Ka Nupepa Kuokoa, Volume LXIV, Number 18, 30 April 1925 — NA MELE HAWAII MA NA KULA. [ARTICLE]

NA MELE HAWAII MA NA KULA.

O kekahi o na*hoopanopono ahaolelo maikai loa i hapaiia mai ma keia kau o ka ahaolelo i pau aku la, o ia no ke a'oia 0 na himeni Hawaii maloko o na kula aupuni. O na himeni Hawaii, e meleia ana ma ke ano Hawaii, o kahi mea ano nui loa ia i akeia mai ai e lohe e na malihini makaikai, i kipa mai i Hawaii nei; aole ona ano himeni e meleia nei i keia la e ko kakou poe ike himeni ka hoololiloliia ae, mai ko lakou mau ano kahiko mai, i kohu ai elike me na ano o na himeni e meleia nei i keia manawa. Aia iloko o na malihini, na manao hoohihi maoli i ko kakou mau himeni, i ka manawa e meleia ai, e na Hawaii, me kela leo o ke kailakā Hawaii; no ka mea, o ka kakoii mele ana, ke ano o ko kakou leo, aole ia i loaa i na ano lahui e ae o ka honua nei; he mea oiaio loa keia i ikeia, ma na manawa apau a na malihini makaikai honua, i hoea mai ai, a lohe pono i ko kakou maw himeni, ame ke ano o ke meleia ana, ka mea a lakou i lohe ole ai mamua. Pehea ka malihini o kekahi mea i ka kakou mau- himeni o kela au kahiko, pehea ka pohihihi ame ka, maopopo ole iaia o na huaolelo e meleia ana, hookahi nae mea nana i hooni aku 1 kona uhane; aia iloko o na himeni Hawaii, ka nani, o ka leo ke hoolohe aku, aia iloko olaila ka ilihia ame ke kailipuuwai maoli no; a o ka mea oi loa aku, oka leo o na Hawaii, ke mele mai i na himeni, he leo ia, i hanau maoli ia mai no me keia lahui kanaka, aole i hoololiloliia elike me ke ano o ke mele ana a na lahui e ae. Ke minamina loa nei kikou i keia la, no ka hiki ole e hoomauia aku ka olelo Hawāii ame na himeni Hawaii; ma keia hooponopono ahaolelo nae, o keia ke keehina mua, e hiki ai ke hoomauia aku keia hana, i kaulana ai o Hawaii nei ame kona lahui kanaka.