU A OHI AUHAU NUI: LOIO O KE KALANA ame ka PUUKU, a lakou apau e koho ia no lakou e ka poe kupono i ke koho Balota o ke Kalana.

            HOPE MAKAI NUI, ame ka HOPE LUNA HELU a OHI AUHAU, e koho Balota ia no lakou e na poe i kupono i ke koho Balota o kela ame keia Apana pakani.

 

KE KALANA O HAWAII

 

            EHIKU HOA o ka Papa Luna Kiai.  Hookahi o lakou e Koho Balota ia mai ka Apana ae o Kohala Akau ame Kohala Hema.  1, mai ka Apana ae o Kona Akau ame Kona Hema.  1, mai ka Apana mai o Kau.  1, mai ka Apana ae o Puna.  1, mai ka Apana ae o Hamakua.  2, mai ka Apana ae o Hilo Akau ame Hilo Hema.

            NA LUNA MAKAI NUI a ma o kana Oihana la (ex-officio) oia no hoi ka LUNA KOLONERO; KAKAUOLELO NUI o ke KALANA a ma o kana Oihana la (ex-officio) oia no ke Kakauolelo o ka Papa Luna Kiai: ka Luna Hooia: ka Luna Helu a Ohi Auhau: ka Loio o ke Kalana; ka Puuku; o lakou apau e koho ia no lakou e na poe kupono i ke koho Balota o ke Kalana.

            HOPE MAKAI NUI ame ka Hope Luna Helu a Ohi Auhau, e koho Balota ia no lakou e na poe i kupono i ke koho Balota o kela ame keia Apana pakahi.

 

            KE KALANA O MAUI.

 

            ELIMA HOA o ka Papa Luna Kiai.  Hookahi mai kela ame keia Apana pakahi o na Apana Elima o Lahaina, Wailuku, Hana, Makawao ame Molokai, koe ke kahua Ma'i Lepera.

            LUNA MAKAI NUI a ma o kana Oihana la (ex-officio) oia no ka Luna Kolonero; Kakauolelo o ke Kalana a ma o kana Oihana la (ex-officio) oia no ke Kakauolelo o ka Papa Luna Kiai; ka Luna Hooia; ka Luna Helu a Ohi Auhau: Loio o ke Kalana ame ka Puuku; o lakou apau e koho ia no lakou e na poe kupono i ke koho Balota o ke Kalana.

            HOPE MAKAI NUI ame ka Hope Luna Helu a Ohi Auhau e koho balota ia no lakou e na poe i kupono i ke koho balota o kela ame keia Apana pakahi.

 

            KE KALANA O KAUAI.

 

            ELIMA HOA o ka Papa Luna Kiai.  Hookahi mai kela ame keia Apana pakahi o na Apana Elima o Waimea, Koloa, Lihue, Kawaihau ame Hanalei.

            LUNA MAKAI NUI a ma o kana Oihana la (ex-officio) oia no ka Luna Kolonero; Kakauolelo o ke Kalana a ma kana Oihana la (ex-officio) oia no ke Kakauolelo o ka Papa Luna Kiai; ka Luna Hooia; ka Luna Helu a Ohi Auhau; Loio o ke Kalana ame ka Puuku; o lakou apau e koho ia no lakou e na poe apau i kupono i ke koho balota o ke Kalana. 

            HOPE MAKAI NUI ame ka Hope Luna Helu a Ohi Auhau e koho balota ia no lakou e na poe i kupono i ke koho balota o kela ame keia Apana pakahi.

 

            PAPA HOOPAA INOA MAHELE KOHO.

 

            O ka Papa Hoopaa Inoa o na Mahele koho oia keia malalo iho:

 

APANA KOHO LUNAMAKAAINANA EKAHI.

 

Puna, Hilo ame Hamakua, Mokupuni o Hawaii.

 

            MAHELE EKAHI - O kela hapa o Puna e waiho la ma ka hema o Keaau a mai ka palena hikina o Kau a hiki i ka palena hikina o Kamaili, e holo ana ma ia palena a hiki i ka palena komohana o na aina hookuonoono o Kaohe ame ka laina e moe pololei ana a hiki i ka palena o Keaau.

            Waiho Koho-Hale Kula o Kalapana.

            MAHELE ELUA- Na aina o Keaau ame Olaa.

            Wahi Koho - Ma ka Halelio o ka Papa Alanui; 11 3/4 mile Alanui Kaluaopele.

            MAHELE EKOLU - O kela wahi o Hilo e moe ana mawaena o ke Alanui ame ke Alaloa o Puna me Ponahawai ame ka laina e moe pololei ana a hiki iloko o ke kai.

            Wahi Koho - Hale waiho ukana o Davies & Co., huina o na Alanui o Waiakaea ame Kalepolepo.

            MAHELE EHA - O kela wahi o Hilo e moe ana mawaena o ka Mahele Ekolu ame ke kahawai o Honolii.

            Wahi Koho - Hale Hookolokolo Kaapuni ma Hilo.

            MAHELE ELIMA - O kela wahi o Hilo e moe ana mawaena o ke kahawai o Honolii ame ka aina o Makahanaloa.

            Wahi Koho - Hale Kula o Papaikou.

            MAHELE EONO - O kela wahi o Hilo e moe ana mawaena o ka Mahele Elima ame ke kumu o ke Kahawai o Waikaumalo.

            Wahi Koho - Hale Kula ma Honomu.

            MAHELE EHIKU - O kela wahi o ka Apana Koho Ekahi e moe ana mawaena o ka Mahele Eono ame ka palena o Hamakua, komo pu me ka aina o Humuula.

            Wahi Koho - Hale Hookolokolo ma Laupahoehoe.

            MAHELE EWALU - O kela wahi o ka Apana Koho Ekahi e moe ana mawaena o ka Mahele Ehiku ame na aina o Kalopa.

            Wahi Koho - Hale Kula o Kaohe.

            MAHELE EIWA - O kela wahi o ka Apana Koho Ekahi e moe ana mawaena o ka Mahele Ewalu ame ke kumu o ke Kahawai o Malanahae.

            Wahi Koho - Hale Hookolokolo o Honokaa.

            MAHELE UMI - O kela wahi o ka Apana Koho Ekahi e moe ana mawaena o ka Mahele Eiwa ame ka Apana o Kohala.

            Wahi Koho - Hale Kula o Kukuihaele.

            MAHELE UMIKUMAMAKAHI - O kela hapa i koe o Puna e moe ana ma ka hema o ka Mahele Elua ame ke aoao hikina o ka Mahele Ekahi.

            Wahi Koho - Ma ka hale hoahu o na pono holoholona o ka aina hanai holoholona ma Kapoho.

 

            APANA KOHO LUNAMAKAAINANA ELUA.

           

Kohala, Kona ame Kau, Mokupuni o Hawaii.

 

            MAHELE EKAHI - Kohala Akau.

            Wahi Koho - Hale Hookolokolo Kaapuni.

            MAHELE ELUA - Kohala Hema.

            Wahi Koho - Hale Hookolokolo o Waimea.

            MAHELE EKOLU - O kela wahi o Kona Akau e moe ana ma ka akau o ka aoao akau o ka palena o Holualoa a e holo ana ma ke kihi akau o Holualoa a hiki i ke kihi hema o Punanahulu.

            Wahi Koho -  Hale Hookolokolo Kaapuni ma Kailua.

            MAHELE EHA - O kela wahi o ka Apana Koho Elua e hoomaka mai ka Mahele Ekolu.  Hamakua, Kau, na palena hikina o Kealia 1, Kiilae, Keokea ame Honaunau, ka palena akau o Honaunau ame ke kai.

            Wahi Koho - Hale Kula o Kona-waena.

            MAHELE ELIMA - O kela wahi o Kona Hema e moe ana mawaena o Keei 2, ame Olelomoana 1.

            Wahi Koho - Hale Hookolokolo o Hookena.

            MAHELE EONO - O kela wahi o Kona Hema e moe ana mawaena o ka Mahele Elima ame Kau.

            Wahi Koho - Hale Kula o Papa.

            MAHELE EHIKU - O  kela wahi o Kau e moe ana mawaena o Kona Hema ame Punaluu.

            Wahi Koho - Hale Hookolokolo o Waiohinu.

            MAHELE EWALU - O kela wahi apau i koe iho o Kau.

            Wahi Koho - Hale Kula o Pahala.

           

APANA KOHO LUNAMAKAAINANA EKOLU

 

Na Mokupuni o Maui, Molokai, Lanai ame Kahoolawe.

 

            MAHELE ELUA -  O kela wahi o Molokai e hoomaka ana ma ka hikina mai Honouliwai me Halawa, a ma ke komohana mai Kawela ame ka Mahele Ekahi.

            Wahi Koho - Hale Hookolokolo o Pukoo.

            MAHELE EKOLU - O kela wahi o Maui Komohana e moe ana mawaena o na aina o Waikapu iloko o ka Apana o Wakiluku ame na aina o Honokowai iloko o ka Apana o Kaanapali.

            Wahi Koho - Hale Hookolokolo Kaapuni ma Lahaina.

            MAHELE EHA - O kela wahi o Maui Komohana e moe ana mawaena o na aina o Hanakaoo me Waihee, i ikeia o Kaanapali.

            Wahi Koho - Hale Kula o Honokahau.

            MAHELE ELIMA - Mokupuni o Lanai.

            Wahi Koho - Halekuai o Kahalepalaoa.

            MAHELE EONO - O kela wahi o ka Apana o Wailuku e moe ana ma ka hema o ke kahawai o Wailuku a ma ke komohana o ka laina e holo ana mai ka nuku o ke kahawai o Wailuku holo hema ma na puu one a hiki i ke Kaikuono o Maalaea e komo pu ana me ka Mokupuni o Kahoolawe.

            Wahi Koho - Hale Hookolokolo Kaapuni ma Wailuku.

            MAHELE EHIKU - O kela wahi o ka Apana o Waluku e hoomaka ana mai ka Mahele Eono, ke kai, na aina o Pulehunui, Kalialinui, Kailua, Hokuula ame Hamakuapoko me ke kai.

            Wahi Koho - Keena Waiho Kopaa ma ka Halewili o Puunene.

            MAHELE EWALU- O kela wahi apau o Kula ma Maui Hikina e moe ana ma ke komohana o ka laina e holo ana mai Honuaula a hiki i ka palena akau o Pulehunui ma ka laina o na puu elua, Puu o Kali ame Puu o Koha.

            Wahi Koho - Halemai ma Kihei.

            MAHELE EIWA - O kela wahi i koe iho o Kula ame kela hapa o Hamakuapoko e moe ana ma komohana-hema o kea awawa o Maliko a mauka o ke alanui e holo ana mai Kaluanui a hiki i ka halepaahao o Makawao ame laina e moe pololei ana malaila.

            Wahi Koho - Halekula o Kealahou.

            MAHELE UMI - O kela wahi i koe iho o Hamakuapoko ame kela hapa o Hamakualoa e moe ana ma ke komohana o ke kahawai o Halehaku.

            Wahi Koho - Halewili o Hamakuapoko.

            MAHELE UMIKUMAMAKAHI - O kela wahi o Maui Hikina e moe ana mawaena o na kahawai o Halehaku ame Oopuola.

            Wahi Koho - Halekula o Huelo.

            MAHELE UMIKUMAMALUA - O kela wahi o Maui Hikina e moe ana mawaena o na kahawai o Oopuola ame Kaupaula.

            Wahi Koho - Halekula o Keanae.

            MAHELE UMIKUMAMAKOLU - O ka Apana o Hana e moe ana mawaena o na Apana o Koolau ame Kipahulu.

            Wahi Koho - Hale Hookolokolo o Hana.

            MAHELE UMIKUMAMAHA - Apana o Kipahulu.

            Wahi Koho - Halekula o Kipahulu.

            MAHELE UMIKUMAMALIMA - O kela wahi o Maui Hikina e moe ana ma ke komohana o ka Apana o Kaupo a ma ka hema o na Mahele 8 me 9.

            Wahi Koho - Hale Hookolokolo o Honuaula.

            MAHELE UMIKUMAMAONO - Kela aoao komohana o Molokai e moe ana ma ke komohana o ka Mahele 2 ame ka aoao hema o ka Mahele 1.

            Wahi Koho - Halekula a Kaunakakai.

            MAHELE UMIKUMAMAHIKU - O kela wahi o Molokai e moe ana ma ka hikina o ka Mahele Elua.

            Wahi Koho - Halekula o Halawa.

            MAHELE UMIKUMAMAWALU - O kela wahi o ka Apana o Wailuku e moe ana mawaena o ke kahawai o Wailuku ame ka Mahele Eha.

            Wahi Koho - Halekula o Waihee.

            MAHELE UMIKUMAMAIWA - O kela wahi o ka Apana o Koolau e moe ana mawaena o na Mahele Umikumamalua me Umikumamakolu.

            Wahi Koho - Halekula o Nahiku.

            MAHELE IWAKALUA - O kela wahi o Maui Hikina i ikeia o Apana o Kaupo.

            Wahi Koho - Halekula o Kaupo.

                       

APANA KOHO LUNAMAKAAINANA EHA.

                       

            O kela wahi apau o ka Mokupuni o Oahu e moe ana ma ka aoao hikina ame hema o Alanui Nuuanu, ame ka laina e holo pololei ana mai ka Pali o Nuuanu a hiki i ka Lae o Mokapu.

            MAHELE EKAHI - O kela wahi apau o ka apana i oleloia e moe ana ma ka hema o Alanui Moi ame ke Alanui o Waialae, a mawaena o ka laina e holo ana mai ke kihi o na Alanui Moi me Punahou a hiki i ke alahaka loihi o Ala Moana (Beach Road) ame ke Alanui Waiale ma ka aoao hikina o na Aina o Kaimuki e holo pololei ana a hiki i kahakai.

            Wahi Koho - Ma kahi kokoe i ka palena pau o Alanui Punahou.

            MAHELE ELUA - O kela wahi apau o ka Apana i oleloia e hoomaka ana e like me na hoakaka mahope ae nei:

            E hoomaka ana ma ka huina o ke Alanui Sheridan ame Ala Moana a e holo ana ma Alanui Sherican, kahi i oki ia aku o Alanui Piikoi ame ke Alanui Piikoi a e holo ana ma ka palena komohana o ka pa o Lunalilo Home a hiki i ke kihi hema o ka aina o Kalawahine, a e holo ana ma ka palena hikina o Kalawahine a hiki i ka hui ana me ka oioina komohana o ke Awawa o Manoa alaila holo ma ka aoao komohana o ka oioina o ke Awawa o Manoa a hiki i ka huina o ke Alanui Manoa ame Punahou; alaila mai Alanui Punahou a hiki i ke Alanui Moi a e holo ana ma ka palena komohana o ka Mahele Ekahi a hiki i kahakai.

            Wahi Koho - Ma ke kihi o na Alanui Keeaumoku me Waila.

            MAHELE EKOU - O kela wahi apau o ka Apana i oleloia e hoomaka ana e like me ia i hoakakaia mahope ae nei:

            E hoomaka ana mai ka pahu hae kahiko o luna o Puuowaina a hiki i ke alanui Nuuanu a holo a hiki i ka Pali o Nuuanu, alaila holo hikina-hema o ka palena o Koolaupoko - Kona a hiki i Konahuanui, alaila holo ma ka palena komohana o ke Awawa o Manoa a hiki i ke kihi akau o ka Mahele Elua, holo ma ka palena komohana o ka Mahele Elua a iho makai o ke kiekiena mawaena o Auwaiolimu ame Kewalo a hiki i kahi i hoomaka ai.

            Wahi Koho - Ma ke Alanui Kiekiena Pakipika ame ke alanui Nuuanu.

MAHELE EHA - O kela wahi apau o ka apana i oleloia e hoomaka ana mai ka Mahele Ekolu ma alanui Nuuanu, Vineyard, Emma, Beretatnia ame Alapai, ame ka laina e moe ana o ke alanui Alapai a hiki kahi e a e ana ma ke kihi hikina-hema o ka Mahele Ekolu.

            Wahi Koho - Emma Kuea.

            MAHELE ELIMA - O kela wahi apau o ka Apana i oleloia e hoomaka ana mai na alanui Mililani, Moi, Puowaina, Beritania, Alapai, Moi ame Hema ame ke Alowai.

            Wahi  Koho - Kapuaiwa Hale.

            MAHELE EONO - O kela wahi apau o ka Apana i oleloia e hoomaka ana mai na alanui Mililani, Moi, Puowaina, Beritania, Emma, Vineyard, Nuuanu ame ke Alowai.

            Wahi Koho - Ma kahi kokoke i ke Kahua Oihana Kinaiahi, kihi o na alanui Beritania me Papu.

            MAHELE EHIKU - O kela wahi apau o ka Apana i oleloia e waiho ana mawaho aku o ka Apana o Honolulu.

            Wahi Koho - Hale Kula o Waimanalo.

            MAHELE EWALU - O kela wahi apau o ka Apana i oleloia e waiho ana ma ka aoao akau o ke alanui Moi, a mawaena o ka Mahele Elua me Ekolu, ame ka Mahele Eha me Elima.

            Wahi Koho - Kamaki Kuea.

            MAHELE EIWA - O kela wahi apau o ka Apana o Honolulu e hoomaka ana mai ka Mahele Elua, alanui Moi me Hema ame ke kai.

            Wahi Koho - Kihi o na alanui Hema me Kawaiahao.

            MAHELE UMI - O kela wahi apau o ka Apana o Honolulu e hoomaka ana mai ka Mahele Ekahi, Elua, Ekolu ame Ehiku. 

            Wahi Koho - Kihi o na alanui Moi me Alekanedero. 

 

APANA KOHO LUNAMAKAINANA ELIMA.

 

            O kela wahi apau o ka Mokupuni o Oahu e waiho ana ma ke komohana ame ka akau o ke Alanui Nuuanu ame ka laina e holo pololei ana mai ka pali o Nuuanu a hiki i ka Lae o Mokapu.

            MAHELE EKAHI - O kela wahi apau o Apana Hookolokolo ame kahi Ohi Auhau o Koolaupoko e waiho ana ma ke komohana ame ka akau o ka laina e holo pololei ana mai ka Pali o Nuuanu a hiki i ka Lae o Mokapu.

            Wahi Koho - Hale Hookolokolo o Kaneohe.

            MAHELE ELUA - Ka Apana Hookolokolo ame Ohi Auhau o Koolauloa.

            Wahi Koho - Hale Hookolokolo o Koolauloa.

            MAHELE EKOLU - O ka Apana Hookolokolo me Ohi Auhau o Waialua.

            Wahi Koho - Hale Hookolokolo o Waialua.

            MAHELE EHA - Ka Apana Hookolokolo me Ohi Auhau Waianae.

            Wahi Koho - Hale Hookolokolo o Waianae.

            MAHELE ELIMA - O kela wahi apau o ka Apana Hookolokolo ame Ohi Auhau o Ewa, oia na aina o Hoaeae ame Honouliuli.

            Wahi Koho - Hale Pohai o Ewa.

            MAHELE EONO - O kela wahi i koe iho apau o ka Apana Hookolokolo ame Ohi Auhau o Ewa.

            Wahi Koho - Hale Hookolokolo o Ewa.

            MAHELE EHIKU - O kela wahi apau o Honolulu a i ole o Kona e waiho ana makai o ke Alanui Moi, a mawaena o ka mahele eono ame kealanui Halepule o Kapalama ame ka aoao hema o ke Alahao Oahu, e holo ana malaila a hiki i ke poo e kokoke ana i ke kai ame kela wahi apau o ka Apana i oleloia e waiho ana mauka @ a e holo komohana-akau a hiki i ka huina o na alanui Kula me Ema a holo ana ma alanui Kula ke Alanui Moi mawaena o ka mahele eono ame ka palena mawaena o Kalihi ame Kahauiki.

            Wahi Koho - Kahi Paumawai o Kalihi.

            MAHELE EWALU - O kela wahi apau o Honolulu a i ole Kona e waiho ana mauka o ke alanui Moi mae ke alanui aupuni aku @ ke Awaawa o Kalihi a hiki i ke alanui Liliha a ma ka laina mai ke poo e moe la o ke alanui Kauka mai, a e holo ana ma ka pali a hui me ka aoao komohana o ke Awaawa o Nuuanu. 

            Wahi Koho - Mauka o ke Kula o Kaiulani, Alanui Moi.

            MAHELE EIWA - O kela wahi apau o Honolulu a i ole Kona e waiho la mawaena o ka Mahele Ewalu ame ke alanui Nuuanu a mauka o ka laina e moe ana ma ke alanui Kula, ke kahawai o Nuuanu ame ke alanui Beritania.

            Wahi Koho - Ma ka huina o na alanui Kuakini me Nuuanu.

            MAHELE UMI - O kela wahi apau o Honolulu a i ole Kona e hoomaka ana mai ke alanui Nuuanu a na Mahele Eiwa, Ewalu me Ehiku ame ke Alowai.

            Wahi Koho - Ma Aala Paka.

            MAHELE UMIKUMAMAKAHI - O kela wahi apau o Honolulu a i ole Kona e wah@ ana mauka o ke alanui Moi a mawaena o na Mahele Ehiku me @@alu.

            Wahi Koho - Alanui @@@ka.  mauka o ke Kula o Ka@@@@ @@a.

 

            APANA KOHO LUNAMAKAAINANA EONO.

 

Mokupuni o Kauai ame Niihau.

            MAHELE EKAHI - Ka Mokupuni o Niihau.

            Wahi Koho - Ma ka hale@@@o Niihau.

            MAHELE ELUA - O kela wahi o ka Apana o Kona e waiho ana mawaena o na Pali ame ka@@e hoomaka ana mawaena o na wahikoo Kekaha me Waimea ame ka laina e moe ana ma ke kae p@@@ma ka aoao komohana o ke Awawa o Waimea.

            Wahi Koho - Halekula Kekaha.

            MAHELE EKOLU - O kela wahi apau o ka Apana o K@na e waiho la mawaena o ka Mahele Elua ame ka aina o Hanapepe.

            Wahi Koho - Hale Ho@@@kolo o Waimea.

            MAHELE EHA - Mai a e komo pu ana o Kalaheo a hiki me ke komo pu ana o Hanapepe.

            Wahi koho - Hale Kula o Hanapepe.

            MAHELE ELIMA - O kela wahi apau o ka Apana o K@na e waiho la ma ka aoao hikina @ ka aina o Kalaheo.

            Wahi Koho - Hale Hookolokolo o Koloa.

            MAHELE EONO - O ka Apana apau o Puna e holo ana ma na aina o Wailua a hiki me ke komo pu ana me na aina o Kipu.

            Wahi Koho - Hale Hookolokolo o Lihue.

            MAHELE EHIKU - O kela wahi apau o ka Apana o Puna @ holo ana mai ka aina o Papaa a hiki i ka huipu ana me ka aina o Wailua.

            Wahi Koho - Hale Hookolokolo o Kapaa.

            MAHELE EWALU - E holo ana mai ka Muliwai o Kalihiwai a hiki i ka hui ana me ka aina o Papaa.

            Wahi Koho - Hale Kula o Kilauea.

            MAHELE EIWA - E holo ana mai ka Muliwai o Kalihiwai a hiki ma ka palena akau o ka Apana o Kona.

            Wahi Koho - Hale Hookolokolo o Waioli.

                        I HOIKE NO KA OIAIO O KEIA ke kau nei au i koʻu Lima a ke hoopili nei (Sila) au i ke sila o ka Teritori o Hawaii.

                        Hanaia ma ka Hale Mana Hooko ma Honolulu i keia la 17 o Aperila. A. D. 1905.

                        GEORGE R. CARTER.

            Na ke Kiaaina,

                        A. L. C. ATKINSON.

                        Kakauolelo o ka Teritori o Hawaii.

 

KUAHAUA.

 

            OIAI, o ke KANAWAI 54 o k@ K@@ Mau o 1905 o ka Ahaolelo o ka T@@@@@@ o Hawaii ua hoololi aku i ke KANAWAI 39 i kapaia "He Kanawai @ Kukulu ana i na Kalana maloko @ @@ Teritori o Hawaii ame ka Hoopa@@pon@ ana ia Aupuni" ma ka hoopau an@ @na huaolelo "ka Lunahelu ame L@@@hi Ahuahu" iloko o ka Pauku 12. Mok@@@@ @ o ke Kanawai 39 i oleloia ame ka @@@ pau ana i na huaolelo "ame ka H@@@ Lunahelu ame Lunaohi Auhau: @@ko o ka Pauku 13. Mokuna 6 o ke K@@@wai i oleloia.

            ANO NOLAILA, i kulike ai @@ @@, Owau, o George R. Carter, Kiaaina @ ka Teritori o Hawaii, ma keia ke h@@wi nei i ka hoolaha o na mea apau @ pili i ke koho ana i na Lunahelu ame Lunaohi Auhau, ame na Hope @@@@helu ame Lunaohi Auhau iloko o ke Kuahaua Koho Balota Kalana i h@@pukala e aʻu ma ka la 17 o Ap-@@a A. D. 1905. ma keia ke hoopauia @@@ a aole he Lunahelu ame Lunaohi Ahuhau a aole he Hope Lunahelu ame Lunohu Auhau a aole he Hope Luanhelu ame Hunaohi Auhau e a hiki ke koho@ ma ke Koho Balota Oihana Kalana Mua e malamalama ai ma ka la iwakalua o @@@, M. H. Umi-kumamaiwa Heneri @@@ Elima, aole no hoi he inoa o kekahi mea a mau mea paha e lawela mai @ pa@ila maluna, o na balota ma ke @no moho a mau moho no ia oihana a mau oihana.

                        I HOIKE NO KA OIAIO O KEIA ke kau nei au i k@ʻu (Sila) Lima a ke hoopili nei au i K@ aila o ka Teritori o Hawaii.

                        Hanaia ma ka Hale M@@ Hooko ma Honolulu i keia la 3 o Mei, A. D. 1905.

                                                G. R. CARTER.