Ka Nupepa Kuokoa, Volume LVII, Number 39, 26 September 1919 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
KA HALEKUAI LOLE
THE MODEL
Alanui Papu ma Waikiki o Pauahi
“Hiki ke Laweia na Bona Aie
Maanei.”
HE MEA KOKUA.
G. GOODMAIN- He mea Kokua I ka
@oe pilikia I ka maiʻ I rumatika, ka maui
o na lala a me ka hana ana e pau ae ai
ke koho ino iloko o ke kīno. E loaa no
ma ka papahele elua o ka hale ma ke
kihi o na alanui Nuuanu ame Kalepa.
Na hora hana: Mai ka hora 9 a.m. a
4 p.m. a mai ka hora 6 a 8 o ke ahiahi
---Hoolaha
Sept. 5, 12, 19, 26
J. BROWN JR.
LOIO.
He keiki Hawaii I makaukau ma ka-
Na mau oihana a he oluolu na kuka ana.
Na hana Palapala, Huli ana I na Aina
Pohihihi, Akena Kuai Aina, na Koi Aie
Ame Hoaie Dala.
Keena Hana: Rumi 3, Waity Bldg. Ilu
Na, Alanui Moi, Mauka o Wall Nichols.
Kelepoua Helu 5938.
Kela Laau Kaulana
B.B.C.
He laau i hoohuiia o na launahele, e hana
ou ana me ka hana a ke Akua, he hoomaemae a
hooikaika ae i na mea paahana holookoa o ke kino,
e kipaku anai i ka maʻi kino amen a maʻi ili wale
mai, e haawi ana I ke kino I ka ikaika, ke ola a@e
ka mana i na aalolo.
E hoopiha ana ka B.B.C. i ke kino me ka
Ikaika hao o ke ola a me ka ikaika o na la opio. Ua
@oo ʻaia na poe na waliwali ma na Manawa lehulehu
mahooe o ka inu ana he mau pule wale no. Ua
aponuaa e na kauka kaulana he nui amen a kanaka
a@oko o ke ola lahui ana. O ka B.B.C. ka
laau kamahao loa ma kea o.
KU AHA MA NA WAHI APAU.
Keena Kuai Laau B.B.C. 161 Alanui Moi,
Honolulu, Hawaii.
HAINA NANE.
Mr. Lunahooponopono: Aloha oe:--- E
Maliu mai hoi oe, no kaʻu wahi haina
O ka na@e wiliahiu, hooniua noonnoo a
Ke keiki o ka aina eheu manu, e hoo
Puhili mau ia nein a loea huli nane, o
Keia au holomua. Penei ua nane la:
He kama kaʻu I hanauia I Kahiki
Ku I Kahiki-moe, popoia a kau ma ka
Paia, lewalwa o Keoni Liilii; he laau
Ma kon aelemu, he pohaku ma kona opu,
Noho iloko o ka hale aniani: he kuai ia
i ke kenikeni, eia ka ninau a ua boy nei
o ke Koolau: Owai ka inoa o kuu ka-
Ma I hanau ia!
Haina ulumahiehieL Hua piki Penei
Ka anoi ana: Iaʻu I haalele iho ai i ka
Hapa hikina-akau o ka ailana, a holo
Komohana hema aku la no ka mokupuni,
E hiki aku ai I Moanalua, ike koke aku
Ia no na lena ike a kou;u mau maka, ua
Haki iʻo no ke au o kekahi huapiki, e
Waiho ana iloko o kekahi pa o Sam Da-
mon: lele Koke I ho la au mailuna iho o
ka oto, a hele aku la a milimili iho la, a
ulu ae la ka noonoo no ka nane wikani
a ke keiki o na Koolau.
Penei kaʻu kui ana, o keia hua ai aʻu
E @@ilimili nei, aole iʻo no no Hawaii
Nei, aka, no Kahki-ku ame Kahiki-moe
Mai Amerika, popoia a kau ma ka paia,
O ia hoi, o kai huihui ilun ao na lala o
Kekumu piki, lewalewa o Keoni Liilii;
Pololeo no ka nane a ua eueu nei o ke
Koo;au, oiaai, ia ʻu nana ae ai iluna e
Lewalewa iʻo iho ana no o Keoni Liilii
(hua piki), me Kahi mea kekee malalo
pono ae o ka hua piki, a hoomanao ae
la au, o kahi laau ia ma ka elemu o Ke-
oni liilii, noonoo iho la, auhea la ka
pohaku a ke keiki hoopapa! Nahu ae
la au I ka hua piki, oolea ana keiaʻ mea,
ia nana ana iho, ike iho la I ka hua
oolea apuupuu, a hoomanao ae la o ka
pohaku ka ia o ka opu o Keoni Liilii.
Pilihua mai la ka noonoo no ka hale
Aniani, oiaai, alawa ae la iluna, kilohi
Ma o a maanei, aohe hale aniani, ike
Aku la nae ke kamahele I ka kel aomole
Piki! Hapalua me ka a-la, noluna mai
hoi, ia I ka hoalu ana iho hoi olalo, kuai
ia i ke kenikeni.
Ea, loaa pono aku la paha oe i ka ai
A ka lua, I ke alapii a ka opae! Ke
Hemo nei ka umoki (nane) I Kahauiki
A hoomanao ae la au I keia wahi mele:
Malama ipupoki oe,
He Kapeke wale ke poi;
Ea, loaa pono o Keoni Liilii iluna o
Ke kumu piki Ku akuʻla ka iʻa aama
Kua lenalena, ke holo pahu a nei; loaa
Pono aku la ka hee o Kaiuli, I ke kui
o-hee a ke Keiki o ka Hikina-Akau.
Me ka Lunahooponopono ka anoi a
Nui, o ke aloha ani hainaka hoi ka I na
Keiki hoonoho hua kepau,
ANI KAMAKANI.
Hikina- Akau, Oahu, Sept 16, 1919.
Ua wi mai la ka niho o kahi kolohe
@a oe kenui nei ka waha I ka hamama.
No ke Kapeke ana o ke poʻI o ka ipukai
Ke kumu I loaa pono ai, ua wahi eu nei.
Aia a loaa mai ko makana, paneeia
Aku!--- L.H.
KUU WAHINA ALOHA UA ILALA.
Mr. Solomon Hanohano, aloha kaua:
----E oluolu oe e hookomo iho ma kahi
kaawale o ka hiwahiwa a wahiolelo a
ka lahui, no kaʻu wahi puolo luulau he
aloha, e hakuʻkuʻI ana I kua puuwai
no kuu wahine aloha, Mrs. Anna Maria
Hilahila E.
Ma ka ahaukapila Moiwahine, Sept.
la 6, ahiahi o ka po Poaono, hora 6:30,
I niau aku la I ka home aka Makua
Mana loa I hoomakaukau ai no na mea
Apau, a haalele mai la ia;u kana kane
Ame ka maua lei hookahi he kaikamahi-
Ne I noho hoomana wanui ia e maua me
Kuu wahine I na la o ka inea, ame ka
Nele. Auwe kuu minamina I kuu wahi
ne e, kuu makua o ka home, kuu wahi-
ne hoomanawanui I na popilikia he nui.
Auwe kuu minamina pau ole I kuu
Wahine e!
Ua kuu ka luhi, ua pau ka @@@ hou
ana I na ehaeha amen a popilikia he nui
o keia ola kino ana. Ua kii-mai la no
ke Akua mana loa i kona kuleana o ka
uhane, a waiho iho la i kona kino pu-
anuanu i anianiku e hakui@ui ana i kuu
puuwai ame ka maua lei hookahi, i hoo-
neleia i ka mama. Auwe kua minamina
i kuu wahine, ka makua o na mea apau
e kipa mai ana i ko maua @oine, e noo-
kipa ana kuu wahine hele loa, mai ka
poe kiekie a ka poe haahaa, main a ka
maiki a i ka poe kolopupu, aole mea
paa ma kona puuwai; he puuwai hama
ma. E puunaue ana i kahi mea @@k@ e
loaa aku ana iaʻu kana kane, I hoo
neleia i ka makua, moe aku @@ kona
kino lepo o kaʻu mea aloha, ma ka pa
ilina o Koula.
E Waialua, e ua pau kou lohe ana i
Ka leo o kuu wahine, ua pouliuli ka
Home, ua hala I ke alahele o ka maha
mau loa.
E Honouliuli e, ua pau kou ike ana
i ka ma ka o kuu wahine, ua pio ke ku-
kui, ua lawe aku la no ke Akua I Kona
kuleana o ka uhane. E Manookalanipo,
ua pau ka hehi hou ana o kuu wahine i
ke one o Kalihiwai, ua kii mai la ka
Makua ma ka lani, a lawe aku la ma
Kon home o ka nani mau loa. Ke hoo-
Maikai nei au I ke Akua mana loa. Na-
Na no i hana mai ke kino ame ka uhane,
Nana no I lawe aku.
He lala kuu wahine aloha no ka Hui
Puuwai o ka Hoomana Pope. He wahi-
Ne haipule oia, e hele ana I @@ wa ua
Ame ka wa malia malalo o ka nana a
ke Akua. He wahine hoopono ola, nole
ona ake i ka leʻaleʻa; ua nono pu in e
maua iloko o ka maemae no na maka-
hiki he 23 ahiki i kona haalele ana
mai la iaʻu kana kane ame ka maua
lei hooneleia i ka makuahine e kue-
wa hele ai I keia ao o ka ehaeha.
Ua hanauia kuu wahine aloha Anna
Maria Hilahila E ma Keawaawaihe,
Waialua, Aperila 14, 1882; ua piha iaia
Na makahiki he 37 a oi a hoi aku la i
Ke home o ka maha mau, a haaleleomai
La iaʻu ame ka maua lei hookahi he
Kaikamahine i hooneleia I ke makuahi-
ne, e kanikau ai no kuu wahine hele loa.
Nolaila, ke nonoi nei au I ke Akua ma
Ka lani e haawi o Mr. ame Mrs. Chas.
Paaluhi no ka haawi ana mai iaʻu i na
Kokua he nui, i koʻu hora o ka pilikia;
he kokua nui e hiki ole ai iaʻu ke poina
i koʻu mau la o ke ola ana.
Ke nonoi aku nei au I ke Akua e ha-
awi pu mai I Kana hoomaikai ana ma-
luna o kuu cousin brother, David Io-
po ame koʻu mau hoaloha I haawi mai
I ka lakou kokua ana ia;u i koʻu hora o
ka pilikia, Sam Ahia, Geo Akana. Her-
man Akapa ame Joe Black, nolaila ke
nonoi pu aku nei au i ka Makua ma
ka lani, e haawi pu mai I Kana hoomai-
kai ana, maluna o ka ohana amen a
hoaloha I makana mai I ka, @oke pua
no ka hoohiwahiwa ana I ke kino pua-
nuanu o kuu wahine aloha.
Ke haawi pu aku nei au I kaʻu hoo-
maikai maluna o na lahui e I haawi
mai i ka lakou makana bo-ke pua no ka
hoohiwahiwa ana I ke kono wailua o
kuu mea aloha Pilipine, Poto Ried, Ia
pana, Kina ame Ilipuakea, ua hono noa
loha wale ia no keia lahui apau e kuu
wahine hoomanawanui ame ka puuwai
hamama. Na ke Akua e kokua ia ka
kou apau loa, amene.
Nolaila me oe e Mr. Lunanooponopo-
no koʻu welina ame ka hoomanawanui
ana mai I kaʻu wahi puolo @@@@@ he
aloha no kuu wahine.
Owau iho no me ka luuluu
MISS CICILIA K.E.
HERMAN E.
HE HOALOHAALOHA NO MRS. SA-
RAI N. KALEIALOHA ME MRS.
KAAHA MAKEPA
O makou me ko makou komite Rev.
M. M. Kahiapo, na lunakahiko amen a
Hoahanau o ka Ekalesia o Kalanikahua
Hou, Pauwela, Maui, ke komo pu aku
Nei makou me olua e Mr. Dan Kaleialo-
ha me Mr. Sam Makepa na makuakane
I hooneleia I ka makua o ka home, ka
Olua mau wahine, ka olua mau keiki
me ana moopuna, e paiauma, kumakena
i ma luuluu I hekau iho malun ao olua.
E hoolana ka manao o ke Akua ka
Puuhonua ko kakou mea e ola a. Nana
noi I hana a Nana I lawe aku H@@nani
ia ke Akua ka Makua mau los; he malu
ma ka honua, he aloha i kanaka.
O makou iho no me ka luu@@u.
JNO. KELEKON A KINA
Lunakahiko k. @. C.
E HOOPONOPONOIA AKU ANA NA KUMUKUAI
Mamuli o ka pipii launa ole o na meakuai iloko o keia mau la, ua loaa mai nei ke kauoha ia Kiaaina McCarthy mai ka Loio Kuhina A.M. Palmer mai o Amerika, e hookohu aku oia I kekahi komite hooponopono I na kumukuai o na meakuai ma Hawaii nei.
O ka lunahoomalu o kela komite, o ia no ka Loio Amerika S.C. Huber, a no ka hooko ana aku i kela kauoha, ua hoouna aku ke Kiaain aMcCarthy he mau leka lehulehu i kekahi poe kupono ana I ike ai, e noi aku ana ia lakou e ne mai e @lo I maul ala no kela komite.
I ka Manawa e loaa ai na lala o kela lomite maiwaena mai o kekahi poe kalepa kuai kukaa, a kuai liilii, na kapaka hana, ame na ona ohana, ia wa e komo kino aku ai kela komite, ma ka huli pono ana I na kumukuai o na ano waiwai apau loa, main a meaai ahiki aku I ka lole; a na kela konite e kau I ke kumukuai kupono.
No ka holopono hoi o na hana apau a kel akomite ua haawi pu aku ke kiaaina i ka mana, e hookoku aku kela komite i poe hou malalo aku o lakou, a e hana hoi kela konite ame ko lakou mau kokua me ka uku ole.
O WILLIAM KAHELE KUHIO SR. UA HALA
I ka Lunahoopopono ahonui o ke Kuokoa, ka Lamaku o ka Moana Pakipika a o ka ipukukui Uwila hoi o hoolele ana I ka malamalama ma na paia paa o ka Paredaiso o ka Pakipika, no’u hoi kahi wahi o kou rumi kapena, no ka mea ua eba au i ka eha lima ole a ke aloha makua e loku nei i ka iwihilo, e hoonana ae ana ka hoi I ke aloha makua aohe e na, ehoomakua wale aku no paha auanei la ia hai.
Ua hanauia oia ma ka Moku o Kau, Hawaii ma ka la 5 o Aperila A.D. 1820 ma ka Manawa I pae mai ai na kumu Mikanele Amerika I keia mau paemoku oia na Revs. Asa Thurston, Hiram Bingham, Daniel Chamerlain, Theo. Holmes, Samuel Whitney, Samuel Ruggles, Elisha Loomis ame eha mau Hawaii oia o Honolii, Hopu ame Kanui, Keoho, he mau keiki Hawaii I loaa ko lakou hoonaauaoia ana ma ke kula nui o Cornwall, ame George Humehume ke keikikane a Kaumualii, ka Mei o Kauai. Ua hoomaopopo o@ I @a hapanui o keia mau kumu mikane@a ma kona Manawa I ulu ae ai a nui, a iaia I hala aku la ua piha iaia na makahiki he 99, a oi, a ina, paha no kona ola nei a hiki I ka la 5 o Aperila M.H. 1920 e hiki mai ana, o ka piha ana ia o ka haneri makahiki o kona ola ana.
He makuakane oia I piha me ka oluolu am eke aloha, he hale piha mau ia kona e na hoaloha amen a makamakamai ka poe kiekie ame ka poe haahaa.
Ua hoonaauaoia, oia ma na kula pia pa Hawaii o kela au kahiko ma kona one hanau ma Kau, Hawaii a elike me ka liilii loa o na haawina e a’oia ai ia au pela no ka liilii loa o kahi ike I loaa iaia.
Ua mare oia me ko makou makuahine Mrs. Kealohapauole, a mailokomai o kona puhakau I hanau mai ai he umi kumamalua mau keiki, he ewalu i make aku a he eha e ola nei, ekolu mau kaikamahine a hookahi wale no hoi au ke keikikane e ola nei, a owau no hoi ka muli loa o ko makou hanauia ana. Ua make mu ako makou makuahine me ewalu o ko makou hanauna a koe mai makou eha e ola nei.
I ka nee ana mai o ko makou mau makua i Honolulu nei ua komo aku o Wm. Kahele Kuhio i ka oihana koa kaualio a oia ke kanaka paa hae a ka puali kaualio a Leleihoku a iloko a ka Manawa e noho ana o Wm. Jarrett I Makai Nui, he makai kauwai oia mala lo o ko Haalilio au no kekahi mau ma kahiki lehulehu.
Mamuli kekahi eha i loaa iaia makona wawae i hoihoiia aku ai oia noloko o ka Halema Moiwahine, a no na la pokole wale no kona noho ana maloko o ia haukipila a haalele mai la i keia ola ana a ia makou hoi kana mau keiki i koe e kumakena aku nona. Aole no paha kela eha i loaa ai iaia he kumu e make koke ai oia, ina i kona wa ikaika, aka, mamuli o ka nawaliwali elemakule mai ua hoopokile kokeia kona mau la; ua manaoia o ke kumu o kona make hikiwawawe loa ana ua loaa oha I ke koko ino a ua holo la koko ino iloko o kona kino.
Aloha ka makua ka mea loaa ole i ka huli hou aku; e hoomakua wale aku ana no paha auanei la ia ha’i. Ua hala oia, ua hoi aku la ka uhane i ka Mea Nana i hana, a o ka lepo i ka lepo, a e hoomaikai@a ka Mea mana loa ma na lani kiekie loa, he malu ma ka honua he aloha no i kanaka.
I ka hooki ana ae i keia ke haawi aku nei au i ka’u hoomaikai nui i na keike o ka oihana kinaiahi kikowaena no na kokua i haawiia ma ia’u ilokop o ko’u papa aloha I haalele mai la ia’u amen a makamaka amen a hoaloha ona he nui.
Ke haawi pu aku nei ka hoomaikai nui I ka Lunahooponopono o ke Kuokoa no ka ae ana mai I kowa no keia kanaenae. Na’u ame ka ohana I hooluuluuia.
WILLIAM KAHELE OPIO.
Honolulu, Sept 23, 1919.
NUI KA POINO A KE OLAI O KA HANA ANA MA KAU
Na kekahi ola’I ikaika loa i hoonaueue ae i ke ole ia ka lua iloko o ka mooleleo o na mahiko o Kau, Hawaii maka hora 5:56 o ke ahiahi Sabati I hoopoino i ka halewili, hoohiolo i na laina hawai lawe ko, hoo-wa i na luawai hookio a hoohiolo i na pa pohaku.
Ma ke kakahiaka Poalua nei i loaa ae ai he leka i ka hui burua ma mai ia Jas. Campsie mai, ka lunahoohana o ka Hui Mahiai Hawaii e hoakaka ana no keia mau poino i hanaia e ke ola’I mamua o ka nana pono ia ana.
Maloko o ia e hoakaka ana o James Campsie no ka hoowaia ana o na luawai hookio mauka. O na Hawai lawe ko ua hiolo a o nahalenoho o na kanaka akamai hana ua hoololiia a kapakahi I kahi e. Okekahi mau paipu oloko o ka halewili ua owiliia ae a haki aohe i maopopo ka nui o ke poho ma ka Manawa o ke kakauia ana mai o ka leka.
He kupanaha no I ka noonoo iho ka loaa ole ana mai o kekahi hoike mai ko aina hanai holohokna mai o Kapapala oiaai ua oi aku ka ikaika o ke ola malaila. Aohe no he mea I loheia mai ia Hutchinson mai, aka nae ma ka manao wale ia oia mahiko kekahi i loaa na poino elike me ko ka Hui Mahia Hawaii, Ua ikeia keia hoonaueue olai ma kekahi mau wahi e ae o ka mokupuni o Hawaii, o Kau no nae kahi i ike maopopo loa ia ka ikaika loa o ka hoonaueue ana, elike me ka lono i loaa ae.
INO KOOLAU E, INO KOOLAU!
Eia Koolau ua hakukele, ua hele a hau sake bia, a o no Koolau, ino Koolau, i ke kukaehao, ku’i aiana a ku’i hao ku ka hohono, aia no ahiki mai sua oluna sua olalo sua na wahi apau, a noai, ua hiki no, he malihini ahiki, ahiki mai.
Mr. Lunahooponopono poina ole, aia no ahiki mai pono oe, pono pu kaua, moe ana i ke kai o ko haku. He wahi puulena ka makou o ka Poaha nei, hoopuni ae la apuni, a kau ae la, i kula
He 40 ie haawi i na makaainana o ko Mr. Logana mau no me kona pokii o kela puuwai hemo wale, 30 ie I hooliloia aku, no na hoolilo limahana pu, a manao ae la ke ola o Kaholoholouka me Kaholohokai.
E Mr. Lunahooponpono o ka noho no, a ka nanea, hu ae la ko’u aka, ia John Pauakaaka o na Koolau, o ka ninau no a ke kolohe, o ka ninau aku no, ame ka ha’i pu aku no i ka haina, a nawai hoi e ole ka loaa, heluhi ole ia; mahalo nui no ia H.P. kawailelehuna ame Leimokihana o Kapaa, Kauai.
No ka nane o John Liilii, ke oluolu nei kuu uhane ame ka iini nui I na loea laeula huli nane, e haawi hou mawaho ae o akahi makahiki lawe nupepa, he 25 pooleka kaulele no 1919 e pau ana. Hoomau ia mai. Mahalo nui au ia oe e Maui Girl. Hoomau mau!
Ma ka p.m. Poaono, la 13 on Sepatemaba nei, ua pii aku au ma Lanihuli e hui pu me S.E. Wolley no kekahi kumu, a ma ka pau ana o ko lakou pule ohana, ua pane mai la o Mr. Wookkey ia’u, e hoi oe ua makemake au ia oe e hele mai i ka halekuai, ilaila kakou e hui ai, e pii ana kakou ame ka poe i waeia e hemo ana ka halelaa i keia po, me ka hoomalamalama ana ialoko ame waho o ke kahua holookoa i ka uwila.
Ma ka hora 7 p.m. i nee aku ai ka huaka’i a ane kokoke i ka puka-pa, i ke anuu ekolu i lalo loa ua kaomi ia ke pihi o ka uwila, a hoomalamalama holookoa ia ae la ke kahua owaho ame loko.
E ku laina mai ana na apahu ipuku kui uwila, e puka pu mai ana ka wai apuni ka ipukukui, me ka luawai loihi I poha me ka wai hiki e pau haneri a oi ke auau ia, a pii hou aku I ke alapii no ke kahua hou maluna aku, na pou uwila, he like no me ke anuu mua ilalo; like no na luawai, pii hou aku i ka ekolu anuu aia malaila he mau kii mabala. He kaikamahine no 15 makahiki ame akahi keikikane ame kaikamahine, a maluna hou aku o keia ke kahua mamua pono o na aoao akau ame hema. Ua hooiho hi-o ia na aoao, apii hi-o hou mauka o ka halelaa, aia malaila elua hale kanu pua nunui me ke kii o Lehi ame kana keiki o Iosepa, aoele ma Hawaii nei, a ma na aupuni nui o kea o nei kekahi kahua i hanai me kea wahi a na haole kaapuni honua i hiki mai, ame ka Wooley olelo, o ka nani oloko, aole i loaa ia’u he ana e kuhikuhi ae ai au, penei a penei.
Mr. Lunahooponopono, e ahonui mai, a oiai, e ike ana na mea apau loa ke hele mai i ka la e hoolaaia ai, e hiki pu mai me ka baana ia la kea e ia mai. Ke hoike aku nei au I ka mea oiaio i pomaikai no ka poe iloko o ka Ekalesia o Iesu Kristo ana i kukulu ponoi ai imua o kana poe haumana, penei; Mat. xvi, 18. Ke olelo aku nei hoi au ia oe, o oe no e Petero, a maluna o keia pohaku e kukulu ana au I ko’u ekalesia, aole hoi e lanakila main a ipuka o ka po maluna ona.
Ke hoiike aku nei au mamua o ko na mokupuni pii ana mai, e ike i ka nani o Laie, eia ka peresidena hou i Laie nei I keia mau la ke pii nei ka aina houlu ulu me ka nani nui aia ahiki mai oukou, pau ke kuhihewa a kuhi pono i pomaikai no ka pe lawe mau i ka nupepa ke Kuokoa, me ka mahalo nui ia Mr. Luna hooponopono
J.A KAHIONA
KAWEHI O NA PALI KOOLAU
Mr. Solomon Hanohano, Aloha a nui:
--He mau wahi puolo lei ahiahiahi o Nuuanu ka’u e hoouna aku nei, ke oluolu ia mai hoi e kou ahonui, a na ke Hilohana pokela hoi ia e anapu aku ma na aekai aloha ou e Hawaii aina ame Hawaii lahui.
Ma Laie nei, Sept 12, 1919, i hoohui ia ae ai he mau opio ma ka berita laahia o ka mare, oia o Jubilee Logan me Miss Kaleiwohi Nainoa. Ua nui Launa ole ka poe I hele mai, mai i ke one o Hanakahi na mea apau; Honolulu, Waialua amen a Pali Koolau nei no hoi, he nui pu me na makanalike ole, hewa i ka wai na meaai, hoi luuluu i keHanakahi na mea apau; o ka mahu i a kou kiu, he aneane ekolu kani ana a ka manu pokeokeo kohu pelehu.
Ua wehe ae nei o David Haili i hale amara ame hana kaa otomovile nona ma Laie nei, oiai ua kuai aku oia i na hale moe, hale amara o S. Yoshimura, Kepaai, no ke kumukuai o $1800; ua makaukau oia e hoopau aku i na pili kia o na kaa oto o kela ame keia ano, oiai ka poe e holo kaapuni mau nei, a na David Haili e lapaau aku na kaa oopa apau; owai hou ae iwaena o na Hawaii elike me David Haili?
Ma ka la 1 o Sepatemaba nei i hoau ae ai ka luna alanui o Koolauloa nei Mr. John Pele Kaio, o kana papakonana e hoohana nei, he umi kanaka, he umi la hana pakahi, pau ia poe; ohi hou he umi, pela oia e ka’ilike nei, aohe punahele imua o kona alo, me ka nanaole i ka aoao, ua like a like i ke kai o Kaulakahi, aohe hoi elike me ke keoni-mana mua iho nei, o na punahele o na pilikoko hoomauia i na wa apau, a o kekahi poe hoounaia i Kahauiki.
Ma keia mahiua ae e hookuu ia mai ai ka makai o ka Hui Mahiko o Kahuku ae nei, oia o. J.W. Keau Makahanohano, me ka mahalo nui ia e na ona o ka hui ame ka Lunanui Andew Adams, o ka lakou makana, he kanalima dala o ka mahina, uku hoomau ahiki aku i maikai Kauiai hemolele i ka malie. Ola ia kini ke a mai lake ahi. Oiai mai ka hookumuia ana o kel ahui mahiko I ka 1889 ahiki I keia Manawa, kona noho hana ana me ka hoomaha ole, koe wale no na ia ma’i, aole anei e lilo keia I mea na na Hawaii e hoomanao ai i kumu hoolakike, owai hou ae kekahi?
E ala e na opio o Hawaii nei, mau ke aloha no Hawaii!
Ua lawa paha keia kukahekahe ana a no kahi wa aku
ANA KA MAKANI O KOOLAU
Aekai o ka Hikina-Akau, Sept. 17, 1919
HE HOOMAIKAI I NA KOKU I AHAMELE O KAMOILIILI.
Mr. Solomon Hanohano, Aloha nui oe: --E oluolu- oe e hookomo iho I keia wahi meahou ma kahi kaawale o kau pepa.
Ma ka po o ka Poalima, la 12 o Sepatemaba, 1919, i malamia ai he ahamele ma ka Hale Kalapu o Kamioliili. Ua maikai na mea apau i hanaia. O ka nui o na loaa o ka ahamele e $90.
Ua nui no na makamaka amen a hooaloha i hiki mai e ike maka i na puukani ma la po; ua hoomakaia na hana malalo o ke alakai ana a Mr. Kahoohalahala, mamuli o ka piha ohohia o ke anaina no na mea I kanaia, ua hiki pono ele i ka manikia ke hoomalu I ke anaina, aka, no ka piha eleu no o ka manikia, usa hoomauia no na hana me ka holopono.
O na mele I haawiia mai e na kalapu o Kamoiliili, Kawaiahao ame Kaimuki ua ku maoli no i ka nani, aohe mea a ka puuwai e wae ae ai. Na na mele like ole i mele ia mai i hoopiha i ke anaina me ka hauoli.
Ke haawai aku nei makou i ka mahalo nui na kalapu o Kamoiliili, Kawaiahao ame Kaimuki no ko lakou kokua ana mai i keia ahamele, a pela pu no hoi na makamaka amen a hoaloha i kokua mai ia makou ma ke kuai ana mai i na keiki, a na ke Akua e kokua a hoopomaikai mai ia oukou.
O na loaa o keia ahamele no ke kuai ana no ia I mau buke himeni no ka halepule o Kamoiliili.
O makou iho no,
HIRAM KAAHA
MAIKA PAIANA,
WILLIAM REES,
IEREMIA KUHAUPIO,
MRS. ANE KAHAULELIO,
MRS. KEAU DUNCAN,
MRS. ALAPAI ASAM,
MRS. FANNY COLLINS
MRS. HANA PAIAINA,
MRS. ANAMALIA K. MAHOE
MRS. SARAH GONSALVES.
______________________________
HOIHOI HOU IA KA PONO KIVILA
Ua hoikeia ae e ka Loio Kuhina Harry Irwin Kekahi manao kanawai ma ka Poakahi nei e hoakaka ana o ke kanaka i ahewaia no ka laweola a i loaa aku ka huikala piha a ke Kiaaina o Hawaii ia lawa ia no ka hoihoi hou aku i na pono kivila apau ia kanaka. Ua noiia aku ka manao kanawai o ka Loio Kuhina Irwin e ke Kiaaina e pili ana me ka huikala i hoopukaia aku eia ma kekahi manawa i hala koke aku nei no L. K. Nakai i hoopa’iia ai elima makahiki paahao no ia hewa. Ma ka la 28 o Dekemaba, 1918 i hoopukaia aku ai ka palapala huikala. O na palapala noi e waihoia ae ana no ka huikala piha ia ana aku e ke kiaaina aohe waiwai, wahi hou o ka hoakaka a ka loio kuhina.
HOOMAKAUKAU NO MUA AKU
E Hoao e Hoomakaulii Ano---E Malama I ke wehe I Buke Banako H@ahu me ke
CHINESE-AMERICAN BANK
A NANA AKU I KA ULU O KAU DALA
NA PAHU DALA $1.00 no ka Wehe Kihi o ke Alanui
Ao ka Hoolimalima Ana I ka Hoahu Moi me Nuuanu
LUAU Na PA, NOHO, PakauKau amen a HALELOLE
No ka Hoolimalima.
PEOPLE’S HARDWARE STORE.
453 Alanui Moi Akau, Kokoke i Palama Settlement
KELEPONA 2670
6348—8 wks
NA MEAHOU LIKE OLE O WAIANAE KA AINA KUPOLUA
E kuu kapena maikai, ka mea nana e hoopiha nei i ka mokulele i ka lewa,
Mr. Solomon Hanohano, welina kaua a hui hou:--Ua wehe ae la o Mr. Akona Manese he paina luau nui ma ke ahiahi Poaono, la 13, o Sept., no kona lilo ana i makai no ka mahiki Waianae nei, ilaila ae ka punanui na wiliki o ka halewili, ke kupakako, na lunahana, na keiki o ke kaahahi, ko lakou mau auna like, Wile Pele, makai, amen a hoa kanaka; o na meaai Hawaii ka nui, poi, puaa, oio moana kai lena, moa, amaama, limu koku, inamona, meaono, kini kulolo, waimomona, ua ai a piha I ka loko maikai o keia keiki.
Ke haawi nei au I ko’u mahalo nui nona, oiai o ko oukou kiu hanu meahou malaila i hana like a kokoua iaia no keia luau.
I ka pule i hala, Poalua, la 2, puni i’a nui ma Makua, he hahalalu, ola ia aina kaha, ke hoonuu la i ka hahalalu, hauoli na kupa o ia mau kaha.
He paani kinipopo na na keiki o ka Niu o Poka I me na keiki o Leilehua ma ka auwina la o nehinei ma ke kahua kinopopo o Waianae, Sabati nei. Eo no i na keiki o ka Niu o Poka-I; 6 o Waianae, 4 o Leilehua.
Ni kela, a e paani hou ana I keia mau pule ae.
Ma ia la no i puni hou mai ai ka opelu i na keikei o Kalahiki, he mau lau, ma ke kaahi mai o Kahuku o ke ahiahi, no Makua no, hiu no na keiki o Iapana malama lau, nakeke ke eke o ka lahui hana nui wale.
Make he keikei Kepani iloko o ka auwai o Lualualei, mamamuli o ka hemahema o ka makuahine, loaa aki ua make; he kamana ka makuakane no Waianae nei; elua makahiki keia keiki.
Eia au i Waianae nei kahi i luakaha ai, he o ia mau no ka la o Waianae nei, aole ua, nui ka wela; ma keia Poaha ae au e hoi ai i Laie, e ike a e hui me ka ohana. Ekolu mahina o’u i hele ai me elua pule oi.
Ua lawa maanei. Ke noi ae nei au i na Kahikolu e kokua ia ka Lunahooponopono mailuna mai, a pau pu me na keiki limahei o ka papapa’i.
W.K. APUAKEHAU.
Waianae, Sept. 16 1919
______________________________________________________________________________
NA ANOAI O KA HOIKE KULA SABATI MA PAUWELA, MAUI
Mr. Lunahooponopono, welina nui kaua;---Ma ka la 7 o Sept nei, ua malamaia na hana hoike Kula Sabati maloko o ka luakini o Kalani kahua Hou ma Pauwela, Maui.
O ke Kahu Kula Sabati Nui o Makawao Akau, o Mrs. Jos. M. Mitchell, ma ka noho lunahoomalu o ka la. O ke Kula Sabati o Pauwela, Maui ka hoike mua. O E. M. Kepoo he alakai himeni, a’o Mrs. Hattie W. Kaloa ke kumu nana i alakai i kolaila Kula Sabati me ka maika ame C.E. no hoi. Maikai no keia hoike K.S., paanaau no ka lakou mau haawaina.
O ke K.S. mai o Paihiihi, o Mosse Panui ke alakai himeni; o keia K.S. kekula a ke K.K.S. Nui o ka apana o Makawao Akau i haawi ai i na hoomaikai nui ana; no ka mea, he nui ka paanaau o na haawina o keia kula.
O ka na makua ame ka na pokii mau haawina K.S. ame C. E. he like wale no ka paanaau o ka lakou mau haawina mai ke nui ka liilii. Manawa I hoikei he 22 minuke.
Ok= ko Paia K.S. ka panina o n ahana o ka la. O. E. M. Kepoo ke alakai himeni. Na kumu nana I hoike i keia kula, o Mrs. Daisy Kalaaupa, Mrs. Lizzie Machado, Mrs. Kum Ho ame Mrs. Ui Holiana.
Maikai no ko makou Kula Sabati o Paia nei; manawa i hoikeia he 23 minuke.
Oka nui o na dal aluluia he $25.70
Mahope I ho o ka pau ana o na hana
O ka la hoike, laa hoi aku la ke anina
E hoopiha i ka lua o ko lakou inaina.
Kou oiaio,
O.K. PONIAULANI
Kuau, Paia, Maui, Sept 13, 1919.
Eia no’ke Alalau’a ke ku mai nei, iloko ae nei o ke Awa piha no na pa a ka poe makaala i ka hele i na po apau, nele no ka poe hiamoe i kauhale, he ola ni hoi keia hala hoi ka hele ana i ka makeke, mai hoohemahema wale ia pomaikai.
______________________________________________________________________________
KakelemeKuke
(KAUPAL@NAIA)
Poe Kalepa ma
K Komisina
-A H@--
Poe Agena no na Mahiko
Lehulehu
__________________________________________________________________________
AINA KUAI EMI LOA
$2500- Apama Ana 80x100 ame ku Ha’e 36 x36, eha rumi moe, ma Lanakila Tract, Kunawai. Kulaua kiekie, ikeia ke kaona amen a moku komo mai $500 ka ukumua, $30 no no mahina apau.
$350- Apana Aina 1-x85 ma Lanakila mauka o ka Hale Pupule. He maikai a nani ka noho ana o kela wahill He $25 ukumua a $10 i haniha apau.
$160---Apana Aina, 50X100, Alanui 10, ma Palolo. $10 ukumua. $5 i na mahina apau.
PAULO KALAUKA
(P.E. R. STRAUCH)
Akena Kuai Aina Emi Loa.
Waity Bldg, Helu 71 Alanui Moi.
NUPEPA KUOKAO
No ka malahiki (one year)……………………………………………$2.00
No eoneo mahina (six months)………………………………………...1.00
O na Dala ame na hoolaha Apaoe hoouna pololei mai ka ADVERSTISER PUBLISHING COMPANY, LTD. Wale no. P.O.X 208, Honolulu, T.H.
Entered at the Post Office at Honolulu T.H, as Second Class Matter
CHARLES S. CRANE…………………….LUNA NU@
AHAHUI EUANELIO AHA HUINA O
NA MOKUPUNI O KAUAI
AME NIIHAU
E noho mau ana ka Ahahui Euanelio Ahahuina o na Mokupuni o Kauai ame Niihau ma ka Poalua ekoulu o Okatoba, la 21, 1919, ma ka hora 10:00 a.m., maloko o ka Luakini Hawaii o Kihue.
E oluolu na Kahu Ekalesia Hawaii, Haole, Pake, Iapana, na Korea amen a Kahu Ekalesia Pilipine, ame me ka makaukau, no na hana a ko kakou Haku aloha ma ko oukou mau kihapai.
E na peresidena, na alakai amen a eleele o na Ahahui Hooikaia Kristiano, e hele mai me ka makuakane ne ka oukou mau hoike pakahi, no na hana e hooholomua ai I na Ahahui C.E. iwaena o na Ekalesia.
Na Kahu Kula Sabati Nui o Kauai Hikina ame Kauai Komohana, na Kahu Kula Sabati Apane amen a eleele pakahi e hele mai me ka makukau, mana mea hoeueu a hooholomua i na Kula Sabati o kakou.
Makaukau pu mai me ka oukou mau “Malama Ola” pakahi, hoouna mai I ka Lunahoomalu, Hon Wm. Hyde Rice, a i ole ia i ka ahahui ma ka la i hoikeia ae la maluna.
Ko ouku hopaahana no,
JAMES H.K. KAIWI
Kakauolelo o na Ahahui Elua.
Niumale, Lihue,, Kauai Sept 13, 1919
O ka oukou mau haina e L.W. H. Ohaialii o Kalaupapa he penikala, k@ Karoline Metti, he maia; ka D.W.P. o Moiliilii, he hinaikala; C.B. Ma’u Ulu o Lele, he pahu kelepona; ka Pohukaina Spring o Kaawa, he loho; ka Kaanini ke Alo’ilo Pukoo, he kalo; ka Pilipo Kekoa o Waianae, he kope; ka puunale Boy, he pahu elelo; ka Mrs. P.K. Mahuahua Jr. he pu; ka Lilihua o Anahola, he Nupepa Koukoa; Ka M.Makalei o Hilo, he hala; ka Robert Kaiwi, na akua o ke au kahiko; ka Wm. R. Nihiaumoe, he ko; ikahi; no ka @ane a John Liilii, ua hu wale no i kula, nolaila hoouna mai i mau haina hou, a kakau mai no hoi miomio, moka moakaka o ke kakau ana.