| | NA AUI O KE AU KAHIKO. Mr. Solomon Hanohano, Aloha ka-
ua:-— E ae mai i kowa o kahi kaa-
wale o kau hiwahiwa ka Nupepa
Kuokoa, no ka manawa.
Ia'u i nana iho ai i kahi kii oluna
o Puowaina i ke ano, he imu ahi nui
e a ana, a he elua mau mea e ku
ana iluna o ke ahua, manao ia laua
he ilamuku nui no keia imu ahi nui
e pii ana kona uwahi i ka lani. O
ka mea nana i hoanoe ae i ka mea
kakau nei, e kolo aku ana he kana-
ka i kahi o keia imu ahi e a ana
no kona make aku, ma kona puhiia
ana iloko o ke ahi no kona hopena
o ka make ana, no ka mohai ana i ke
akua ma ka hoopai ana aku a ke
kanawai a ke alii Kakuhihewa. He
haneli makahiki mamua aku i hala.
Eia wale no i nalowale ai na hele-
helena o keia imu ahi puhi kanaka
oluna o Puowaina.
I ka wa i lawe ia aku ai ka
pukuniahi o Kalola, ame Aikanaka e
kukulu iluna o Puowaina, a uhiia ia
mau wahi a paa i ka lepo ame ke
oki ana i alanui aupuni no ka lehu-
lehu, pela pe e ike ole ai i kona
ano. I hoihoiia keia mau pukuni-
ahi i mea e haawi mai i na kipu
aloha ana i na alii o na aina e mai,
ame na moku manuwa e kipa mai
ana i ke awa o Kou nei. No ka ike
ana i ke aupuni o Hawaii nei ame
kona lahui i noho hoaloha ia me
Hawaii nei. O ia ke manao nui o
kela mau pukuniahi i waiho ia ai
iluna o Puowaina ia au i hala. Alo-
ha no kahi i kaheaia ai ka inoa
Konaahuanui, he puu ano poepoe
oluna o keia wahi, huli kona alo na-
na ia Koolau iluna o keia pali o
Nuuanu e ku nei, aia ma kela aoao
mai o Pauoa e pii ai oe nouka a
hoea ia wahi, o Kaukaapuhi, he pu-
nawai wai mapuna nui ia e ulu ia
ana e ka awapuhi, kou ike no ia i
keia wahi ame Manoa. E noho ana
kei awahine ui o ke ano eepa iluna
o Konaahuanui, huli papu koha alo
e kiei iho ana ialalo o Koolau, e
nana ana i ka poe kanaka o ke ala-
nui o ka pii mai no Honolulu nei.
O Mr. Kanakaliilii, he hanai ilio
ka hana a kupeleia a momona, a o
Mr. Kanakaole he mahiai a kanu
kalo kana hana, e noho ana laua
nei i Kailua, Koolaupoko, Oahu nei,
a o ke alii Moiwahine Kaahumanu
e noho ana i ka lae o Kaaukuu
makai o ke alanui Moi, Likeke ame
ke alanui Kalepa, a o ke Alii Ke-
kuanaoa ka hope loa e noho ana
me kona poe ohua, a i kela wa he
alanui no ka lehulehu e hele ia nei.
Noho iho nei ke Alii Moiwahine
Kaahumanu a ono i ka ilio ame ka
poe lehua, kauoha ae la i kona elele
awe kauoha, e holo oia a hoike
aku ia Kanakaliilii e kalua mai i ilio a ia Kanakaole e kahu i ai na ke alii Moiwahine Kaahumanu. Pupuu a hoolei loa ku ana kahi elele hoea i Kailua, a hoike aku nei ia laua i ka manao o ke alii Moiwahine Kaahumanu, nana ae nei laua nei i ka la, ae, a ka la apopo lawe aku maua i na mea apau. Hoi mai nei ka elele a ka la apopo hoea mai aua. Ae ua maikai. Kanakaliilii hopu aku nei oia he iliomoo, pau i kalua eia nae a moa, komo iloko 0 ka umeke koa, hookomo iloko o ke eke lauhala paa mai i ke koko o waho, nui ka paa i hana ia mai la o ka ilio. Pela pu no hoi o Kanakaole i hana ai i kana kumau ai no ko laua lawe mai i Honolulu nei. Hoomaka laua e auamo i na ukana a laua no ka hele mai ia kakahiaka me ka maikai wale no ia e hele nei i ke alanui, pii mai noluna o ka pali o Nuuanu a kau iluna, huli no hoi laua i ka lae no kai, hoea Iaua nei i ke kowa o Kaholoakeahole, o ia ka wa i ninau mai ai ua wahine nei iluna o keia puu o Konaahuanui; ke hole ae nei oukou. Pane ae nei kahi ilio i paa iloko o ka umeke, i koko ia mawaho ae: "E hele ae ana makou i ka auwe aina o lakou nei." I ka lohe aha o laua nei i keia leo o ka ilio i pane ae ai. O Kanakaole mahope o ka auamo, pane aku nei ia Kanakaliilii, lapu hoi ka Ilio ia kaua, ka Kanakaliilii pane hoi iaia, "ola hoi ka ilio." O ka pii mai Ia no ia o ka maka'u ia laua nei, he kalua ao nei hoi au i ka ilio, a keia ilio hoi o ke ano e o ka honua nei i ike i ake kupanaha Kiolaia e laua nei ke koko ilio a laua i Iawe mai i ke alanui. Hoea laua i mua o ke alo o Kaahumanu hoike aku nei i keia moolelo a pau i ole e make laua imua o ke alo o ka Moiwahine Kaahumanu, anoo koke ae la ka noonoo ona ia wa, i ka lohe ana aku i keia moolelo o ka ilio, aole ona huhu iloko ona i na kauwa ona. Ua lilo i mea nui ka moolelo kupanaha o ka ilio i mea kaao nui ia iwaena o ka poai alii iho ona ia mau la. I na ohua mai hoi o ke alii, hele loa aku la i ka laula o ka aina. Ma ka nana ana o ka mea kakau i keia moolelo nia o ka Iliomoo i kaiua ia ai, be kinohapa moo o keia wahine ui i noho ai iluna o Konaahuanui. Ua lilo i mea maka'u ia ka ilio i ka po i na poe o Koolau ke hoi i ka po, hoi mua no i ka wa ahiahi okoa no ia au i hala. No kahi wa aku. MR. GEO. POOLOA, Minoaka Home, 1920 Young St. | E HOOMAU IA HAWAII KAHIKO. (Na Theo. Kelsey, a Unuhiia no ke
Kuokoa.) Maloko o ka Hilo Tribune Herald
Sept. 11, 1925, ua hoeueu aku ka
meakakau ae ka hoomauia o ka olelo
Hawaii kahiko ame na olelo naauao
ko kakou mau Paemoku, i hoopaa-
ia mamua aku nei me ka pau pono
ole ame ka pololei ole. Ma. ka hoo-
paa ana e mau loa ai ka ikeia, o
na mea hiki ole i ke kanaka Ha-
waii ke malama ma ka hoomanao
ana aole wale no ua kaohiia mai oia,
mai ka huna ana i kana "kalena"
iloko o ka honua, aka ua kauia ae
kona malamalama maluna o kekahi
ihoiho-kukui" e ikeia mai o Hawaii
me ka nani oi ae, na mea Hawaii
oi ae, imua o na maka o na lahui-
kanaka o ke ao nei. E maliu aku
kakou i na huaolelo o ka naauao
i kamailioia e Mr. Sellander o ka
Matson Navigation Co., ma kekahi
haiolelo mamua koke aku nei i ka
Honolulu Commercial Advertising
Club o Honolulu penei: "e malama
kakou i na mea Hawaii maoli."
O na hana i hoakakaia e kekahi
poe mamuli mai o ko lakou ma-
nao ponoi iho, ma ka aoao o na
haole ame na Hawaii, he mau mea
ano nui loa ia, aka nae ma ke ano
i kaupalenaia. Ua uku aku ka le-
hulehu no na hana hoohauoli, aole
no ka hana naauao pili lahui.
O na haawina dala i hookaawaleia
e ka ahaolelo no keia hana, ua ane-
ane e holo wale aku no i na haole
oiai hoi i noiia mai ai na Hawaii e
hana wale aku no elike me ia a ke-
kahi poe i hooko aku ai. Ma ke
ano hoololi nae e uku kakou i na
kanaka Hawaii, a noi aku i na haole
e hana wale mai a'u e manaoio nei,
e ae mai ana ka hapanui e hana
pela, no ka mea ma kekahi ano,
he Amerika keia mau Paemoku, a
ua makemake o Amerika ia lakou
e lilo i Hawaii. Ua hiki ke hoa-
kakaia ae, o ka haole, ka mea ma-
kaukau loa no na kenekulia lehu-
lehu i kaahope ae nei ma ka ike
kakau manao amo ka moolelo, i pa-
pahiia mai me na ike no ka wehe-
wehe ana, ka hoohalikelike ana, ka
hoohuihui ana a pela aku, a ua ku-
pono maoli no keia hana pohihihi.
Ma ka ae ana ae ua loaa iaia
keia makaukau,aia nao he nui wale
o na ake 'ake 'a e hiki pono ai iaia
ke hoopaa i na mea Hawaii. Ane-
ane e hiki pono ole i kekahi haole,
ina ua hookomo koke ia mai nei,
ke ike aku i na mea ma na maka
o ka Hawaii. Ua hiki oia ke hoo-
halikeia ae me ka mea kahakii i
hoakakaia e P. Howard Hitchcock,
ka mea. nana e lawe mai i ohu
Sekotia iloko o kana mau kii aina
Hawaii ma kana wahi e ike ana ua
kupono. No na mea pili i ke ea
ame ka manao Hawaii, he mea pono
e kauka'i aku ka haole no ke ko-
kua ana mai a ka Hawaii. Eia
lou ua manao ka Hawaii ua oi ae ka
manoanoa o ke koko mamua o ka
wai. Ae, no na hopena maikai loa
he mea pono e hana like ka Hawaii
me ka haole. Nolaila e haawi aku
kakou i ka Hawaii i manawa noia
e hoike mai ai i ka mea hiki iaia
ke hana, a ke pau kana, alaila
kono aku i ko kakou mau loea ike
pili palapala e hooi ae i ka maikai
o ka kakou mau meapaahana Ha-
waii.
Ina e lokahi like ana ka poe i
makee i keia hana, alaila e loaa
ana ia kakou he hookahi kanaka
Hawaii kahiko no keia hana, a'u
e manaoio nei, mamuli o ke kama-
aina. O Mr. James A. lokepa ka
inoa o keia kanaka, he hoahanau no
ko kakou Kakiana Makai o Hilo
oia pu kekahi loea ma ka olelo, a
he mea haku mele, a he mea ma-
kaukau ma na laau lapaau Hawaii.
Oiai nae ua hoopilikiaia oia ma-
mua mamuli o kekahi ma'i, ma
na mea i loheia ae, ua makemakeia
na kokua ana mai ia Mr. lokepa
aku no keia pilikia. He maikai
kona limakakau, a he makaukau
oia ma ka olelo Enelani. He ka-
mana akamai ma ka oihana, nui wa
le kana mau bale, i kukulu ai, o ka
Halepule Mamona ma Honomu ke-
kahi.
Oia ka mea nana i wawahi i kahi
hooholo, oiai oia e lawe pu ana me
kana mau mea hana no Mokuola,
mai kahi mai i hanaia ai me ka
puna kameki, mailuna aku o ka po-
haku laahia ma ia inoa hookahi,
no kona noonoo, he kiahoomanao ke-
la pohaku no kona mau kupuna,
no ka mea ma keia pohaku, e hele
ai ka poe i loohia i ka ma'i, ma-
muli o ke a'o a na kahuna, a i ko
lakou wa e luu ai iloko o ke kai
a aea mai, e ola no ko lakou ma'i
a ma keia pohaku no hoi i hoakoa-
koaia ai na piko a kipopoia iloko
o ka nakaka o ka pohaku no ka
malama ana, i ole ai e lilo ka poe
no lakou ia mau piko, i poe aihue,
ka mea i kapa mau ia (piko pau i
ka iole).
He kanaka kupono loa ko kakou
hoaloha maikai no ke kokua ana aku
i ka Rev. Judd ma ka hoomakau-
kau ana i ka buke wehewehe hua-
olelo Hawaii hou, e hoopukaia aku
ana e ka Bishop Museum. Ua hiki
iaia ke hoopaa i na hana naauao
a ka poe kahiko ma Kona, ame
na apana apau mawaho aku. Ua
hiki iaia ke bana ma ke ano he
buro hoomalamalama no ka poe i
hoohanaia, ma na hana pili kakau
Hawaii elike me Miss Beckwith o
ke Kula Nui Vassar, ka mea nana
i kakau ka unuhina ma ka olelo
Enelani o ka moolelo o Laie-i-ka-wai | ame ka Lunakanawai Lyle Dickey
o Kauai, ka mea e hoomakaukau ana
i kekahi buke no ka hei, a malia
o ka pu kekahi, no ka hoolahaia
aku e ka Museum. Ua hiki iaia ke
hoopaa i ka hula hoa kamaiki ame
kekahi mau hula kahiko loa.
Ua hiki ke hoopaaia na mele olioli
kahiko ma ka ipuolelo. Ua hiki
iaia ke lawelawe i kekahi mau hana.
waiwai he nui, e laa ka unuhi ana
i na mele kahiko, no ka mea ua
maopopo iaia ka hapanui o na olelo
pohihihi, ina nei no ka hoikeia ae ma
na huapalapala maopopo, elike me
ke ano maamau, aolo ana e loaa
pono ka manao o ka mea haku mele.
Oiaiaia mau ka hemahema me na
hana a kela ame keia mea, ke lana
nei kuu manao, e loaa mai ke ko-
kua ana a kekahi poe e ae, elike
me John Wise, he mea makaukau
no ka hooponopono ana i kahi o ke
paewaewa.
Ua ae mai ka Lunakanawai Step-
hen L. Desha, Jr., o Hilo, kekahi
mea ohohia nui i keia hana e lilo
i puuku no kekahi waihona no ka
hana pili Hawaii e na Hawaii. O
ka'u hoi e hoakaka aku nei, e hana
ike ka poe i makee i keia hana ma
ke koho ana i kekahi huina uuku ma
kela ame keia pule, elike me na
Poaono. Ina paha ua lawa a lawa
ole ka mea e loaa mai ana no ka
hana pili Hawaii o kekahi ano.
Malia paha he elua makahiki mai
keia manawa aku, o ala ae ana ka
ahaolelo a hoomaopopo, be mea pono
e loaa ia kakou he haawina no keia
mau mea, me ka hoopaneenee hou
ole aku.
E loaa ia kakou ka lokahi like
ana o na ahahui Hawaii apau. Pe-
hea, la e oi ae ai ka maikai o ka
hoolimalima ana ia lakou iho ma-
mua o ka pulama ana i ka olelo
Hawaii ame na mea naauao o ko
lakou aina. Malia paha he hiki
no ia lakou ke bana i kekahi mea e
ake 'ake 'a ai i ko lakou lahui mai
ka "mare ana fiku iwaho", elike
me ia e hanaia nei i keia Ia. E
lobe kakou i na manao kokua o ka
lehulehu no keia kumuhana. E hoo-
lilo kakou ia Hawaii no na mea
pili Hawaii. Ua hiki ia oe ke ko-
kua! E MAHALO AKU ANA AU IA OE,
A E HOAHEWA LOA AKU
ANA AU IA OE I KO WAHANUI. E Mr. Lunahooponopono o ka Nu-
pepa Kaokoa; Aloha oe:— E oluolu
mai hoi oe i kekahi kolamu kaawale
o ka kakou Nupepa no'u hoi ia
wahi.
Ua ike iho Ia au i aa manao hoo-
laha. a "Ka Ohu Haaheo i na Kui-
ahiwi Ekolu," no kuu hoolaha ana
penei:
"Auhea oe e Puuanahulu, aole
no e loihi loa na la i koe, kapalulu
ke alanui aila i na ipuka hale ou.
Aole keia he mau olelo pelo wale
no a ano haakei, aka e hanaia ka
olelo me ka oiaio. " I mea no ka lehulehu e ike ai, aia no imua o ko alo na hana holomua
i hanaia, a mamuli o keia mau la-
lani olelo, i hoopukaia e ka Nupepa
Kuokoa o ka la 3 o Sept. 1925; ua
lilo iho Ia ia mea maikai i kuu hoa
o ka apana hanohano o Kona Akau,
ho mea hewa loa.
E kuhi ana au be kanaka ike kuu
hoa i ka hoolaha nupepa. Penei.
"E mahalo aku ana au ia oe, a o
hoahewa loa aku ana au ia oe no
kou wahanui loa."
Kupaianaha! Aole ka i hoike
mai nei i ka mahalo, a o ka hoahe-
wa loa mai aei no ia i kuu waha-
nui. Heaha ke ano o ia mea ie
wahanui. He olelo hoopunipuni,
wahahee. Oiaio ole, hakuepa epa
kamailio i na mea oiaio ole imua
o ka lehulehu.
Aole o'u makemake i ka hoopu-
nipuni, wahahee, imiepa wale no;
a i ka ike ana o ka lehulehu i kau
hoolaha wahanui, e lilo ana oe i ka-
naka ino loa, i oi aku mamua o
ke diabolo.
Penei na mea oiaio a'u i manao
ai, e hiki io ana no i Puuanahulu
ke alanui aila. Aole e loihi loa na
Ia hiki i na ipuka hale o Puuana-
hulu. Ina e hanaia keia pauku ala-
nui me na dala he $50,000 i hooholo-
ia ai e keia ahaolelo, e paa ana keia
mau mile ekolu a emi mai paha;
alaila, helu aku oe i na ahupuaa
i paa i ka aila, ehia ahupuaa. Aole
anei ua hiki aku ma kahi o ka
iwakalua ahupuaa, a oi aku no; a
oiai, ua paa kela mau ahupuaa i ka
ailaia, a i hookahi wale no ahupuaa
i koe o Huehue, a o ka hiki no ia
i ko ipuka hale. Wahanui iho la
anei a'u.
Ke aa mai nei oe e pili kaua;
aole ka e paa i ka aila, a hala he
iwakalua makahiki ke puka o Kimo
Ako.
Owau ka mea aa ia oe e pili; a
e koho kaua ia Kimo Ako a puka
alaila hoi paha, akaka ka paa ole
Aole anei hoi o ke kakoo aku i ke
kanaka i noho loihi ma ka oihana
lunakiai i aneane piha umi maka-
hiki me ka holomua, a hanohano no
hoi ka apana o Kona Akau. Ke i
mai nei ka Halelu 85:5. "I mau
ka hanohano ma ko oukou aina."
A pehea e mau ai ka hanohano o
ka aina.
1 — E hapai, a onou ae iluna i na
kanaka i ikeia ka holomua o ka
apana.
2— Loihi na makahiki i noho a
i lunakiai; a kokoke loa i kou hale
ke alanui aila. E aho ka hoi oe
e noho luna alanui ana; eia ka ole
i ko hoa; he kipikua ame ke kapala | e kuapuu ai ke kua.
O ka'u mea minamina wale no,
o ka inoa e ka aina kaulana; Liona
Kona Akau, Duke Hao o Kona
Akau, ame ka Pohakuhauoli o Kona
Akau; hanohano ia la a kakou e
hoohemahema nui.
Me na keiki hoonohohua kuu we-
lina, a o kuu aloha nui me la Lu-
nahooponopono. HOOMAU I KA HANOHANO O KONA AKAU.
HAINA NINAU BAIBALA. Mr. Hanohano; Aloha oe:— E olu-
olu mai kou ahonui ma Kahi kaa-
wale o kau wahaolelo a nau hoi ia
e hoike ae i ka'u haina no ka ni-
nau Baibala a Chas. Kealoha.
Heaha kona ano maoli, e maopo-
po ai o ia io ka euanelio.
Haina. Kona ano maoli, he ku-
auhau, elike me ka Mataio hoakaka
ana i kakau ai i kiina euanelio, aia
ma ka mokuna 1:1; a i ole he mo-
olelo elike me ka Luka hoakaka
ana i kakau ai i kana euanelio, aia
ma ka mokuna 1:1-4. ame ka moo-
kuauhau, aia o keu mea la okolu
ua like no ko lakou ano kuauhau,
moolelo mookuauhau; a pela e mao-
popo ai o ia io ka euanelio. Ina,
aole ka mookuauhau, a i ole kuau-
hau ame ka moolelo, pehea la e
maopopo ai ia kakou he alii oia.
Mai ka mookuauhau, a i ole kuau-
hau, moolelo mai e maopopo ai ka
euanelio o Kristo.
Pehea hoi o Kamehameha mai ka
mookuauhau mai i maopopo ai ia
kakou he aliiaimoku oia. Ina aole
ka mookuauhau aole oia e oleloia
he aliiaimoku, nolaila ua like keia
mau mea elua o ka euanelio ma o
Kristo la, o ke alii aimoku ma o Ka-
mehameha la.
E kala mai ia'u e hoomaopopo
ae hoi au i ke ano maoli o ia mea
he euanelio:
1 Auanelio, Nuhou hauoli. He
nuhou maikai elike me Kristo ke
alii kiekie ma ka lani ame ka hoo-
ola o keia ao.
2. Kekahi ma o ka moolelo eha o
ko Kristo ola ana i kakauia e Ma-
taio, Mareko, Luka, ame Ioane.
3. He mau huaolelo mailoko mai
o ka euanelio, e malama mau ia nei
e na hoomana like ole, o ke ao nei,
penei:
Ka euanelio i kakauia e Mataio,
Mokuna 1, pauku 1, ahiki i ka pau-
ku 17, penei ka pauku 1. e hoaka-
ka ana a o heluheluia penei:
O ke kuauhau na ka hanauna o
Iesu Kristo, ka mamo a Davida,
ka mamo a Aberahama; nolaila he
nui na hanauna, mai ia Aberahama
ahiki ia Kristo. Nolaila, ua ka-
kau o Mataio i ka euanelio ma o
Kristo la. Ma kana hoakaka ana
iloko o ka Baibala Hemolele he ku-
auhau e helu papa mai ana i ka
hanauna a Aberahama ahiki ia Iesu
Kristo.
Ma Mareko hoi, kana kakau ana
i ka euanelio mokuna 1, pauku 1,
penei:
O ka mua o ka euanelio no Iesu
Kristo ke keiki a ke Akua; Nolaila
io mua ka euanelio, a he mua no
o Iesu Kristo, ua like keia mau mea
elua a ma o Iesu Kristo no ka eu-
anelio.
Nolaila hoouna mua mai la ka
Haku Iesu Kristo i elele. Isaia
mokuna 7 pauku 14; Mareko, mo-
kuna 1, pauku 3; Mareko makuna
1, pauku, 7.
Nolaila, o Mareko he kakau eu-
anelio ma o Kristo la, aole paha e
kakau wale o Mareko ke ole e mao-
popo iaia ka mookuauhau o Kristo.
Ka euanelio i kakauia o Luka,
mokuna 1, pauku 1, 2 a 4.
No ka mea, he nui ka poe i hoao
i ka hooponopono i ka moolelo no
na mea i hanaia iwaena o makou.
Pehea keia, a penei:
He nui ka poe e huli ikaika ana
i ka mea oiaio, a hoao e hoopono-
pono i ka moolelo o Kristo. Pe-
hea e hiki ai ia lakou, ke ole e loaa
ka iwikuamoopololei mai na ha-
nauna mai o Kristo. Nolaila aia
no a loaa ke kumu alaila hiki i
na lala ke ulu ae. .
Nolaila kakau o Luka 5 ka eu-
anelio ma o Kristo la, ma ka Pauku
I ame 3, he huli moolelo. Pauku
4 penei. I ike oe i ka olaio o ua
mau mea la i aoia aka ai oe. Po-
lolei keia pauku a penei.— I ike ai
keia poe kakau euanelio i ka lakou
mea e kakau ai mai ka mookuau-
hau mai o Kristo ame kona moolelo
Mareko, Luka, ame Ioane, ho poe
kakau euanelio ma o Kristo la, a he
poe hooponopono kuauhau, mooku-
auhau ame ka moolelo o Kristo. O
teia mau mea ekolu, ua like lakou
he hookahi no aho.
Ninau 2. No keaha. I ike ai
hoi kakou he mea oiaio ka mooku-
auhau o Iesu Kristo, a maopopo hoi
ia kakou o ia io ka Euanelio ma o
Iesu Kristo la.
Maluna o keia ninau euanelio
ke haawiaku nei, au i ko'u mahalo
a nui ia Chas. Kealoha ka mea nana
ka ninau euanelio. Powehiwehi ka
ike o ka poe kai euanelio o Kristo
la, aole au he kahunapule, a i
ole hai euanelio no Kristo, aka, he
wahi ohe i luli i ka makani aole
heluhelu mau i ka Baibala Hemo
lele elike me lakou ae nei
Owai hou ae ua ike hai euanelio
i maopopo ia makou ia mea he
euanelio Ke haawi pu aku nei
i na hoomaikai i ka Lunahoopono-
pono ame na keiki oniuhua o ke
keena pa'i me ka mahalo.
GEO. H. KILIA,
Aekai o Kakakaukukui. Ua lalau mai la kau mau haina | |