Nupepa Puka La Kuokoa, Volume I, Number 152, 17 October 1893 — Kahe nui ka Wai Aniani o Makiki. [ARTICLE]

Kahe nui ka Wai Aniani o Makiki.

TJa holopono ka hana o ka pauma Trai mahu mauka ma ba luawai nui ma Makiki. Aia no ka enegine mahu maluna, a o ka pauma aia ilalo loa o ka lua. Ua hoopii ia ka wai a hiki iluna ma kahi o ka 127 kapuai, a hookahe ia aku la iloko o ka luawai nui. He 800,000 ba nui 0 na galani wai o keia puuawai e puapuai mai nei i kela a me keia la, a ua lawa no na paipuwai a pau o kela hapa o Honolulu. He wai ono keia aohe mananalo. Ua pono ke hoopiha like ia na paipuwai a pau o Honolulu 1ka wai aniani, i hiki ai ke hookahe nui ia ka wai ma na pa, aole hoi e aua i ka waī e like me keia wa e hele nei na pa-hale a pau ika maloo. He mea hilahila ka nana ana aku i na pa maikai ma ka pa Hale Mana Hooko a me Aliiolani Hale, ua hele a maloo ka mauu, oiai, ua hele a nui wale ka wai malalo iho o na kapuai wawae o kakou. 0na pauma mahu wale no ka mea i koe e hoohikihiki mai ai ika wai a lawa e like me na pauma wai o Honouliuli ma Ewa, na panma naua e hoopulu la i kela kula panoa wai ole mamua.