Ka Nupepa Kuokoa, Volume XLVI, Number 16, 16 April 1909 — KUU LEI POINA OLE UA HALA. [ARTICLE]

KUU LEI POINA OLE UA HALA.

E ka Nupepa Kuokoa e, Aloha oe:— E oluoīu mai oe ia'u e hookomo aku i kn'u wahi puolo kaumaha iloko o kou kino lahilahi, a nau hoi ia e ahai hele aku a e uwila mama hele aku ma na welelau o ka honua apuni, i ike mai ai na kini makamaka ame na hoaloha apau o kuu kane e noho mai la mai ka La hiki ma Kumukahi a ka welona a ka Ja i ka ilikai o Lehua, aloha ino kuu pua poina ole ua hala i ke ala hoi ole mai, Paumako wale! Eia iho kona inoolelo. walohia malalo iho nei: Ma ke kakahiaka Poalima o Apenla 2, 1909, ma Aiea, Ewa, Mokupuni o Oahu, oiai ma ia kaka* hiaka nui poniponi, ua ala mai la oia me ke kulana maikai o kona mau helehelena, a ua hele aku la oia e pulumi me na kaikamahine iloko o ka hale ame waho o ka pa, no ka hoomaemae ana i ka noho home ana. Ma keia wahi i hoea aku ai o Mr. Eli Crabbe kana hunona i noho ona ia maluna o kekahi kaikamahine ana iloko o na makahiki i hala, ame na la e nee nei, ma keia i kukai olelo ai laua no na mea e pili ana i ka bipi keiki no ka pepehi ana ma kahi o Joe Davis, ua ae aku la o Eli i kona manao a oiai e hoomau ana no oia i ka pulumi i na wahi i koe o ka pa; ma keia wahi i haalele iho ai o Eli a hele aku la no ka Hale Hoolulu Kaaahi, ma keia walii i hoi mai ai o Eli no ke kii ana i ka bipi i Kalauao o ka hora l'i ia o ia kakahiaka, no ka lawe ana mai i Aiea. l'a hiki aku oia me ka bipi, ma keia wahi i hoea pu aku ai o Geo. Pooloa nia kahi o ka bipi a halawai pu aku la me ka mea nona keia moolelo walohia oia o Joe Davis. Ma keia wahi i hui pu ai oia me ia he mau kamailio niaikai wale no mawaena o makou e ku ana i ka halelio, a hele aku la o Joe Davis e hanai i kona lio punahele i ka ha-ko me ka maikai. Mahope iho o keia manawa ua huli hoi mai la o Joe Davis ame Eli i ka hale noho, a komo like aku la laua ilokq o ka mmi moe, ma keia ua noho liko lana iluna o ka moe, ma keia wahi i ninau aku ai o Joe Davis ia Eli, ehia la paona o keia wahi bipi!Pane o Eli manao au 180 paona, pane o Joe Davis, aole pahaf manao au 200 paona o keia na kukai olelo hope inawaena 0 laua, mamuli o na ulia i loaa ia Eli a puka aku la iwaho e hoopau ai i ka pilikia o kona ipupaka, aole nae i mamao loa mai o Joe ma kahi.a Eli e leu ana no ka lulu ana i ka lehu o kona' ipupaka, a i ka wa a Eli i huli mai ai e nana i ka rumi ike aku la oia ua i hoohaiki ia mai ke pani puka. | Ia i ike aku ai o Eli i ke kau ana o Joe Davis i ka pu panapana j ma kona lae, ia manawa i, auwe mai ai o Eli e papa, e papa, uwoki e aloha mai oe ia'u a o ka manawa no ia i kani ai o ka pu a make loa aku la oia. Minamina wale oia! Ua hanauia o Joe Davis ma Wrailuku. Maui a ua piha iaia na makahiki he 47, ma keia ola ana. Ua mare oia 1 ka waliine, a na laua na keiki he 11 mai ka wahine mua Aai, he maikai ko laua noho ana me ka wahine iloko o ia mau la, a ua kii mai la ka Anela o ka make n lawe aku la i kana wahine i ka make; ame na keiki 5 no ka make ma ia alahele hookahl. Ma ia hope iho ua huli hou iho la oia i makua no keia poe keiki i koe iho. a mare iho la ia Pokii kekahi kaikamahine o ka I'ahamauleo o Ewa nei, a ua noho ia e laua iloko o ke aloha pumehana he 14 makahiki, a hiki i kona wa i lawe iho la i kona ola. He kanaka maikai o Joe Davis, he heahea, he aloha, he oluolu, he lokomaikai, lie ahonui, he mea nui iaia na hookipa malihini ana ma ko laua home aloha. he aloha wahine, he aloha i na keiki, he aloha i na moopuna, he aloha no i na mea apau e kipa aku ana a ma ko laua home aloha, a no ka nui o ko 'u aloha iaia ke haku nei au i kanikau nona: HB KANIKAU NO JOE DAVIS. Kanikau he aloha no kuu kane, No Joe Davis ua hala ia. l'a haalele mai nei oe ia'u, Ua huna na maka i ke aouli. I ke ao ike ole iuai he wahine, A he mau keiki mau moopuna. Ke uwe nei au me ke kaumaha, Kahi a kaua i pili ai. Pili aku kaua o ka uka iu, 0 ka uka iu ano o Malamanui. A he nui oe na ko'u puuwai, A he mea poina ole na kuu kino. Kuu kino ia e hapapa nei, E huli hele nei o ke aumoe. 3loe hookahi oe aohe lua, 1 lua i ke aka kino wailua. Elua kaua pili i ke anu, ī -mehana i ka nui o na keiki. He aloha e ka la'i o Aiea, Me ka ihona olu o Kalauao. Ke hea mai nei eke Kehau, • Ka makani i ka piko o Kaala. ne ala ipuia me ke onaona, Ke kula laula o Leilehua. He Lehua ko aloha ke hiki mai, . Pulupe kuu kino me ka waimaka. Auwe kuu kane kuu minamina e! MRS. POKII DAVIS. He Kanikau he aloha no Papa, Kuu mea poina ole he makua. Kuu makua, kuu milimili hoi, Kuu makua, kuu minamina e. Kuu makua pane leo ole mai ia'u, Kuu makua, kuu mea e pono ai. Aloha ko leo i ka pane mai, Auhea oe noho mai kaua. He aloha ia leo me ka waimaka, I ka pane ana mai me ka nanahe. Kuu makua hoomanawanui i ka hana, I pono i ola no ka noho ana. Noho aku mahope o na Haku, Hookahi hoapili o ke kaula ili. luka a i kai i o ia nei, Hala ia la maka poniuniu. Pane mai na Haku me ka ilihia, E h?le oe iuka o Lihue. He aloha ia uka puanuanu, Kahi a kuu papa e aloalo ai. Mea ole na alu me ka Na pali kaha-ko kau e ka weli. He aloha e ke kula o Maili, Me ke kula laula Kokoloea. • He aloha e ka luna o Pohakea, Me ua kuono liilii o Halona. He aloha o Kalena me Haleauau, Kahi a maua e pili ai. He aloha e ka luna o Puukuua, Me ka uluwehi i Hoaeae. llaila papa i walea ai, Makou na keiki me ka wahine. Haalele ialaila huli hoi mai, Noho paa i Aiea a hala aku la. Ke uwe nei au m» ka waimaka. WILLĪE DAYIS.

He ohane he aloha no knu papa, Kuu mea aloha, kuu leUa-i. Kuu papa aloha ole mai ia'u, Kuu minamina pau ole ia oe —a. Hu mai ko'u aloha no Waimalu, Kahi a kuu papa e luakaha ai. I hoomanawanui ai i ka hana, I pono nona no makou. Na keiki me na Makua, Ka moopuna na ohana. A pau ka noho ana ma ia wahi, Noho mai makou no Kalauao. He aloha e ka wai o Kulani, Me ka wai auau o Alaenui. A he nui o papa ia makou, Na keiki i nele i ka makua. Hookahi makua o na kane, Ola ai ka noho ana o keia ao. Haaleīe ia Kalauao no Hoaeae, Pilipaa ke aloha me ka makua. He aloha e ke Kula o ka Hapuupuu, Me ka wai hui koni o Waipahu, Aloha ia wahi i kamaaina. I ka hele puia me ka -makua, He uwe aloha no Papa, ī niau iho nei kona hele ana. Pau kuu ike ana ia oe, Pau kuu lohe ana i ko leo. He aloha e ka home kulaiwi, Kakela nani ma Aiea. Haila o Papa haalele mai, Wehe i ka pilina me makou. < Noho iho nei au me ka walohia, I kou nalo ana me ka hikiwawe. Auwe kuu aloha ua hala! MRS. LILY CRABBE. He waimaka he aloha no Papa, Kuu papa minamina ole —e. Aloha. ole mai ia makou, A hele kohana aku la aohe lua. : Hookahi lua oka make mau loa, ' Ka palena ia o na mea apau. A hiki i ka wa e kani ai o ka pu, Ala mai na ilina apuni ka honua. Ke uwe mai nei o Pepe Joe Liilii, Aloha ino no kuu Papa. Kuu makua poina ole ia'u, Kahi a maua e pilipaa hele ai. Aloha e ka hale e ku nei, Kahi a papa e hiolani ai. Pau kou hiolani ana i ka rumi, Pau kou ike hou ana i ka nani. Pau kou honi ana i ke ala, Ke ala kupaoa hoi o ka Rose. Aloha ka uluna me ka moena, Kahi au e hiolani mai ai. Eia ka oe e wehe mai ana, I ka pili aiia mai me maua. Kau māu keiki i ke alo, I ka poli aloha o mama, He aloha ko lio punahele, Me ka halekaa e ku nei. Na kaa lealea holo ahiahi, Na kaa ukana lawe meaai. Maanei, ua lawa maua, Na keiki nele i ka makua. Auwe ko maua papa e! A. MANINI AME JOE LIILH. * ' v Kanikau he aloha keia, Nou e Papa Joe Davis. Aloha ino no hoi oe, Kuu mea minamina he makua. Ke uwe nei au i.ke aloha, I kou haalele ana mai nei. I Honolulu no aU a lohe, Puiwa au me ka hikilele. ■ Me he mea la e kaili ae ana, J ko'u ola kino makamae. , Aohe o'u waimaka paa, I ka lu hele i ke. alanui. | Kaumaha au me ka luuluu, Hapapa ana ma o maanei. A kau au ma ke kaaahi, Aia ka palena no Aiea. Iluna a ilalo ko'u manao, I. o ia nei me ka waimaka. E ake ka manao o ka hiki aku, E ike i kuu papa me ka lihaliha. Auwe no hoi oe e Papa e! Ko lawe i ka rula a ka haole. Aole no hoi e waiho iho, Na ke Kahikolu Mana e lawe aku. Ka mea Nana i haawi mai", A nana no ia i lawe aku. Auwe oe e Papa e! MRS. NALANIEHIKU LEE HOY He uhane he aloha keia, Nou e Papa Joe Davis, Ko maua Papa aloha ole, Ia makou i na keiki. Haalele mai nei oe, I ka pili ana me maua. Kau mau lei aloha, Lei poina ole i ke kau. Ke au nei maua, Aole oe e loaa hou. . Aia aku nei paha oe, l ke ala hoi ole mai. I ke ala pohihi, Ala kikepa a ka manu. Noho iho nei maua, Me ka u me ka minamina. Me ke aloha pau ole, I kou nalo ana iho nei. Eia aku nei paha oe, Me Hiku i Kanahele. Hele hookahi aku nei oe, T ke ala ike ole ia. Pau ko maua ike ana v ] kou kii onohi nani/ Ke uwe helu nei maua, Kahi a kakou e pili ai. Pili ia ke anu me ke koekoe, Pili ia e ka ua ine ka makani. Ua pili wale ia uo e kakou, Waimalu, Kalauao, Aiea. Waiau, "Waimano, Waiawa. Waipio, Waipaliu, Waikele, A hiki kakou i Hoaeae, O ka palena hope ia o ka pili ana. Hoi hou i ka wehi o Aiea, Haalele mai papa ia maua. Auwe ko maua papa aloha! MISS ROSE AME EMILY DAVIS. O ka hopena keia o kona moolelo walohia ame kanikau i hakuia e Mr. M. K. Kouia. Kalauao, Ewa, Mokupuni o Oahu.