Ka Nupepa Kuokoa, Volume LXI, Number 2, 13 January 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

Nupepa Kuokoa, Honolulu, T. H. Poalima, Ianuari 13, 1922.

 

Ku e Na On aOtomobile I ka Manao o Johnson

            Aohe kulike o na manao o na lala o ka Honolulu Auto Club a me na on a o @@ kaa motor (aila@a) me ko @@. Stuart Johnson, ka luna nui o ka Hui Kaa @@ila o Honolulu; ma ka hoakaka a Mr. John aohe i lawa ke kiekie o na @@hau i kauia aku maluna o na kaa automobile e auamo ai lakou i ko lakou @ahele no ka malama mau ana i ka maikai o na alanui. Ma ka manao o na hi kaa otomobile ma kahi o ka hoopi@@a ae o ko lakou mau auhau o ka pono loa e hoemiia iho. Wahi a @@ on a kaa @tomobile kakaikahi loa na kulanakauhale nui Amerika i @@@@@ mai elike ke kiekie o ka au@@ kaa oto me ia e ikeia nei ma Hawaii nei. Maloko o ke kulanakau@@@@ o Nui Ioka ua emi iho malalo o ka hapalua o ka auhau e kauia nei maanei kolaila auhau kaa oto, a ma loko o ke kulanakauhale o Kikako he @mi loa iho.

 

            O John T. Warren, ka peresidena o ka hui kaa otombile o Honolulu, ka i hoike i kona kue i ko Mr. Johnson manao elike me ia i keia maloko o ka Advertiser.

 

            'Aohe hiki ia'u ke lokahi me ko Mr. Johnson @@@@@ maluna o @@ @@@@ @@@@ ana o ka hoakaka ana o ia hoi, e hookiekieia aw na auhau o na kaa otomobile o nei, a i ole o na kaa otomobile wale no ke auhauia no ka malama mau ia o ka maikai o na alanui. E pili ana me ka auhau e kauia nei i nei manawa maluna o na kaa otomobile eia ko'u manao, in a no ka hoololiia e pono e hoemi loa ia mai na auhau e kauia nei mai ka elua a ekolu manawa @@mua o ka hapanui o na mokuaina ma Amerika.

 

            O ko'u lilo no ka auhau i kauia maluna o ko'u kaa otomobile ma ka la aku la i nehinei he $37.20 no ka makahiki, in a no ko'u noho ma ka mokuaina o Ilinoi he $12 wale no ko'u auhau kaa, a in a hoi @@ kanaka au e noho ana maloko o ke kulanakauhale a Nu Ioka o ko'u auhau kaa otomobile no ka 1922 he $19.10. Ua hiki ia'u ke l@@a he manawa, e hoike aku i na auhau kaa otomobile ma na mokuaina e ne ma Amerika, ke hoohalikeia ae me na auhau kaa oto maanei he emi loa iho ka auhau malaila i like ole me koonei.

 

            "No ka hoakaka ana aku maluna o ka lua o ko Mr. Johnson manao o ia hoi o na auhau kaa otomobile wale no ke kupono e lawa no ka malama ana i ka maikai o na alanui eia ko'u manao, na hanaia na alanui no ka kaa a he waiwai ia no kela kane keia wahine a me na keiki maloko o keia Teritore, in a he kaa otomobile ko lakou a aole paha. Nolaila aole i manaoia na alanui no na kaa otomobile wale no aka no ka pamaikai o na mea apau. O ka hookaulike ana ne i ka pomaikai e loaa ana i ka on a kaa otomobile me ka pomaikai ma ke ano laula no kela ame keia makaainana he mea paakiki ka hooholo ana. Aka nae, o kona mau auhau wale no kona mahele i kuleana e uku ma ke ano kaulike.

 

            Aohe Dala o Ka Waihona No Na Makai Hou i Makemakeia

 

            Aohe haawina dala i hookaawaleia i loko o ka hila haawina o na hoolilo no ka hapa makahiki o 1922 no ka hoomahuahua ana ae i ka heluna o na makai mawaho ae o ka hoopii hoa ia @e o kekahi mau makai ma kekahi nuu kulana maluna no ma na apana kuaaina o ia na makai mokokaikala. O keia ka hoike hoopuk@ia ae 'o Ben Hollinger kekahi lala o ke kon@ite waiwai.

 

            O Lester Petrie, ka lunahoomalu o ke komite makai a ka papa kekahi i hoike ae ia manao like a wahi ana o ka hoike ana ae:

           

            "Aohe o makou kue maoli i ka hoomahuahuaia ae o ka heluna 'o na makai, aka nae o ka hiki i ke keena puuku ke hoolako aku i haawina no ia mau makai i makemakeia he me@ maopopo ole ia. O ka ninau nui o ia ke dala, aohe o makou makemake e hoomaka aku i na hana o ka makahiki me kekahi @ila haawina hoolilo i oi aku ka nui mamua o ka mea hiki ke @kua aku. @oko o na la hope o ka makahiki ia manawa paha e maalahi ai ka noonoo ana aku no ka hoomahuahuaai ae o ka bila haawina o na hoolilo, in a e ikeia aku ana ka hiki mamua o ka hoomahuahua ana ae i ka haawina hoolilo i na mahina mua o ka makahiki."

 

O ka na lunakiai i hoolala ai o ia ka hoikeike ana ae i hookahi kanaka @@@ kela a me keia apana kuaaina me ka hoikeike pu ia ae o ka uku ma ke ano i makai mokokaikala, a o keia mau kanaka ua paa mua ko lakou mau inoa ma ka papainoa o na makai e ukuia aku ana e ka oihana makai.

 

            Na keia mau makai e hookiekieia ae ana e kuai i ko lakou mau kaa mokokaikala ponoi. Hookahi kanka e laweia mai ana mai Waialua mai, hookahi mai Ewa mai a o ke kolu mai Kaneohe mai. Ua kanaluaia ka hookohu ana aku i kekahi maikai mokokaikala wai. Waialua mai @@@@ he elua wale no @@@ makai @@ ia apana i nei manawa.

 

            He manao ka i hoakakaia wai i ka Advertiser hookahi makai mokokaika la e hoonohoia aku ana ma kela a me keia apana e nohoia mai nei e na ma kaainana, e laa o Kapunahou, Waikiki a i ole Makiki. He kahua paa ko kela a me keia makai mokokaikala e hoonohoia aku ana i hiki ai e kahea in aku oia i na manawa apau e makemakeia ana ma ia aho ua manaoio he oi aka kana hoomalu ana mamua o ke kanaka e kaahele ana maloko o kona apana mai kekahi ihi a i kekahi.

 

            Haalele Kekahi Mau Haumana O Ke Kula Makinele

 

            O kela pihakui o ke kula nui Makinele i ka hoomaka ana o ka hapaha iloko o Sepatemaba i hala ua hakahaka loa mai ka mahina mai o Sepatomaba mamuli o ka haalele ana aku he 50 hou ia kula. Ua hoike ae ke kumupoo i ke kumu hoi o na i komo aku ia kula mamuli o ko lakou hooikaika ponoi ana no ko lakou mau uku kula ame ko lakou ola ana ua hiki ole ia lakou ke hoomau aku i ka hele ana i ke kula e aho ko lakou hele ana i ka hana i mea e hiki ai ia lakou ke ola. Eia nae, he iwakalua o keia huina i hoikeia ae la maluna i hoopau maoli ia mai ke kula mai mamuli o ka hiki ole maoli ia lakou ke hoomau aku i ka noho ana ia kula no ka paakiki loa o na haawina ame ka lawa ole o ko lakou ike, o keia kumu hope kekumu o ka haalele o ka hapanui o na haumana.

 

            Mai ka 10 ka 20 pakeneka o na haumana o ka papa eha i komo aku i ke Kule Makinele i lawa ole maoli ka makaukau e komo aku i ke kula. O na haumana e komo aku i ke kula. O Kula Makinele i ka hapa i hala ua loaa ia lakou na palapala e hoike ana i ko lakou makaukau e no ke komo ana aku i ke kula kiekie, eia nae, ma ka hoikeia ana i keia ai ko lakou lawa ole i ka makaukau e komo aku ia kula, a no ia kumu i hookuuia mai ai kekahi mau haumana a haalele maoli no hoi kekahi mau keiki no ka hiki ole ia lakou ke hoolako ia lakou iho a ua manao lakou e hele aku e lawelawe i kekahi hana i mea e pono ai ke ola ana.

 

Malamaia ka Hapenula ma ka Ekalesia o Paia

 

Solomon Hanohano; Aloha Hapenuia kaua:- E oluolu mai e hookomo iho i na meahou i hanaia ma ka Ekalesia o Paia ma ke ahiahi Poaono, Dec. 31, 1921.

 

            Ua malamaia he paina e na hoahamau ame lunakahiko o ka Ekalesia o Paia, ma keia ahiahi, i ka hora 8:30, no na mea apau. He paina hoohauoli keia no na mea apau. Ua nui na hoapaahana i hiki mai, a hui pu. Malaila pu mai ke kalapu himeni p Pauwela, e ala kaila ana e Nipa, kahi i hoonanea ai i ka papaaina ma keia ahiahi, me ka hauoli i na himeni i meleia mai. Ua ai a lawa na mea apau, i na mea i hoomakaukauia, ka p@@a momona, na opihi ono Hamakua, ka limu, na meaono ame waimomona.

 

            I ka pau ana o keia hana, i hoi aku ai na mea apau noloko o ka luakini, no ka malama aha i ke Kula Baibala, i alakaiia e ke kahu Moses M. Kahiapo. Na mokuna i kulaia ai, ma Ioane 6:1-30. 7:1-40, nui na mea maikai, in a keia kula ana, me ka hauoli o na mea apau.

 

            I ka ho@a 10:00 ponoi i malamaia ae ai ka halawai haipule, ahiki i ka ho@a 12:00. Ka poe na lakou i malama. Rev. Moses M. Kahiapo, hope kokua Jno. Kukahiko, James N. Faufata, James Kahaawinui. Ke kumuhana o keia po, Ka ke Akua alakai ana ia kakou i keia makahiki e pau ana.

 

            Ua haiolelo na mea apau me ka hauoli, na leo mele ame na manao hoe@@@ piha i ka hauoli. Ke anaina i hiki mai he 90. Kekahi mea oi aku he pomalie keia, hoomaikai nui i ke Akua.

 

            I ka ho@a 12:00 ponoi o kela po, i kani ae ai ka hele he 12 kani ana, e hoike ana ua make ka makahiki kahiko, a eia kakou i ka makahiki hou 1922, me ka himeni a me ka pule mai ke kahu mai.

 

Kakahiaka Sabati, Jan. 1, 1922, malamia ka halawai Sunrise Meeting. Kumuhana, ma kuu Uhane. Maikai ke anaina haipule.

 

            Ma ka ho@a 10:00, i malamaia ae ai ka hoolaa ana i na luna nui o ka ahahui C. E. Kuwaena (Imidiate) no lakou na inoa pen@@:

 

            Mrs. L. Mashado, alakai; Mrs. Aliee Kahokuolua hope; Eddie Kahiapo, peresidena; Ida Kahoe, hope; Moses Piohia, kakauolelo; Earnest Konohia, puuku: Lily Chang, kakauleka; Mrs. R. Milikaa, alakai himeni: Moses M. Kahiapo, hoakuka; Violet Kahiapo elele.

 

            Na luna nui o ka Ahahui C. E., Jr. o na pokii; Mrs. Luma Ho, alakai; Mrs. Emily Hokoana, hope; Anna Akuna kakauolelo; Violet Lum HO, puuku; Willie Kaholokula, peresidena; Abraham Kalaaupa, hope; Moses M. Kahiapo hoakuka: Mrs. R. Milikaa alakai himeni; Willie Kaholokula, elele.

 

            Ia P. N. Kahokuoluna ka olelo a'o i ke kahu ka pule hoolaa. Na ahahui hou keia o keia makahiki 1922.

 

            Halawai haipule nui, ke kahu me na lunakahiko ma ka awai. Heluhelu Baibala Iosua 4:1.24. Pooolelo. Iosua 4:21 22, he mea aha keia mau pohaku. @@alla e hoike aku oukou i ka oukou poe keiki me ka i ana aku, Ma kahi ma@oo i hele mai ai ka Iseraela, ahiki i keia aoao o @@@@@@@ nei.

 

            Maikai ka haiolelo mai ka awai mai, me ka hauoli o na mea apau. Hookuu ke anaina haipule me ka pale. Alaila hoi na mea apau e paina maluna o kekahi papaaina i hoomakaukauia me ka hauoli, me keia mau manao pokole haawi i ke aloha Happy New Year i na mea apau.

 

John Hokoana, Jr.

Kakauolelo K. K. O. K.S.

 

Ka Keola

 

            I ka luna hookele o ka lahui, ke Kilohana Pookela, ka Nupepa Kuokoa, Mr. Solomon Hanohano; aloha oe:- E oluolu mai kou ahonui, e hookomo iho i keia puolo, a ke aloha, e hoopulu ana i ka lihilihi maka, ma kahi kaa wale o ka kaua nene aukai o ka moana apuni na mokupuni.

 

            Ma ke ahiahi o ka Puaha, la 22 o Dec. 1921, i halawai mai ai maua me ka lono hoolelehauli i ko maua puuwai i ka lono kaumaha, me ka apana pepa i kakauia me ka inika, mai ka'u moopuna kane J. M. Nuuanu, ka makai o kai o Waianae i haawi mai ai i ka maua keiki ia Aukai Kahulu, e hoike aku ia laua, ua pilikiaia ka moopuna ua make ma nehinehi, Poakolu, la 21; ua keleponia mai nei olua e hele aku i Ewa, Kalauao.

 

            Ua puili ae la ko maua mau lima ma ko maua papalina, i ka lohe ana i ka maua moopuna kuakahi, Elizabeka, ua hala, ua haalele mai i kona papa a me kona mama e noho mai la i Kalihi ma ka pa ma'i o Puuhale, kona kuku wahine, nana i malama, a me ka ohana o ke kane Peter Keola.

 

            O maua hoi, aia maua i ka home hookuonoono i Lualualei, ka aina i hoopuniia e ke kiawe, nona ka lau hunehune kaulana me kona pua aala hunehune moani ke ala.

 

            Ua kuu mai la na Pukawai o Kulanihakoi, mai ka lani mai, mai ka Poakolu ahiahi, a po, a ao ae Puaha, ka loku ana o ka ua hiki ole maua ke iho i kai o Waianae, kau aku i ke kaaahi o ka hora 4, hooholo maua a Poaono, alaila maua pii loa i Honolulu kaa o ke ahiahi, e hui me ka maua moopuna Mrs. Annie Peter Keola, e noho nei i Kalihi ma ka pa ma'i o Puuhale.

 

            Ua koele wawaie i kai o Waianae, me na puolo, ahiki i ke dipo hora 3, i ka hiki ana o ke kaahi i Waianae kona manawa ku hora 4, kau aku la iluna o ka lio hao me ko'u mau hoa o ka aina kaulana i ka uluwehiwehi o ke kiawe o Lualualei, me ka ua no ka lio hao e haulani nei iluna o ke alahao, me ka makaui pu, me ka nui o ka wai o na pali e hiolo mai ana, i loko o na malako o Honouliuli, komo iloko o ua lo'i laiki a ua Pake, pela a, ku makou i Honolulu.

 

            Ia ahiahi, hoea ka maua keiki kau  luna o ka mikini, no ka home, ka pahu hopu; me ka ua no, a ku ana; hoaumoe me na keiki, ia po, a ao ae, makaukau na mea Karisimaka, no ia la, pau no, iho makou i Kalihi e ike i ka maua moopuna, hui pu me ia me ke aloha, i hipuuia me ke kaumaha, me ka luuluu, a ka puuwai e ume ana iluna, me he hanu ana la a ka paa, o pana awiwi ana, ma ko'u umauma, oiai ka mama iloko o ka pa o Kalihi, o maua hoi kona mau kuku mawaho aku nei, o kana bebe hoi, aia i Kalawao, kahi o ka ohana o kana kane.

 

            Nolala, ua hala ma ke ala mau o ka honua, he aloha i ka momi i haawiia mai, aka ua hemahema ka malamaia ana, aole i huliia ke ola e loaa ai ka lanakila, ua noho palaleha nui ko maua minamina i keia moopuna kuakahi.

 

            Ina i mahu'i mua maua kona mau kuku, in a ua kii mai maua no ka aina Puuhonua ka hooponopono ana, elike me kona mama nana i hoopuka mai, he oi aku ka pilikia o kona mama, pii ka pehu, manana, aka o ke aloha o ke Akua, ua loaa ka lanakila, loaa hou i keia ma'i ulalii, ano e ka ili, nolaila lawe mai maua e hookomo iloko o ka pa o Kalihi, ma ka la 28, o Aperila, 1921, o keia makahiki no, apopo, pihaiaia ka 8 mahina iloko o Kalihi, na maikai kona helehelena nui maikai i kuu iho ana e ike iaia i ka la @@@@@maka nei, a i nehinehi hele hou e ike iaia, he kali wale no iaia, ahiki i kala e hookuuia mai ai e ka papa ola, ke loaa mai na kokua ana i ka maua moopuna mai ke Akua mai, ka mea nona ke kuleana mailuna mai, a ko ka papa ola, ko ka honua nei.

 

            Ua hana@@@ o Elizaheka Keola ma ka la 12 o Ianuari, 1921, a make aku la i Dec. 21, 1921.

 

            Ua lawa ko'u kakau ana, ke haawi nei au i ko'u hoomaikai ana i na keiki o kou keena pa'i, ma ke ano mele Karisimaka kakou, me Hapenuila, me ka mahalo nui, a hui hou aku.

 

W. K, Apuakehau,

Honolulu, Dec. 27, 1921.

 

Hoolaha Lulu Manawalea

 

            Ke hoikeia aku nei ka lohe ma keia i na lala apau o ka Hui Kokua a Hookuonoono o na Wahine Oiwi Hawaii, e lulu mai i ka hapalua (50e) dala manawalea no ko kakou hoahanau Mrs. Puiki Low i haalele mai i keia ola ana, a e haawi ae ma ka lima o ke kakauolelo puuku, Miss Helen Allen ma ka hale halawai o ka ahahui.

 

            Mrs. Maikai Kaleo, Kakauolelo Moolelo H. K. H. W. O. H. 6486--Jan, 13, 20, 27, 1922.

 

Teritore o Hawaii

 

Keena o ka Puuku, Honolulu, Oahu.

 

            Ma ka hana e hoopau ana i ka OAHU FIREWOOD COMPANY, LIMITED. OIAI, o ka OAHU FIREWOOD COMPANY, LIMITED,  he hui ia i kukuluia a e ku ana meialo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he pelepala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

 

            NOLAILA, ma keia ka haawila aku nei ka hoolaha i kekahi mea, a i na kanaka apau, he mau kuleana mamua e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 21 o Maraki, 1922, a o kela a me keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ola ia aku ai ka palapala noi i oleloia.

 

A. Lewis, Jr.,

Puuku, Teritore o Hawaii.

Honolulu, Ianuari 10, 1922.

6486-Jan. 15, 20, 27; Feb. 3, 10, 17, 24; Mar. 3, 10, 17.

 

Teritore o Hawaii.

 

Keena o ka Puaku, Honolulu, Oahu

 

Ma ka hana e hoopau ana i ka HAWAII ICE COMPANY, LIMITED, OIAI, o ka HAWAII ICE COMPANY, LIMITED, he hui ia kukulaia a e ku aua malalo a ma ka maaa o na kanawai o ke Teritore o Hawaii, i kulike ai me ke kanawai i hoomakaukau ma na hana o keia ano, ua waihola mai i loko o keia keena he palapala noi no ka hoopau ana i ka hui i oleloia, hui pu me kekahi palapala i hooiaiolia i hoohui pu ia me ia, elike me ia i koiia ai ma ke kanawai.

 

NOLAILA, ma keia ke haawila uku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manwa ma kekahi ano iloko o ka hui i oleloia, e pono e waiho mai i na kue ana no ka @eia aku o ka palapala noi i ole loia maloko o keia keena, mamua ae o ka hera 12 awakea o ka la 21 o Maraki, 1922, a o keia a me keia mea e makemake ana e hooloheia aku maluna o ia mea, he pono e hoea kino ae ma kekeena o ka mea nona ka inoa malalo iho maloko o ka Hale @@@@ Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ao ole ia aku ai ka palapala noi i oleloia.

A. LEWIS, JR.,

Puuku Teritore o Hawaii.

Honolulu, Ianuari 10, 1922.

6486-- Jan. 13, 20, 27; Feb. 3, 10, 17, 24; Mar. 3, 10, 17.

 

*******ADS*******

 

He Mau Olelo A'o

 

E Hoomakualii i keia wa; Mai kali a kahi wa hou aku. Ina he wahi Koena Liilii koe au, e malama, e i aku no ua la nele

 

A e Hoahu Maloko o ka Makou Kalapu Hoahu Karisimaka

 

O ka la apopo ka la hope loa nou e komo mai ai iloko o ka makou kalapu

 

Hamama ko makou ipuka ma ka hora 8:30

Ahiki i ka 12

 

Ahiahi o ka La apopo hora 7 a ka hora 8:30

 

Mai poina i ke komo ana mai maloko o ka makou kalapu o 1922

 

O ka põe e makemake ana e komo mai i keia pule ae ma kekahi mau hooponopono kuikawa wale no.

 

O ka wa pono no keia

 

The Bank Of Bishop & Co., Lted

 

Chinese-American Bank, Lted.

Hoohula i Mei 10, 1916

 

Hoakaka no ke kulana ma ka pau ana o ka oihana, dekemaba 31, 1921

 

Na waiwai

Hoaie, Hoemi âme kilo…$1,349,375.50

Na Bona…………317,431.58

Na Lako Hale…….23,693.50

Na Ukupanee Loaa Mai… 11,360.09

Na Waiwai e Ae……5,732.91

Dala Kuike mai ka Bauako mai……692,117.34

______________

$2,399,710.92

 

Na Loaa

Kumupaa (Ukuia)…… $150,000.00

Waihona Keu……133,412.46

Hookaawaleia no ka Auhau $5,000.00

Puka Mahele Ole la….. 12,000.00

Hoemi i Hana Ole Ia…. 3,498.80

Na Hoahu………. 2,095,799.66

_________________

$2,399,710.92

 

New Palama Theater

 

"Ka halekeaka nani mawaho aku o Honolulu"

Poaono-Thomas Meighan iloko o ka "The Conquest o Canaan,"

Poakahi--Frank Mayo iloko o ka "The Fighting Lover"

Poaloua-Mollie King ilk o ka "Women men forget,"

Hoikeikie i na la apau. Elua hoikeike ahiahi. 6:40 a me 8:40.

Ukukomo: 5 a 30 Keneka.

 

Empire

Hoikeike mau, 12 m. a 10:15 p.m.

Elua hoikeike poaono, Sabati me na la kulaia, 6:30 a me 8:30.

Ke paani nei-Louis Lovely i loko o ka "Little Grey Mouse."

Sabati-Eileen Percy ilk o ka "Why trust your husband."

Poakolu-Tom Mix iloko o ka "Hands Off."

Ukukomo: 15, 25, 40 Keneka; Ukuia ka auhau kaua

 

Hawaii

Hoikeike mau i na la apau, koe ka Poaono, 12 m a 5:30 p.m.

Elua Hoikeike Sabati, 6:30 âme 8:30 p.m.

Ke paani nei--Edith Roberts iloko o ka "Thunder Island."

Sabati-Neal Hart iloko o ka "Black Sheep."

Poalua-Alice Brady ilk o laa "The Land of Hope."

Poaha-Jack Pickford iloko o ka "In Wrong."

Ukukomo: 15, 25, 40 Keneka; ukuia ka auhau kaua

 

Liberty

Hoikeike ao i na la apau, koe ke Sabati, 2:45, Ahiahi, 7:45.

Ekua hoikeike, Poaono, Sabati ame na la kulaia, 6:30 ame 8:30.

Ke paani nei--Lois Weber's production, "The Blot."

Sabati-George Melford's production, "The Great Impersonation."

Poaha-Nell Shipman iloko o ka "The Great Impersonation."

Poaha-Nell Shipman i look o ka "The girl from God's country."

Ukukomo: 25, 40 kemeks, Noho i hookaawaleia 60c. Kelepona 5060.

 

Ka Auhau Loaa Makahiki o ke Teritore o Hawaii no ka 1922.

 

O ke ana o ka auhau ua laweia mai ia mai ka 2% mai o na loaa makahiki o $5000 a malalo, ahiki i ka 5% o na loaa makahiki maluna aku o $100,000.00, me ka hoolaweia ae o keia mau hookuu ana mahope ae nei:

$1,000.00-Ina he mea mare ole a mea paha i mareia, aole nae he noho pu me ke kane a wahine paha.

$2,000.00-Ina ua mareia a e noho pu ana me ke kane a wahine paha, a i ole, e noho ana ke poo ohana me ka poe e kauka'i ana iaia

$200.00-No kela me keia (mawaho ae o ke kane a wahine paha) e kauka'i aku ana, a e loaa mai ana kona kokua nui mai ka mea uku auhau mai, in a malalo o 18 makahiki ke kahiko, a i ole, hiki ole paha ke malama iaia.

 

            Aka, i wahi e loaa ai ka hookuuia i ka poe i mareia, i na poo o na ohana, a i ole, no ka poe e kauka'i aku ana, he mea pono ia mea ke hana i pepa hoike loaa makahiki imua o ka Luna Ohi Auhau, a i ole i knoa hope, e hoike ana, ua kuleana oia ia mau hookuu ana, a e koi ana ia lakou. He mea pono e hanaia keia hoike iloko o ka mahina o Ianuari, in a aole pela, aole e a@ia aku ka hookuu ana.

            Aole e pono i ka poe hookaa auhau ke hoohuikau i ka hoike auhau loaa makahiki Teritore me ka hoike federala.

            O cela âme keia mea he loaa makahiki kona o $1,000.00 a oi aku paha no ka makahiki e pau ana i Dekemaba 31, 1921, he mea pono e hana i hoike.

            O ke poo o ka ohana he mea oia e hoolako maoli ana he hookahi a oi aku paha poe, i pili loa mai iaia ma o ke koko nona ka pono, e hoohana i ka hoomalu ana i ka ohana, a e hoolako i ka poe kauka'i aku maluna on a, hookahuaai maluna o kekahi luleana o ka noho ana a pili kanawai paha.

            Ano ka manawa e hooko ai i keia hana ano nui: in a aole he maopopo ia oe o ia mea, e kipa ae ma ke Keena Auhau no na hoakaka piha. Na kekahi hope e kokua mai ia oe i ka hana ana i ka hoike me kou kaki ole ia.

6485-Jan., 6, 13, 20.