Ka Nupepa Kuokoa, Volume LXII, Number 39, 27 September 1923 — E LIIA ANA MA KA AMANA KE POKO RIKO. [ARTICLE]

E LIIA ANA MA KA AMANA KE POKO RIKO.

No ka hooko ana aku i ka hoopa'i i hoakakaia ma ke kanawai,'no ke karaima pepehileanaka ma ke degerc ekahi, i hoopuka mai ai ka Lunakanawai Kaapuni Ray J. o'Brien i ka hoopa'i make, no Cleofe Ruiz, kela Poto Riko nana i ki i ka Makai James K. Kēonaona i ka pu a make he hiau pule ae nei i hala, malalo o> Honouliuli, Ewa, o ia hoi kona liia aku maluna o ka amana likanaka maloko o ka halepaahao hou o ke Teritore. Ua lokahi na kiure ma ka manawa e hooloheia ana ka hihia pepehikanaka o kela Poto Riko, 110 kona pili i ka hewa pepehikanaka ma ke degere ekahi, o ia kona ki ana i ke kanaka o ke aupuni me ka pu panapana a make; o keia nae ka hoopa'i ukali aku la mahope o ka olelo hooholo a na kiure. Mamua nae o ka hoopuka ana mai o ka lunakanawai i ka hoopa'i maluna o ka mea i hoopiiia, ua ninauia mai oia, ina paha he mau olelo kekahi ana i makemake ai e kamailio ae, i wahi e hoopa'i ole ia ai oia, ua hoole aku oia, ia wa i kamailio mai ai ke kahu o ka aha, i keia mau olelo: "O ka hoopa'i a keia aha e kau aku ana maluna ou, o ia no ka make, a aloha mai ke Akua i kou uhane." Me kela mau olelo maopopo loa, no ka hookauia mai o ka make maluna o ka lawehala, aole r.o he mau olelo i hoopukaia ae e ka Poto Riko, koe xvale no kona ku malie i kahi hookahi, ahiki i kona hoihoi hou ia ana aku no ka lioopaa ana maloko o ka halepaahao, no ke kakali ana, ahiki i ka wa e liia ai iluna 0 ka amana. Ho pepehikanaka 110 ke karaima mua a keia Poto Riko i hana ai ma Maui, me kona hoopa'iia ana, e noho oia maloko o ka halepaahao ahiki i ka pau ana o kona ola ana ma ka honua nei; na keia karaima hou nae ana i lawelawe ai, i hoopokole mai i kona mau la o ke ola ana. Mai ka paa ana o ka halepaahao hou o ke Teritore, ahiki i ka wa e liia aku ai o keia Poto Riko, o Keia ibo la ka elup o na lawehala e liia iluna o ka amana, o ka mea mua loa 1 liia, he Pake elemakule, he makahiki a oi ae nei i hala, no iona pepehi ana i kekalii kaikamahine opio a make ma Kauai.