Ka Nupepa Kuokoa, Volume XLVI, Number 40, 1 October 1909 — HULI KA WAAPA MA KA MOANA Au Hookahi a Pae i ka Aina, Nalowale Aku Elua me ko Lakou Waapa. [ARTICLE]

HULI KA WAAPA MA KA MOANA

Au Hookahi a Pae i ka Aina, Nalowale Aku Elua me ko Lakou Waapa.

Ma ka Poakahi nei, ua holo aku la he elua mau Poko Riko ame hookahi Faniolo i ka lawai'a maluna o ko lakoa waapa, a mamuli o kekahi ulia i ioaa ia lakou, ua kahuli iho la ka waapa mawaho ae o Kalaeloa, a pau nui i ke kau iluna o ke kua o ka waapa. Oiai e pupue nui ana i ka waapa, ua manao iho la ke Paniolo nona ka inoa o Eoiola, he mea pono iaia ke au nouka 0 ka aina no ke kii ana i mau kokua do ka hoopakele ana ae ia lakou apau onai ka make mai. Oiai he mamao loa kela waapa kabuli mai ka aina aku, nolaila ua hoomaka mai la kela Paniolo e au no na mile eha, aka ua pae aku oia iuka me ka maalahi loa ma Puuloa, kahi e hanaia mai nei ka papu. Mahope iho o kona hoike ana aku 1 ka pilikia i loaa aku i ko lakou waapa lawai'a ame kona mau hoa lawai'a hoi e noho mai la iluna o ke kua o ka w&apa, ua hoouna kokeia aku he mau waapa mokuahi no ka huli ana i ka waapa poino ame kona mau olulo< Ma ka hora elya o ka auwina la i loaa ai kela ulia i kela poe lawai'a, a aole oia i pae nouka o ka aina a hiki i ka hora elima o ia ahiahi. Aole i hoohakalia iho ka poe kokua a hoopakele no ka hele ana aku e imi i kela waapa, aka ua noke wale nae na waapa mokuahi i ka. huli a hiki i ka hoi hou ana aaai no ka aina ma kela po, aole he wahi hiona i ikeia o ka waapa a i ole o na Poko Riko paha. O ka mokuahi Kukui, ame kekahi waapa mokuahi mai kekahi ae o na mokukaua ka i hoouna puia no ka huli ana i kela mau mea poino, aka ua hoi mai lakou apau me ka nele. *0 na noonoo i ala mai mamuli o ka loaa ole ana o kela mau kanaka, o ia no ko laua pau ana i ka mano, a i ole, ■ua pae aku paha ka waapa iuka o ka aina, mamuli o ke puhiia e ka makani. — NEW ORLEANS, Sept. 20— He ino nui ka i ulupa ae i na kapakai o ke Kaikuono o Mekiko. He ekolu kapuai ke kiekie o ka wai o ka muliwai Misisipi.