Ka Oiaio, Volume VII, Number 11, 17 May 1895 — Page 1

KA NUPEPA OIAIO

“O KA PONO KA AIALII E OLA AI KA AINA

BUKE VII                  Honolulu mei 17, 1895                       HELU 11

HE MOOLELO KA AO HAWAII

NO

LAUKAIEIE

Ke Kino Kamahao Iloko

O  KA

Punohu Ua-koko.

Ke Kahuliloal`a o ke

Kuluaumoe o

Na Pali

o

Waipio Hawaii.

 

Unahi me Mose Manu no “KA LEO

 

            No laila, ua hele aku o Makanikeoe a hiki ma keia lua poepoe powa ma Malolokai i ka wa kahiko, a hiki ia mana keau elua, a me Ohikilolo, a iaia nei i kiei aku ai ma Makua ua hewa i ka wai ka nui o na kanaka ua pani paa ia ke one opiopio o Makua a me na wahi e ae.

 

            Aia hoi ka hale o kaikamahine alii Koiahi, ua pohai ia e na uluwe hi aala ona@ na a pau o ke kuahiwi, aia hei na ui nohea a pau ke noho nei me ko lakou kulana kilakila e pilipili aina ale aku ai kekahi poe ma ko lakou mau aoao.

 

            Aia ma koia nei nana ana aku i ke kulana o na kaikamahine o Honouliuli n e ko lakou kaikuanane o Kauakilow o, me he mea la, aia he mau manao hakukoi iloko o na umauma o kekahi @ na ohana e hele pu nei no keia keiki kanaka maikai nui wale me kona mau kaikuahine, oiai aia lakou a pau imu o ke alo ponoi o ka mea nona keia moolelo me he mau pua kanu ala iloko o kekahi kihapai i like ole ko lakou mau wai hooluu ke ike aku, a oiai no hoi ko lakou mau helehelena ma ka nana aku, aia ke hahai aku la e h@e me ka nani o Aahoaka Laukaiehe a me kona alii kane, aua ike o Makanikeoe i ka mea e hina ana.

 

            A oia paha kou e ka mea heluhelu e ninau i holo i ka mea e haule ana iloko o keia huakai ke hai mua aku nei ka mea kakau.

 

            Oia no kela kamaeu o ka moana  ka mea hoi nona ka manao mua i olelo aku ai na koiahi , oiai laua ma Ewa, aole nae no keia manawa a lakou e noho nei ma Makua, aia aku i ka palena o na moku he 12 o na Mokupuni o Hawaii nei.

 

            I ka wa a Laukaieie me kona ohana, a me na hoa e ukali pu ana ma kana huakai, ua hoonanea ia lakou a paa ma ka home ponoi o ke kaikamahine nona Kamailelaulii me ka lawa pono i na mea a pau me ka hemahema ole

 

            A oiai lakou e nanea ana, aia hoi ua hoea kino aku o Makamkeoe i mua o lakou me kona ano mau no o ke kulana hiehie nui, a he wa hoi ia no kana ui nohea kaohaiula i haaoli nui loa ai, a he wa no hoi ia i hoanoe ia ai na manao o na ui nohea a pau o Ewa no ko lakou ike ana mai i he keiki eueu o Hawaii, o oia ka Ulalena a me kona mau ohana ponoi i kuka nui iho ai. A oia paha keia la e hooheno ae ai

 

Ua eha loko i ka makemake,

I ka hone malie a ka puuwai,

Ke lou nei la i ka nui kino,

Pehea la oe e kaonoi?

Eia ia nei Keaumiki,

Ponniuailana neenee mai.

 

            Mahope iho o na luana maikai ana ia la, aia nae i ka manawa i aneane aku ai ke alahele o ka la ma ke`a aoao o ka poepoe Honua, @ a hooholo ae la ka mea nona ka heakai me ka ohana a me Koiahi e haawi mua mai na kamaaina i mau lealea nola po iho, a hooholoia ia mea.

 

A oia ka manawa a Koiahi i olelo ai i na ui nohea a pau o Ewa e lealea lakou ia po, e like me ka manao o ke alii wahine Laukaieie, a ua ae no lakou me ke kanalua ole, a ua hookaawale koke ia ke kahua, me ke kuene pono ia o kaaha kanaka nui e noho nei me ka maluhia me ka lohe wahi leo ole ia e pane ae ana.

 

            A mamua ae o ka ike ia ana aku o ka poe e lealea hula mai ana oiai lakou ma kahi okoa aku e liuliu ana i na mea e pili ana i ko lakou kino.

 

            E like me ke ano mau oia hana hoohaoli o ka manao, ua nihi malie mai la na aheahe welau makani me ke ala waianuhea o ka mokihana mai luna mai o Kaala, me ke ala onaona o ka muu nene o ke kula o Malamanui, a me ke kupukupu o Lihue ua puia holookoa ke anaina nui e noho nei i ke ala like ole o keia mea a lakou e honi nei, a no ka mea hoi nona keia nanea a me kona ohana apau, he poe lakou ua maa ia mea.

 

            I ka manawa o ke anaina e u ana i ke ala me ke onaona eehia, aia hoi ua lohe pono ia aku la ka leo o Koiahi e uhene mai ana ma ke oli ana

Lei Waipio i ka noe o na pali

Lei ua koko ula i k@wai o Ulu

I waluwalu ia e k@ lei ouli

Maholehole me he liko ala

He lei no kuu haku lani

No ka hiki a ka lau ieie i kanahele

O laukaieie o-Laukaieie

Ka wahine i ka maka o ka la

Aweowe ula i ka maka o ka opua

He pua laha ole kuu lani no na moku

Ke holio mai la i ka moana

Ka makani kaiaulu o kuu aina

Halawai ae la me ka la o Kilauea

Ea Makua me Keawaula

Po i ke ala maile luna o Koiahi

 

            I ke kuu ana iho o keia mele oli a ka ui kaulana o Waianae, ua like me ka anapu ana a kauwila i ka lewa, ua ku like mai la ua poe ui nei o Ewa iluna me ua oiwi—

 

Maikai Kawaikini he nani ke nana

O ka hemolele o ia uka me ke onaona.

 

            O na lealea i kuupau ia i ua po nei, he hula ia i ike mua ole ia e ka mea nona keia moolelo kaao ao—le no hoi ia hawina i kona mau ohana apau e hele nei no ka mea  he okoa ke ano o keia hula he huli a huli mai na alo i kahi hookahi, oia no ka hula poili, na hanaia ka pua o ke ko aki i kui ia i ke kaula mawaena a paa i ka puaia.

 

            A e like me ka nui e hiki ai i ka ma ke apo ae, a o kekahi hoi, he mau ipu uliuli maikai i hana Pawe heia, a na kunikuni ia i ke ahi a puni a ua hou ia he mau pukapuka he ekolu keia mau ipu i hou ia a puka, oia kahi e hookomo ai i ka laau a paa na ipu malalo a me luna, a o ka ipu mawaena aia ilaila ke kaula i hoopaa ia ai, a oi kauula ka mea e huki ai ka lima akau a o ka hoomaka noia e niniu na ipo.

 

            A ina e hoomaka na mea iaia na puili e pa-a hela me ka apopo ana me ka huli ana o ke kino ma o a maanei me ka olu pono o ke kino a oia ka manawa e hanai na mea ia laua na ipu e paa nei.

 

            He owe hoi ko keia me he puili a he hu hoi ka makani i ko na ipu me ke kani honehone o na ipu, a he hula haaheo keia ma ka nana ana a ka poe a kahi no a ike, he hula hooni puuwai keia i ka poe i ike ke hana mai,  a o ke mele no kai ka waha e hana ala.

 

            @ na he kanaka ui a wahine maikai na mea nana e hana mai me ka lealea e ku ai i ka iinui, aole nao ai i ka papa a welawela ke kai o ka moa.

 

            O keia hoomaka ana o ua poe ui nohea o Ewa e hana, ua nui loa ka hauoli o ka mea nona keia nanea me kana alii kane a me ko haua mau ohana a pau me ke ohohia nui.

 

            I keia manawa o na kileo o ua poe ui nei o Kaiahamauleo e uhene nei aole o kana mai o ke kana hibi o kekahi o na ohana o ka mea nona keia moolelo, me he mea la ua halawai mai me na uhane lapu o ka po, a ke nee nei na iliili a ke koio nei na pupu, aia hoi ma keia lealea hula, ua olelo malu ae la o Laukaieie i kana a@ kane e hele aku oia imua o ke alo o ka poe hula, e olelo aku ia lakou, @, ke hooko nei au i ka makemake o ka`u lani ahi wahine, ma ko`u maki pakahi ana akuo @ ko ouko mau papalina nohea e keia poe ui.

 

            A nolaila, e manao iho oukou a pau he mau aikane aloha na kau ani wahine kiekie.

 

            I ka pau ana o keia mau olelo a Laukaieie, ua hooko aku la kaan ahi kane i kona manao, a he wa hoi keia i haka pono mai ai na maka o ua mea a pau me ka ae lealea mai o ua poe nohea nei.

 

            A ua hoomau ia ka lealea a hiki i ka huli ana o ka ia mau ua po lealea o Halahi, aohe ma ka pihi iho o na malihini a me na kamaaina kaua mea he nui o ke ohohia ia, a mamuli o ka manao o Laukaieie ua ano maluhiluhi ua poe hula nei.

 

            Nolaila, ua pane aku la kona leo ahi me ka malie, e hooluolu lakou a pau i ka manawa i koe aku o ka po.

 

            A ua hooko koke ia kona makemake me ka hakalia ole.

 

            A ua hai hou ia aku no hoi ka lohe i na mea a pau e hoomanaoia ma ka lua o ka po e hiki mai ana e hoike piha aku ana na ma@hi puu kani leo kahuli o ke kuiuaumoe o na pali o Waipio, e like me na mea i maa i na poe nohea la oia mau la.

 

            A ma keia mau olelo, ua hoolohe ia mai la ia leo e na poe kamaaina a pau o Kamakani kaiaulu o Waianae.

 

            A ua nee ae ka lehulehu no ka manawa ma ka hooluolu ana ia lakou iho ma ko lakou mau hale ponoi, a o kekahi poe hoi, ua noho pu iho la me na poe malihini.

 

            I ke oo ana mai o ka leo ka moa kuakahi ua oehu ae la ka mea nona Kamailelaulii o Koiahi i kona poe a pau e hoomakaukau i na mea ai no ke ao ana ae oia kakahiaka nui a ua oleloo ia aku no hoi e ho-a ia ke ahi-aloa oia ka mea nana e hoike aku i na mea a pau.

 

            He lealea nui koia po iho no na malihini kaulana o ka hikina mai a ka la, a ua hookoia na olelo apau me ka eleu nui.

 

            Aia ma ia la ana ae ua holo ae la ka lohe ma na wahi apau o Waianae, a ua hiki loa aku i ka hapalu o Waialua keia mea hou ano.

 

            A ua hele nui mai na kanaka mai kahi loihi mai i ke awakea o okoa no o ka la.

 

            I ke ahiahi okoa no, aia hoi ua lawe ae la o Laukaieie a me kona kaikunane aiwaiwa i ko laua mau ohana ponoi, aia iioko o ka Punohu ua koko kahi i noho ai me ka hoopuniia me na ao poluluhi, aia hoi he mau anapu malamalama a ka uwila e holo-ke ana iloke o ka lewa a he mea kahaha nui hoi keia no na manao o ka lehulehu me ke ano pilihua o ko lakou mau noonoo ana.

 

            A heaha la auanei na mea e hana ia mai ana?

 

            Aka, o ka mea hiki wale no ke olelo iho.

 

            Oia ka mea oi kelakela a me ka mana kupanaha o ke kaikamahine o loko o kawai o Ulu i Waipio e hoi ikeike ala e like me kona ano mau.

 

            Oiai ke anaina e haka pono mai ana ko lakou mau maka, aia nae ke puka pakahi aku la na poe puukani o Waipio imua o ke kahua lealea o ia po.

 

            He hakoi ana na ka leo o kahekili a pau ae aia hoi na poha koke mai la ka leo o Pupukanioo me kona mau hoa a pau a he poe like ole hoi keia o na leo mele e like me ko lakou ano mau i ike ia, ma keia moolelo kaao mai ka hoomaka ana mai.

 

            A he mea ohohia nui hoi na ka poe akahi a ike ma keia hana a ua poe eueu nei.

 

            Ua anoe na noonoo o na ui nohea o Ewa a me ko Waianae poe a pau a o kahi mea kupaneha loa ma ka nana mai a hiki a ke anaina, oia no ko lakou mau keehina wawae e kapalili mai ana i ka lewa.

 

            A oia hoi ke anaino e hooko ana me na leo uwa e wawalo ana i na paia o ka lewa me ka eehia nui, oiai ua kupau ia na lealea hula o na ano a pau aohe hoi o lakou me kawai ma ka hana ana.

 

            Ua hoomauia na lealea a hiki i ke ao ana me ka maluhia. A maia hope iho ua hookuuia na mea apau e hooluolu a ua haawi ia mai ka pupuweuweu hope loa, e like me ke ano mau oia hana.

 

            Ma keia la, ua kuka iho la o Laukaieie me kona kaikunane a me na ohana a pau no ka nee ana aku o ka huakai no na ale kualoloa o Kaieiewaho.

 

            A he wa hoi keia na ka ui kaulana o Waianae e kuhikuhi ana i na a pau.

 

He Moolelo Kaulana

 

NO

 

OPERIA.

 

Ka Eueu o Aitiopia

 

A ME

 

APERODITE

 

Ka Mahina Piha o Iopa—Ka oiwi nona ka Ui a me ka Nani, i oi aku i ko

 

ALIOPE

 

Ka Moiwahine o na l`a o ke Kai.

 

            Ua lilo ia mea hoonaueue i ka noho mana ana o na Moi ana maluna o ko lakou mau nohoalii pakahi.

 

            Ua ala mai la mai la na makaainana e kipi i ko lakou mau Moi u e ka hoao pu ana e hooulu mau i ka haunaele iloko o ka aina, i mea e loaa ai ia lakou ka noho`na lanakila ana e like me ka lahui Aitiopio.

 

            Ua ala mai la na manao inaina iloko o na Poo Aupuni o kekahi mau aupuni mamao, e kii lakou e hopu pio i ka moiwahine e Aitiopio ke kumu nui hoi i ala mai ai ko lakou lahui e kipi i ko lakou mau pono nooilina mai na kupuna mai.

 

            Ua hooluulu ae la he heluna nui o na aumokukaua mai Sepania, Tuleke, Aigupita mai no ke ki@ ana e hopu pio i ka moiwahine a me ke oki pu ana aku i kona poo, no kona hoao ana e hoohaahaa i ka hanohano o ko lakou mau inoa moi.

 

            I ka makaukau ana o na mea apau, ua liuliu ae la lakou no ka holo ana aku no na kapakahakai o Aitiopio, o hoio ana maluna o na wai o ke Kaiwaenahonua, a e komo ana hoi ma ke Kai Eleele a me ke Kai Ula.

 

            O kia hana ana a keia mau aupuni i hana ai, aole ma ke ano akea, aka, ua hana lakou me ka hana mal@ loa, a hiki i ka hehi ana o ko lakou mau kapuai wawae i ka lepo o Aitiopia.

 

            Oiai hoi ka aina o Aiiopia e noho ana iloko o ka nanea nui, aia hoi ua hoopuiwa ia ae la ko lakou noonoo mamuli o ka ike ana mai i ke kauluwela aku o ka moana ai na mokukana e ku ana hoi mai ka Akau a ka hema, mai ka hikina hoi a ke komohana.

 

            Ua lilo ae la keia i mea puiwa loa no na makaainana o Aitiopia oiai lakou e noho ana iloko o ka maluhia.

 

            A i ka nana aku ohuohu ke awa i na aumokukana i ke hele ala a nonanona na i a @o na moku i na kanaka.

 

            I loa no a kuu ka heleuma o ka we no ia i hoouna ia aku ai o ke kaha elele e noi aku ana i ka moiwahine e ha waipio mai.

 

            A oiai ka elele i hoouna la aku la no uka o ka aina, oiai hoi oia kekahi keikialii o Sepania, a he koko alii kiekie hoi kona ma ka hanau ana.

 

            Ua aaku ia oia me na kahiko nanai, a e kaiewa ana hoi kana pahikaua gula ma kona aoao, i omau ia iho o luna o kahi e paa ai o ka lima me na pohaku makamae.

 

            I ka wa o ka waapa o ka elele e holo nei no uka, aia ka moiwahine iluna o kona ale`o o ka halealii kahi i noho ai, i ukali ia e kona mau Kuhina na hoa hoi oloko o kona Aha kuka nalu, a me na alii hanau o ka aina.

 

            E kali ana lakou heaha la ka hana a keia waapa e holo mai nei no uka o ka aina?

 

            Huli ae la oia a ninau aku la i kona mau Kuhina i na paha ua ike lihi aku lakou i ke kumu o ka hana a keia waapa e holo mai nei.

 

            Pane like mai la lakou apau me ka i ana mai he hana nui ka keia waapa e holo mai nei, a me he mea la he alii kiekie ka ohua oluna o keia waapa e holo mai nei.

 

            I loa no a pili ka waapa i ka uwapo o ka lele aku la no ia o ua keikiahi nei inka o ka aina me kona kulana kapukapu aoi.

 

            Hele pololei aku la oia no ka halealii kahi a ka moiwahine e kali mai la o ka loaa aku o ka lono no na mea e pili ana i keia mau aumokukaua.

 

            Ua hiki aku la oia i ka halealii a oia no hoi ka wa a na ukali o ka moiwahine i kii mai ai i ka elele a hookipa aku la iaia ma kekahi rumi nui oloko o ka halealii, kahi hoi e kuka ai i na mea p@ aupuni o ka aina.

 

            I ka wa i komo aku ai o ka elele iloko o ka rumi i hookaawale ia no kona hanohano.

 

            Ua ninau koke aku la oia i na ukalii o ke alii, oiai ua makemake oia e ike i ke alii.

 

            Wahi ana i hele mai nei au e hoike aku imua o kona hanohano, o na aumoku e ku nei iloko o ke awa oia na mokukaua o na aupuni hui o Tureke, Sepania a me Aigupita.

 

            Malalo o ka hanohano o kan hoo mal@ aupuni apa e ke aliiwahine, ua hoohaueue aku oe i paa a oole o ka noho Moi ana o keia mau aupuni ekolu.

 

            A no ia kumu, ua ala mai la lakou me ka manao lokahi e kue i kou aupuni e ke alii, a e hoolilo hoi i keu mau hooponopono ana i mea pololei, aole hoi e like me keia au e hana nei, me ka hoohaahaa pu ana aku i ko lakou mau kanawai maluhia.

 

            Nolaila, o ka lakou kauoha oia a`u e hoike aku nei ia oe me ke kenalua ole.

 

            E haawi pio mai oe ia oe iho mamua o ka hoole`e ia ana mai o na tausani koa lehulehu wale iuka nei o ka aina.

 

            No ka luku a pepehi ana i kou mau makaainana apau, a e hoolilo hoi i keia aina i waoakua one, kahi e noho ai o na holoholona hiliu hae me ka weliweli.

 

            O keia mau olelo a pau a ka elele i hoike mai ia imua o ke aliiwahine ua like ia me kekahi maka kuikele i hou ia aku ma ka pauwai.

 

            Huli ae la oia a ninau aku la i kona mau Kuhina, ka poe hoi nona ka mana e hhiki ke hoohanaia ke manao lakou pela.

 

            Ua pane like mai lakou a pau e pono e haawai ia i manawa no la kou e noonoo ai a hoike aku hoi imua o na aupuni hui ia o Tureke ma.

 

            Ua hoike pu aku la hoi ka Moiwahine, aia wale no ka mana iloko o kona Aha Kuhina a na lakou e ho ke mai kana mea e hana ai.

 

            No keia noia ke aliiwahine, ua hoi aku la ka elele a hoike aku la i na alihikaua pakahi o luna o ia moku kaua, i ko noi a ko waliiwahine e hawaii ia aku i manawa nona e noonoo ai, no kana mau hana e pili ana i ka pono o kona aina a me ka lahui.

 

            I ka wa i loaa aku ai o keia hoike imua o na alihikaua pakahi o keia mau moku, ua hoopiha loa ia lakou i ka inaina i ka elele a lakou i hoouna ai.

 

            A no ia kumu, na hoouna hou aku la lakou he elele hou e hele e hoike aku imua o ke aliiwahine, aone manawa e kali heu ai no kana noi.

 

            O keia elele e lawe nei i ko kano ha, he kanaka oia na aoo ma kona kulaua, a he uahoa ho makana mau halwelaweauw

 

            Kau iho la oia maluna o kekakhi waapa i`ku, ono i kona hanohano a holo polok@ aku la no uka o ka aina.

Ua haawiia aku la na kauoha a pau no ka hooko ana i ka pono ma ka aoaoa o na moku kaua.

 

            Me ke noi pua ia aku o ke aliiwa hine e haawi pio mai oiai i ona kino, i ole, ai e luku wale ia kona lo hui.

 

            I ka wa i hoea hou aku la o keia olelo imua o ka aliiwahine, ua hooholo iho la kona Aha Kuhina e paio lakou a hiki i ka hopena.

 

            Aole loa lakou e ae e haawi pio, aole hoi e uku i na poho o keia mau moku kaua no ka manawa a lakou i kii mai la e kaua no ka pono o ko lakou mau aupuni pakahi.

 

            Ua haawi koke aku la ka elele i na kauoha a kona mau haku, e noi ana hoi, o ka wa e ike ai ke aliiwahine i keia leta, o kona wa no ia e haawi pio koke aku ai.

 

            Ua paue aku la oia ma ka aoao o kona mau makaainana, i ka i ana aku:

 

            Mamuli o ka makemake o ko`u mau makaainana ua konoia mai au e hoole aku i ke noi a na aupuni i hui ia o Sepania ma, a hiki i ke kanaka hope loa.

 

            Ina mamuli o ko`u makemake iho ua aa au e mohai i ko`u kino no ka lahuikanaka.

 

            Iloko o ka manawa pokole wale no, ua piha pu oloko o ke kulana kauhale me na koa, e hiki ole ai ke kaohi aku i ko lakou mau manao makoe no ko lakou aliiwahine a la kou i makee nui ai no kana mau hana ku i ke aloha. 

 

            Huli ae la oia a pane aku la i ka elele me keia mau olelo ku i ke anoano a me ka eehia:

 

            O ke aloha, oia ke kahua o ka lokahi, e ka makee ole i kou pono iho, oia ka mea e holomua ai na hana a pau a ke kanaka e lawelawe ai.

 

            E uaha i keia poe keiki makamae ka poe hoi a ke Akua i haawi mai ai i ka uhane kupaa o ke aloha oia io.

 

            Ka poe hoi no lakou na puuwai i hiki ole ke kuai ia me na ahua dala auka lehulehu o na hale hoahu o Sepania, Tureke a me Aigupita hooluhi.

 

            Ka poe hoi no lakou na kanawai kakauha a me ka hookaumaha maluna o ko lakou mau makaainana @iihune a haahaa loa.

 

            Aole no hoi e hiki i ko lakou mau lua gula hinuhinu a me na pohaku makamae o ke daimana ke kuai i ka puuwai ahonui o kuu lahuikanaka haahaa a piha noomanawanui o ke aloha.

 

            O lakou a pau au e ike aku la, o ka`u poe keiki ponoi no ia, mawaho ae o ka`u hanau kahi, i maopopo ole ia1u kona alahele i nalo aku ai mai ko`u mau maka aku.

 

            Aka, o na lani kona kokua, a nana no e hoihoi pololei mai a hhiki i ko`u ike hou ana aku i kona mau maka, ke ae mai na lani i ka`u mau hua pule.

           

            Ua hoonaue ia ka puuwai o ka elele i keia mau olelo a ka Moiwahine, a ua hiki ole hoi iaia ke kupaa maluna o kona manao uahoa, elike me kona ano mau.

 

            Ma ka hanohano o ka oihana kaua, ua hele aku la oia a kukuli iho la ma na kapuai wawae o ke alii me ka i pu aku:

 

            Mai keia hora aku, mai kapa hou mai oe iau e ke aliiwahine noonoo a piha naauao hoi o Aitiopia nei, he elele a@ no keia mau aupuni hui ia, i hoouna ia mai e hoike aku ia oe,

 

            Aka, e kapa mai oe ia`u, o kekahi makaainaua haaha loa o kou aupuni, e noho ana malalo o kou ma lu ma ke ano he kauwa e hooko aoa i kou makemake.

 

            I keia wa, e weho ana au i ko`u kaniko elele mai ko`u aupuni mai a e oluolu oe e haawi mai i wahi aahu, i kulike me ke ano o kou la hui, ka poe hoi a`u e ike aku nei aia me lakou na kahoaka o ke aloha onipaa a me ka oiaio.

 

            Mamuli o ke noi a ka elele i ka oluolu o ka Moiwahine, e haawi mai i wahi aahu nona.

 

            Ua kauoha koke ae la oia i kona mau aipuupuu e hoaahu koke ia i ka aahu o kekahi kanaka koikoi o ka lahui Aitiopia.

 

            A elike me ke kauoha a ke aliiwahine, pela i hooko koke ia aku ai me ka awiwi nui.

 

            Ma ke a whi, e waiho kakou i ke kamailio ana no ka aliiwahine a me na aumoku kaua o kona mau enemi e hoolula ana a e huli ae hoi kakoa a nana ia Opera a me kana wahine.

 

            Oiai hoi laua ke hoea aku nei ma na kuaau o ka aina hanau o ka mea nona keia hoonanea.

 

            I ka wa a laua e hookokoke aku nei i ka aina, aia hoi, ua lilo keia mea hoopunonohu e nee mai nei no ka aina i mea hoopuiwa i ka man@ o na ahikoa o na aumeku kana.

 

            Me keia mau manao e uluku ana iloko o lakou, ua hoouna ia mai la kekahi waapa e hele  nana pono i keia mea kamahao.

 

            I ka wa a ka waapa e holo aku nei no kahi e keia mea kamahao oia ka wa i hookupololei ia mai ai o ka halelana i kahi a ka waapa e holo mai ana.

 

            Mamua ae o ka hiki ana i na pailaka o luna o ka waapa ke hoohuli ae, ua loaa pono aku la oia i na aoao o ka hale kamahao a pau aku la na mea a pau o luna e ua waapa la i ka nolaila ilalo o ka hohonu o ka moana, e moe ai i ka moe kau a hooilo.

 

            Ua hoomau ia aku la no ka holo ana o ua hale hookalakupua nei a he mau ana wale no elima ke kkaawale mai na moku kaua mai.

 

            Ia wa koke no i haawi ia ae ai ke kauoha i na moku kaua pakai e ki poka aku i keia halo kamahao, a e hoopolo iho iaia iloko o ka wa pokole

 

            O keia kauoha, ua hookoia iloko o ka wa pokole, a aia hoi na poka a pau a ka enemi ke hi-hio ala ma na aoao a pau o ua halelana la i ke kai.

 

            Ua like hoi ka lakou mau poka e ki mai ana me he mau paka ua la ka haluku ma na aoao a pau o ua hale la.

 

            Aka, iloko o keia huina lehulehu o na mea make e hoomau ia mai ne ke @na, aia no ua hale la ke nee ala imua, ma kahi he mau kapuai wale no ka mamao.

 

            Ia wa i pane aku ai o Aperodite ia Oneria, me keia mau olelo:

 

            Auo i keia wa ke hoopii ia mai nei ka enaena o ko`u inaina maluna o keia poe pakaha.

 

            A ke manao nei au e hooneoneo i keia poe moku e walaau mai nei me ka hoolilo ana ia lakou i poe kiai uhane no keia awa kumoku.

 

            O keia mau olelo a Aperodite i pane aku ai, ua like ia me kekahi poka pahu e kamoe ana ma ke alahele o kona mau enemi.

 

            A oia hoi ka wa a  Operia i pane aku ai imua o kana wahine me keia mau huaolelo e hoomaalili ia ai ka inaina wela iloko o ka puuwai o kana wahine.

 

            O ka huhu ua like no ia me ka wai wela i pa tausani ia kona ikaika hoohana.

 

            Aka, ua hiki no ke hoomaalili ia kona ikaika wela a lilo i mea maikai.

 

            Pela hoi o kou inaina a pau no keia poe, mai hoomau aku, elike me kau i hoike mai nei la`u.

 

            E kaaaa pono iho oe, o ka uhane ola a Alane i hookomo mai ai iloko o ko kakou mau kino, he mea loaa ole ia i ka huli ia me ka naauao o ke kanaka. Oiai hoi kela mau moku me na heluna kanaka lehulehu e haiamu ana maluna o ka oneki o keia mau moka.

 

            Nolaila, aole i like ko`u manao me kou, ma ka nooliho ana i ko lakou mau k@n@ makamae i luahi na ka make.

 

            Aka, o ko`u manao, a me ko`u makemake, e hoopaa i ka waha o ka lakou mau mea kaua.

 

            E hopu ola i keia poe a pau a e hoopaa ia lakou a pau iluna nei o ko kaua halealii nani nei, me ko kukulu iho i na moku a me na lako a pau o ka oihana kaua i mau waiwai pio no kuu aina makuahine nei.

 

            I ko kaua wa e pae aku ai i ka aina, o ka kaua makana mua ia e haawi aku ai i ka moi, ka mea e noho hoomalu ana i ke aupuni.

 

UA HALA O PANIELA PUHI

 

            Ma ke kakahiaka o ka Poakolu nei, Mei S, a he mau minute hoi ka paewa ae o ka hora 7, aia hoi ua kii mai la ka mana Kahikolu i Kana o ka uhane a lawe aku la i ke aho, ke kuku o ko ka Makua Rev. Daniela Puhi kuleana ola ma keia ao, ma kona home nohe kuahiwi i ka Uhiwai o Pauoa.

 

            He 80 a oi ka nu o kona mau makahiki, a hoi aku la e hiamaoe pu me ka makuahine honua, a waiho mai la i na inoa luhi o keia ao na a poo i koe.

 

            Oia ka ka Buke nui i olelo ai me ke oiaio, aia he wa no na mea a pau.

 

            Ua waiho iho ola he wahine me na keiki a me na moepuna e @ aku  me ke kanikau nona @ keia ae me ke aloha aina oiaio ola i haia aka la mao.

 

            Ua hoonaauao ia oia, ma ke Kula Nui o Lahainaluna, a oia kekahi o na haumana kahiko loa oia kula i mau mai kona ola a hiki iho la i ko la mehinei.

 

            Ua manele ia aku kona kino lepo a waiho ma ka ilina o ka luakini ma Pauoa. Ke kano pu aku nei ke Kapena a me na luina o ka nupepa KA LEO a me KA OIAIO me ka ohana i hoanele ia i ka makua ole. O ka loa k@p@pau ka ilina o ko kakou ma k@ue pala@.